روايات حديثة

رواية حبي الغامض الفصل السابع 7 بقلم سلسبيل محمود

 رواية حبي الغامض الفصل السابع 7 بقلم سلسبيل محمود

رواية حبي الغامض الفصل السابع 7 


في مصر عند فاطمه " 
- شوفت يا امير البت مكلمتش خالص؟ انا مش مرتاحه
= تلاقي موبايلها فصل هتكلمنا دلوقتي 
- كان يوم مش فايت لما وافقت تسافر 
= دي مبسوطه جدا يا فوفا سبيها بقي تعيش حياتها

- اها واحنا نقلق هنا ، وبعدين مش بتذاكر ليه هكلم ادهم لو مذاكرتش 
= هو فاضيلي ده مشغول اوي لدرجه مكلمنيش 
- ربنا يصلح حاله هو و ليلي 

___________________________

" في ألمانيا " 

عند دكتور محمد الى مسؤل عن الدكاتره الى سافروا المؤتمر: خليهم يراجعوا الكاميرات يعملوا اي حاجه!!! 

دكتورة فريده: ليلي اكيد حصلها حاجه 

سمع جملة ادهم وهو داخل اوضة المكتب فالفندق: ليلي لو مظهرتش انا ههد الفندق ده على دماغهم 

فريده: لو سمحت اهدا احنا عاوزين نلاقيها 

ادهم: اها طب خليهم يلاقوها بقالها اربع ساعات مفروض تبقي هنا 



مدير الفندق: مش لاقيناها ناحية اية مكان فالفندق مظهرتش ف اية كاميرا كده مفروض تراجعوا كاميرات المستشفي الى كانت فيها..!!؟ 

" ادهم خرج برا لما حس انوه بدأ يضيق واحساس العجز مسيطر عليه ولأول مره قلبه يغلب عقله و بدأ يفتكر ليلي لما ضاعت منه " 

فلاش باك # 

- ادهم الحمد لله انك جيت 

= كنتي فين كل ده !!!  

رفعت كتافها ببساطه: امير ضيع الدبدوب وكنت بدور عليه عشان ميزعلش

- وبعدين

ضحكت ببلاهه: معرفتش ارجع كنت هنادي حد يرجعني

ادهم مسك كتافها: ليلي اوعي تطلبي مساعده من حد وتعرفيه انك تايهه لحسن يخ*طفك 

= طيب خلاص انت لقتني اهو ، تعرف انا مستنياك اصلا ازاي بتعرف بتلاقيني دايما 

ادهم ابتسم لها وقال ببراءه: بحس ان في حاجه بتجبني ليكي دايما لما تبعدي معرفش اية هي! 



- امممم اكيد الملايكه
ادهم ضحك: ههههه ايوه يلا بينا
مسكوا ايد بعض ومشيوا..
باك # 
ادهم لنفسه: كان نفسي اعرف انتي فين دلوقتي زي زمان يمكن لو قدرت اللاقي الحاجه الى بتجبني ليكي لما تبعدي ساعتها اقدر اوصلك يا ليلي 

قام وقف ومسح وشة وهو بيستعد وخد قراره انو هور عليها بطريقتها

- انا عارف اني هندم عالي هعمله لو اتكشفت فالبلد دي لكن مش هقدر اسيبك وانا معرفش انتي فين ولا حصلك اية وحاسة ب اية..
_____________________
يتبع..


والجديد هيبقي لعب عالاعصاب..🤌⚠️⚠️⚠️💜👀

قولولي توقعاتكم اية؟؟ ( قربت اكشف عن شغل ادهم اهو عشان الناس الى سألت. 🫶🥰🥰🥰🩷) 



مدونة الرسم بالكلمات
بواسطة : مدونة الرسم بالكلمات
تعليقات



حجم الخط
+
16
-
تباعد السطور
+
2
-