روايات حديثة

رواية حب علي ضفاف النيل الفصل السادس 6 بقلم نورهان محمد




رواية حب علي ضفاف النيل الفصل السادس 6 بقلم نورهان محمد 



البارت السادس 
حب علي ضفاف النيل 🕊💙
بقلم نورهان محمد 


آدم أولا كده هنتكلم عن ياسين 

حياه بدموع انا عارفه ان ياسين ابنك ودا امر واقع بالنسبالي

آدم بس ياسين مش ابني

حياه بصدمه ايه

ليقطع حديثهم رنين هاتفه 

آدم الو ايوه ياحمزه طمني

حمزه بدموع انا محتاجك جنبي ياادم

آدم تمام انا جيلك علي المستشفي متتحركش 

حمزه تمام 

ليغلق آدم معه 
ادم بقلق اجهزي ياحياه علشان اوصلك عند ماما لحد ماارجع 

حياه متلهفه هو في حاجه حصلت 

آدم مش عارف بس حمزه صوتوا ميطمنش 
ليكمل يلا اجهزي 

حياه لا انا هقعد هنا احضر الغداء وفي نفس الوقت علشان اتعود اقعد لوحدي في البيت فتره شغلك

ادم وهو يتوجه نحوه غرفتهم ليبدل ملابسه متأكده مش هتخافي 

حياه بتوتر لا ان شاءالله 

بعد دقائق خرج آدم بعدما بدل ملابسه ليكمل وهو يرتدي حذائه 
متتحركيش من هنا اي ان كان السبب ومتفتحيش لحد وانا هبقا ارن عليك كل شويه 

حياه بخوف حاضر 

آدم في حفظ الله 
وتوجه إلي صديقه ليكون بجانبة

في المستشفي 

ترجل آدم من عربيته مسرعا متلهفا إلي الداخل وبعد عده استشارات وصل اخيرا إلي مكان تواجد حمزه
ليجد حمزه يجلس امام غرفه ما وهو ويضع رأسه بين يديه ويبكي بصمت 

آدم بقلق حمزززه 

حمزه بانتباه وقبل ان يتفوه باي كلمه ارتمي بين احضان صديقه 

آدم التزم الصمت لبعد الدقائق كي يهدأ صديقه 

بعد دقائق من استكانه حمزه خرج من بين يديه ومسح دموعه ليهتف بحزن اختي ياادم  

آدم بانتباه مالها حنين انت قلقتني 
ليكمل تعالي نطلع نتكلم بره في الاستراحه

توجهوا سويا إلي الخارج وجلس حمزه واتي إليه آدم ببعض العصائر وجلس بجواره ليهتف آدم احكيلي بقا

حمزه انت طبعا عارف اني عايش انا وحنين لوحدنا من بعد وفاه والدي ووالدتي وانا طبعا لصغر سنها كنت بعتبرها بنتي مش اختي لحد من حوالي شهر لقيتها ابتدت تتعب ويبان عليها

آدم ايوه فعلا انت قولتلي انها كانت تعبانة 

حمزه انا لقيتها ابتدت تشتكي من صداع متواصل وشديد وبدأت تدوخ ومتقدرش تقف والدوخه توصل لدرجه انها ممكن يغمي عليها من التعب والاتزان عندها بقا صعب جدا وعلي طول بتكون مش قادره تقف والرؤيه عندها بقت ضعيفه جدا ومشوشه
طبعا انا قلقت عليها جدا وقولت نروح المستشفي نكشف وطبعا الدكتور طلب تحاليل واشعه اللي كنت قايلك عليها  

والنهارده ظهر اللي كنت خايف منو طلع عندها ورم في المخ

آدم بتسائل حميد ولا خبيث 

حمزه بدموع حميد

آدم طيب الحمد لله انو طلع حميد ليه علاج 
ليكمل وهو يحث رفيقه علي الصبر والايمان بالقضاء خيره وشره
ليكمل وبعدين ياحمزه هو دا الصبر علي البلاء هو دا ياحمزه بدل ما تحمد ربنا انه طلع حميد 
ليكمل انا مقدر اللي انت فيه بس ربنا موجود وان شاءالله هتشفي منو الثقه بالله هتغير كل شئ 

حمزه والله انا مش معترض انا بس خايف عليها دي كل حياتي وانت عارف

آدم وربنا كبير وهيخرجها من المحنه دي علي خير بس انت قول يارب ويلا نصلي ركعتين شكر لربنا انها جات علي قد كده 
ليكمل هي حنين فين دلوقتي 

