رواية زهرة أصلان كاملة جميع الفصول

 رواية سجينة العادات الفصل الثاني 2 بقلم نرمين قدري

الفصل الثاني 

قام  كل الجالسين من  المفاجئة. 

قالت نورما بصدمة وقد بدأت تنهمر الدموع من عينيها 

- بابا انت عمرك ما مديت ايدك عليا 

قال فاروق بغضب ؛ 

- لما تتجوزي حدود الأدب يبقي عاوزة تتربي من اول وجديد وانا هربيكي يا نورما 

انهارت دموع نورما  بغزارة وقالت : 

- هو لما اقول اني مش عاوزة اتجوز يبقي بتعدي حدود الأدب خلاص انا بنت مش متربية و مش هتجوز 

قالت ليلي وهب تحاول أن تهدأ الجو : 

-اهدي بس يا نورما خلينا نفهم ايه الحكاية ديه 

التفت لها نورما   وقالت بغضب 

محدش يقولي اهدي لما تسرقو مني مستقبلي و عمري يبقي لازم اقف واقول لاء دي حياتي وانا اللي هعشها محدش هيعيش مكاني 

قالت بهيجة بحده:

-بنت جليلة الربايه صوح احنا هنا حدانه البت ملهاش تقول عاوزة ومش عاوزة اهنه البنته تقول حاضر وبس

التفت ليلي نحو بهيجة وقالت:

- انا مسمحش لحد يقول علي بنتي قليلة الربايه أنا مربيها كويس وهي بقي عندها حق يعني ايه تجوزوها علشان خاطر تار. هي ملهاش فيه زمب

فاروق بحده وقد تملك منه الغضب : 

- ليلي متفتحيش بوقك بكلمة اقعدي ساكتة

ليلي / في ايه يافارق جاينا بالعافية و حطتنا قدام الأمر الواقع ومش عاوزنا نعترض انت عجيب بجد مستغرباك

الجد / خلاصت الكلام انا قلت اللي عندي وآخر سبوع عنعقد علي بنتك يا فاروق عجلها علشان مبحبش دلع البنته متركبناش العار عاد

فاروق / لاعاش ولا كان اللي يركب يا بوي العار انت كبيرنا وكل اللي عتقول عليه ماشي 

نورما/ هو ايه اللي ماشي انتم بتقررو بناء عني ليه انا البقرة ولا الجاموسة سحبنها علي الزريبه ،

انا بني ادم من لحم ودم ومش هتجوز لو انطبقت السما علي الارض 

قالت بهيجة بغضب :

-اجفلي خاشمك بقي بنت قليلة الربايه 

التفت نحوها  نورما وعلامات الغضب تكتسي كل معالم وجهها  وقالت بره حاده :

ولكن قطعها  فاروق و جذبها  من يدها بشدة وقال بغضب:

- انتي شكلك مش عاوزة تيجي بالادب تعالي معايا وسحبها يطلع بيها سلالم

نورما /بابا انت بتعمل ايه سحبني كده ليه 

لم يجيب عليها وظل بجذبها اللي أن صعد بها لغرفة فالقها داخلها 

قال لها  بصوت  حاد مرتفع :

-  اديني تليفونك هاتي اخلصي و مش عاوز اسمعلك نفس 

نورما بانهيار: 

بابا انت عارف بتعمل ايه 

اجاب عليها دون أن ينظر لعينيها :

+انتي هتعلمني ولا ايه يا بت ليلي عاملين نفهمك ونقولك ماينفعش لازم تتهببي وتتجوزي و بردو مش عاوزة تفهمي يبقي اللي محصلش برداكي هيحصل غصب عنك

و دفعها بشده داخل الغرفة واغلق عليها الباب من الخارج  

ثم قال بصوت جهوري حاد :

ليلي ليلي الباب ده ميتفتخش غير يوم كتب الكتاب انتي اللي قدامي و هتتحاسبي علي كده فاهمة ولا مش فاهمة 

اجابت  ليلي  بزعر:

-فاهمة فاهمة يا خويا بس اهدي انت انا عمري ما شفتك كده كل حاجة وليها حل 

نظر لها فاروق وقال:

- انا مش عاوز رغي كتير اللي هقول عليه هيمشي ومافيش نقاش ولا تفاهم قضي الامر

قالت ليلي بهدوء تحاول استعطافه ربما يتراجع عن رأيه :

فاروق بس انت عمرك ما كنت يتعاملنا كده كل حاجة كانت بلنقاش بنا هو في ايه 

مسك  فارق يدها بقوة وقال :

- في أن بحر دم هيتفتح علينا لو الجوزاة دي متمتش في ان العلتين هيخلصو علي بعض افهموا بقي افهموا 

تغيرت نبرة صوتها وقالت بحده ؛

-وانت ملقتش غير بنتي علشان تضحي بيها يا فاروق احنا معندناش غيرها 

+ ليلي مش عاوز كلام كتير واتفضلي يلا ننزل تحت زمان الكل مستني علي السفرة تحت يلا قدامي

نزلت ليلي ولا بيدها حيله وقلبها بيتفطع علي بنتها

وفي سراية العزاوي

قال اكمل:

بردو مصممين علي الجوازه دي انا مش عارف انتم ملقتوش حل غير اني اتجوز

قال شاهين والد اكمل:

-وبعدهالك عاد يا ولدي خلوصنا بقي كتب الكتاب يوم الخميس مش عاوز حديت ملهوش عاوزه

اكمل / بس يا بوي انا لاشفتها ولا اعرفها هجوزها ازاي بس 

قال شاهين /

- بكرة تكون حداك وتشوفها كيف ما انت رايد بس خلصنا بقي من مشكلة التار انا مش هستحمل حد منيكم يروح مني 

قال اكمل بفقدنا امل وقد علم أنه لا مفر ولا مهرب من الزواج :

- حاضر يا بوي اللي تشوفه 

+  يريح جلبك زي ما ريحت جلبي يا والدي و شد حيلك انا رايد حفيد بسرعة علشان هو اللي يمنع الدم 

- دي بقي بتاعته ربنا يا ابوي 

+ كله علي الله يا ولدي 

وفي صباح يوم الخميس 

الكل في سرايا الجندي الكل بيعمل علي قدم وساق 

وفي غرفة نورما 

تقف ليلي تنظر لابنتها بحزن وتقول بأسف:

- خلاص بقي يا نونو علشان خاطر ماما دا بقي أمر واقع يا حببتي لازم تتقبلي ماهو ابوكي بردو مش هيقدر يكسر كلمة جدك

ترفع نورما  عينيها وتقول بقسوة متعمدة:

= ماما لو سمحتي مش انتم خلاص بعتوني مش عاوز حد يتكلم معايا حاضر هتجوز زي ما انتم عاوزين بس اول ما هطلع من هنا انسوا أن كان ليكم بنت اسمها نورما اعتبروني مت 

شهقت  ليلي وقالت :

- ليه بس كده يابنتي ليه بتقولي كده انتي من عيني من جوا حرام عليكي انتي مش عارفه انا كمان بتعذب ازاي

ضحكت نورما وقالت بسخرية :

= أنه عذاب ده اللي بتكلمي عنه أنه عذاب اللي يخليكي تكوني سجان علي باب الاوضة بتاعتي أنه عذاب اللي يخليكي ترميني لواحد انا لأعرف شكله ولا اسمة 

-خلاص بقي متزودهاش عليا

=  ليه احسن ليكون ضميرك واجعك من ناحيتي لسمح الله لاء ريحي ضميرك علي اخر يا حاجة ليلي 

ليلي / ايه حاجة دي انا امك ولا نسيتي يا نورما 

ابتسمت نورما وقالت:

=ودي حاجة تتنسي لكن انتم اللي نسيتم أن انا بنتكم وضحيتو بيا تحت مسمي التار والعادات 

