روايات حديثة

رواية ملك و يحيي الفصل الرابع 4 بقلم سلمي فرغلي

 

رواية ملك و يحيي الفصل الرابع 4 بقلم سلمي فرغلي

رواية ملك و يحيي الفصل الرابع 4 


منى : بت يا ياسمين فاضل نص ساعة و العريس يجي خلصي 
ياسمين بصوت مبحوح : ح حاضرر
و قامت غسلت وجهها و عملت ميكب تداري بيه تعب و حزن وشها و لبست فستان رقيق روز و رفعت شعرها بطريقة جذابه و شكلها كان لطيف و جاء مراد بوالدته و اخوه و رحب بيهم والد ياسمين و جلسوا ف الصالون و خرجت ياسمين تقدم القهوة بكسوف و توتر 
ام مراد : تعالي يقمر اقعدي جنبي 
ابو ياسمين : مراد اتقدملك رسمي اهو وانا موافق و مستنين رايك 
نظرت للاسفل بكسوف : ال تشوفه يبابا 
مراد بفرحة : يبقي نقرا الفاتحة 
و قروا الفاتحة و التقطوا بعض الصور اللطيفة و زغرتت مني و ام مراد 



مراد : استأذنك ي حمايا اقعد معاها لوحدنا 
ابو ياسمين : اه اقعدوا ف البلكونة واسعة والجو حلو انهاردة 
و اخد مراد ياسمين و جلسوا ف البلكونة 
مراد : انا مبسوط اوي ي ياسمين انك وافقتي تديني فرصة و انا هبقي قدها بجد 
ابتسمت له : يارب 
: ننزل بكرة نجيب الشبكة ال تعجبك و نعمل خطوبة يوم الخميس اي رايك 
= موافقة بس شوف بابا 
: طب تعالي 
مراد ل ابو ياسمين : بعد ازنك ي حمايا انا هاخد ياسمين بكرة و ننقي الشبكة و الخطوبة يوم الخميس الجاي اي رايك 
= ع بركة الله يابني 
: اتفقنا 
ام مراد : نستأذن احنا بقي 
مني : متخليكوا قاعدين ده انتم منورنا 
ام مراد بأبتسامة : هنيجي تاني كتير يحبيبتي 
مع السلامة 
و ذهبوا 
ابو ياسمين : مبارك يحبيبت ابوها 
ياسمين : الله يبارك فيك يحبيبي هدخل انام بقي عشان تعبت و عندي شغل بكرة 
= طيب تصبحي ع خير 
ف سيارة مراد 
ام مراد : العروسة زي القمر اللهم بارك 
مراد بسعادة : ربنا يكملها ع خير انا بحبها اوي ي امي 
ام مراد : يارب تكون من نصيبك لو فيها الخير يحبيبي بس امها زي شكلها م سهلة و خبيثة شوية 




مراد بضحك : دي م امها دي مرات ابوها و من ناحية مش سهلة ف هي عقربة قد الدنيا 
ضحكت : شوفت يواد نظرتي ف الناس صح ديما 
ف منزل ملك
ملك داخل غرفتها حست بدوار شديد و .. 
يحيى دخل عليها 
يحيى بقلق : ملك ف اي انتي كويسة 
مسكت دماغها بألم : اه بس دماغي مش مظبوطة 
: ممكن يكون ضغطك واطي 
بدوخة : مش عارفة يا يحيى 
مسك ايدها : طب تعالي هننزل الصيدلية نقيس بسرعة 
و سندها و نزلوا و داخل الصيدلية 
الدكتور : ضغطها واطي جدا و دقات قلبها مش مظبوطة ممكن بسبب قلة تغذية او حالة نفسية 
يحيى و هو ينظر لملك بعتاب : تمام يدكتور شكرا 
و اخدتها و شربها عصير يظبط ضغطها : مبتكليش و لا زعلانة 
ملك : اكلت معاكم و كنت كويسة صدقني
يحيى : ما مش طبيعي مرة واحدة يحبيبتي 
ملك : ما يمكن من السفر و اني منمتش 
يحيى بقلق : طيب يلا نطلع و تنامي علطول 
ذهبوا الي منزلهم و دخل كل منهم غرفته للنوم 
في غرفة ياسمين 
مراد: وحشتيني اوي 
ياسمين بكسوف : انت عامل اي 
مراد : اي رايك بكرة بعد ما نجيب الشبكة نتعشي برا 
= خلاص هشوف بابا لو وافق 
: متخفيش هيوافق انتي خطيبتي و مراتي المستقبلية 
ضحكت = روح نام يمراد
بصدمة : اروح انام ! اشوفك بكرة و هحاسبك ع ده اهدي عليا 
بضحك = يلا يمراد عوزة انام يلهوي عليك 
ضحك مراد : ماشي يستي تصبحي ع خير
ياسمين : سلام 



