في الكافتيريا
عمر وشهد قعدو على تربيزة بعيدة عن مالك شوية وهما الاتنين قعدوا من غير ما يشوفه لكن مالك كان شايفهم
شهد:هاااا هناكل إيه...
عمر بلا مبالاة:شوفي انتي يا شهد وفكك مني...
شهد بتصنع الحزن:طب والله ما هطلب ولا هاكل حاجة غير لما تفك...هه
عمر:شهد بالله عليك بلاش رخامة... إنتي عارفة إني مبحبش كده
شهد:بارد...عصبي...تافهة عنيدة...(مالك... عمر...شهد)
عمر:طب يلا يا تفاهة شوفي هتاكلي إيه...العند مش بينفع معايا...!!!
شهد:ماهو إنت لو ماكلتش دلوقتي يوسف هيتكشف... قصدي هيزعل... عشان إنت حالك اتقلب خالص...!!
عمر بشك:طيب اطلبي هاتي اي حاجة يختي
شهد طلبت وقعدت هي وعمر ياكلوا وقعدت تتكلم مع عمر في مواضيع مالهاش لازمة عشان تشغلوا زي ما طلب يوسف ده كله تحت نظرات مالك الحزينة
كان حزين لأنه مقدرش يعيش سنين طويلة معاهم لأنه اتحرم يكون وسطهم السنين اللي فاتت دي كلها...اتحرم إنه يكون مع اخواته...عيلته...بقي في قلبه حقد كبير على شخصين وبس اسمين مش اكتر"فادي،فارس"وبعدين ربط الاحداث ببعض وكلام عمر "مالك اللي انا أعرفه عمره ما يتفق مع فادي""انا مغفل كبير انتوا الاتنين عايشين وانا فكرت إنكم ميتين"وابتدت الصورة توضح في دماغه
مالك في نفسه"انا مش فاكر مين فادي بس على حسب كلام شهد هو سبب الحادثة وعمي كمان وهي قالت إنه ميت لكن كلام عمر بيوضح إنه عايش...ويمكن عايش لأن نهايته معروفة...نهايته هتكون على أيدي هو كان سبب كل شىء...هو السبب في بعدي عن عيلتي وحرماني من كل ده...هو سبب كل حاجة...."
....................
هشام:بس ده قراري... خلاص كفاية العمر اللي ضيعته بعيد عنهم!
منال:قصدك إيه يا هشام
هشام: قصدي إن الحب مش كل حاجة...في حاجة إسمها مسؤولية...وتقدير علاقات... وحاجات كتير...ويمكن انا أصلا مش بحبك...وطلقت مراتي زمان وسبت عيالي التلاتة ورايا بس عشان مش أتحمل مسوؤليتهم...وانا دلوقتي عايز اكون معاهم...عايز اقضي أيامي الباقية معاهم...عايزهم يسامحوني قبل ما اموت... دلوقتي امنيتي الوحيدة هي انا أحس بيهم...واقضي وقت معاهم
منال:طيب وولادنا؟!
هشام بغضب:اياكي تخدعي نفسك كتير دول مش ولادنا...دول يتامى وبس...متنسيش يا هانم إن ربنا عاقبنا عشان اتخلينا عن ولادنا اللي هما نعمته ليا عشان نكون مع بعض...ربنا حرمنا إن يكون فيه طفل بينا...ربنا حرمك من إنك تكوني أم لطفل مني...بسبب جحودك وانانيتك...ربنا حرمنا من إن يكون لينا طفل...والولاد اللي بينا ما هم غير ايتام...نسيتي كل ده ولا افكرك... إحنا مستحيل يكون بينا اطفال مشتركة لأنها إرادة ربنا...!!
منال:مش انا لوحدي اللي اتخليت عن ولادي...زي ما أنت اتخليت عن ولادك وسبتهم وراك عشاني انا عملت نفس الشيء...سبتهم ورايا عشانك... ومتحاولش تخدعني عشان انا اكتر واحدة عارفك... مش إنت يا هشام اللي عايز تقضي وقت مع عيالك إنت هدفك غير !
هشام بسخرية:هدفي غير!...مش معقول قلبك جاحد للدرجادي...عايزة تقوليلي إنك لما بتشوفي آسر كل فترة قلبك مش بيحن ويتبقي عايزة تحضني...أو مش بتشتاقي لميساء وحازم هااا...!!انا خلاص فوقت وعايز أكمل أيامي الباقية مع ولادي...عايزة احس بالدفي وسطهم قبل ما اموت...!!
