في احد مطاعم الجيزة...
آسر بص لمريم بنت خالة اسراء:احم... ممكن اتكلم دقيقة مع اسراء على انفراد...!!؟
مريم سكتت شوية وبعدين قالت:تمام هروح الحمام اظبط الطرحة والميك اب تكون اتكلمت معاها...
آسر:شكراً
مريم مشيت واسراء كانت ساكتة مش عارفه تقول إيه خالص...
آسر:احم احم... طبعاً اكيد إنتي متفاجئة من اللي حصل الأسبوع اللي فات...ازاي الخطوبة تمت بسرعة...ومعاكي حق إنك تفكري إني مجبر على الخطوبة دي...هه...بس لأ الحقيقة عكس كده تماماً... الحقيقة هي...واخد آسر نفس عميق عشان يهدأ من نفسه ويقدر إن هو يعترف بحبه... لأن الاعتراف بالحب مش سهل،الانسان محتاج شجاعة كبيرة عشان يعترف بحبه... والحقيقة هي إن انا بحبك من أيام ما كنا أطفال...أو ممكن نقول إني معجب بيكي وبشخصيتك...واضاف بتوتر...مش عارف حب ولا اعجاب بس كل اللي أعرفه... إن من وأحنا أطفال وإنتي ليكي مكانة خاصة في قلبي... مكنتش بتحمل زعلك...ولما بعدت عشان الدارسة...مش فارقتي بالي...كل ما كنت باجي البيت كنت بدور عليكي في كل مكان ب أمل إني اشوفك...بس للأسف مكنتش بلاقيكي...ولما شوفت من فترة في الشركة حسيت بشعور غريب...حسيت بدقات قلبي السريعة... اللي كنت شاكك إن كل اللي حواليا سمعها...كنت سعيد ومش عارف سبب سعادتي...وكل اللي انا فاهمه... إني بحبك...من وقت ما كنا أطفال...زي ما مالك حب ميساء من الطفولة...كذلك الأمر انا...!!!
اسراء كانت بتسمع ليه وكان مع كل كلمة بتزيد صدمتها...وبيتغير حاجة جواها...هي يمكن المهم عندها الفلوس...لكن هي في الآخر عندها قلب...والقلوب مش بتخضع للفلوس...لأ القلوب بتخضع للحب وده اللي حصل مع اسراء بعد كلام آسر... اختلاف عقلها مع قلبها...عقلها مختار الفلوس...وقلبها مختار الحب...ونهاية صراع العقل والقلب دائماً معروفة...وبيكون الفوز للقلب...بس يا تري في حرب اسراء هيفوز القلب كالعادة ولا هيفوز العقل...!!؟
آسر بهدوء:مش عارف جبت الشجاعة منين إني أقول الكلام ده...بس انا مش عايز اضغط عليكي...يمكن مشاعرك مش زيي...بس انا هديكي الفرصة... اللي تتعرفي فيها عليا...اترتحتي ليا هنكمل مع بعض...لو لأ...انا أكيد مش هجبرك إنك تعيشي مع حد مش بتحبيه...!!؟...ومش مطلوب منك تردي عليا دلوقتي...ليكي كل الوقت...
اسراء هزت راسها بالموافقة على كلامه...من غير ما تفتح بوقها وترد عليه... لأنه لو اتكلمت هتقوله كل حاجة ناوية تعملها...!!؟
سارة خرجت لحازم:الله يخربيتك...كان لازم تقولي صحيها...اديها فتحت عياط
حازم دخل بسرعة بقلق لاسيل...
