رواية زهرة أصلان كاملة جميع الفصول

 

رواية احببتك وأنت احببت غيري الفصل الثاني 2

( 2 )

_ باستغراب في أي ياخالتو متعصبه كده ليه تعالي ادخلي 

_ بعصبية من غير ما دخل وكملت بسخريه يابن اختي كنت فاكرة بتخاف عليها وعلى زعلها بس طلعت انت سبب دموعها دي وهوب ضربتوا بالقلم على وشه 

" كنت مصدومه حرفيا ماما عمرها ماضربتو ولا اتعصبت وعملت كل ده عشاني عشان بس قولتها مش بيحبني وكمان متعرفش باقي الحكايه الاحسن ماقولهاش مش ضامنه تعمل فيه اي مش هاين عليا اشوفه زعلان بسببي فوقت على صوته وهو بيكلم ماما " 

_ وهو حاطط أيده على وشه ومصدوم حقك تضربيني ياخالتو بس عايز افهم ليه وده من حقي برضو 

_ عشان حضرتك زعلتها و....

_ خوفت تقوله حاجه اتكلمت بسرعه استني ياماما هفهك كنت بعيط ليه وبعدين مراد ملوش دخل اصلا وبصتله اسفه يامراد حصل سوء تفاهم

_ امها بعدم فهم ازاي وانتي قولتيلي مراد مب...

_ ياماما قولتك هفهمك تعالي معايا بس جوه الناس هتنزل على صوتك كده 

_ كانت داخله رجعت بصت لمراد واتكلمت متزعلش مني انت عارف بحبها قد اي ودموعها غاليه عندي وانت كمان غالي عندي ياحبيبي

_ عادي ياخالتو ولا يهمك عمري مازعل منك انتي امي تانيه برضو

_ تسلم ياحبيبي ودخلت الشقه 

" كنا واقفين مش بنتكلم بنبص لبعض بس خلاص هدخل مسك ايدي واتكلم"

_ مش ناويه تقوليلي زعلانه ليه وليه كدبتي على خالتو عارف اني السبب 

_ عيطت ع عش عشان 

_ مسحلها دموعها ومسك أيدها عشان تهدأ بس اهدي متعيطيش عشان خاطري

_ عيطت زيادة لما قالها عشان خاطري

_ طب انا اسف مش عايز اعرف دلوقتي اهدي دلوقتي ونبقي نتكلم بعدين بس بطلي عياط بقا ياحبيبتي

_ هنا اتكلمت مابين عياطي حبيبتك 

_ اه حبيبتي فيه اي ؟

_ حقيقي بقيت مستغربك خالص من امبارح مش حاسك انتي 

_ تعبانه شويه 

_ بخوف تعبانه مالك فيكي ايه اي بيوجهك نروح لدكتور طيب 

_ بوجع تعبي مالوش علاج وسابته ودخلت 

" مش عارف مالها زعلان عشانها اوي في يوم وليله اتغيرت وملامحها بقت باهته وحزينه انا بجد تعبت من التفكير انا غلطان اني قولتلها هخطب صح ممكن يكون ده سبب هي فاكرة أنها هتخدني منها ومش هبقي معاها زي الاول ياربي هي حقيقي مصدقه اني ممكن انساها وابعد عنها دي بتحلم والله ليلى دي حته مني حتي لو مي في حياتي بس هتفضل غلاوتها عندي زي الاول انا عرفت هعمل اي عشان ارجعها زي الاول تاني"

_ ليلى دخلت لقت مامتها قاعده مستنياها 

_ ممكن افهم بقا كل حاجه ياليلى ؟ 

_ مفيش ياماما كان حوار بيني وبين ومراد وحضرتك فهمتي غلط وتسرعتي وضربتيه كمان 

 عقلها : بعد ماكسر قلبك وقالك هيخطب بدافعي عنه لسه 

 ‏قلبها : عشان بحبه ومش عايزاه يزعل بسببي 

 ‏عقلها: طب وانتي مش زعلانه على نفسك وعلى حالك ده 

 ‏قلبها: اسكت انت الي بيحب مايتمناش الوجع للي بيحبه

 ‏عقلها: مش معني هو وجعها وكسرها 

 ‏_ بعصبيه ومسكت دماغها بس بقا اسكتوا انا زهقت مش عايزة اسمع حاجه تاني 

_ لا حول ولا قوه الا بالله يابنتي ريحي قلبي واتكلمي بدل مابتكلمي نفسك كده ومتقلقيش هفهك وهسمعك للآخر 