منال سكتت ومردتش ولا قالت أي حاجة...!!
......................
فريده:أبيه ممكن أسألك سؤال
يوسف:اتفضلي!!؟
فريده: إنت متأكد إني بقالي اسبوع في غيبوبة مش سنين...!!؟
يوسف بتعجب:أيوة ليه...!!؟
فريده: ابدا اصلي حاسة أن تفكيرك أتغير...هو إيه اللي تخطفني عشان عمر يقولك مخبي إيه...إنت عقلك فيه حاجة...!!
يوسف:ما هو مش هينطق...!!
فريده:ده معاك بقي مش معايا...استني شوية وهو هيقولك إنت عارف أصلا إن عمر مش بيقدر يخبي عنك حاجة...!!
يوسف:طب والعمل...!!؟
فريده:معرفش...
يوسف بعد صمت:بس لقيتها...اسمعي***هتقدري صح
فريده كتمت ضحكتها: أشك إني اقدر...على فكرة انا مش زي أسيل...بس هحاول لكن في الأول عندي شرط
يوسف:اتفضلي يختي
.....................
قام مالك بسرعة وقطع مشاكسة حازم وآسيل
مالك بغضب ملحوظ:حازم يلا عشان نرجع
حازم بصدمة:نعم يا أخويا بس مش عايز اشرشحلك دلوقتي
أسيل:أيوة معاه حق...تمشي إيه والله ما أنت متحرك
حازم بتكميل كلام أسيل:أيوة مش هتتحرك غير لما نشوف المشهد المؤثر وانتوا بتعيطوا في حضن بعض زي المسلسلات
مالك مسك حازم من ياقة قميصه بسرعة:هتقوم ولا تشوف مني وش تاني
حازم بلع ريقه بصعوبة وبص ناحية ميساء: إنتي قاعدة بتتفرجي على إيه يلا اتفضلي خلينا نروح...لحسن لو فضلنا دقيقة هتشيعي جنازتي
أسيل ب إنسحاب:مع السلامة انا بقي ده شكله طور زي عمر
...ومشيت بسرعة...
حازم بص لمالك بتأنيب ونبرة مضحكه: كده يا مالك خوفت مرات اخوك منك...روح يا شيخ إلهي ما تفرح
مالك شد حازم من قفاه:انا بقول تعالى برا عشان إحنا في المستشفى مش عايزين نعمل مشاكل...وبص لميساء وقال بحدة...وإنتي يلا قومي قاعدة بتتفرجي على إيه
ميساء بصتله بغيظ وسابته وطلعت...ومالك مشي بحازم وهو جاره من قفاه
حازم بمحاولة النفاد من ايده:طب سيب طيب الناس تقول إيه...يا مالك ابوس ايدك برستيجي يا جدع
مالك:امشي يا حيوان
عمر شاف مالك وهو ماسك حازم وابتسم ابتسامة بسيطة وقام وراه
بحركة سريعة عمر مسك مالك من دراعه:سيبه...
مالك ساب حازم وبص لعمر ب استفهام
عمر بغموض: أخرج من باب الطوارئ متخليش حد يشوفك... وبعدين ساب دراعه بسرعة...أو لأ ما أنت تقريبا شريكه وهو عارف إنك عايش...!!
مالك مسك دراع عمر زي ما كان عمر ماسكه: أولا انا مش فاهمك... ثانياً لو كان إللي في دماغي صح نهايته هتكون على أيدي انا...سلام...
ومشي مالك وفضل عمر واقف في مكانه محتار من اللي بيحصل...وبص في ساعته بملل ومنتظر مهاب... لأن اللي هيجيبه مهاب هو اللي هينهي شكوكه...!!
.......................
قاعدة في البيت بملل وكلمات عمر عمالة تدور في عقلها...بتحارب نفسها عشان تتغير عشان ولادها لكن للأسف بترجع وتنصت لكلام الناس وبتبعد عن ولادها...شايفة إن الفوراق الاجتماعية هي كل حاجة...مش بتحب اي حد أقل من مستواها... مش عارفة إن القدر بيلعب معاها...وإن اكتر حد حبته من ولادها...عاش واتربي في الطبقات دي...عاش في الطبقات دي...فهل ده هغير من حقيقة إنها ابنها...هل ده هيفرق في شىء وهيغير من حقيقة حبها فيه...يمكن حان الوقت عشان تفهم إن مفيش فرق بين أفراد المجتمع... وإن في أوقات كتير الحياة هي اللي بتختارنا مش احنا اللي بنختارها...