كانت اسيل بتعيط زي العيال الصغيرة وهي بتردد إسم فريده
حازم جاب كرسي وقعد قصادها
حازم بهدوء:أسيل...أسيل...بصيلي...أسيل...اسمعيني...انا دلوقتي فاهم سبب حالتك دي ركزي معايا كده واهدي...واضاف بمرح... وإلا أقسم بالله هضربك وابهدلك ومش هتعرفي تدخلي الامتحانات
سارة ب استفهام:ولاااا انتوا تعرفوا بعض من ايمتا...!!؟
حازم بصلها وقال بنبرة مازحة:إنتي مالك حاشرة مانخيرك ليه ما تقفي وإنتي ساكتة
سارة بغيظ قالت بدراما:اصوت وألم الناس يعني...ربنا يعين اللي عايشين معاك يا بعيد هه
حازم:لأ اسكوزمي...اياك تقوليلي يا بعيد...وبص لاسيل... عشان هي هتبقي تقولي كده عشان نبقي ثنائي
«البعيد والبعيدة»
أسيل ضحكت أول ما قال كده
حازم بص لسارة:ضحكت يبقي عجبها اسم الثنائي «البعيد والبعيدة»
حازم بجدية:هااا يا بعيدة...يا كائن النوم...يلا في الفرح تنامي...تعملي إنجاز تنامي...تحزني تنامي...تأكلي تنامي يلا بتنامي في أي فرصة...كفاية نكد بقي
سارة:ههههه...لأ حلوة دي بتنام في أي فرصة...!!؟
حازم:اسكتي يا خاينة... قصدي يا سارة...كانت تقعد تندب قد كده لو معرفتش تحل مسألة واقعد أشرح وافهم ودي نشط الآن...بترد عليا بقي تاني يوم وتقولي معلش نمت...وموال تحل المسألة وترجع تنام...انا حاسس إنها بتصحي 10 ثواني بس في اليوم (انا واتنين تانين في الكوكب زي أسيل)
أسيل:طب لو سمحتم برا عشان نعسانة
حازم:يختيييييييي يختيييييي بردو نعسانة...يا بنتي قومي وخليك مفيدة في حاجة روحي شوفي ابن اختك بعد ما رجع ولا اعملي حاجة مفيدة وقومي ذاكري يا بعيدة حرام عليك الامتحانات قربت... روحي يا شيخة منك لله...هتشليني معاك مانتي لو سقطي انا هضيع...لا هيبقي في خطوبة ولا جواز
أسيل:أولا متعملش زي ماما وتزن عليا اذاكر عشان مضربكش دلوقتي... ثانياً مالك مخطوف... ثالثاً اختي تعبانة وانا زعلانة عليها رابعاً مين قالك اني هتجوز عيل أهبل زيك غور ياض من هنا
حازم بتمثيل الصدمة:ياض...!!!...هيكون لينا بيت وهربيكي فيه...انا هفضل ساكت دلوقتي...واضاف بمحاولة التشويق...اسكتي يا بعيدة ده انتي فاتك كتير اوووي...فاتك فيلم هندي أقسم بالله
أسيل بلهفة:فاتني إيه فاتني إيه... فريده ماتت وعمر فضل يعيط وبعدين صحيت تاني
سارة:هههههه...لأ مش هقدر أكمل معاكم يا هبل إنتو انا طالعة برا هتموتوني...ااااه بطني وجعتني من الضحك ... وخرجت سارة...
حازم:لأ اللي فاتك يا بعيدة اقوي بكتير ده إنتي فاتك نص عمرك والنعمة
أسيل بفضول:ما تخلص يا جدع إنت فاتني إيه...!!؟
حازم:الأول اوعديني مفيش نكد وعياط
أسيل:تمام وعد بس قولي ع الفيلم اللي حصل
حازم: عارفة فيلم judwaa!?
أسيل بخيبة أمل:حيوان...كنت بتضحك عليا
حازم:يا بنتي اسمعي للآخر عارفة الفيلم ولا مش عارفه اصل اللي حصل زي الفيلم بالظبط
أسيل:أيوة عارفه...يلا قول حصل إيه
حازم:بصي يا ستي جوز اختك عمر ده عارفه...!!؟
أسيل:يخربيت غبواتك يا اخي...هيكون جوز اختي وانا مش عارفه
حازم:معاك حق...المهم عمر ده...عنده توأم إسمه مالك
أسيل:أيوة مالك ميت...!!