حمزه بتعمل اشعه علشان العمليات 

آدم تمام يلا نصلي وبعدين نروح نستناها 

حمزه تمام

بعد دقائق انتهوا من الصلاه وتوجهوا لينتظروا خروج حنين 

آدم بهدوء انا هقوم اكلم حياه اطمنها 

حمزه تمام 

ترجل آدم وامسك بهاتفه ليخرج اسما وينتظر الرد

حياه بهدوء السلام عليكم 

آدم بهدوء وعليكم السلام ورحمة الله وبركاته 
ليكمل عامله ايه

حياه الحمد لله بخير 
لتكمل انت بخير

آدم ايوه الحمد لله انا بخير بس اخت حمزه هتدخل عمليات واحتمال اتأخر 

حياه بلهفه طيب وهي عامله ايه دلوقتي 

آدم مش عارفه بيجهزوها علشان العمليات 

حياه بحزن لما تخرج من العمليات طمني عليها 

آدم حاضر
ليكمل بحزن انا قلقان عليك من قاعدتك لوحدك 

حياه متقلقش انا الحمد لله بدأت اتجاوب مع القاعده لوحدي في الشقه وكمان لسه الجو نهار يعني مش هخاف زي بليل 

آدم تمام وانا هحاول ارجع بدري 
ليكمل بقولك ياحياه

حياه اتفضل 

آدم راجعي الورد اللي اتفقنا عليه هسمعلك ورد انهارده وامبارح

حياه حاضر ان شاءالله 
لتكمل في حفظ الله مع السلامه

آدم الله يسلمك ليغلق معها ويعود للجلس بجوار صديقه 

بعد وقت خرجت حنين من الغرفه وهي شبه فاقده للوعي

حمزه بلهفه حنين حبيبتي افتحي عيونك

آدم وهو يمسكه اهدي ياحمزه خير ان شاءالله 
ليكمل ها يادكتور خلاص علي العمليات

الدكتور ايوه خلاص هي حاليا داخله العمليات دعواتكم

آدم بتسائل هي العمليه دي فيها خطوره

الدكتور لا ان شاء الله خير ومش هيكون في خطوره احنا هنشيل الأورام اللي موجوده وبعدين هنشوف هتحتاج كيماوي ولا لا 

آدم موفقين يادكتور 
ليكمل أملنا فيكم بعد ربنا 

الدكتور ان شاءالله 

دخلت حنين العمليات وكان في انتظارها حمزه وآدم امام الغرفه 

لتمر الدقائق ومن بعدها الساعات ومازال حمزه في حاله القلق المسيطره عليه حتي انه كاد ان يسقط أرضا من شده خوفه

كان آدم ينظر بقلق علي حاله صديقه

ليرتفع الآذان في هذه الاثناء 
آدم قوم ياحمزه تعالي معايا

حمزه بحزن اقوم اروح فين 

آدم هنروح المسجد اللي هنا دا ونصلي وربنا كريم وان شاء الله هتخرج منها بالسلامه

حمزه يلا آدم 

بعد دقائق كان يقفان يؤديان صلاه المغرب 

بعد قضاء فرضهم صلي حمزه ركعتان قضاء حاجه وظل ساجدا لبعض الوقت يدعوا بخشوف والدموع تغطي وجهه من كثرتها

بعد دقائق كان يقفان علي ترقب ينتظروا خروج احدي الأطباء 


حمزه اتاخروا اوي دلوقتي بقالهم ثلاثه ساعات ليقطع حديثهم خروج الدكتور ليهتف بابتسامه الحمد لله العمليه نجحت والانسه حنين بخير حاليا

ليهوي حمزه أرضا يسجد سجده شكر لله سبحانه وتعالي 

آدم طيب وهي دلوقتي فاقت نقدر نشوفها

الدكتور ايوه بس لسه هتكون تحت الملاحظه اربعه وعشرين ساعه تقدروا تشوفوها لما تتنقل لاوضه تانيه  

آدم تمام يادكتور

اطمأن آدم علي رفيقه واخته أيضا ليهتف حمزه بتعب روح انت ياادم انت تعبت انهارده 

آدم لا انا مقدرش اسيبك في حاله زي دي

حمزه اكيد مراتك لوحدها دلوقتي وبعدين مش هيكون في مرافق غير واحد وانا لو احتجت حاجه هكلمك

آدم بجد ياحمزه 

حمزه ايوه والله
ليكمل انا مش هنسالك وقفتك معايا دي

آدم كده ياحمزه هو في الكلام دا بين الأخوات وبعدين دي أقل حاجه بين الاخوات 
ليحتضنه حمزه بشده هاتفا بحب ربنا يباركلك ياادم

