روايه سأنتصر بقلبك كامله جميع الفصول بقلم ڤونا
_چون رجع
كانت جمله كفيلة أنها ترجع ذكريات سنين كتير لتفكيري
=يعني ايه رجع؟! وعرفت ازاي؟!!
_شوفته في الشارع بالصدفه بس من بعيد
*ده غيث ابن خالي كان شاهد علي قصه حبي الفاشلة واللي كانت من طرف واحد تقريبا
أنا ڤونا عندي ٢٠ سنه تانية كليه تربيه اهلي متوفيين من وأنا عندي ٦شهور عايشه مع مرات خالي اللي بالنسبالي امي وابنها اللي هو غيث هو اصغر مني بسنه وفي اولي كلية آداب ويعتبر أخويا في الرضاعة
*چون ده كان حُب طفوله من وإحنا في ابتدائى مع بعض دروس ومدرسه وكان معانا غيث برضو بس هو كان اصغر مننا بسنه
كنت علي طول بحب أتكلم معاه واهزر معاه كنا ساكنين في نفس المنطقة هو في الشارع اللي بعدي علي طول بس للاسف حصله ظروف من كام سنه وعزل هو وأهله قعد التواصل بينا فترة لغاية م اتقطع التواصل بينا وفجأة وبدون مقدمات غيث بيقولي أنه رجع!!!!
اتنهدت _يرجع بقي ولا يروح ولا يجي مليش فيه أنا هروح أجهز عشان الجامعه وكملت ببرود_وأنتَ أجهز عشان توصلني
=انسانه استغلاليه
_جدا يا عمري
ضحنا وبعدين قومت جهزت وأنا بحاول أبطل تفكير فيييه!!!
جهزت وغيث كان مستنيهي تحت قدام العربية وهووووب لقيته واقف مع غيث حرفيا اتمنيت الأرض تنشق وتبلعني مكنتش جاهزة أواجه دلوقتي وبدون مقدمات لقيت ابن خالي المشمحترم نده عليا
لف چون لقاني وتقريبا إحنا الاتنين جالنا صدمه فوقت منها وأنا ببص علي غيث لقيته راسم ابتسامه مستفزة كنت عايزة اروح امسكه اطحنه
مكنتش عارفه اعمل ايه بس روحت عندهم وخلاص
صباح الخير
چون ابتسم بهدوء_صباح النور
مسبتش فرصه للكلام واتحركت بهدوء _يلا بينا يا غيث
ومشيت من قدامه وحرفيا همو*ت وابص ورايا بس الكاريزما
حسيت بحد ماشي جنبي لقيته غيث بصيتله بقرف_انتَ كنت قاصد صح
=صح
_هقول ايه م أنتَ متربتش
=معلش
احلي حاجه أن غيث بياخدني علي قد عقلي انسان عايز ياخد علقه كده
وصلنا عند الكلية بتاعتي
_يلا ادخلي وخلي بالك من نفسك وأنا هعدي عليكي نروح سوا
=حاضر وأنتَ خلي بالك من نفسك يلا باي
ودعنا بعض ودخلت في كافيتريا الجامعه اقعد مع صحابي شوية قبل المحاضره ما تبدأ بس ملقتش حد عشان هما عيال مش محترمه بيذلوني ويجو متأخر فقعدت لوحدي وفجأة حسيت بحد بيبعد علي نفس الترابيزة بتاعتي برفع عيني لقيته!!!!
فضلت بصاله وساكته مش عارفه أقول ايه؟اقول انه وحشني؟!!اقول وحشني صوته؟!!اقول وحشني ضحكته؟!!!