حازم:بالظبط ميت...هو ده الهندي اللي بقولك عليه...مالك ده عايش وكان جنبي أصلا طول السنين دي كلها...وهو اللي كان خاطف ابن اختك...ولسا حاصل من شوية حتة دين مشهد درامي...وبدل ما الاخوات يحضنو بعض اخوك الحمار...اقصد يوسف اخوكي...عك الدنيا وقال لعمر إنه هو اللي خطف إبنه وكده...بس كان حتة دين مشهد تدمع له العين بجد
أسيل بعدم تصديق وصدمة:احلف
حازم:أقسم بالله زي ما بقولك
أسيل:لأ بتهزر... أكيد إنت بتضحك عليا...مش معقول
حازم:والله ابدا هو ده اللي حصل
أسيل بغضب:وانت يا زبالة جاي تقولي بعد ما ده كله يخلص...المهم قولي عمر عمل إيه عيط ولا إيه...قولي بسرعة
حازم:لأ ده أهبل ما عملش حاجة سابنا ومشي من غير ما ينطق كلمة
أسيل ربعت رجليها وهي قاعدة ع السرير:لأ يا باشا إنت تقولي كل حاجة بالتفصيل الممل عشان انا لازم اعرف وبعدين تاخدني لمالك ده بسرعة عشان انا لحد دلوقتي مش قادرة اصدق اللي بيحصل
حازم:اشطا اسمعي****وبس هو ده اللي حصل
اسيل صوتت بحماس:ييييييييياي مش قادرة اصدق...!!؟
حازم اتنفض من صوتها وقال:يخربيتك وبيت اليوم اللي عرفتك فيه...
أسيل:يلا قوم بسرعة انا لازم اشوف توأم عمر ده اخلص يابني
حازم قام ومشي معاها.....
يوسف:اتغير متأخر...اتغير بعد ما دمر طفولتنا...اتغير بعد ما سرق مننا طفولتنا...هو تغيره ده ممكن يعوض لينا طفولتنا المسروقة... ممكن يعوض طفولتنا اللي خسرناها...هاااا ردي عليا...!!؟
شهد بعد صمت:مستحيل ترجع الطفولة مستحيل كمان شفاء جراح القلوب...لكن الأكيد إن فيه حاجة إسمها مسامحة...ولما تسامحه...وتقرب منه ممكن تصنع طفولة في الوقت الحالي...ويمكن والدك حس بغلطه وده في حد ذاته كويس حتي لو عرف متأخر بس المهم إنه عرف...حاول تديه فرصة...و..
مكملتش كلام وسمعت صوت اشعارات كتير وكانت اشعارات عن استلام رسائل وكان تليفون يوسف
شهد جابت الفون من وراها وجات تديه ليوسف بس لفت نظرها القلوب الحمرا جنب الإسم...
يوسف:سبيه مش عايز اشوف حاجة
شهد شاورت ب ايدها بمعني اسكت خالص...
كانت رسائل متسجلة برقم متسجل My Love...All İ Have ♥️♥️♥️♥️
شهد فتحت الرسائل
"يوسف مبتردش ليه"
"رد يا يوسف والا والله هرن على مراتك واقولها ب علاقتنا"
"على فكرة انا مش بهزر...مانا مش هسمح إن ابني يعيش من غير اب"
"طيب ماشي انا هرن في خلال دقيقتين لو مردتش هكلم مراتك وهقولها بخيانتك...يا محترم"
شهد بصدمة:انا مش مصدقة... بتخوني يا يوسف!!؟... للدرجة دي...لأ وكمان حامل...انا كان قلبي حاسس...!!
يوسف رفع حاجبه بعدم فهم:بتقولي إيه...!
شهد ادته التلفون وقالت بعياط:اتفضل أقرأ وشوف يا خاين دي حامل منك...وانا اللي وثقت فيك... للأسف طلعت خائن زي باقي الرجالة...!!؟
يوسف قرأ الرسايل بصدمة وبص لشهد وكان في الوقت ده الرقم بيرن...