.......................
عمر رجع ولقي يوسف قاعد قدام الباب زي مكانه وبصله بغموض وشك
عمر بشك من ملامح يوسف المتوترة وكمان معرفته ليوسف:مخبي حاجة ولا عايز تقول حاجة
يوسف ببرود لتخبئة توتره:انا اللي مفروض أسألك السؤال ده...مخبي إيه يا عمر
عمر بهدوء:مش هيفيد بحاجة لو عرفت...هبقي اقولك بعدين...ريح إنت دماغك من الصدمات اللي فاتت عشان تتحمل الصدمة الجاية... عشان اللي عندي مضر ليك زي ما هو مضر ليا ومش عايزك تقلق من دلوقتي...اما نطمن على فريده...
يوسف:طيب أ...
عمر شاور ليه بمعنى كفاية كلام دلوقتي:يلا خد شهد وأسيل وروح.
يوسف:طيب إنت الحر...خلينا مكملين...!
وخرج يوسف يشوف شهد وأسيل وسارة
عمر دخل وبمجرد ما دخل لقي إتصال من مهاب فرد بسرعة بلهفة عشان يعرف مهاب وصل لايه...
مهاب:لو بتعرف تزغرط...زغرط عشان لقيت الملف اللي انت عايزه بعد تعبببب كبيرررر
عمر:طب انجز يا مهاب هاته وتعالى بسرعة
مهاب:طيب جاي بس هتعمل ايه في موضوع مالك بعدين...
عمر:لو عرفت إن مالك مالوش علاقه ب فادي وأن فادي ميعرفش إن مالك عايش أصلا... أكيد هخليه بعيد عشان لو فادي عرف هيحاول يقتله وبعدين تعالي هنا عشان مينفعش نتكلم فون يا حضرة الظابط...في خلال ساعة تكون قدامي ويكون في علمك إنت خدت وقت اكتر من ساعتين...!
مهاب:أقفل ياض ابو شكلك...
فريده بصدمة:هو..هو فادي عايش...إزاي...!!؟
عمر بصلها بسرعة بصدمة هو كمان...
عمر مكنش مستوعب لسا مصدوم جاوب على سؤالها ونظراتها متعلقة عليها دقات قلبه بتدق بسعادة رهيبة مش قادر يصدق ولسا واقف مكانه
عمر بخوف:انا مش بتخيل مش كده...!!؟
فريده هزت راسها بنفي
عمر جري عليها بسرعة وحضنها بسعادة محسوش بالوقت الاتنين كانوا في سعادة عمر فضل أسبوع خايف وقلقان عليها وهي بعد ما فاقت مشهد إطلاق النار لسا معلق في ذاكرتها وعقلها بيخيل ليها إن عمر فعلاً اتأذي لكن لما سمعت صوته مقدرتش تنفذ كلام يوسف وأنها تمثل انها لسا في غيبوبة...لأن يوسف ب تفاهته عايز يجنن عمر...لكن هي بمجرد ما حست بدخوله فتحت عينيها بسرعة وفضلت باصة عليه وهو بيتكلم...وكانت بتشبع نظراتها منه (احفظ عقلي يارب)
عمر مكنش حاسس بنفسه غير ودموعه بتلمع في عينيه وهو حاضنها...وكان روحه رجعت للحياة خلاص...مالك عايش وكمان فريده بخير هيعوز إيه اكتر من كده؟!...محدش منهم كان حاسس بالوقت
عمر بعد عنها بصعوبة كان بيجاهد نفسه عشان يبعد...بعد عنها بهدوء وحضن وشها ب ايديه ومسح دموعها:إنتي كويسة مش كده...في حاجة بتوجعك...انا مش مصدق انا حاسس إن الفترة اللي فاتت كانت سنين مش أسبوع انا بجد مش قادر اصدق نفسي ...كان بيتكلم بلهفة وشوق ودموعه في عينيه دموعه نزلت وهو مش حاسس...
فريده مسحت دموعه:بيبقي شكلك زي الاطفال وانت بتعيط على فكرة...امممم أول مرة شوفت دموعك كان ايمتا امممم
عمر أبتسم بحب:متقلبيش في القديم عشان منكدش على بعض... وبعدين فايقة من الغيبوبة وبتفكريني باليوم الرخم ده...