اغلقت هاتفها و نظرت بحزن : كان نفسي تبقي عمر اويي يارب بقي مش بأيدي وانت عارف
مرت الايام بشكل روتيني وجاء يوم خطوبة ياسمين و مراد
عند منزل ملك 
دخل يحيي غرفة ملك و ليلى معاه علي الهاتف
يحيى : ملك انا بكلم ليلي و بنتفق هنتجمع ازاي عشان الخطوبة انتي ناوية تيجي 
ملك بخنقة : مش عارفة بس مش قادرة 
ليلى ل يحيى: افتح الاسبيكر ي يحيى
ليلى : يبنتي فكي بقي من انتي ديما مخنوقة تعالى عشان هتتبسطي اهو 
ملك : مش قادرة والله ي ليلى 
ليلى بدلال : عشان خاطري ي لوكة يروحييي 
ملك بضحك : يبت بطلي دلع انا م خطيبك 
يحيى : يلا بقي ي ملك بطلي رخامة 
ملك بملل : يوهه بقي انتو زنانين جاية 
يحيى : حلو جدا هروح اجهز انا  
خرج من غرفتها قامت ملك بملل و دخلت اخدت شاور خرجت اختارت فستان ستان ضيق عند الوسط و قصير لحد الركبة و خصلاتها مفرودة ع ضهرها و عملت ميكب خفيف وكانت ف غاية الرقة و الجمال 
خبط الباب
ملك : ادخل 
: اي يحبيبتي هتروحي الفرح مع اخوكي
= اه يماما اي رايك ف شكلي 
: قمر يملوكة اللهم بارك ايي الجمال ده 
= بجد حلوة كدا 
: عقبالك يحبيبتي لما افرح بيكي انتي و اخوكي ال حارصك ده لا راضي يتجوز ولا انتي راضية و شكلي هموت من غير ما اشوف احفاد 
= بعد الشر يماما بس الجواز ده نصيب م اي حد كدا و انا مستنية حد مناسب و يكون نصيبي و يبقي شبه بابا كدا 
سعاد بحب: لو فضلتي تدوري ع ال زي ابوكي مش هتلاقي يملك يبنتي هو ف زيه ف حنيته و طيبته و حبه و جماله ابوكي ده الامان لقلبي 
كان يقف و يسمعها بحب و ابتسامة 



: الله الله قاعدة تقولي الكلام ده عليا كدا ماتقولهولي ف وشي 
سعاد بكسوف : مكنتش اعرف يحج انك هنا ا..اا انا هروح يملك اشوف الاكل اجهزي قومي البسي اا و اجهزي سلام يحبيبي 
حسام بضحك : تلبسي اي يبنتي هو انت غيرتي رايك 
ملك بضحك اكتر : الست من الكسوف مش عارفة تقول ايي بجد شكلها موت 
حسام : هروح اشوفها انا بقي 
ملك بغمز : الله ينور يحجوج
خرج و دخل يحيى عندما رأها اطلق صفارة اعجاب 
يحيى بغناء : ده انا لسة شايفك بضفاير بتجري جنبي و تلعبي انده عليكي بسرعة تجري ف حضني تيجي و تهربيي
ملك بمزح: ايييي يبني مقدرة انك الكبير بس مش كدا 
يحيى : يبنتي انتي اخر مرة حضرتي فرح كنتي ف ابتدائي ينكد 
ملك بتصنع الصدمة : انا نكد يا يحيى طب اوعى بقي انا هدخل اقلع و مش نازلة 
يحيى بضحك: يلا يبت خلينا نمشي اتاخرنا 
نزلوا و ركبوا السيارة 
يحيى : هشغلك بقي الاغنية ال غنتهالك عشان بحبها 
ملك برخامة : يعم شغل حاجة عدلة احنا رايحين فرح 
يحيى : هنروح ع ليلى ناخدها ف طريقنا و عمر رايح بعربيته عشان هنعمل زفة حلوة 
= اشطا 
وصل عند منزل ليلى و كانت ترتدي فستان اسود ضيق من الوسط لحد تحت و طويل و خصلاتها الشقرا تتطاير مع الهوا و كانت شكلها ساحر جداا 
قربت بخطوط رقيقة و ركبت ورا 
ملك بغمزة : ايي الجمال ده يا لوليي
ليلى بكسوف : بجد شكلي حلو 
= جدا انت اي رايك يا يحيى 
يحيى بتوتر و سرحان: جميلة اويي 
ليلى بكسوف اكتر: شكرا 
ضحكت ملك لانها عارفة ان ليلى بتحب يحيى و لمحت لها كتير : يلا نشغل اغاني و نروح 
ف منزل ياسمين 
بصدمة و زعيق : ازاي يبابا اتفقتوا من غير ما تبلغوني انه كتب كتاب للدرجة دي تقيلة عليك مش عارفة تستحملي كام شهر خطوبة اعرف حتي هو مناسب ولا لا 



ابو ياسمين بعصبيه : ده ال عندي مش عاوز ف البيت خلاص تعبت من حملك كتب كتاب انهاردة و دخلة و مشوفكيش تاني 
ياسمين بصدمة : بابا اي ال غيرك من نحيتي كدا مستحيل!
مرات ابوها بخبث : يا ياسمين خلصي عشان بناتي هجبهم من عند طليقي يقعدوا معايا هنا و محتاجين مكان 
ابو ياسمين : كلميهم عشان يجوا الفرح 
كانت تنظر لهم و هي بصدمة ما الذي غير ابوها بهذا الشكل 
بقلم : سلمى فرغلي
   

 

تابعنا على فيسبوك من هنا 👉

مدونة الرسم بالكلمات
بواسطة : مدونة الرسم بالكلمات
تعليقات



حجم الخط
+
16
-
تباعد السطور
+
2
-