قاطع الصمت اللي بينا_عامله ايه
رديت بهدوء عكس اللي جوايا_ الحمدلله وأنتَ
_بقيت بخير لما شوفتِك
يأخي تبا طب اقوم احضنه ولا ايه اجمدي يابت يا ڤونا اجمدي
رديت ببرود_بتعمل ايه هنا
أتكلم وهو مبتسم_عزلنا أنا وأمي ورجعنا تاني هنا ونقلت كليتي وشغلي منا اكتشفت انك معايا في نفس الكلية
بصيت له بهدوء وهزيت راسي منغير رد
فجأة بصيت في الفون لقيت الساعه ٩ قومت بهدوء_عن إذنك
قومت مستنتش رد وجريت علي المحاضرة
دخلت المحاضره والحمدلله الدكتور لسه مدخلش دخلت وقعد في نص المدرج وفجأة لقيت ولد بيقعد جنبي شوية مهتمتش وقعدت بعيد شويه عنه وحبه لقيت چون قعد في نفس المدرج اللي أنا فيه بس بعيد شويه
دخل الدكتور ومر شوية وقت وهو بيشرح وفجأة لقيت الولد اللي جنبي قرب مني أوي وقال_ممكن نتعرف
بصيتله بقرف وبعدت عنه
كمل بابتسامه مستفزة_طب متيجيبي رقمك طب وفجأة لقيته بيحاول يمسك ايدي قومت محستش بنفسي وصوتي بدأ يعلي_انتَ متخلف يا جدع أنتَ... أنتَ إزاي تلمسني كده أنتَ مجنون
فجأة الدكتور اتكلم بغضب_اطلعي برااا يا آنسه
=حضرتك هو اللي مش محترم وحاول يتقرب مني أنا مغلطتش
_وكمان بتردي عليا اطلعي براااااااا
بصيتله بغيظ_م أنتم رجاله زي بعض
وخرجت بسرعه قبل م أمسك الدكتور اديله علقه
دخلت في جنينه الكلية بحاول أهدي وأنا بكلم نفسي_يلا شهييق زفير شهيق زفير
فضلت اردد كده لغاية مهديت وقعدت علي اقرب كرسي ليا
فجأة سمعت صوته_متزعليش أنا هجبلك حقك
اتكلمت بهدوء منغير مأبصله_متشغلش بالك هاخد فصل كام يوم وهرجع تاني مش حوار
بصلي باستغراب بان علي ملامحه_نعم
ضحكت_متخفش الحوار ده بيحصل كتير معايا عشان أنا البنت الوحيده في السكشن بتاعنا اللي مش بتصاحب ولاد ولا بتتعامل معاهم حرفيا مش بتعامل مع رجاله غير غيث وعم عبدو اللي تحتينا
بصلي بإعجاب صادق بان في عينه وفجأة اتحول لضيق_ يعني أنتِ علي طول في ولاد بتضايقك ومحدش بياخدلك حقك
اتنهدت وكملت_حقي أنا أعرف اجيبه أنا مش بعتمد علي حد يا چون
_طب فين غيث في حياتك ليه مش بيتصرف
=أنا من وقت ما أهلي توفو وأنا بعتمد علي نفسي في كل حاجه كل حاجه حرفيا مش برجع لغيث غير لو حاجه كبيره
أتكلم بضيق_والله؟!!!ومضايقه الولاد دي حاجه صغيره
=عالدوغري؟
_عالدوغري
=هو عارف أصلا
بصلي بصدمه_عارف ايه
ضحكت_عارف كل الخناقات دي كلها ومشجعني اني اجيب حقي قبل محد يحاول يجبهولي
بصدمه_نعم
ضحكت أكتر علي صدمته بكل صوتي
كان قاعد يتأمل فيا ولما لاحظت نزلنا راسنا إحنا الاتنين بحرج
بصيت في فوني لقيت الساعه ١١
_الساعه ١١ أنا همشي بقي كده كده كنت جاية عشان المحاضره دي بس هرن علي غيث الأول
=أستني طيب هاجي اوصلك
_لا ملوش لزوم أنا بروح لوحدي
=بس يا ماما
معقول كده كل الناس بتاخدني علي قد عقلي
رنيت علي غيث_ألووووو
=ايه يابنتي وداااني
_عالدوغري
=عالدوغري
_انا مروحه
=اتخانقتي مع مين المرادي يا مصيبه
_سيد عيب إحنا أهل
