.jpeg){kind=small}
رواية حي بداخلي الفصل الاول
_يعنى ايه اتجوز مرات اخويا؟، انت سامع نفسك بتقول ايه يا بابا!!
= انا سامع نفسى كويس، مرات اخوك لسه صغيره والعين عليها، وغير كده هى حامل ف حفيدى او حفيدتى وانا مش هسمح ان حد تانى يربيه او يتربى بره العيله.
_ اه، تقوم تجوزهالى انا اللى متجوز ، واكبر منها ب حوالى 11سنين صح!، وبعدين يا حج كلنا عارفين بقصه الحب اللى كانت بين موج وادهم، واهو ادهم متوفى ليه 3 شهور دلوقتى وموج حامل ف الشهر الخامس، وكلنا عارفين برضو هما حابين البيبى ده ازاى، وازاى موج روحها ف البيبى اللى هييجى واللى هيعوضها عن غياب ادهم.، انا بحب مراتى يا بابا، مستحيل اجرحها بالطريقه دى
= يا بنى افهمنى انا رايدلك الصالح
_ انهى صالح ده يا حج؟ ، كلنا عارفين موج كانت بتعشق ادهم الله يرحمه ازاى، عايزنى اجى اقولها انا هتجوزك واخد مكانة ادهم عندك؟!
ابوه: ومين قال كده، احنا بس هنحافظ عليها يابنى وعلى اللى ف بطنها، اسمع كلامى يا ياسين احنا عايزين نحافظ عليها هى واللى ف بطنها
ياسين: فرضا انى وافقت كده كده مينفعش نتجوز قبل م تولد، لانها ف شهور العده، دى حاجه الحاجه التانيه بقى هى مش هتوافق وانا واثق من كده،ومراتى يا حج مش هيهون عليا اكسرها،انا روحى فيها
ابوه: يا سيدى وافق انت ومتشيلش هم موج، ولو على مراتك ف هى عاقله واكيد هتفهم احنا مالنا
ياسين: سيبنى افكر يا حج الامر مش هين زى م انت متصور، ادهم الله يرحمه كان ابنى قبل م يبقى اخويا.
ابوه: الحى ابقى م الميت، وانا عايز اشوفك مرتاح قبل م اقابل وجه كريم، انا مش حمل اروح لربنا وانا شايل ذنبها على كتفى
ياسين: بعد الشر عنك يا حج، اللى فيه الخير يقدمه ربنا
قطع كلامهم صوت اذان الفجر وهو بيأذن ف كل الجوامع، وراح ياسين وابوه يأدوا فرض ربنا
........
صحيت موج من نومها على صوت الاذان ودخلت اتوضت وصلت وقعدت تقرأ ورد القرآن، خلصت وقعدت مكانها على سجاده الصلاه تفتكر حياتها مع ادهم كانت ازاى وحطت ايدها على بطنها وقالت
موج: ربنا يقدرنى واربيك تربيه حسنه يفتخر بيها كل حد يشوفك يا رب، انت عارف بابا جميل اوى، هو اه مش معاك دلوقتى لكن هيبقى فرحان بيك وانت بتكبر كل ثانيه فى بطنى، بابا بيتمنى انك تيجى كل لحظه عدت علينا
اخدت نفس طويل ودموعها غرقت وشها وهى بتقول: بابا عمره م هيسيبنا لوحدنا.
قطع شرودها خبط ع الباب لبست اسدالها وفتحت لقيت حماها(كامل) وبنته (رحمه)
كامل: صباح الخير يا بنتى
موج وهى بتبوس ايده: صباح الجمال يا عمى، حضرتك عامل ايه
كامل: بخير الحمد لله، طمنينى حفيدى القمر عامل ايه.
موج وهى بتبتسم: بخير الحمد لله
رحمه: بابا يا ستى اصر انه نطلع نفطر معاكى، لانه عارف انك هتكونى صاحيه.
موج: يا سلام تشرفوا وتنوروا طبعا، لحظه ويكون الفطار جاهز.
وسابتهم ودخلت المطبخ تجهز الفطار وهى فرحانه لانها بتعتبر كامل والدها.
...............
_ ايه يا ياسين، م لسه بدرى مش عايز تطلع ولا ايه
ياسين: حقك عليا يا حبيبتى، بس الكلام خدنى مع بابا والفجر اذن، انتى منمتيش ليه لدلوقتى
قربت منه وحطت ايدها حوالين رقبته: قلقانه على حبيبى، ولا مينفعش اقلق
ياسين: يا سلام، واحنا نطول القمر ده يقلق علينا
ضحكت وقربت منه وحضنها ونامو...
...........
بعد الفطار قعد كامل وموج فى البلكونة ورحمه دخلت تنضف المطبخ بامر من كامل.
كامل: موج يا بنتى، كنت عايز افاتحك ف موضوع
موج: اتفضل يا بابا اكيد
كامل بتردد: بصراحه كده يا بنتى انا عايزك تتجوزى ياسين ابنى
موج بصدمه: استاذ ياسين؟ ، حضرتك بتقول ايه يا بابا
كامل: بقول الصالح لينا يا بنتى، انا عايز احافظ عليكى وعلى ابنك او بنتك اللى ف الطريق دول
موج: اى صالح ده يا بابا، اى صالح يقول انك تهدم بيت واحد بيحب مراته عشان تجوزه لواحده تانيه، اى صالح يقول انى اتجوز واحد غير ادهم يا بابا، ولما ييجى ادهم هتقوله ايه؟ تقوله جوزت مراتك لاخوك؟!
انت عايزنى اخون ادهم يا بابا؟ ترضهالى
كامل: لا حول ولاقوة الابالله العلي العظيم، يا بنتى اهدى مش كده ووحدى الله، ادهم الله يرحمه، مات وانا عايز احافظ عليكى
موج: ومين قالك ان ادهم مات يا بابا؟، ادهم عايش....
يتبع....