فريده:مميز عندي على فكرة... عشان كانت أول مرة احس بحاجة تجاهك
عمر بسخرية ومازال في عينيه دموع:أيوة فعلاً حاسة بحاجة تجاهي وطلقني يا عمر...لولا البوسة والصور وكده كان زماني نفذت رغبة حضرتك...
فريده بصتله واكتفت بالصمت وفضلت باصة ليه بشوق...وعمر كذلك... وبعدين رجع حضنها من جديد وقبل راسها:مش قادر اصدق اللي مريت بيه وفكرة إني ممكن اخسرك...مش قادر...متعمليش فيا كده تاني... وبعدين ليه عرضتي حياتك للخطر...إنتي متخيلة كان ممكن يحصلي إيه من غيرك...ليه عملتي كده انا لحد دلوقتي بلوم نفسي لأن إنتي في الحالة دي عشاني..
فريدة:على أساس إني لو كنت مكانك مكنتش هتعمل اللي انا عملته ده... وبعدين انا لو كنت مكانك كنت هموت من غيرك ومش هستني حضرتك تفوق...
عمر شدد من احتضانه ليها:ششش متجبيش سيرة الموت تاني...مش عايز أسمع سيرة الموت
فريدة شددت من احتضانه هي كمان متناسية تماما جرحها ومش حاسة بألم:انت كويس يا عمر مش كده... واضافت بزيادة تأكيد على مالك أبنها...ومالك يا عمر
عمر بعد عنها بخفة وحضن وشها:مالك كويس متخافيش ولو عايزة اخلي يوسف يجيبه دلوقتي معنديش مشكلة...بس بقول بلاها هيجي هو وخاله يرزلو علينا خليها الصبح أو السنة الجاية حتي عشان ابنك ده مزعج أوي
فريده ابتسمت باطمئنان:طيب انا فوقت اهو قول كل اللي كنت بتقوله بقي عشان مش فاكرة أوي
عمر بص في عنيها: يعني إيه...!!؟
فريدة:كنت بسمعك وإنت بتكلم جنبي بس كنت مفكرة إنه حلم... وإن إنت حصلك حاجة...بس دلوقتي عرفت إن هو حقيقي
عمر:طيب نتكلم بعد ما اطمن عليكي...انا هشوف دكتور دلوقتي
فريدة بتوتر لأن الدكتورة جودي كانت عندها لما كان يوسف معاها بعد ما فاقت وادتها شوية أدوية:لا لا...هيبقوا مزعجين زي مالك الصباح رباح...
عمر:معاكي حق انا مش عايز حد يقطع علينا اللحظة
فريده بخوف:هو فادي عايش بجد...!!؟
عمر نزل عينيه بحزن وهز رأسه بالتأكيد وبعدين حكي ليها كل حاجة...عن فادي وعن مالك...
فريدة حضنت وشه:عمر مالك اخوك مش ليه دعوة بحاجة...فاكر لما قولت ليك إني حاسة اني شوفتك وإنت صغير...!!!
عمر هز رأسه بتتأييد:أيوة فاكر...
فريدة:انا وقتها شوفت مالك مش إنت...كانت ميساء صاحبتي وكان مالك اعز صديق عندها... وبعدين على حسب ما أتذكر هو مش فاكر حاجة من الماضي بتاعه...
عمر بصلها بعدم تصديق:مش معقول إنتي أكيد بتهزري...وبعدين يوسف ليه مش فاكر مثلاً...!!
فريدة:امممم...يمكن عشان هو مش شافه ولا مرة أصلا
عمر: إزاي...!!؟
فريدة بمرح:كفاية تختبر ذاكرتي بالله عليك كفاية اللي انا فاكره انا كنت طفلة على فكرة...انا افتكرت خنقاتي مع ميساء مش اكتر بعد ما سارة بعتت صورة مالك قبل الحادثة...بس اخوك ده رخم على فكرة...دمه تقيل
عمر أبتسم بعدم تصديق وحزن ظاهر في عنيه:يعني مالك مش متفق مع فادي ولا حاجة...وهو فاقد الذاكرة عشان كده مرجعش...انا مش مصدق...كان آخر حاجة ممكن أتوقعها أصلا إنه يكون فاقد الذاكرة
فريدة بمرح:فاقد الذاكرة أو غيره هو رخم في النهاية...إنت مختلف عنه كتير....
عمر غمزها بعينيه:ليه عمل إيه..