يوسف بعد استيعاب:اهدي يا تافهة هفهمك
شهد بعياط:هتفهمني إيه...طلقني يا يوسف...انا مش عايزة اشوف وشك تاني...وجات تقوم بس يوسف كان أسرع وكتفها في حضنه وبعدين رد على المكالمة وفتح الاسبيكر
يوسف بغضب:إنت يا زبالة هكرت بريدي الالكتروني ايمتا
سام بمرح:من زمان...ثواني بس...وبص سام للفندق وقال باللغة الإسبانية..."Oh vida aburrida, adiós" "أيتها الحياة المملو،وداعا"
يوسف بغضب شديد:إنت يا زفت رد عدل هكرت بريدي الالكتروني ايمتا وايه اللي انت متنيل باعته ده وكمان مسجل نفسك كده إزاي إنت عبيط ياض
سام:ابوس رجلك اتكلم بالراحة...إنت شايفني بفهم كويس وإنت هادي عشان أفهم وانت متعصب... بالراحة عليا...وانا مهكر بريدك من زمان ومش غيرت اسمي يا أستاذ...انا سجلت نفسي بالرقم المصري عشان انا هنا في مصر يخويا وبقالي اسبوع بتنيل ارن وحضرتك مش معبرني ف جات في دماغي الفكرة الخطيرة دي...وشوف رديت من أول مرة ولك يقبرني ما اذكاني...!!؟
يوسف:عارف يا سامر...انا لو لمحتك قدامي عارف ممكن اعمل إيه...!!؟
سام:اهدي كده يا كبير عشان انا هقعد قدامك فترة كده ولا حاجة...عبال ما اشوف مكان أقعد فيه في مصر عشان قررت استقر
يوسف بفزع من الفكرة:لاااااا...إنت تاخد أول طيارة
وتشوف إنت هتروح فين...مصر وحشة والجو هنا حر وانت بتكرهو...!
سام:تؤتؤ مصر حلوة...وفي اهرامات وفي تكيف...انا خلاص هستقر هنا مع مراتي حبيبة قلبي...
يوسف:لا اسمع كلامي مش بهزر التكيف بيفصل في النهار والجو حار ارجع سافر إنت مش حمل جو مصر
سام:هي كلمة ومش هتقع الأرض انا هقعد هنا...
يوسف:طيب انت شكلك سحبت حجز الفندق صح...!!؟
سام:يا ابن الايه عرفت إزاي
يوسف:طيب تمام...ابقي وريني هتوصل ليا إزاي يا متخلف إنت انا مش فاضيلك...باي باي...وقفل في وشه
يوسف بص لشهد:أيوة انا خاين...أيوة يختي ياللي قلبك حاسس
شهد بخجل:حبيبي انا آسفة...بس إنت شايف الرسائل عاملة إزاي...
يوسف:قومي من قدامي احسنلك
شهد بتصنع البراءة:انا آسفة بقي ماهو الصراحة الكلام يحرق الدم وشوف وضعنا بقي العقل بقي مش شغال
يوسف:قولت قومي من قدامي
شهد حضنته بحزن حقيقي:انا آسفة والله انا عارفة إني دي مش أول مرة اعمل كده ودائما بقولك الكلام ده وانت دائما بتعدي...بس عشان خاطري متزعلش مني انا بحبك اوي...ومقدرش أعيش من غيرك...فكرة إنك ممكن تبعد عني بتقتلني صدقني...انا آسفة عشان خاطري متزعلش
يوسف وكالعادة مقدرش يقسي عليها وبادلها الحضن:هسامحك بس بشرط!
شهد خرجت من حضنه:شرط إيه
يوسف بصلها وابتسم بخبث:هقولك...
*************
مالك:يلا عشان هنرجع
ميساء ب استفهام:مش هتستني عشان تتكلم مع اخوك...وكملت بخوف...يعني مش هتقعد مع عيلتك بردو...!!؟
مالك:هه عيلتي ازاي وانا مش قادر افتكرهم... لأ وكمان مش قادر افهم أخويا...انا أصلا تايه ومش عارف حاجة...انا هرجع من مكان ما جيت لحد ما افتكرهم ع الأقل... وكده كده انا فعلاً زي ما قولتي انا الوحش مش هما...كنت خايف ادور على عيلتي وخايف منهم وهما مين كويسين ولا لأ... ومكنتش شايف إن انا الوحش...مش هما...!!؟
ميساء تصنعت عدم المبالاة بمهارة:انا همشي مع حازم...
