منذ عامرواية زهرة أصلان كاملة جميع الفصول

 

_انتي واقفه معاه ليي؟
=في أي يا احمد دا اخوك التوأم مالك!!
_حد قالك اني مش بشوف يمريم؟ معتيش تقفي معاه وخلاص 
=أنا مش عارفه إنت بتكرهه ليي ، دا حتي لطيف
_نعم يختي ؟ 
=جرب نار الغيره وقولي قولي 
_طب تعالي تمم هقولك 
=خلاص والله ، يعم بمزح معاك

_دا أنا همزح ب كرامتك الشارع رايح جاي لو متظبطيش 
صحاب بقالنا خمس سنين ، مع بعض في هندسة ، بيحكيلي كل حاجه بس الحاجة الوحيدة الي مش بيتكلم فيها لي بيبعد عن اخوه ، مع انك متعرفش تفرق بينهم اصلا .
=يعني اي احسب هموت امتي؟
_وطي صوتك المعيد هيسمعك 
=أنا بتعرض للإلحاد الهندسي بجد 
..
_هنفطر اييي؟
=كل ما تعطل اديها طعميه 
_انا لو اتعصرت هنزل زيت بسببك ، تعالي اعزمك علي كريب
=مهو يا حرامي يا غسيل اموال يحبيب اخوك 
_يعنييي اييي؟
=بيبسي بقي عشان نبلع الورث
_ورث أي يمريم في اييي ، انتي عبيطة؟
=ماشي يقلبي زي بعضه ، مقبولة منك يروحي 
روحنا فطرنا ورجعنا الكليه تاني عشان كان لسالنا محاضرة 
*ازيك يا احمد 
_..
بصيت لأحمد الي ودي وشه النحية التانيه
=احمم ، ازيك يعبدالله عامل اييي 
*الحمد لله يمريم ، عملتي أي في الحوار الي اتكلمنا فيه ؟
_حوار اييي؟ ومن أمتي كان بيبقي بينكم حوارات اصلا؟
=حوار يخصه هو يا احمد في اي
_انت بتكلمها لي اصلا ؟ أي عاوز تاخدها زي ما بتاخد أي حاجه ؟
زعقت =احمد!! 
سابني ومشي ، رجعت بصيت لأخوه 
=متزعلش ، هو بيحبك بس مش بيعرف يعبر عن دا 
*أنا والله بحبه اوييي ، ونفسي نبقي قريبين بدل ما يبعدني عنه 
=اوعدك احاول معاه 
*مش عارف اشكرك ازاي يمريم
=العفو يعم علي ايي ، انت مش جاي المحاضرة ولا اييي؟
*لاء جاي ، اتفضلي 
دخلنا سوا ، بصيت علي احمد لقيته متنح ، ايدا في ايي ، هيقتلني؟
=نحن هنا 
_عاوز اركز في المحاضرة 
=من أمتي يدحيح ؟ ولا احنا بننجح بدرجات الرأفة فوق
_مش عاوز اتكلم يمريم 
=انت بتستغل أننا في محاضرة وبتكشملي؟ الله وكيل بعدها مهحلك 

المحاضرة خلصت =إلحقونا ، إلحقونا بجد 
_عاوزة اييي؟
=عاوزة اتكلم معاك 
_روحي اتكلمي معاه هو ، مش داخلين وعلي وشك ضحكة من الودن للودن
ضحكت =احمد انت بجد بتغير؟
_انا؟ لاء طبعا اغير ايي ولييي 
=اوكاي خلينا في موضوعنا ، أنا عوزاك تقرب من عبدالله ، في الاول والاخر انتوا اخوات ملكوش غير بعض
_انسي الموضوع دا وشليه من دماغك
=ولي بقي؟
_عشان انتي مش عارفه حاجة 
=كل لما افتح معاك الحوار دا تقفله من غير حتي متديني اسباب ، لي يا احمد ؟ لي بتعمل فيه كده؟
_لييي؟ البيت كله بيحبه هو ، هو الي واخد الاهتمام كله من واحنا صغيرين ، هو الأشطر والأعقل والي رأيه دايما صح والي مشرف العيلة كلها ، الأشهر الي كل الناس عرفاه ونفسها تكون زيه ، حتي بعد ما طحنت نفسي في تالتة ثانوي عشان اجيب مجموع وجبت ، ملقتش بردو اهتمام ، كله كان بيبارك ليه هو ، أنا كنت بتحبس في اوضتي لمجرد اني زعلته من غير مقصد ، هو الاطيب الي مش بيكسر كلام أمه ، وسند أبوه في الدنيا ، لكن أنا عندهم حاجه؟ ولا حاجه ، عاوزين عبدالله وبس ، تيجي تقولي ليي بتعمل فيه كده؟ ليي!!
كان بيعيط وهو بيتكلم ، لأول مرة اشوفه حزين كده ، ازاي كاتم كل دا جواه وبيعرف يضحك ويهزر معايا ، يسمع مشاكلي ويحلها ويقف جمبي؟ دا انا مشاكلي طلعت تافهة اويي قدام الي حسه دلوقتى 
=أنا اسفه ، أنا مكنتش اعرف ، بس الي اعرفه إن اخوك بيحبك يا احمد ، أنه عاوزك معاه ، أنه مش عاوز يكبر ويبص جمبه ميلقكش ، اخوك بالرغم من إن الكلية كلها تعرفه بس وحيد من غيرك ، اخوك نفسه تحسسه انك اخوه ، اوعا تاخده بذنب حد 
_..
=بطل نكد ، احسن والله اعيط 
_انتي غرقتيني اصلا ، بطلي عياط بقي متصدعناش
=ولا! متزعلش 
_مش زعلان ، قومي يلا روحي 
=انت بتتهرب من عشا النهارده ؟ والله ؟
_اه النهارده الخميس ، عاوزة تاكلي فين؟
=مطعم الخلية 
_دا بتاع عسل ولا ايي؟
=لاء دا الي معمول فيه فيلم احمد عز يسكر 
_متهزريش معايا تاني 
=هبقي ابعتلك اللوكشين يخفة ، سلام 
روحت ورنيت علي منة و عبدالله ، الخطة هتنجح يا اما النصر أو الشهادة بقي وربنا يرحمني 