وفجاءة. سمعوا صوت طرقات عالية علي لباب 

دخلت جليلة بكل هيبة و صوت يبفزع الصقر وقالت :

-  وبعدهااك عاد مش ناوية تعجلي بقي يا بت ابني وتحطي عجلك في راسك عاد 

ثم شهقت وقالت بحده :

وه وه انتي لساتك ملبستيش فستان العرس 

وفجاءة جذبتها بحدة  من شعرها وقال بفحيح :

لا لا وكتاب الله مش حته عيله اللي تحط رأس كبير عيلة الجندي في الوحل جسمن بالله لكون دفناكي موترحك لو مغيرتش خلاجاتك عاد همي بسرعة ام العريس تحت ورايده تشوفك جبر يلم العفش 

تألمت نورما وقالت بصوت باكي ؛

=حاضر سيبي شعري بقي هغير اهو 

بداءت نورما في ارتداء فستان الزفاف وكأنه كفن يلف حول جسدها وليست فستان حلم كل فتاه 

ليلي / سامحيني يا نورما غصب عني يا حببتي غصب عني

اجابت نورما والدموع تنهمر بشده انهارده :

انتم هتكتبو شهاده وفاتي يا امي مش مسمحاكم كلم مش مسامحة اي حد غلط في حقي 

وفتح الباب ودخلت ام العريس بكل هيبه وعلي وشها جبروت 

هانم  بابتسامة متصنعه:

+ يا مشاء الله يا مشاء الله علي عروسة ولدي سنيوره مشا الله عليها 

ليلي / اهلا وسهلا اتفضلي شرفتي ونورتي 

هانم / منور بصحابه يا خيتي انتي بقي تيبجي أم عروسة صوح 

ليلي / أيوة صح وحضرتك ام العريس الحاجة هانم 

هانم / يسمع من خاشمك ربنا واحج ان شاء الله استسمحك بس تسبيني مع عروسة ولدي شوية حداي كلماتي لازما ولابد تسمعهم قبل ماتخش عروسة سرايا حدانا 

نظرت ليلي لنورنا  باستغراب وقالت :

-وماله يا اختي ما هي هتكون بنتكم بردو وحقك تقعدي وترسيها علي عوايدكم 

نظرت نورما لأمها نظره كلها قهر وخذلان

خرجت ليلي من الغرفة وقلبها ينفطر علي ابنتها 

وفي الداخل انقلب وجه هانم من الابتسامة المصتنعة الي  سواد وغل

نظرت لها هانم  بعيون كيف الصقر وقالت بغضب:

. بصي بقي يا عروسة ولدي انا هقولك كلمتين تحطيهم كيف الحلق في ودانك علشان متجوليش محدش رساني 

قلم نرمين قدري

اولا الدار ملهاش غير ست واحد. وهيتها انا مافهوم 

انا هناك الأمر الناهي يعني لو دبانه عدت هتكون عدت بأذن مني فاهمة يا بنت البندر يعني لو عوزتي تخوشي الحمام لازما اكون عارفه مفهوم 

قالت نورما  بسخرية :

- ليه هو انا مش هتجوز راجل برضو ولا بيبي بياخد الاذن منك

ماسكتها هانم  من يدها بحده وعيونها كلها غضب :

-بقولك ايه احنا مش هنبداءها كده اللي هقول عليه يتسمع انا ست البيت هناك مفهوم 

عارفة في يوم اسمعك انك زعلتي ولدي مش هيحصلك كويس انتي واخده اطيب وا في عيله العزاوي اكمل ولدي يا زين ما خلفت وبصي عاد انتي داخله حدانه في السرايا مش رايده ضافر منك يبان عتلبسي اسود من راسك لرجيلك عوايدنا  أكده وتنسي خالص انك كونتي يوم من أهل البندر 

قالت نورما بلا مبلاه وكان الكلام السابق لا يعنيها :

