رواية يستحق التوثيق الفصل الثاني 2 بقلم فاتن اسامه
_ يبني دي وقعت بينا، انت مجنون !
= صُدفه اهدي وقعت اي وبتاع اي
_ ابعد عني يا سيف، ابعد
انت اي ياخي، سنتين معاك علي الحلوة وعلي المُره، مش المفروض انك بتحبني اصلا من قبل الخطوبه، علاقتنا كان بينضرب بيها المثل، تيجي البني ادمه دي تشقلب كل حاجه !
ليه يا سيف، ليه
دي مجرد واحده كنت بتكلمها زمان، ايا كان كنت بتحبها ولا لا، بس انت خاطب دلوقتي يا راجل يا محترم
= متعليش صوتك انتي بتشكي فيا
_ وادي دبلتك كمان اهي، امشي بقا
= اللي انتِ بتعمليه دا غلط كبير اوي ومحدش هيندم عليه غيرك
_ لو علي الندم يبقا انت اللي هتندم يا باشمهندس
"مشيت وانا دموعي مش عايزة تقف
انا اتخدعت فيه معقوله !
بس هو كان بيحبني !
معقوله لما البديل جه استغني !
بس انا قصرت في اي !
ما علاقتنا كانت حلوة"
"مليون سؤال في دماغي، ومليون حاجه، حوار ان ذكريات سنتين بنا اتحولو لِـ اكبر كابوس في حياتي حوار صعب وواجعلي قلبي"
____________________________
= صدفه، اي يا حببتي اتأخرتي ليه ومالك في اي
_ ماما سيف انا........
= مالو اي كل العياط دا
"حكيتلها وبابا كلمو والقصه انتهت.
انتهت خلاص !
سيف مبقاش معايا، مفيش حد هيكلمني ويحكيلي يومه كان ماشي ازاي، مفيش حد هيطمن عليا بعد الامتحانات مفيش حد هيشاركني تفاصيل وحكاوي كتير
معقوله كل دا كان وهم"
____________________________
= مش ناويه تصحي حضرتك
_ ماما انا مش عايزة اصحيَ سيبوني
= ماما مين
انا انجي يا هانم
_ انجي ! اي جابك !
= واحده صحبتي كدا نايمه بقالها شهرين في البيت وقافله علي نفسها، وسايبه شغلها وحياتها يولعو.
قولت اجي اشوفها
_ انا كويسه مفيش حاجه
= كل دا عشان سيف، دا عيل ميستاهلكيش.
_ انجي ارجوكي متجبيش سيرته
= طيب قومي يلا
_ علي فين
= علي الشغل هيكون فين
قضايا مصر وحقوق المرأة ضاعو في الشهرين دول يا استاذه
____________________________
"سنتين !
عديَ سنتين ما بين المحكمه وما بين البيت وما بين خروجاتي مع انجي وباقي صحابي
بس فعلا الحياة اتحسنت، مكنتش اعرف ان البني آدم دا كان اختيار غلط
وحبي له كان عاميني عن تصرفات كتير كانت غلط ومواقف برضو.
الحياة مشيت بشكل مريح وهادي جدا"
= يا صباح الفل
المحاميه صدفه بذات نفسها !
دا احنا زارتنا البركه
_ انجي اللي بتطبلي، اتعلمتي التطبيل امتي
= لا لا مقولكيش علي شطارتي
_ المهم يا استاذه، شوفتي ملف القضيه اللي بعتهولك
= واحده رافعه قضية خُلع على جوزها
_ ملاحظتيش حاجه !
= لا ما الملف اهو معايا فيه الـ......
ينهار ابيض، جوزها اسمو سيف المهدي !
_ لما سألتها ليه عايزة تخلعيه، طلعتو السئ اكيد، بس لما سألت بنفسي ودورت لاقيتها مرمطاه من ساعت ما اتجوزو، وفوق كل دا القادرة عايزة تخلعه
= هي دي اللي خانك معاها
_ شوفتي بقا الدنيا
= الحق يا صدفه، الحق
كما تدين تدان
"يوم طويل وكذا جلسه، بس الحمد لله عديَ علي خير"
= مبارك مبارك، صاحبة السعادة وحقوق المرأة اللي دايما كسبانه
ليكِ عليا خروجه علي حسابي انهاردة
_ اي دا اي دا
انجي بتضحي يا بشر
= هستناكِ علي المغرب كدا نروح وسط البلد ولا في اي مكان
"نزلت وسط البلد وكالعاده انجي متأخرة، لفت انتباهي شخص مش غريب عليا.
دا....... دا....... امير !"
_ البيه واقف كدا لوحدو افرض حد خطفك نروح فين بقا
= صدفه !
اي الصدفه العسل دي
_ بتعمل اي هنا
= انتي اللي بتعملي اي، انا نازل شغل
_ انا من القاهرة اصلا، بس اي نقل شغلك من اسكندرية للقاهرة يا حظابط
= نصيب بقا، بس كلمة حق انتي كنتي شغاله شغل كويس في اسكندريه
_ حبيت استقر هنا مع أهلي ونقلت شغلي هنا
____________________________
"الحظ كان مصمم اني اقعد مع امير، لما رنيت علي انجي قالتلي ان والدتها تعبت فجأة ونزلت تكشف عليها"
= وبس يستي هي دي حياتي واحداثها وكل اللي حصل فيها من ساعت ما عرفتك من سنه
_ حياة بسيطه
= وحلوة
_ وهاديه كمان
= وبحبها
_ ؟؟؟
= مش ناويه بقا تاخدي خطوة الجواز والمسؤليه ولا خايفه، ايوا ايوا كتكوته ضعيفه
_ والله !
= بهزر يستي، هتطلعي روح المحاميه اللي جواكِ، انا برئ والله
_ لما الاقي المناسب اللي ميسبنيش في نص الطريق، يكون فعلا راجل بمعني الكلمه، اللي يخاف ربنا، ساعتها عمري ما هكون خايفه من الجواز والمسؤليه
= طيب واي رأيك نجرب !
_ نجرب اي !
= نكسر حاجز الخوف دا
_ بس انا.......
= اديني فرصتي
يمكن ساعتها انا وانتِ منكونش خايفين من حاجه
_ واحنا سوا !
= لِـ اخر نفس فيا
لمتابعه باقي فصول الرواية اضغط هنا👇