_ بصي ياماما انا لما وعيت لقيتكو انتو بس جمبي ومراد كان كل حاجه في حياتي بيساعدني في كل حاجه ، بنخرج سوا ، بيشاركني كل تفصيله في يومي حرفيا كنت لسه صغيرة مش فاهمه حاجه برضو كنت بحبه لان كان سندي وأماني وكملت بزعل وعياط واخويا كمان زي مابيقولي وكان حنين عليا بيعاملني زي بابا الله يرحمه بس 

_ اشش اهدي وبطلي عياط ياروحي وكملي خدتها في حضنها وهنا بدأت تعيط بوجع اكبر 

_ لما كبرت ياماما وبقيت في ثانوي حبيته اكتر واتعلقت بيه جدا ،ويومي بيبقي وحش لو راح الكليه وكان بيتاخر ويجي يذاكر وينسي يكلمني زي الاول 

_ بصتلها بمعني كملي 

_ وقتها قولت عادي بيقي مشغول كام ساعه وفي الاخر بيرجع يقعد معانا تاني وبنخرج سوا زي الاول وقتها حبيته ياماما اوي ولسه لحد دلوقتي بحبه 

_ماما اتصدمت من كلامي وطلعتني من حضانها وبصتلي بصدمه مكانتش متوقعه اني بحبه الحب ده كانت فاكرة بحبه حب اخوي فاقالت يعني انتي بتحبي مراد من زمان ياليلى!؟

_ بعياط اه ياماما بحبه من زمان بس هو مش حاسس بيا اصلا عارفه ياماما لما كنت بتكلم مع مي وقولها بحبه وتسالني ليه كنت بقولها معرفش بحبه ليه بس هو كده عايزاه معايا ع طول لو غاب عني بيوحشني بخاف عليه لو اتأخر عليا تعرفي ياماما يمكن حبيته بسبب خوفه عليا لو تأخرت لو تعبت مثلا لو توهت لو حد حاول يكلمني تفتكري بيخاف عليا وبيحبني بجد ولا كأخته زي مابيقول دايما 

_ بصي ياحبيبتي مش عايزة اديكي امل على الفاضي لأن انتي عارفه مراد انا الي مربياه بس هو غامض حبيتن محدش عارف بيفكر ازاي بس اهدي وانا هتصرف معاه وهكلمه وان شاءالله ربنا عايزه هيكون بس انتي عارفه أن هيخطب

_ عارفه ياماما ده الي مزعلني اوي بس انا هتكلم مع مي وشوفها ازاي توافق اصلا عليه 

_ ماشي ياحبيبتي بس اهدي كده ومتزعليش نفسك وبعدين هو الي خسران حد قلبه جميل زيك ياليلى مش انتي خالص انا عايزاكي تحاولي تنسي ياحبيبه ماما وكفايه دموع عليه دموعك غاليه عندي ياليلى عشان خاطر ماما بصي اوعديني هتكوني اقوي من كده ومش هتعيطي تاني مهما حصل فين ليلي القويه خليها تظهر وامحي ليلى الضعيفه الي بتعيط عشان حد هو الخسران مش انتي يلا ياروحي اوعديني 

_ معني صعب عليا ياماما وكمان بشجاعة بس وعد من النهاردة ليلى جديدة خالص مش هو هيخطب تمام وانا هحضر خطوبته وهكون اول واحده تحضر كمان 

_ عارفه ياحبيبتي بس انتي قدها ياليلى وانا جمبك وعمري ماهسيبك أبدا وعايزاكي تعرفي مفيش حاجه مستاهله تزعلي نفسك عشانها حتي لو شخص روحك فيه انسيه وعيشي حياتك ياليلى وبكرة يندم أن ضيعك من أيده ابن الهبله ده بس انتي اصبري وانا هوريه النجوم في عز الضهر 

