رواية صراعات الحياه الفصل الثالث عشر 13
ندى كانت ماشية رايحة المدرج وفيه واحدة وقفتها
منار : لو سمحتى متعرفيش سنة اولى انهى مدرج
ندى : استنى
ندى اخدتها وراحوا وقفوا قدام الجدول الدراسي
ندى : بصى اول مدرج على ايدك اليمين الدور التانى
منار : شكراً جدا
ندى: العفو على ايه انا ندى
منار : منار اتشرفت بمعرفتك
ندى : انا اكتر يحبيبتى يلا عن اذنك بقى عشان عندى محاضرة
منار : اتفضلى
فى المدرج ندى خبطت عشان تدخل
يوسف : متأخرة ليه يا دكتورة
منار بخوف : انا اسفة يا دكتور بس كنت بدور على المدرج
وقتها الطلابة ضحكوا عليها الدموع اتجمعت فى عينها
يوسف: اسكتوا هى هيصة اتفضلى يا دكتورة وياريت متتكررش
منار بدموع يوسف لاحظها: شكراً لحضرتك
فى سجن القناطر
فاطمة بعصبية: انت عايز ايه تانى مش خدت الفلوس اللى عايزاها
محمود : براحة شوية يا فاطمة هانم دا الكلام اخد وعطى
سوسن : عايز ايه ما تقول وتخلصنا
محمود : عايز فاطمه هانم تقول لابنها يطلق بنت جوزك
فاطمة: ابن مين وبنت جوز مين انت بتقول ايه
محمود : زياد ابنك متجوز ندى بنت عاصم الاميرى اللى انتوا خاط"فتوها زمان وادتهولى احطها فى الملجأ
فاطمة بعصبية: ابنى انا اتجوزها
سوسن : هو مش انت حطيت البنت دى فى الملجأ ايه اللى وصل زياد ليها
محمود : ندى انا اللى ربتها عشان اطلع منها بمصلحة بعد ما تكبر
سوسن بغضب : انت بتقول ايه
فاطمة: وايه اللى وصل ابنى ليها
محمود : دا موضوع يطول شرحه عشان معياد الزيارة المهم ابنك زياد يطلق ندى بأى طريقة والا هقولهم على كل حاجه وهقلب التربيزة على الكل عن اذنكوا يا هوانم
فى كلية الطب جامعة القاهرة
منار خرجت من المحاضرة وقابلت ندى وقفت معاها
ندى: حاسكى هتعيطى فيه ايه
منار : اتحطيت فى موقف وحش من شوية فى المدرج بسبب انى اتأخرت
ندى : ولا يهمك حصل خير
منار بتعب : اااااه
ندى : مالك
منار : جانبى وجعانى اوى الحقينى مش قادره
يتبع .......
جاري كتابه الحلقه الجديده من الرواية الان حصري