قد يعجبك ايضا

الساعه جت سبعة ، لبست دريس وحطيت ميكب خفيف ونزلت روحت المطعم 
_شكلك حلو ، اوييي 
=الله يستر طريقك ويعمر بيتك ، روح ربنا يخليهوملك
_انا شمام اني بتكلم والله ، ها تاكلي اييي 
عبدالله دخل ووقف قدام الطربيزة *مساء الخير 
=ايدا يادي الصدف ، سبحان الله بدون تدخل بشر!!
_وحيات خالتك؟
=لو سمحت الحمام فين بسرعة 
قومت من مكاني =اقعد يعبدالله ، هروح اعدل الميكب وجايه 
طلعت اجري زي النعامة المتسابة ، استرها معايا يا رب ، صوتوا يجماعه يمكن حد ينجدنا
_انت أي الي جابك هنا؟
*هو..
_مريم مش كده؟
*أيوة ، هي بتساعدني ، أنا اخوك يا احمد مش عدوك 
_عمري محسيت انك اخويا ، مع اني قاعد قدامك كأني قاعد قدام مرايا 
*انت احسن مني بكتير 
_انا!!
*أيوة ، أنا دايما بكون عاوز ابقي زيك ، اعمل الي يجي في دماغي ، اعيشها طولها بعرضها و..
_هو أنا كنت كده بس جت واحدة غيرت كل دا 
*أنا نفسي نبقي صحاب ، صدقني لو اديتني فرصه هتعرف انت بالنسبالي اييي 
_انا راضي ذمتك ، حد معدي وسامع الكلمتين دول يقولوا علينا اييي؟ 
ضحكنا احنا الاتنين ، مش عارف ايي الي حصل! بس يمكن لما فضفضت لمريم حسيت اني كمان غلطان وانه فعلا ملوش ذنب!
*بابا وماما بيحبوك اوي ، بيحاولوا يوصلوا دا بس مش عارفين ، أنا وأنت عندهم زي بعض ، أنا هحاول اخليهم يحسسوك ب كده 
_مش عارف اقول أي ، بس شكرا 
=احممم ، الميكب معدول؟
_هو معدول ، بس انا هخليكي اسكرين شوت 
=استهدي بالله ينجم في ايي 
_لي عملتي كده!
=عشان انتوا الاتنين تفضلوا مع بعض ومتزعلوش 
*انتي جدعة اوي يمريم بجد 
غمزت =لاء لسه الحوار التاني علي وصول 
_حوار اييي!
=اتقل 

جت منة ووقفت قدامنا =ازيك يمنونة عاملة اييي
°الحمد الله ، ازيكم 
=ها رد !!
كان عبدالله متنح منه لله *الحمد لله تمم 
=ايدا الطربيزة دي صغيرة ، اقعدوا انتوا في الطربيزة الي جمبنا بقي معلش 
*ممكن ناخد طربيزة اكبر !
=انت يبني متخلف؟ اسكت يعبدالله ربنا يكرمك 
قعدوا علي الطربيرة الي جمبنا ف رجعت بصيت ل احمد وانا بضحك 
=اخوك دا لخمة اويي
_اي الي بيحصل بقي؟
=عبدالله بيحب منة ، هيعرف يقولها؟ 
_لاء السهرة صباحي 
=احيه! 
_عاوز اقولك حاجه 
=قول 
_مريم أنتي احسن حاجه في حياتي 
=هعيط والله وهطلع اصوت في المكان وافضحك
_امال لو قولتلك بحبك هتروحي فيها!!
=تقول ايي؟
_بح..
*احمد 
_بذمت اهلك دا وقته؟
*اقولها أي ؟ أنا بقالي خمس دقايق بقولها ازيك بس 
_قولها الي انت حسه من نحيتها
*أيوة يعني اقول اييي؟
_انت كده هتشلني يمعلم 
=قولها انك بتحبها ، وعاوز تخطبها ، وانك من اول مشوفتها دوخت 
*لي هي مخدر ولا اييي!!
=تصدق؟ أنا غلطانة إني جبتها البت صغيرة علي الجلطة 
*يعني اقول علي طول بحبك كده؟
=انت متخشب وانت بتقولها ليي! اخوك كان ممحون اوي وهو بينطقها
_مريممممممم!!
=قولها يبني يلا خليني اقوله وانا كمان بقي في الليلة الي مش معدية دي
_وانتي كمان اييي؟
=منة ، عبدالله بيحبك خديله معاد مع الحاج
مريم سمير 🤍.
 🤍.

تعديل المقال