روايات حديثة

رواية بئر كندراش الفصل الرابع عشر 14 بقلم نورهان اسلام

 

رواية بئر كندراش الفصل الرابع عشر 14 بقلم نورهان اسلام



 رواية بئر كندراش الفصل الرابع عشر







وصلت رسالة لأسر على الواتساب ، فتح التليفون وهو بيشوف الرسائل اللى عنده كان رقم غريب بعت رسالة مضمونها: اسفه لو كلامى عند بيتك ضايقك او جرحك، مكنش قصدى إنى اجرح حد .

  ظهر عندها إن هو شاف الرسالة ابتسمت وهى شايفة كلمة typing "يكتب" فضلت مستنية حوالى دقيقه .. بعت رسالة : ولا يهمك، انا بس مكنتش حابب حد من طرف نجمه يظن فيا ظن مش كويس .









بعتت ايموشن مبتسم فى الرسالة وبعدها كلمة تمام.

 كان لسه typing فضلت موجوده فى الشات بتاعه لحد ما بعت:ممكن أسأل سؤال !

 اتفضل بعتتها هنا اول ما شافت الرسالة بتاعته 

_ هو انتى جبتى رقمى منين!؟

شعرت بالإحراج من سؤاله، مسكت مذاكرات نجمه وهى بتصور صورة منها .. كانت نجمه كاتبة فيها كل الأرقام اللى تقرب لها .

_ امممم، تمام... معلش لو السؤال ضايقك .. بس كان عندى فضول 

= ولا يهمك   

 بعتتها هنا ومعاها ورده .. شافها أسر وعمل عليها ريأكت قلب وهو بيقفل الموبايل بتاعه 

__________________________________

 كانت قمر واقفه والملك لسه ماسك ايدها ، مش عارفة ترد أو تجاوب ، الكتاب ده كل مره بيزداد تعقيد عن المره اللى قبلها ، وكل مره مش بتكون فاهمه قصد الملك ، لكن المره ديه فهمت، نجمه كدا بتقرب من هدفها

____________________________

* فى سوق الأرض " أرض كِندراش "

نجمه كانت ماشيه مع ادم وهى بتقدم السحر مقابل الطعام، كانت لابسه القناع اللى بيخفى معالم وشها عن الناس ، ادم كان بيشوف اثاث صلب للكوخ يقدر يستخدمه هو ونجمه، السحر اللى طلبه صاحب الأثاث ده كان سحر نادر وقليل اللى يقدر يحصل عليه فى الأرض " سحر التكوين"  

رغم من محاولته إنه يكسبه لكن مكنش بيقدر ، سحر التكوين هو عبارة عن إنك تقدر تكون كل الأثاث اللى موجود بحركة ايد بس ، حاولت نجمه تجمع الأثاث بالسحر والغريب إن السحر اشتغل.

 اغلب اللى فى السوق بصولها بإستغراب بما فيهم ادم اللى كان مذهول من اللى حصل، خصوصاً إنها مقالتش إنها كسبت السحر ده .

كانت علامات الدهشه اللى على وجهه لا تقل من علامات الدهشه والإستغراب اللى عند الناس .

 مسك ادم الأثاث اللى كان اختاره بأيد ، ومسك ايد نجمه بالأيد الثانيه وهو بيسحبها ناحية الكوخ ، وصلت عند الكوخ وفضلت ساكتة لحد ما اتكلم أدم: انتى كسبتى السحر ده امتى!

نجمه كانت بتحاول تفتكر هى كسبته امتى ردت : معرفش 

ادم: طب ازاى استخدمتى السحر ده وانتى متعرفيش إنه عندك 

 افتكرت نجمه شعورها الغريب تجاه إنها تجرب تكوين الأثاث لحد ما عملته وقالت: حسيت إنى عايزه اعمله بصتله لعيونه علشان يتأكد إنها صادقة: فحاولت، والمحاولة نجحت.. معرفش كسبت السحر ده امتى وازاى .. صدقنى معرفش 

 رد ادم : انا مصدقك يا نجمه.. مصدقك، بس مستغرب، السحر ده صعب حد يكسبه بسهولة 

 نجمه افتكرت وهى بتلعب مع راميان فى الفتره اللى اقعدتها فى القصر قالت: كنت بلعب مع راميان ،واغلب الألعاب كانت تركيب ممكن اكون كسبت السحر ده فى الفتره ديه وانا معرفش 

ادم : ممكن ، كويس إن القدرة ديه عندك لإن صعب إن حد يكسبها بسهولة 

 ابتسمت نجمة وهى بتفتكر نظرات الناس ليها 

___________________________

أظن أن احداً من القصر يساعدها هنا

  قالها الملك وهو بيبص ل قمر بشك 

 اتكلمت قمر وهى بتحاول تُزيل التوتر اللى عندها : إذا فلتكتشفه، ولكن ما دخلِ انا ولماذا توقن بإن نجمه هى المقصوده فى العبارة 

 الملك بصلها وهو بيقول : لا تستغلِ محبتى لك قمر ، أنا لن أُضحى بتلك الأرض من أجل قلبى

 سابها الملك وخرج وهى قعدت على كرسي فى المكتبة ، كلنت ضربات قلبها سريعة من الخوف والتوتر ومن اسئله الملك 











  بعد خمس دقائق خرجت من المكتبة وهى بتمشي فى طرقة القصر ، كان الملك واقف بيتكلم مع الوزير لما هى وقفت عند سور القصر وهى بتفكر هتعمل ايه وهتقول لنجمه ازاى عن الخطر اللى حواليها، دماغها تعبت من كثر التفكير .. كان الملك مراقبها وهى ساندة على سور القصر لحد ما وقعت قدام عيونه .. قبل ما جسمها يلمس الأرض كان الملك رفعه بالسحر قرب منها وهو بيمسكها بأيده وبيطلب من الوزير ينادي طبيب القصر 

___________________________

 الناس كلها بتتكلم عن واحده قدرت تستخدم سحر التكوين بطريقة ابهرتهم، لكن ميعرفوش هى مين !