مالك بهدوء:طب انا عايز اتكلم معاكي...انا مقصدتش خالص اللي عملته... مكنتش عايز اعمل كده ولما سبتك وكل حاجة...انا عملت كل ده لاني بحبك كنت بحميكي وبس واعترفت ليكي بكل حاجة عشان ميبقاش بينا حاجة...انا صارحتك بكل عيوبي...عارفة قولتلك ليه...قولتلك عشان عايز اتغير عايز أخرج من العالم إللي دخلت نفسي فيه بغبائي...وانا مش هقدر غير بيكي إنتي... ميساء على فكرة إنتي كل عالمي...إنتي كل حاجة... أكتشف إني عندي عيلة واخ وام واخت...لكن إنتي لسا كل عالمي...حاولي تكوني جنبي...لأني أنا دلوقتي ب أشد الحاجة ليكي...انا عايزك جنبي صدقيني...انا روحي بتتحرق...كل ما بشوف نظرتك الباهتة دي والخالية من المشاعر وكمان تصنعك للبرود...انا مش قادر صدقيني...حاسس إن روحي بتتسحب مني وجع قلبك ده...في قلبي أضعاف وجعك متعمليش فيا كده... قوليلي اعمل إيه عشان تسامحني...عايزة جنبي...عايز اكون جنبك في عالمك...اعمل إيه عشان تسمحيلي اكون جنبك وتكوني جنبي
ميساء بسخرية وبرود اتعلمته منه:عالمي...بس إنت دمرت العالم اللي إنت عايز تكوني جنبي فيه... ببساطة معنديش عالم ادخلك فيه....وختمت كلامها بنظرة حارقة....
قطع جوا النظرات ده حازم
حازم:يا أهلا بالناس الحلوة... اخباركم ايه...كام كام المباراة بينكم هااا...!!؟
مالك بغضب وكأنه ما صدق يلاقي حد ينفذ غضبه عليه:أخرس يا حيوان إنت...
أسيل خرجت من ورا حازم وقالت بعدم تصديق: فعلاً مش بتكدب يا حازم ده فعلاً توأم عمر...عينيه زي شهد والساحرة الشريرة بالظبط (زينب هي الساحرة الشريرة)
حازم ب استفهام:بت مين الساحرة الشريرة دي
أسيل:أمه...
حازم:وبتقوليها في وشه
أسيل:عادي يبني فريده قالتها لعمر كتير...وقالت بهيام...مش يمكن دي إشارة إني أنا وهو مكتوبين لبعض يبقي انا وفريده سلايف...
حازم:كح كح كح... إنتي بتتنيلي تقولي إيه...!!؟...اتعدلي يا أسيل انا مش كيس جوافة...!
أسيل: إنت مالك بيا يبني...فكك مني بقي
حازم:هو بصي يبنتي إنتي اتشقلبي واعملي براحتك كل اللي نفسك فيه بس هي كلمة هقولهالك...انا بحبك ومش هسيبك
أسيل بعد فترة من الصمت ومحاولة الاستيعاب: أهبل والنعمة امشي انجر روح وهات عمر وأبيه يوسف خليني اتصور معاهم عشان هما قمر وانزلها استوري وأزل صحابي
حازم قعد بصدمة:انا مش هتكلم ولا هتحرك
مالك وميساء الاتنين اكتفوا بمشاهدتهم وبس
***********************
كانوا واقفين هما الاتنين ومتخفيين زي اللصوص
شهد بهمس:إنت هتسبب في قتلنا على فكرة
يوسف بنفس الهمس:معلش يا حبيبتي بس لازم تخرجي اخوكي من جوا وتبعدي ساعة وانشالله عشرة وهسامحك بس بسرعة مفيش وقت
شهد بهمس:بس مش حرام اللي هتعمله في عمر ده مش شايف الواد يا حبة عيني تعبان ازاي...متعملش فيه كده
يوسف بهمس: لأ خليه متبهدل كده شوية... وبعدين إحنا بنتكلم بصوت واطي ليه...!!؟
شهد:معرفش بس هما بيعملوا كده في المسلسلات...!!