ضحك_طب روحي وأول متوصلي كلميني
=أحم أحم
_عايزة ايه
=منا مش مروحه لوحدي
_آمال
=مع چون
سكت شوية تقريبا بيحاول يستوعب اللي أنا قولته
اتكلم بنبرة خبث_ااه قولي كداااا بقي
=طب سلام يا عبيط
وقفلت في وشه وخدت شنطتي وبصيت له لقيته مركز معايا
وتقريبا سرحان فيا
اتكلمت بغرور_انا عارفه إني جميله بس يلا عشان جعااااانه
=يا واد أنتَ طب يلا ياختي بدل متبلعيني أنا كده كده طالع عندكم
_وده من ايه أن شاء الله
=وانتِ مالك رايح لسوسو حبيبه قلبي وحشانيي وأصلا زمان أمي عندها
_خدتو علينا بسرعة علي فكرة
=خليكي في حالك يا عسل
_حد قالك أنك مستفز
=كتير
_بصيتله بقرف ومشيت قدامه
وصلنا البيت ودار بينا كلام كتير وهزار كتير حسيت إني مبسوطه وروحي رجعتلي
وصلنا البيت وفتحت باب الشقه لقيت مامته في وشي(زوزو)
جريت حضنتها
_وحشاني أوي يا زوزو
=وأنتِ أكتر يا حبيبه قلبي عامله ايه
_بخير طول مأنتِ بخير يا زوزو
وكملت بضيق_ابنك الرخم برا
مرات خالي أتكلمت بضيق_وكل ده سايباه علي الباب يا معفنه…تعالى يا حبيبي أتفضل
*حبيبه قلبي يا سوسو
_شوفي الولية دي يا زوزو
=معلش يا قلب زوزو سيبك منها وتعالي افطري معانا
قعدنا نفطر إحنا الأربعة خلصنا فطار وطلعو قعدو في البلكونه
سوسو_البت ڤونا دي عليها كوباية قهوة اييييه عسل
بصلي وابتسم ابتسامه مستفزة_ومالو نجربها
رديت ببرود_أنتَ مطول معانا ولا إيه
سوسو_اتلمي يا موكوسه
حب الأهل ده فظيع بقولكم
وبالفعل بعد زن كتير قومت وعملت قهوة وأنا داخله للبلكونه سمعت جملة كانت كفيلة تقسم قلبي نصين
زوزو_چون هيخطب قريب
سمعت الجمله اتصدمت
يعني ايه هيخطب؟!!!!ايه العبط ده؟!!!ده أنا مش عارفه أعمل موڤ أون بقالي سنين ويوم ما يرجع وروحي ترجعلي يتخطب؟!!!!!
مقدرتش أكمل معاهم واستأذنت من مرات خالي إني أطلع علي السطح
كان السطح ملجأي الوحيد في الهروب من هموم الدنيا
القعدة بليل والفرجة علي النجوم ده كفيل أنه يشيل همومي
فجأة لقيت فوني بيرن باسم غيث
_الو
=ايه يا بنتي وصلتي ولا ايه
_اه وصلت حقك عليا نسيت أكلمك معلش
=تمام ولا يهمك…انا كده كده في طريقي ومروح وعايزك ضروري
_خلاص تمام…أنا علي السطح
=السطح؟!!!مالك في حاجه حصلت
حرفيا الوحيد اللي في الكوكب فاهمني وعارف إني مش بطلع السطح غير لو أنا مخنوقه
_لما تيجي هبقي اقولك متخفش مش حاجه كبيرة
=تمام أنا في الطريق سلام
قفلت معاه واتنهدت وفجأة لقيت قطه صغننه قدامي قعدت ألعب معاها شوية كده لغاية محسيت بحد بيقعد جنبي لقيته غيث ابتسمتله وسكت
اتنهد واتكلم_چون صح؟!
سكت فهو كمل_انا عارف أنك بتحبيه وبتحبيه من وأنتم صغيرين بس أنتِ مش شايفه منه أي رد فعل يدل علي أنه بيحبك وخصوصاً أنك بتقولي علي طول بيعاملك علي أنك أخته
_عارفه بس حقيقي أنا تعبت أنا مش ذنبي أن قلبي حب واحد قلبه مش معايا أنا كنت بدعيله في كل صلاه يا غيث أن ربنا يجعله من نصيبي اتنهدت وكملت بدموع_تخيل چون هيخطب!!!!
