.jpeg){kind=small}
رواية حبي الاول الفصل الاول 1
- آسر آسر
= ايه ايه
- خد الساندوتش ده
ضحك: هو انا رايح المدرسة دي جامعه يا ليلي
= فيها اية! ما انت بتقعد كتير خدهم عشان متجوعش.
- لا متقلقيش يا حببتي يلا سلام
ليلي قالت بسرحان بعد ما مشي: حببتي!؟
فجأه سمعت زعيق عمتها: انتي يابنتي بتعملي اية عالباب خشي
ليلي بسرعه: حاضر حاضر داخله
- ممكن اتكلم معاكي يعمتو؟
- هاه ارغي يختي وكلي دماغي
= هو ينفع اخرج بليل كدا شوية عشان
قاطعتها: تخرجي!!! فين و مع مين هو انتي حد يعرفك غيرنا؟
= لوحدي يعمتو لوحدي انا زهقانه اوي
- لاء مش هينفع يا ليلي روحي ذاكري ولا شوفي حاجه تعمليها
" ليلي مشيت بخنقه واتمنت لو ابوها كان معاها ومكنش سابها بعد موت امها لعمتها هدي وسافر هو "
***********************
- اية ده آسر جيت بسرعه انت كويس
- ايوه انا تعبت شوية عادى و جيت
بقلق: من اية؟
= بيني و بينك لما كنا بنحضر التشر*يح وشوفت الد*م مقدرتش امسك نفسي كنت هقع
- كان لازم تدخل جراحه يعني!!!
= حلمي يا ليلي هعمل اية ادعيلي اتعود ، هو فين السندوتش صحيح
ليلي فضلت تضحك: قعدت اقولك خده!! هعملك واحد
اسر بصلها: يعني او خليكي معايا شوية لأني لما بقعد معاكي برتاح
لتاني مره تدخل هدي بزعيق: انتوا بتعملوا اية مش بتذاكروا ليه؟؟؟ وانت مش جيت بدري؟ خش اعملك حاجه مفيده
= ماما ارجوكي سبينا احنا تعبانين من المذاكره
- طب انت فكلية طب وتعبان معروفة الهانم ام فنون جميلة مالها هي بتعمل حاجه ؟؟
ليلي معرفتش ترد لكن آسر قام بهدوء: بتتعب زيها زي عادي ملهاش علاقة يا ماما ياحببتي كل واحد فمجاله بيتعب ممكن بقي تسبينا شوية؟
= ربع ساعه وكل واحد يقوم يشوف حاله
" مشيت و آسر قعد ولاحظ فرك ليلي ف ايدها حركه بتعملها دايما لما بتتوتر "
مسك ايدها: اهدي هي متقصدش
ليلي رفعت راسها: شكرا
- على اية؟
= عشان بتحاول تهديها عليا
- هي عصبيه بس بتحبك علفكره
= انا عارفه وانا بحبها مش بحب ازعلها عشان بابا دايما يقولي كان نفسها تخلف بنت واخليني انا زي بنتها
- انتي قلبك ابيض يا ليلي و حنينه
= مش بحب الابيض ممكن نخليها بنفسجي
آسر ضحك: تعرفي لما بابا اتوفي و بعدها علطول مامتك اتوفت حسيت اننا شبه بعض اوي فحياتنا
- بس انت قاعد مع عمتو انما انا بابا سابني وسافر
= مهو بيشتغل عشانك يا ليلي
- يمكن معاك حق
= وبعدين مش مبسوطه معانا ؟
- لا مرتاحة انت بتهون عليا حاجات كدا
= انا مكنش في حد بيهون عليا قدك يا ليلي ومازلتي
- طيب بقول نقوم قبل ما عمتو تيجي؟
ابتسم: طيب يلا بينا
*****************************
- صباح الخير ماما بتقولي انك هتروحي الكليه انهارده
= اه اه عندي محاضرة وكدا
- طيب انا لبست هستناكي فالعربية تحت
" ليلي قامت تلبس ودخلت غسلت وشها بسرعه وقابلت هدي وهي عالباب "
- تفضلي فاتحه موبايلك عشان اطمن عليكي
= حاضر عيوني يعمتو
- وتخلي بالك من نفسك
= حاضر حاضر حاضر باي
" نزلت بسرعه وركبت العربية بحماس "
- مالك متحمسه كدا ليه!
= الجامعة وحشتني اوي..
- اممم طيب حاسبي اربطلك الحزام
= مش لازم! انا اصلا م
" آسر قرب فجأة يربطه وهي نفسها اتكتم من الاحراج لكن هو ربطه وبعد عادي "
- كده امان اكتر.
ليلي وهي بتتنفس: احمم ماشي الى تشوفه.
" وصلت الجامعة ونزلت وقفت عملت لأسر باي باي ولما مشي هي مشيت عكس اتجاه باب الجامعة اصلا وفضلت تضحك ان خطتها نجحت "
*******************************
- اية يا نجم ازيك
= الحمد الله
- مشيت امبارح فجأة كده انت يا اسر
= تعبت بس عادي
- امممم و علفكره ندي لاحظت و سألت عليك
= يخرابي على رمي البلا سبحان الله القبول من عند ربنا
- البنت قمر مالك! انت تطول
= بس ملفتتش نظري يا احمد بحسها متصنعه اوي غير اني مليش فالجو ده عمرك شوفتني واقف مع بنت؟
- الصراحه لاء
= طيب
احمد بخوف: بس عمتا انا ادتتها رقمك
= يا ابنال!!!!!!