ها خلصتي ولاولسه 

هانم / ما تتكلمي عدل عاد احنا واخدينك حدانه تخليص حق مش اكتر يعني تجفلي خاشمك ومسمعلكيش صوت واصل. وخلص كلامك ويلا علشان تروحي حدانا دلوق

قامت نورما  واقفة وقالت :

=هو ايه اللي روح معاكي انا لازم العريس يجي ياخدني بنفسه من هنا يكده يا مش رايحه معاكي في حته انا اللي اروح للعريس. دي موضة جديدة عندكم ولا ايه ثم أكملت بسخرية متعمدة 

لتكون دي عوايكم أن العروسة هي التروح للعريس 

وفي سرايا العزاوي 

اكمل / الو ايو امير شفت المصيبة اللي انا فيها

امير / في ايه تاني مش خلاص وافقت على جواز

اكمل/ النصيبة أن البت مطلعتش من الصعيد طلعت من مصر و متعلمة ومعها دكتوراه في الاعلام 

أطلق امير صافرة وقال :

اوباااا ياحظك اللي مش معدي ودي هتتعامل معاها ازاي وهي أزاي توافق تتجوز بطريقه دي 

قال اكمل  بتأفف:

يعني انت مش عارف عوايدنا لما الكبار يقولو حاجة محدش يقدر يتنفس 

امير/ والحل هتعمل ايه 

اكمل/ انا رميت طعم صغير لو أكلته يبقي نص المهم اتحل وانا حقدر عليها

امير /اتحفني عملت ايه 

نرمين قدري

اكمل/ بعت امك تجبها لو جت مع امك بيقي خلاص سهله تتكسر و انا هعرف اعمل كده لكن لو ماجتش يبقي ربنا يستر بقي 

وفجاءة دخل بدوي شغال عندهم في الأرض 

بدوي / اكمل بيه اكمل بية الست الولده عاوزك حدي سرايا الجندي بتقولك تعالي. خد عروستك حسب الأصول 

اكمل/ غور من وشي يا وش البومة.

امير /خير يا اكمل مرتضش تيجي مع امك صح

اكمل/ ربنا يستر انت عارف يعني تمشي كلمتها علي هانم يبقي السرايا من هنا ورايح هتكون ضرب نار

امير /طايب اخلص وروح هاتها وبعدين تتحل 

اكمل /امير انا في ورطة كبيرة مش عارف هطلع منها ازاي خايف اتفضح يا خوي صدقني مش هستحمل فضيحة زي دي

امير /اكمل اهدي كده وان شاء الله ليها حل روح بس انت هاتها علشان امك متتعصبش وعدي الليلة علي خير

وفي سراية الجندي بدق الطبل و اصوات مزامير وضرب نار تعلن عن وصول عريس عيلة العزاوي 

دخل اكمل السريا الجندي بكامل اناقتة 

الجد الجندي /يا مراحب يا مراحب بعرسنا الف مبروك يا ولدي احنا حنديك جوهرة عيلة الجندي تحطها في عنيك عاد 

اكمل /اهلا بيك يا حاج اكيد هحطها في عنيا أن شاء 

فاروق /اهلا يا ولدي انا ابو عروستك براحة عليها يا ولدي هي لستها مواخداش علي عوايدكم هنا بلاش تقسي عليها 

قال اكمل وقد نفذ صبره: 

متقلقش يا عمي في عنيا بس هي فين علشان الناس حدانه في سرايا مستنينين هناك 

قال فاروق هطلع اجبهالك يا ولدي: 

نزلت نورما وايدها في ايد والدها ووراها الجده بهيجة و هانم ولدت اكمل و ليلي ولده نورما 

سلم فاروق نورما لأكمل و هي لم تنطق بكلمة 

اخد اكمل نورما ولسة طرحة نزله علي وشها وذهب بيها لسريا العزاوي 

صعدوا لغرفة نومهم دخلت نورما وكأنها مغيبة و فجاءة فاقت علي صوت قفل باب الاوضة 

لمتابعه باقي فصول الرواية اضغط هنا👇

(رواية سجينة العادات)

تعديل المقال