_ لا ياماما متعمليش حاجه انا الي هتصرف بمعرفتي وضحكت ضحكه شريرة 

_ ايوه كده اظهري ليلي بتاعت زمان الشريرة 

_ اول مرة اشوف ام عايزة بنتها تبقي شريرة 

_ لفترة بس وبعدين هخفيها انا بخاف على حياتي برضو

_ بقا كده ياحنان ماشي انا داخله انام شويه 

_ ماشي ياحبيبتي بس انتي وعدتيني مفيش عياط تاني ولا ايه 

_ والله خلاص وعد 

_ ليلي 

_ ياحنان خلاص بقا هموت وانام 

_ بعد الشر عليكي ادخلي ياختي 

~~~~~~~~~~~~~~~~~~~~~~~~~~~~♡

 " في مكان تاني على البحر "

" مراد قاعد وقصاده مي "

_ كلمتي باباكي في الموضوع صح ؟ 

_ كلمته ووافق تيجي يوم الجمعه انا فرحانه اوي 

_ مش قدي يابنتي كنت مستني اليوم ده من بدري اصلا 

_ هسألك على حاجه وجاوب بصراحه ؟

_ اسألي فيه ايه ! 

_ انت بتحبني بجد ولا مجرد اعجاب مش اكتر زي ماقولتلي انك معجب بيا والكلام ده لو مجرد اعجاب فاهيروح مع الوقت لو حب بقا يفرق ولا ايه 

_ صح بس انا فعلاً بحبك ولو كان مجرد اعجاب وهيروح زي ما بتقولي مكنتش اخدت خطوه زي دي ولا ايه رايك انتي 

_ اقنعتني اه صحيح ليلى اخبارها ايه برن مش بترد عليا خالص 

_ بزعل والله مش عارف مالها اليومين دول بتتاجهلني خالص حاسسها زعلانه مني ومش عايزة تقولي مالها وكمان وسكت 

_ كمان اي كمل ؟ 

_ حاسس انها زعلانه بسبب اني هخطبك وكده مش عارف ليه بس متزعليش ده مجرد احساس مش اكتر 

_ لا عادي مش زعلانه هحاول اتكلم انا معاها وهفهمها متقلقش

_ ربنا يدميك ليا

_ ويدميك ليا 

_بصي همشي دلوقتي عندي شغل وكمان عشان اظبط اموري ليوم الجمعه 

_ ماشي يلا بينا 

_ يلا بينا 

" مراد وصل مي بيتها وودعها ومشي راح يشوف شغله وعمال يفكر في ليلى أما مي فرنت على مامت ليلى لأن ليلى مابتردش عليها "

ترن ترن 

_ الو مين ؟

_ ازيك ياطنط انا مي صاحبت ليلى 

_ بتكلمها ببرود اه انا تمام وانتي 

_ بخير الحمدلله معلشي كنت عايزة اكلمك ليلى برن عليها مش بترد 

_ بهمس وعايزاها ترد ده انتي بجحه اوي يابت اه بس ليلى نايمه دلوقتي

_ تمام بس كنت قلقانه عليها ف بستأءن حضرتك هاجي اشوفها يعني 

_ بهمس جايه لقدرك وكملت تعالي تنوري ده حتي نتعرف اكتر هبقي حماتك تانيه برضو 

_ تسلمي ياطنط الشرف ليا طبعا مع السلامه ياطنط

_ حنان خلتها بتتكلم وقفلت الفون في وشها 

" بعد وقت مي جت وخبطت على الباب ومامت ليلي فتحتلها "

_ تعالي ادخلي نورتي 

_ بنورك ياطنط والله اومال فين ليلي ؟

_ ليلي من وراها اهلا بالاستاذة مي نورتي بيتنا 

_ مي بقلق بنورك بس فيه ؟ 

_ ولا حاجه تعالي اقعدي مايصحش انتي ضيفه عندنا 

_مي قعدت واتكلمت ليلى أنني مش زعلانه صح ؟

_ زعلانه !! وهزعل ليه يابنتي عملتي حاجه تزعل 

_ ازاي !! انتي مش زعلانه عشان مراد سابك وجالي انا 

_ بهدوء عكس الي جواها لا ياحبيبتي هزعل من ايه عادي هو اختارك لانه عمره ماكان بيعرف يختار حاجه صح كنت دايما بختارله الاحسن بس للاسف المرة دي خيب ظني فيه حقيقي زعلت اوي 

_ قصدك اي ؟ 

_ مش قصدي بس لو عايزة قصدي بجد فاهقولك يعني بس عايزاكي تفتكري حاجه كنت قولتك عليها زمان عن مراد لما مكنتش معاه واشتري اللبس والكوتشي لوحده 

" نرجع بالزمن شويه "

 

_ ليلي بقولك تعالي معايا اجيب لبس 

_ جاي وانا تعبانه وتقولي انت مابتفهمش يابني 

_ انا مابفهمش عارفه لو قدامي دلوقتي كنت ولعت فيكي بس ملحوقه لما اشوفك 

_ وهون عليك ده حتي تعبانه كمان 

_ اولا متهونيش عليا ثانيا لما تخفي ياحبيبتي هولع فيكي برضو

_ بضحك وتعب طب اقفل بقا عشان مش قادرة امسك الفون وهموت وانام 