بصلي بصدمه ومكنش عارف يعمل ايه اخدني في حضنه وكأن حضنه هو الملجأ الوحيد ليا في الدنيا دي
مكنتش عارفه أعمل ايه كنت بعيط في صمت وغيث كان بيطبطب علي ضهري
_طب أهدي طيب ده أنا حتي هلبسك فستان قريب
بصيتله وأنا بمسح دموعي_ليه
أتكلم بغرور_بفكر أخطب
رقعت زغروطه أنا معرفش عملتها ازاي
_حقيقي فرحانه أوي أخيرا يا ولد اتحتحت من مكانك ده أنتَ عنست يا منيل
فضلنا نضحك سوا وفجأة لاحظنا وجود چون معانا وكنت مستغربه جدا ملامح الضيق علي وشه وهو بيبصلي بس مهتمتش لاني قررت اشيله من قلبي قومت من جنب غيث وقولتله إني نازله ومسكني من ايدي قبل مأمشي وعطاني كيس حلويات وأكل
_حقيقي الوحيد اللي بيعرف يخرجني من المود بحبك يا ابن سعاد
ضحكنا ولاحظت أن زاد علي وش چون الضيق وعروقه برزت تقريبا من كتر العصبيه بس مهتمتش ونزلت وفجأة وأنا نازله اتكعبلت علي السلم وقعت محستش بنفسي غير وأنا بفتح عيني وتقريبا كنت في مستشفى
_ااااه ااااااه نفوخيييييي
لقيت غيث جري عليا وسأل بخوف_انتِ كويسه يا بنتي
_اااااه نفوووخي ايه اللي حصل يا واد أنتَ يا قمر
=وليكي نفس تهزري ده أنتِ وقعتي قلبي
_معلش…ايه اللي حصل أنجز
=وأنتِ نازله علي السلم اتشقلطتي ووقعتي زرع بصل كده وايه نزفتي كتير طلع عندك د*م يا بت زينا
_ والله لأجوم أشق دماغك بس مش قادره عااااا
وفجأة الباب اتفتح لقيت سوسو وزوزو وچون دخلو وسألو عليا بقلق
_الحمدلله يا حبايبي متخافوش ربنا سترها
أتكلم غيث بخبث_طب مش تشكري چون لأنه اتكرم عليكي واتبرع لك بدم عشان نزفتي كتير
بصيتله وابتسمت_شكرا يا واد يا عسل أنتَ
وفجأة عم الصمت المكان لغاية مأستوعبت أنا قولت ايه وكملت بتمثيل_ااااه دمااغي مش قادره اااه جعااانه
غيث_طب إحنا اتطمنا عليكي يلا قومي بقي عشان نمشي
_ولد عيب عايزني امشي علي رجلي ولا اي ادوخ؟!!!أمو*ت؟!!!شكلك عايز تورثني
=أورث ايه يا معفنه يا مقشفه روحي أنتِ بس وأنا هاخد زرعه النعناع بتاعتك
_اراك طمعان في النعناع حجيي
=أچل يا سيدي
كلهم ضحكو علي طريقه غيث معايا معادا البومه اللي كان واقف معرفش مش طايقني ليه حصل خير
مر يومين وفجأة لقيت غيث بيقولي_متقدملك عريس
بصيتله بحزن وأنا بقول_ بس أنا مش مستعده لسه أنا لسه مخلصتش تعليمي حتي
=وهو عارف ومقدر ده هو حابب لو حصل نصيب دي تبقي فترة خطوبه وبعد متتخرجو تتجوزو
هزيت راسي بهدوء بالموافقه بس أنا من جوايا زعلانه جدا
مر اسبوع مش بنزل من البيت ومتجاهله محاولات چون في أنه يوصلي لما كان بيجي عندنا كنت بفضل قاعده في الاوضه بتاعتي ومش برد علي مسدچاته
لغاية مجيه اليوم اللي هقابل فيه العريس
لبست دريس أزرق هادي وعملت شعري ويڤي وحطيت ميكب بسيط بحاول اداري اثار الحزن والعياط اللي علي وشي
فجأة سمعت صوت برا فهمت أنه وصل عدي عشر دقايق ولقيت غيث جالي
_جاهزة
=جاهزة
طلعت واتصدمت لما لقيت زوزو وچون وحاولت استوعب لغاية ما زوزو اتكلمت وقالت_نسيب العرسان شوية
_ايه العبط ده
=عبط؟!
_انا بتعرض للعبط الجوزاتي
=مين
_مشي حالك…ايه اللي جابك
=جاي عشان أكمل نص ديني
_بس انا مش موافقه اتجوزك أصلا
وطبعا حبيب قلبي خادني علي قد عقلي وأتجوزنا وعيشت في تبات ونبات وخلفت ٣صبيان مخلفتش بنات
تمت♥️
#بقلم_ڤونا
#سأنتصر_بقلبك