يوسف:طب شرفي قدامي يختي إحنا ولا كأننا حرامية وانا زي الاهبل بقلدك
شهد:ماهو لازم نعمل شوية دراما اصل اللي هعمله مش سهل
يوسف:كل الموضوع هتاخديه وتروحوا الكافتيريا نص ساعة ولا حاجة...!!؟
شهد:معاك حق حاجة سهلة الصعب إنه يعرف اللي حضرتك بتعمله...وقالت بتوقع المستقبل...الله يرحمك يا يوسف يا حبيبي كنت طيب..
يوسف:لا حول ولا قوة إلا بالله انجزي يا شهد كلها 10 دقائق وهيعرف لو حضرتك ما عملتيش اللي بقولك عليه...
شهد:خلاص يلا
يوسف قعد على الكرسي اللي قدام اوضة فريده وشهد شاورت لعمر من الزجاج....
عمر خرج لشهد بتعب:نعم عايزة حاجة...لو جاية يا شهد تقولي حاجة بخصوص النهاردة ف بلاش... عشان مش عايز اعرف حاجة...!!
شهد:ومين قال كده انا مش هقول حاجة وقت ما تبقي عايز تعرف حاجة انا أكيد هبقي اقولك...ومسكت أيده... دلوقتي تعالي معايا عشان تأكل حاجة عشان شكلك تعبان...
عمر شال ايده من أيديها:لأ مش عايز يا شهد انا هفضل هنا ومش عايز اسيب فريدة وحدها...
شهد شاورت على يوسف:مش هتكون لوحدها... وبعدين انا جعانة اوي ومش هاكل غير لما تاكل معايا...!!...حرام عليك ده انا عايشة على المحاليل من أسبوع تعالى معايا بقي عشان خاطري يا عمر...
يوسف بص لشهد نظرات اعتذار لأنه مخدش باله من كده وادرك ده بعد كلامها وهي بصتله نظرة بطمنه فيها وبتقوله إنها كويسة...
عمر ب استسلام بص ليوسف:شوية وهرجع اوعي تتحرك من هنا لأي سبب مهما كان...واضاف بتأكيد وتحذير...اوعي تتحرك يا يوسف
يوسف ادرك كده إن فعلاً عمر مخبي عنه حاجة وهز رأسه بموافقة على كلام عمر...
ومشي عمر مع شهد بمجرد ما عمر مشي يوسف دخل بسرعة لفريدة
يوسف قعد جنبها وحسس على راسها:الحمدلله يا قلبي...يلا بقي افتحي عينك بسرعة...إنتي وحشتني اوي يا فريدة
وبعدين بص للوقت وفضل قاعد جنبها وهو ماسك أيديها ومركز معاها لحد ما حس بحركة ايديها وعينيها...
يوسف قرب منها وهمس في ودنها:أيوة يلا افتحي عينك يا فريده...يلا بقي عشان والله انا تعبت اوي افتحي عينك بقي خليني ارتاح
فريده فتحت عينيها بضعف... ويوسف عيط بسعادة وافتكر كلام ياسين....
فلاش باك
كان خارج بسرعة بعد ما سمع كلام الحراس وكان رايح لشهد بس خبط في دكتور ياسين
ياسين:هوب بالراحة...ابن حلال انا كنت جايلك انت وعمر دلوقتي
يوسف ب استفهام:خير في حاجة...!!؟
ياسين:انا كنت جاي اعتذر منكم...كان المفروض اقولكم من امبارح بالليل...بس ملحقتش لأن كان في حالة طارئة ومشيت من غير ما اقولكم
يوسف بقلق:خير في إيه...!!؟
ياسين بهدوء:بعد الفحوصات اللي عملتها امبارح بتأكد إن مدام فريدة خرجت من الغيبوبة ودلوقتي هي تحت تأثير الأدوية وبعد كام ساعة هتفوق..