رد بسرعه: والله فضلت تزن!!!
= يبقي هي الى قعدت ترن امبارح بليل! ده انا كنت هرد واشتم دي رنت الساعة 2 بليل يا احمد
احمد ضحك: وقعت خالص الظاهر
- بلاش كلام فاضي! يلا بينا ندخل
*****************************
" اما ليلي بقي كانت عالبحر وهي بتشرب العصير وبتصور البحر و السما بروقان ولا هممها حاجه و مبسوطه اوي كانت قافلة موبايلها عشان لو عمتها رنت عليها متفصلهاش لأن ليلي شايفة ان عمتها مش بتصرف عليها جنيه هي بس قاعده عندها وملهاش حق تتحكم فيها وتقرفها! طلعت كشكول وقعدت ترسم بسعادة وهي كلها طاقة ولما افتكرت معاد رجعوها رنت على آسر بسرعه وصربعه"
- الو.. آسر
= ايه انتي فين ماما كانت بتكلمك خلصتي ولا اي؟
- مسمعتش الفون ، انا خلصت و روحت استناك عالبحر
= اية مشاكي كل ده لوحدك ؟
- قولت استناك هناك بقي
= طب انا جي خلي بالك من نفسك..
************
- اية يابنتي ده وقاعده ومريحه اوي كده ليه؟
= كنت زهقانه معلش بقي
- قوليلي وانا اجيبك بس متجيش لوحدك هنا الحتة هنا يعتبر فاضيه
= طيب فاضيه مجيش ليه
- عشان ممكن حد يضايقك يذكيه
ضربها على دماغها براحه: وبعدين بتعاندي ليه ها
ليلي ضحكت: حاضر..
" رجعوا البيت سوا وهدي كانت مدايقة بسبب ان ليلي مردتش عليها وقلقتها "
- انا مش نبهت عليكي تردي عليا و
اسر قاطعها: صلي عالنبي يا ماما ناخد نفسنا بس
ليلي بخوف: مكنش في شبكه و مسمعتش الفون
- بعد كدا لازم تطمنيني
= هيحصل اية وانا جوه الجامعة يعمتو!
هدي بعصبيه: متجادلنيش اسمعي كلامي!
ليلي بحزن: حاضر بعد اذنكم
- ليه كده يا ماما ! مش كفاية ضغط الكلية عليها
= ونبي اسكت انت دلعك الى هيبوظها يخويا
- ماما لو سمحتي براحه عليها!
= كفاية انت يا حنين وسع كده لما احضر الغدا وسع
__________________
" ليلي فضلت تحاول تهدي كلمت محمد "ابوها" لكن مردش اكيد مشغول كالعاده طريقة هدي معاها بوظتلها الشوية الى خرجت فيهم اديقت اكتر و قررت تعمل كده كل يوم "
**
- ها؟ الحزام
= مبعرفش اربطه اصلا يا آسر
اسر قلدها: هربطهولك انا يا ليلي
ضحكت وهو بصلها: شكلك فرحان يعني وعندك طاقة هتروحي الجامعة كل يوم؟
ليلي بتوتر: ءءء اية اصل
اسر بستغراب: مالك؟
- مفيش..
= ركزي مع موبايلك بقي عشان لو مطمنتيش ماما هتولع فينا صاحين..
- حاضر
" ليلي نزلت وكالعادة مشي وهي مشيت بعيد عن الجامعة وكلمت هدي عرفتها انها وصلت لكن الغير متوقع ان ليلي وقعت الكارنيه فعربيه اسر و هي نازله و اسر لقاه فا لف و رجع كان متوقع هيلاقيها واقفه مش عارفه تدخل من غير الكارنيه لكن ملقهاش فا رن عليها "
"قبل ما ليلي تقفل الفون كانت شايفة رنة آسر فا ردت "
- الو؟؟
= انتي فين يابنتي
- فالجامعة
= فالجامعة ازاي دخلتي ازاي؟
- يعني اية مش فاهمه؟
اسر بشك: انتي جوه يعني؟
ليلي: انا.. ءء جوه اها
- ليلي انتي بتكدبي عليا؟
= لاء! هكدب ليه
- امممم طيب سلام
" قفل معاها بسرعه وهي اديقت جدا وبدأت تعيط غصب عنها هي عمرها ما كدبت عليه هي مش كده"
- الحلو بيعيط ليه؟؟
بصت وراها لمصدر الصوت لقت شاب كبير فا خافت: ملكش دعوه لو سمحت اتفضل بعيد عني
- لية بس ده انا عايز اساعدك وبعدين باخد بالي انك بتيجي هنا كل يوم لوحدك فا هقعد معاكي اسليكي
ليلي قامت وبعدت عنه بخوف: لو سمحت امشي
لكنه قرب منها و...
يتبع..