آدم بحب ياارب ياحبيبي

ليترجل آدم الي الخارج بعد الاطمئنان عليهما



في شقه آدم 

ترجل آدم بهدوء إلي الداخل ليجدها تصلي فرضها 

لتنتهي حياه وتنظر إليه بقلق اخت صاحبك عامله ايه انا والله عماله اصلي وادعيلها تقوم بالسلامه طمني عليها

آدم بابتسامه هي الحمد لله بخير 
ليكمل ايه الطيبه دي ياحياه ليقترب منها ويقف أمامها وينظر إليها لبعض الوقت هاتفا بحب انا بشكر الصدفه اللي عرفتني عليك 

حياه بكسوف وهي تدير وجهها للجهه الاخري بكسوف من نظراته وكلماته 
لتكمل برقه وانا كمان بشكر الظروف اللي عرفتني عليك 
حياه بتذكر اه صحيح انت اكيد تعبان دقايق عليي ماتاخد دش العشاء هيكون جاهز

آدم تمام ياحياه

تناول آدم طعامه وجلس ينظر إليها لبعض الدقائق 
ليكمل بتسائل حفظتي وردك اليومي

حياه بنشاط ايوه وجاهزه اسمع

آدم تمام ابدأي 

قصت عليه حياه ماحفظته 

آدم باعجاب ماشاء الله عليك بتسمعي بالاحكام وصوتك اللهم بارك عذب في القرآن

حياه بكسوف بجد

آدم ايوه اللهم بارك

حياه تمام هتبدأ تسمع انت كمان

آدم ايوه ان شاء الله 
لينتهي هو الاخر هاتفا بحب علي فكره ليك عندي مفاجأه 

حياه بفرح طفولي ايه 

ادم بابتسامه وهو يخرج شئ ما من خلف ظهره 
هاتفا ايه رائيك

حياه الله شيكولاته وكمان النوع اللي بحبو

آدم بجد انا اخترتوا كده بالاحساس

حياه تسلم بجد

ادم بعد دقائق احنا عايزين نتكلم شويه

حياه تمام ابدأ وانا سمعاك

ادم اولا كده وقبل كل حاجه الواقع دا احنا مش هنقدر نغيروا باي شكل كان 

حياه تمام

آدم انا هحكيلك من الاول خالص 

حياه بانتباه اتفضل 

آدم انا كنت في آخر سنه في كليه الهندسه واميره كانت في سنه اولي في كليه علوم واتقدملها عريس 

حياه اكتفت ان تنظر بدهشه بدون ان تتفوه ب حرف 

آدم ايوه اميره مش مراتي اميره اختي 
ليكمل اتقدملها الظابط زياد منصور وطبعا احنا قي بدايه الامر رفضنا وقولنا لسه صغيره وهكذا
بس هو صمم واتقدم كذا مره وطبعا هو قابلني واتكلمنا ولقيت انو كويس وهيقدر يسعدها وبعد اصراروا دا خلاني اديلوا فرصه انهم يقعدوا ويتكلموا وخصوصا اني شفت انو محترم وعلي خلق ومتدين ودا شدني جدا وقلت لو حصل قبول يبقا خلاص وطبعا كان اهم شئ عندي الزوج الصالح لاختي  
وكل حاجه تمت وهي وافقت علي الجواز قولت خلاص اطمن علي اختك مع جوزها واتجوزوا وكنت بعتبروا اخ كبير وعلي قد الفتره البسيطه اللي عرفنا بعض فيها بس كنا اكتر من الاخوات وطبعا الجواز متمش غير بعد ما خلصت سنه اولي بكذا شهر وبعد فتره بسيط من الجواز عرفنا انها حامل وبعد عشر شهور جواز الاستاذ ياسين شرف علي الدنيا وكانت احلي حاجه حصلت في حياتنا وبعد شهرين جات الصدمه وهي وفاه زياد ابو ياسين بعد شهرين من ولاده ياسين

كانت حياه تسمع حديثه والدموع تغطي وجهها بالكامل من كثرتها

ادم بحزن والدموع تلتمع في عينيه ليكمل كان في ماموريه واتقتل طبعا اميره دخلت في حاله نفسيه صعبه هي كانت شبه اتدمرت مقدرتش تدخل الامتحانات وكانت محطمه وكان ياسين لسه صغير طبعا كل اللي انا وماما بنعملوا اننا نخرجها من حالتها دي باي طريقه 
ومر ايام وشهور وابتدي ياسين يكبر ويبدأ يتحرك يتكلم 

طبعا انا قولت لاميره ان من بعد وفاه جوزها ان ياسين دا من دلوقتي ابني وانا اللي هربيه وهكون في مقام ابوه بالظبط ودا اللي حصل وحاليا هو عندو خمس سنين طول الفتره دي بيتعامل اني ابوه 