اتكلمت ماندريانا بعد ما دخلت كوخ ادم 

 بصت نجمه لأدم وهى مستنياه يقول حاجه 

 حكى ادم ل ماندريانا اللى نجمه عملته الصبح، كانت ماندريانا متفاجئه إن نجمه قدرت تمتلك السحر ده بسهولة ... ده السحر اللى ماندريانا بتحاول تكسبه لكن مش عارفه 

 بصت ماندريانا ل نجمه وعلامات الغيرة لأول مره تظهر على وشها وكلامها واللى نجمه لاحظته كانت ماندريانا بتتكلم وقالت: ازاى قدرتِ تكسبى السحر ده ، انا بحاول بقالى اكثر من شهر ومقدرتش اكسبه 

 اتكلم أدم : تقريباً من اللعب مع راميان إبن الملك ، اغلب العابه تركيب وهى كانت بتلعب معاه اللعبة ديه

 هزت ماندريانا رأسها ونظرها بيتحرك بين ادم وماندريانا 

___________________________

= تعرضت لضغط شديد جلالة الملك راناش 

كان الدكتور بيوجه كلامه للملك بعد الكشف على قمر 

  عين الملك كانت على قمر اللى لسه مفاقتش من الإغماء كمل الملك كلامه وقال: مبارك لجلالتك سترزُق بطفل جديد من جلالة الملكة قمر 

" كان الدكتور بيتكلم ب لغة أراسي وكذلك الملك بيرد عليه بنفس اللغة" 

  الملك نقل نظره على الطبيب وهو بيقول: هل انت متأكد!!؟

 هز الطبيب برأسه بتأكيد وقال: بالتأكيد جلالة الملك .

 انسحب الطبيب وخرج من الغرفة، قعد الملك على السرير وهو بيبص لقمر بإبتسامه، ملس على شعرها وقال : طفلى الثانى منكِ يا قمرى 

___________________________

خرجت ماندريانا من كوخ ادم .. اول ما خرجت بصت نجمه لأدم وقالت: تصرفات ماندريانا بقت غريبة ، مبقتش ماندريانا اللى عرفتها اول ما جيت الأرض 

 هز أدم رأسه بتفهم وقال: دائماً وهى بتحاول تكسب سحر جديد بتكون كدا، عادى .. انا متعود عليها 

نجمه: طريقة كلامها اتغيرت كلها فى دقيقه ،انا مبقتش فاهمه سكان الأرض 

 حاول ادم يهديها وقال: سكان الأرض هنا كانوا بيتصارعوا على السحر ، لكن الساحر قبل ما يموت عمل تعويذه إن السحر ميروحش لحد إلا اللى يستحقه... من وقتها السحر بدأ يقل مع الناس.. يعنى اللى انتى شايفاه ده اهون بكتير من زمان

_______________________

  فاقت قمر من الإغماء .. كان الملك قاعد على كرسي أمامها اول ما قعدت ابتسم ليها وقال: مبارك عزيزتي  

 بصتله قمر بعدم فهم وهى بتحط ايدها على رأسها فضلت مستنياه يكمل كلامه وقف وهو بيقول: انتى تحملين طفلى الثانى .

  ظهرت على ملامحها صدمة وفضلت عيونها على الملك مستنية إنه يقول إن كلامه دعابه او ضحكه ، ولكنه أكد على كلامه وقال: أخبرنى طبيب القصر منذ قليل. 

___________________________

 قمر كانت واقفه عند سور القصر فى مكان غير اللى بتقف فيه كل مره او غير اللى الملك عرفه كانت نجمه بتتكلم معاها فى سحر التكوين اللى قدرت تستخدمه فى السوق ، كانت قمر ساكتة مش بترد سألتها نجمه : مالك يا قمر ، طول ما انا بكلمك وانتى شاردة!!

 اتكلمت قمر وهى بتقول: الكتاب اللى معانا بالذاكرة الفولاذيه مش كامل !!











نجمه بعدم فهم: ازاى!!

 قمر: الكتاب مكتوب بسحر مخفى بيظهر لما المكتوب يتحقق على أرض الواقع  

كانت نجمه بتحاول تستوعب الصدمه اللى قالتها قمر.. اتكلمت قمر تانى وهى بتقول: انا حامل .

 بصتلها قمر بصدمة وهى بتقول: ايه!

_____________________________

_اسفه انى بتصل بيك فى وقت متأخر بس محتاجه مساعده ومفيش غيرك هنا اعرفه علشان يساعدني 

 كانت هنا بتتكلم بتوتر مع أسر وكان الوقت متأخر 

  قعد أسر على السرير وهو بيحاول يستوعب صوت مين اللى بيكلمه ، فضل قاعد دقيقه ومردش ، استنتجت هنا إنه ممكن ميكونش مسجل الرقم فقالت: انا هنا، صاحبة نجمه  

 أدرك اللى معاه على الخط فقال: ايوا، معاكى!!

 هنا بإرتباك ظهر فى كلامها: اخويا الصغير خرج من بدرى والساعه دلوقتى 1 وهو لسه مجاش .. وانا وماما قلقانين عليه ومش عارفين نعمل ايه!!

 



                  

مدونة الرسم بالكلمات
بواسطة : مدونة الرسم بالكلمات
تعليقات



حجم الخط
+
16
-
تباعد السطور
+
2
-