فريده:طبعه حاد ومش بيعرف يتعامل مع الاطفال...يعني رخم اوي
عمر:والله...
فريده بمرح عشان عمر ينسي حزنه وندمه إنه شك في مالك:أيوة والله زي ما بقولك كده...مش بيستني يفهم...انا يا حبة عيني كنت عيلة صغيرة...مش فاهمة حاجة وكنت بتكلم مع البت ميساء وبقولها اللي بشوفه في الافلام وكده وان مرات الأب شريرة وبتاع...جه عمنا دراكولا...مالك اخوك يعني وقعد يزعق ليا وخد ميساء ومشي...
عمر لسا هيتكلم ويقاطعها وهو بيضحك...لكن شاورت ب ايديها إنه مش ياقطعها...
هو خده ومشي بس رخم والله يعني الهبلة ميساء اكبر مني إزاي تسمع كلام عيلة مفعصة زيي واخوك ده مش هادي وكيوت زيك كده مثلاً... يفهمني بهدوء لأ سهل يتحول ل دراكولا ويصرخ ويشتم من غير ما يفهم الواحد غلطه
عمر ضحك جامد عليها وعلى كلامها بالفعل قدر ينسي لومه لنفسه
فريده مسكت ايديه:مهما كان اللي عملته وشكك في مالك طبيعي بس متلومش نفسك وروح أتكلم معاه بهدوء...وحاول إنك تفكره بماضيه وهو اكيد هيفتكر ...انا عارفة قد إيه إنت بتحب مالك يا عمر
عمر بمرح:بصي انتي أصلا عصاية ف السرير هياخدنا انا تعبان ويعتبر منمتش كويس من اسبوع ف إنتي اسمحيلي انام وإنتي في حضني وبعدين نبقي نشوف موضوع دراكولا اقصد مالك...يعني...بس عادي مش هيطير وبعدين بدل ما اتعب نفسي يمكن اروح الاقيه فاكر لوحده...!!
وركد جنبها وخدها في حضنه
........................
خرج من المستشفى ومعاه سارة وأسيل وشهد
أسيل وسارة بصوت واحد:قول والله
يوسف:والله زي ما بقولكم كده فاقت بس انا هنربي عمر سوي وكده ومش هنخليه يعرف أنها فاقت...
أسيل بحزن:طيب انا عايزة أشوفه يا أبيه عشان خاطري
يوسف قرب منها وحضن وجهها:بصي خلاص هخليكي تيجي معايا الصبح وانا جايب مالك عشان فريده تطمن عليه...تمام...
أسيل:تمام
سام من خلف يوسف:اشتقت لك زوجتي العزيزة (قالها باللغة الألمانية)
سارة بصدمة:إنت بتعمل إيه هنا يا زفت إنت...
سام:عيب يا حبيبتي مكنتش صديقة يعني اللي تعملي بسببها كده...عادي هكرت فون جو وعرفت مكانه
يوسف مسح على وشه بغيظ:هي باين عليها أيام اجمل من بعض...وقال بحدة... إنتوا إيه مش بتكونو ناقر ونقير غير على دماغي انا لما أكون بعيد تشتغل وصلة العشق الممنوع ولما أكون موجود تمسكو في شعر بعض حرام عليكم...انا ما صدقت ارتاحت منكم
سام ب ابتسامة: حبيبي ده عشان نخزي العين...وبص لسارة...ولا إيه يا روحيييي
سارة بغيظ:إنت يا خاين اخفي من قدامي...إحنا لازم نطلق...!!؟ (قلبت حازم)
سام:بنت عيب الناس تقول عننا إيه...مكنش حضن... وبعدين قولتلك صحبتي والله متفهميش غلط!
يوسف:انا عارف اني هشيل الليلة...بقولكم إيه يا شباب بدل ما إنتوا عمالين تتخانقو في الشارع كده...تعالوا وانا رأفة بيكم هديكم اوضة تتخانقوا فيها
سام:أيوة هو ده الكلام...وبص لشهد واسيل وقال ب ابتسامة جميلة...هاي يا بنات...
أسيل:مين القمر...!!؟
يوسف:اسيييل إنتي وشهد اتفصلوا دلوقتي على العربية....وبص لسام وسارة ووجه كلامه لسارة...إنتي وجوزك خدو تاكسي وحلو مشاكلكم عشان متدخليش على خالتك كده...
وسابهم ومشي
سارة:الحق ده سابنا ومشي
سام:مش أول مرة...تعالي نسمع كلامه ونحل مشاكلنا...!!