ليكمل وهو يقترب منها وهو يمسح لها دموعها ويمسك بيديها وينظر إليها طبعا انا شوفت حاجات كتير في عينيك لما سمعتي ياسين بيناديني ب بابا بس طبعا انا مقدرتش افصرلك دا قبل الزواج لان كل حاجه جات بسرعه بس انا لا يمكن كنت اخدعك واتجوزك ويكون معايا ولد من غير مااعرفك 
ليكمل دلوقتي انا حكيتلك كل حاجه وتقدري تتكلمي دلوقتي  

حياه بدموع انا مش عارفه اقولك ايه غير انك بتكبر في نظري كل يوم عن اليوم اللي قبلوا وحقيقي انا فخوره اني مراتك انا شوفت فيك حنان وطيبه وجدعنه وأخلاق وتدين اي بنت تتمنها في شريك حياتها وحقيقي انا بحمد ربنا علي كل حاجه وعلي الظروف اللي خلتنا نتقابل 
لتكمل وانا علي فكره مقدرش اتكلم بعد الكلام اللي قولتوا دا بالعكس انا هكون داعم ليك انك تكون احسن اب في نظروا وفي نظر الدنيا كلها 

آدم وهو يحتضنها ربنا يخليك ليا حقيقي انتي عوض ربنا ليا

حياه بحب ربنا يخلينا لبعض 
ليسود صمت لبعض الوقت 

حياه برقه وهي تنظر إليه انت اكيد تعبان يلا قوم نام علشان تروح الصبح لصاحبك

آدم فعلا انا عايز انام 
ليكمل هقوم اصلي القيام وبعدين انام 

حياه هو انت مواظب علي صلاة قيام الليل 

آدم ايوه بقالي كام سنه والحمد لله 

حياه ماشاء الله 
لتكمل انا هقوم اتوضي واصلي 

آدم تمام ثوابها كبير احنا عايزين نلتزم ونعين بعض 

حياه تمام ان شاء الله 

لينتهي اليوم وكل منهما اتجه لينال قسطا من الراحه 



في الصباح 

استيقظت حياه من قبله وصلت فرضها وتوجهت إلي المطبخ لتحضر الطعام 

بعد دقائق 

حياه برقه آدم آدم اصحي الفطار جاهز

آدم بدهشان حاضر

حياه يلا ياادم الفطار هيبرد 

آدم صباح الخير ياحياه 

حياه بابتسامه صباح النور ياادم 
لتكمل اجهز بقا وصلي علي ماانا اجهز الاكل علي السفره 

آدم تمام 

بعد دقائق انتهوا من تناول الفطار 

آدم انا طبعا ياحياه هكون مع حمزه انهارده طول اليوم ف علشان متزهقيش من القاعده لوحدك ممكن اوصلك عند ماما واميره وانا راجع اخدك ونرجع علي هنا 

حياه بسعاده تمام دقايق وهكون جاهزه 

آدم بابتسامه تمام 

وقف آدم بعربيته امام المنزل وترجلوا سويا إلي الأعلي 

لتفتح بهما اميره 

اميره بابتسامه ايه النور دا كلو اتفضلوا 

ترجلوا إلي الداخل 

اميره والله كنت لسه هكلمك واقولكم تيجوا نقعد علشان انا عايزه اتعرف علي حياه 

حياه بابتسامه وانا اكتر 
لتكمل بمرح هقعد معاك اليوم كلو لحد ماتزهقي

اميره لا انا مقدرش ازهق منك داانتي حبيبتي 

آدم بمرح يسلام اروح انا بقا 

اميره وهي تحتضنه داانت الغالي ياادم 

كانت حياه تنظر إليهم بابتسامه 

لتتوجه نحوها وتحتضنها أيضا لتهتف وانتي مرات الغالي ياحياه

حياه بحب حبيبتي انتي
فهذه الأجواء العائليه لم تشعر بها حياه من قبل 

آدم وهو يلتفت حوله امي فين 

اميره اكيد بتصلي 

آدم تمام هدخل اسلم عليها علشان همشي 

اميره هامشي تروح فين 

آدم حنين اخت حمزه عامله عمليه ولازم اكون معاه انا هسيبلك حياه اهو هتغنيك بقا وتونسك 

اميره اذا كان كده ماشي 

سلم آدم علي والدته وأثناء حديثه مع حياه قطعها رنات هاتفه

آدم باستغراب الووو 

الطرف الآخر ........

آدم بعصبيه انت ....
♥︎♥︎

رابط البارت السابع
مدونة الرسم بالكلمات
بواسطة : مدونة الرسم بالكلمات
تعليقات



حجم الخط
+
16
-
تباعد السطور
+
2
-