يوسف بسعادة:بجد...الحمدلله الحمدلله يارب...
ياسين:قدامها 6 ساعات كده وهتفوق...وانا آسف إني معرفتش اقول من امبارح
يوسف:عادي ولا يهمك...المهم إنها كويسة دلوقتي
ياسين: الحمدلله...ابقي بلغ استاذ عمر بقي عشان انا خارج النهاردة اجازتي وهتابع الدكتورة جودي الحالة
يوسف ابتسم بمكر:تمام هبلغ عمر
باااااااااااااااك
فريده بضعف:ع..م..ر...
يوسف بطمئنة:شششش عمر كويس محصلش ليه حاجة متخافيش
فريدة بصتله بخوف:هو كويس إنت مش بتضحك عليا مش كده...!!؟
يوسف أبتسم بخفة:وانا من ايمتا بضحك عليكي الحيوان اللي إسمه عمر كويس...
فريده بتذكر اتغيرت معالم وشها للحزن وبدأت تعيط:مالك يا أبيه...مالك اتخطف...انا خايفة عليه إنتوا عرفتوا عنه حاجة...وعمر فين...بيدور على مالك مش كده...!!؟
يوسف:شششش اهدي الأول واسمعيني...مالك كويس والله...ومش فيه حاجة...وهو دلوقتي مع ماما في البيت...
فريده:يعني هو كويس...وعمر كويس...طب انا عايزة اشوفهم يا أبيه عشان خاطري...
يوسف:طب اهدي واسمعيني
فريدة بعياط:طب هما كويسين...!!؟
يوسف:أيوة يا بنتي والله الحيوان مع شهد في الكافتيريا ومالك مع ماما والنعمة... دلوقتي إنتي لازم تسمعيني...قبل ما عمر يجي...
فريده هديت شوية يمكن اطمت لما قال إن عمر جاي:ط..ي..ب
يوسف: طبعاً إنتي هنا بقالك أسبوع وحصل في الاسبوع كتير... مثلاً القنبلة الكبيرة مالك اخو عمر عايش... يوسف اتعمد يقولها كده عشان يشوف رد فعلها وإذا كان شكه إن ممكن يكون مالك هو اللي حاول يقتل عمر غلط ولا صح...
فريدة مش ظهر على ملاحمها اي صدمة ولا دهشة
يوسف بلع ريقه بقلق:فريده إنتي شوفتي الشخص اللي ضرب النار مش كده...هو مالك مش كده...!
فريده بنفي:لأ بس كنت عارفة من قبلها قبل الحادثة شوفت صورته كانت سارة باعتها ولما روحت أقول لعمر عرفت إن مالك مخطوف...ومن بعدها مش فاكرة حاجة...بس ليه بتقول إن مالك هو اللي عمل كده...حصل إيه
يوسف: لأن مالك هو اللي كان خاطف مالك ابنك...واضاف بمرح عشان يطمنها على مالك أبنها أكتر...بس إبنك ده طالع عبيط لمين معرفش يميز بين أبوه وعمه والحمار ده فضل مع عمه ومرضيش يجيلي... للأسف مش واخد دماغ أبوه...وهو ساب كل الناس وبقي زي اختك أسيل أهبل
فريدة اطمنت على مالك تماماً يوسف في النهاية عارفها كويس وعارف يطمنها ازاي...
يوسف:نيجي للحيوان اقصد عمر...عمر مخبي حاجة واللي مخبيه كبير جداً لدرجة إنه مش عايز يقولي...وهو عمره ما خبي عني حاجة...هو مش ناوي يقولي أصلا حاجة ف انا عايز مساعدتك إنتي في الموضوع ده
فريدة بتعجب:انا...!!!؟
يوسف:أيوة انتي...!!؟
الحلقة ٢٢ لما التفاعل يظبط والناس اللي مبتعلقش خالص وتقرا وتمشي يهتمو شويه
