.jpeg){kind=small}
رواية ثانوية عامة مش حياة الفصل الاول 1
- انتي اية خلاكي تستنيني عالاكل يا رنا ؟
= عشان وحشتني وكنت عايزه اكل معاك
بعصبيه خفيفه: انا قولت تاكلي لوحدك وملكيش دعوه بيا ولا ماما واخوكي انتي ثانويه عامه يعني لازم تنظمي وقتك بعيد عننا!
بدموع: بس يا بابا انا مش بحب اكل لوحدي
- كلمتي تتسمع!! مش عايزه تبقي دكتورة ولا اية؟ ولا هتيجي فالاخر تنخي! امتحاناتك قربت!
= حاضر انا قايمه
اخوها بسرعه: لاء خليكي كملي اكلك ، مش هيعملوا حاجه يا بابا الشوية دول !
- لاء يخويا هيعملوا وبعدين اسكت انت يالي روحت دخلت تجارة و جبتلنا الكلام وخليت منظرنا وحش قدام العيلة والناس
اتكلمت الام: خلاص يا عبد العزيز انا كدا كدا هعملها اكلها لوحدها بعد كدا كلوا بقي الاكل هيبرد
*********************************
- بتعملي اية عالسطح كده يا رنا
بخضه: ياسين! أ..أنا ءءء
- انتي خبيتي اية وراكي؟!
بعياط: ونبي متقلش لماما والله مكنتش هعمل حاجه
- ششش اهدي في اية! اقولها اية
طلعت من وراه ايدها مو* س كبير
ياسين قرب بسرعه و شده منها: انتي مجنونة اية ده! كنتي هتعملي اية ! ردي عليا
- والله مكنتش هعمل حاجه
زعق ومسكها: يعني اية ! جيباه ليه! انطقي
- عشان انا كنت عايزه اخلص من حياتي و مقدرتش انا زهقت ماما و بابا كل شوية يتخانقوا معايا عالمذاكره و دلوقتي اكيد بتدور عليا وهتزعقلي عشان سبت المذاكره انا مخي مبقاش مستحمل ضغط خلاص تعبت !
فضل يطبطب عليها: اهدي يا رنا انا عارف وفاهمك بس هما خايفين على مصحلتك انا هتكلم معاهم و مش هعرف كنتي هتعملي اية لكن اياكي تفكري كدا ابدا
- انت مش فاهم حاجه ده كل واحد فيهم بيتخانق ادخل طب تخصص اية وانا كرهت حياتي وانت يا ياسين اتأذيت منهم زي!!!
= بس مفكرتش زيك! رنا انا بحبك مليش غيرك اوعي تسبيني هتصرف صدقيني بس اوعي تفكري كده تاني يلا ننزل تحت تعالي
*******************************
- يعني اية يا بابا حضرتك مش مهتم بكلامي هو انا عيل وبعدين دي اختي وخايف عليها كل الى بقوله خفوا ضغط عنها ومتعزلوهاش لوحدها لازم تبقي فوسطنا ونطمنها عشان تعرف تذاكر
ضحك بسخرية: كنت نفعت نفسك يخويا يالي جايب 70% انت
- انا حاجه وهي حاجه ! و حضرتك بتدمرها كدا
= واد يا ياسين اسكت انت سيب ابوك يشد عليها عشان تتحقق حلمها وتبقي دكتورة كبيرة وتشرفنا
- هو كليه طب كان حلمها؟ هو حلمكوا انتوا يا ماما.
سابهم ومشي بعد ساعه من الكلام الى مجبش فايده كان مقهور عشان رنا و قرر هو يدعمها ويكون جمبها لأن لما الامتحانات بتقرب الضغط بيزيد
***************************
- هدي نفسك فكري كويس و متحمليش هم اي حاجه انا عارف اول امتحان بيبقي شعوره وحش بس صدقيني انتي قدها انا واثق فيكي.
= ربنا يخليك ليا يا ياسين
- ربنا معاكي يا حبيبتي
***************************
- اخيرا خرجتوا عملتي اية يا روح قلبي
بصت ناحيه صوته: انت لسه هنا مستني!
= مالك وشك؟
- الامتحان كان صعب اوي
دخلت فحضنه وفضلت تعيط وصحابها كانوا طالعين من المدرسة فا راحوا لياسين
" كنا هنوصلها عشان تعبت اوي فالامتحان خلي بالك منها بقي "
ياسين فضل يطبطب عليها بحنيه: اهدي اهدي كل حاجه هتبقي كويسة
= انا خايفه اوي
- عشان تفكيرك والضغط يا رنا صح! انا طمنتك وقولتلك ميهمكيش حاجه خليكي واثقه فيا
بعياط: ياسين هقولهم اية!! انا محلتش كويس
= متقوليش و مش هنروح دلوقتي تعالي اخرجك
- لازم اروح اذاكر للمادة التانيه
= ششششش يلا معايا
" ياسين خرجها وجابلها كل الى بتحبه وفضلوا يرنوا عليهم ياسين قفل الفون ومردش عليهم و بعد ساعتين روح لقي امه و ابوه فالصاله اول ما دخلوا "
بزعيق: اخيرا شرفت يا بيه انت والهانم !
رنا استخبت وراه بخوف وهو اتكلم: ايوه يا بابا
- مش بترد ليه ؟؟؟ وكنتوا فين
= كنا بنشتري حاجه بعد امتحانها كانت مضغوطه
- و قررت بقي تقفل موبايلك واحنا نو*لع!
= ما حضرتك و ماما عارفين انها معايا!
- معاك؟؟ وانت عارف تبقي مسؤل عن نفسك عشان تخدها وتخرجوا ومتردش علينا.
ياسين قبض ايده بعصبيه وحاول يهدي لكن مقدرش واتنرفز: بابا انت بتكلمني كأني مش راجل ليه ! انا عارف احافظ عليها كويس ! ولا حضرتك عاوزاني ابقي زيك !
قرب وضربه بالقلم على وشة بدون اي مقدمات رنا فضلت تعيط و فضلت ماسكه ايد ياسين سابها و جري على الباب و نزل وساب البيت
فضلت تعيط وتنادي عليه و وفاء فضلت تصرخ وتقول ارجع يابني لكن عبد العزيز مهتمش ليهم ومسك رنا بقوة زقها على اوضتها وزعق: خشي ذاكري خشي
*******************************
" فات يومين والتالت كان امتحان رنا مكنتش بتنام ولا تعرف حاجه عن ياسين ولا حد فيهم عرف يلاقيه وعلطول خايفه محدش فيهم رضي يخرجها و امها خدتها وصلتها للامتحان لكن للأسف معرفتش تحل اي حاجه وسابت نص الاسئلة مكنتش بتاكل و مرهقه جدا والتفكير مموتها قررت تخرج من باب المدرسه التاني و قفلت موبايلها امها قلبت الدنيا عليها و محدش عرف يلاقيها ، وهي وقتها مكنتش بتفكر غير فحاجه واحده تعملها......