سارة:سام وربنا انا مش طايقة ابصلك...ف اتقي شري
سام بهدوء:انا بقول ناخد تاكسي ونسمع الكلام عشان انا عندي عقدة من الفنادق المملة خلينا نلاقي بيت نبات فيه...ونبقي نحل مشاكلنا بعدين...!!
........................
في الصباح التالي يوسف وصل المستشفى ومعاه مالك وأسيل بس عشان لسا مش قال لامه
كان عمر في الاوضة صحي قبل فريده...عمر قام من جانبها بخفة وخرج برا عشان يكلم يوسف ويطلب منه يجيب مالك عشان فريده تطمن عليه...لكن اتفاجئ بيوسف قدامه ومعاه مالك
عمر اخد منه مالك بسعادة:ابن حلال كنت لسا هقولك هاته وتعالي
يوسف بتعجب:ليه...!!؟
عمر اخد مالك من غير ما يرد ودخل بيه وهو بيلاعبه... فريده كانت قامت بعد ما عمر قام من جنبها
عمر:هاااا سيدي مامي مش وحشتك ولا إنت عيل رخم بقي...!!
فريده بلهفة:هاته يا عمر... عشان وحشني اوي
مالك اول ما شافها عيط عليها بسرعة وفضل يشاور عليها...عمر ادها مالك وفريده فضلت حاضنه وقعدت تبوس فيه...
يوسف دخل وقال بصدمة:يخربيتك إحنا متفقين على إيه
فريدة اشارت ليه بعنيها إن عمر ميعرفش...
عمر ب استفهام:في إيه يا يوسف متفقين على إيه...وايه ردة الفعل الغريبة دي...!!
يوسف بتوتر:لأ ولا حاجة انا مش مصدق إن فريدة فاقت...وقرب منها وقعد يمثل إنه متفاجئ ومتأثر
يوسف قرب من ودن فريده:إنتي قاصدة تخليه يقتلني مش كده...!!؟
فريده: فكرتك الاولي كانت هتعمل فيك أكتر من كده وبعدين مقدرتش عمر كان واحشني أوي...!!
يوسف:عشان وحشك تتخلي عني
عمر كانت نظراته حادة تجاه يوسف وفريدة مغلفة بالشك... وكمان افتكر وضع فريدة امبارح وده وضح ليه إنها كانت فايقة من قبلها أو مكنتش في غيبوبة أصلا...!!!
جودي دخلت واكدت شك عمر:هااا يا مدام فريده النهاردة أحسن من امبارح مش كده...!!؟
فريده بتوتر ونظراتها على عمر:أيوة الحمدلله
عمر ب إبتسامة حاول يرسمها بصعوبة:خير يا دكتورة جودي...!!؟
جودي:خير يا استاذ عمر بس مدام فريده كانت حاسة ب شوية ألم امبارح لما كان استاذ يوسف معاها وكنت بطمن الأدوية عملت مفعول ولا لأ
عمر قرب من علبة الاسعافات الموجودة واخد منها المقص:طيب شكراً لحضرتك يا دكتورة... تقدري تخرجي ولو احتجنا ليكي أكيد هنبلغ حضرتك...!!
جودي خرجت
يوسف بعد عن فريدة ورجع لورا بخوف وقال:طب وعهد الله لسا فايقة امبارح واللي في دماغك ده مش صح
عمر بص للمقص:اعمل فيك إيه اعمل فيك إيه...ادمر إيه في وشك الأول...
يوسف:عمر فوق بالله عليك
عمر بصوت غاضب:كنتوا ناوين تشتغلوني مش كده
فريدة ببراءة:لأ والله هو اللي كان عايز يشتغلك مش انا...تصور يا عمر كان عايز يخطفني
يوسف بصلها بصدمة:بتبعيني يا فريدة...!!؟
عمر:كلامك معايا انا يا استاذ...!!
يوسف بقوة مصطنعة:سيب المقص كده خلينا نتفاهم بس...انا كانت نيتي خير والنعمة
عمر جري ورا يوسف في الاوضة:إنت مش هترتاح غير لما اطلع روحك ب ايدي...
يوسف:يا بني سيب البتاع اللي في ايدك ده هتموتني بجد...اسمعني طيب يا عمر
عمر:إنت اللي حفرت قبرك ب ايدك يا يوسف
الحلقة ٢٣ بكره زي دلوقتي
بس لو فيه تفاعل هتنزل الليله