_ ماشي ياختي وكمل بزعل هروح لوحدي يعني منه لله تعب كان لازم تتعبي فترة دي 

_ ولا متعصبنيش هو بايدي اني تعب يعني 

_ اهدي ياما لتروحي فيها المرة دي هروح لوحدي وامري لله بس يارب انقي حلو بس 

_ طول عمرك فاشل واحد كبير وشحط زايك مابيعرفش يختار لبسه لحد دلوقتي هصوت منك والله 

_ اعمل اي طول عمري بلبس على زوقك انتي البركه فيكي بقا 

_ لو ابني مش هيعذبني كده والله 

_ ده شرف ليكي اني ابنك اصلا ياماما

_غور ياحبيبي يلا وابقي وريني البس اوك 

_ اكيد من عيوني يلا سلام 

" باليل "

_ ليلي اي رايك ؟ 

_ نوعا ما حلوين 

_ كنت عارف مش هيعجبوكي بس حاولت كتير

_ بضحك بس اهو احسن واحده واحده هتتعلم ؟ 

_ طب بصي الكوتش ده ؟ 

_ شوفته اي ده يامراد مش حلو خالص 

_ كنت عارف هو مش عاجبني اصلا بس مفيش غيره قصادي ومحتار اوي لو كنتي معايا بقا 

_ معلش تتعوض هتلبسه ؟ 

_ لا 

_ بضحك اومال جبته ليه ؟ 

_ مش عارف بصي سيبك كوتشي ملوش لازمه لما تفوقي كده ننزل سوا اسيبك ترتاحي 

_ ماشي يامرمر تصبح على خير

_ وانتي من اهل الخير ياختي وبلاش ام مرمر دي ياما 

_ حاضر يامرمر 

_ برضو انا همشي بدل ماقتلك حالا

"نرجع تاني للواقع "

_ بعدم فهم ايوا يعني قصدك ايه برضو مش فاهمه 

_ ياروحي وانتي من أمتي بتافهمي بصي هو اختار يومها الكوتشي ومكنش حلو ولا عجبه اصلا وكان وحش والمرة دي برضو قرر نفس الغلط واختارك زي ماختار الكوتش الي بيلبسه في رجله يعني واضحه انتي والكوتش واحد اختيار غلط من الاول الكوتشي رماه ومندمش عادي ف انتي بنسباله عادي خالص وبكرة تشوفي هههههههه وهفكرك باليوم ده 

_ مي بصدمه ومتغاظه منها جداً بس كملت بحزن مصطنع شكرا ليكي انا قدرتك وجتلك وفي الاخر اتهزق بسببك كده 

_ مش عليا تمثيل ده ويلا من غير مطرود عشان سوري شقتنا نضيفه على طول ومش بحب اوسخها بزباله وكملت بضحك ده حتي ماما تزعل مني كده وانا ميرضنيش تزعل بسبب حاجه تافه زي كده 

_ بحقد وغل بما انك عارفه اني بمثل بقا ف اه ياليلى حبيت اكسرك واخد حبيبك منك ليه انتي تتحبي من الكل وانا لا ده حتي في الكليه شله كلها بتحبك وعايزينك وسطهم على طول ولو يحرام غبتي يوم عنهم بيموتوا عليكي هي فين طب حصلها حاجه طب فيها اي وهيتجننوا عليكم ده حتي حمزة حبك انتي وانتي رفضيه وانا كنت بحبه ورفضني عشانك وعشان مازال بيحبك لحد دلوقتي ها فهميني بقا ليه كلهم بيحبوكي وانا لا ها ردي عليا ساكته ليه 

_ مصدومه حقيقي كل الحقد ده شيلاه ف قلبها من ناحيتي واقفه مش بتكلم خالص ف ماما تداخلت 

_ انتي حقيقي واحده زباله دايما كنت بحذرها منك مع انك كنت بتباني طيبه 

_ هههههههه طيبه اه حضرتك الي طيبه والله بصي سيبك بقا انتي وبنتك من الجو ولو حد فكر بس يقول ل مراد حاجه مش هتعرفوا اي هيحصلكوا فاهمين أو بالخص سي مراد بتاعك ياليلى ممكن اموته عادي هههههه 

_ هوب قلم نزل على وشها من حنان ده عشان الحقد الي فقلبك لبنتي وهوب قلم تاني وده عشان اتجراتي ورفعتي صوتك عليا ويلا غوري من هنا مش عايزين نشوف وشك تاني فاهمه وانا هقول لمراد مستحيل اخليه يتجوز واحده حقيرة زايك انتي فاهمه برا لسه واقفه حنان بعصبية زيادة قولت غوري 

_ مي خافت من صوتها جدا وخرجت بسرعه وحلفت تندمها هي وبنتها

~~~~~~~~~~~~~~~~~~~~~~~~~~~♡

مراد قاعد في شغله فونه رن وكان رقم غريب كنسل رجع رن تاني لقى نفس الرقم قرر يرد ليكون حاجه مهمه 

_ الو مين حضرتك

_ حضرتك استاذ مراد صح ؟ 

_ اه مين حضرتك ؟ 

_ طب حضرتك لازام تيجي ضروري ف عنون ده ووووو 

_ بصدمه ازاي ده حصل انا جاي حالا 

يتبع......

   

تعديل المقال