روايات حديثة

رواية بئر كندراش الفصل الثالث عشر 13 بقلم نورهان اسلام

 

رواية بئر كندراش الفصل الثالث عشر 13 بقلم نورهان اسلام



 

 رواية بئر كندراش الفصل الثالث عشر



مسك أسر كتاب كان على الأرض ومرسوم عليه عبارة" مذاكرات نجمة"

 فتح الكتاب وهو بيقرأ الصفحات الأولى  


13/7/2018 

 اخيراً اتخرجت من الجامعه اول مره اشوف نفسي حره بالشكل ده ، لولا أسر وماما وكونهم معايا مكنتش هوصل للى انا فيه دلوقتى "شكراً ليكم" 

 كانت حاطه صورة ليهم هما الثلاثه فى اخر الصفحه 


  قلب الصفحه وهو بيقرأ تاريخ جديد 










22/6/2019

 

اه لو لعبت يا زهر.. شكل الدنيا هتلعب معاكى يا نجمه وهتقبضى بالدولار، اشتغلت فى شركة كبيره وبالنسبالى ديه البداية ليا ، بتمنى ربنا يوفقنى فى اختياراتى كلها اللى جاية 


 كان فيه صورة ليها وهى متصورة قدام الشركة وبتبص عليها 


ابتسم وهو بيقلب فى الصفحات لحد ما جيه قدامه تاريخ تانى 


6/7/2020 

   استاذ أسر اللى تاعبني معاه وسايبنى فى ملل لوحدى ، فيه حد يقعد ٣ شهور مياخدش اجازة ، ده انت بتحب الشغل اوى يا اخى 

 

كانت حاطه صورة ليه وراسمه على وشه بشكل مضحك .. ضحك على الشكل اللى هى رسماه بيه 


30/11/2020 

 صديقة العمر والطفولة "هنا" واخيراً هتشتغل معايا فى نفس الشركة مش مصدقه نفسى من الفرحه ، مرحباً بقدومك يا صديقتي العزيزة وتحتها صورة ليها هى وهنا 


 كان عايز يشوف اخر حاجه كتبتها جاب اخر صفحه وهو بيقرأ


 22/8/2022 

  النهارده اسوء يوم عدى عليا، انا النهارده فى البيت من غيرهم " ماما وأسر" محدش معايا كلهم راحوا وسابونى هنا لوحدى ، للدرجادى مكنتش فارقة معاهم علشان يسبيونى، حتى قمر وبابا سابوني، بس انا هروحلهم 

 

نزلت دمعة من عيونه على الورقه وهو بيتخيل اللى كانت فيه ، هو دلوقتى حاسس بنفس إحساسها 

_______________________

كانت قمر قاعدة فى مكتبة القصر وهى بتقرأ الكتاب دخل عليها الملك وقعد قصادها اتحول نظرها من الكتاب ليه وهى مستنية منه يتكلم

 

الملك : لأول مرة ارأكِ تجلسين فى المكتبة وتقرائين !

 قمر: وددت معرفة ما اخر الأخبار عن الأرض الذى تشك بإنهاء ستدمر 

 قفلت الكتاب وهى بتقوم وخرجت من المكتبة تحت أنظار الملك اللى فضل مراقب حركتها لحد ما باب المكتبة اتقفل وراه .. الكتاب اتنقل قدامه بالسحر وهو بيفتحه ويقرأ 

" هنا بدأ خراب الأرض ، تدميرها للأرض لن يكون بإحداث الفوضي او تحريض الشعب ولكنها تتبع طرق فريدة.. وها قدأ يتسلسل إليها السحر رويداً رويداً"

  قفل الكتاب والخوف بدأ يظهر على ملامحه خصوصاً بعد ما قمر كانت بتقرأ فى الكتاب 

______________________












 * عند كوخ ادم

 

 الباب اتفتح وهى بتدخل منه وتتكلم بسعادة: كسبت السحر يا ادم، كسبته.

سكتت ولأول مره تشوف حد غير ماندريانا قاعد معاه كان شخص تانى من سكان الأرض الأصليين اللى وقف ولحسن حظها إنها كانت لابسة القناع اللى بيخفى ملامحها ، بصلها ادم وصديقه اللى كان جنبه واللى اسمه آبيل 

كان آبيل مش فاهم اللغة اللى تكلمت بيها ، نجمه كانت بتبص لأدم وهى مستنياه يرد عليها.... ادم رد بلغة أراسي علشان آبيل يفهم: هذه نجمه ، صديقة لى من الأرض الذى جئت منها آبيل 

هز رأسه بتفهم وقال: إذا وماذا كانت تقول حين دخلت " كان بيتكلم بلغة أراسي" 

 اتكلم أدم: ها، إنها لغة أرضنا الذى جئنا منها وهى تتكلم معى بها.. إذا ماذا كنا نقول!!

آبيل بتذكر: كنا.. كنا نتحدث عن ماذا سنفعل فى إحتفال الأرض القريب 

 آدم: إحتفال الأمانى ... سنحقق أمنية لكل أرضي هناك

آبيل إتكلم بيأس: إذا وافق الملك .

_____________________

* كانت قمر فى جناح والدها  


 كانت بتتمشي فى الجناح بتوتر وهى بتتكلم مع والدها: خايفة إنه يكون شك فيا، الموضوع بدأ يقلق ونجمه لسه معملتش حاجه غير إنها بتحاول بس!!

 عبد الرحمن إتكلم وهو بيحاول يهديها: الملك مش هيشك علشان دخلتى تقرأى انتى قولتى إن هو دخلك قبل كدا علشان تقرأى بنفسك صح!

 هزت نجمه رأسها بموافقة وهى لسه قلقانه 

 عبد الرحمن: خلاص .. يبقى تهدى .. واتواصلِ مع نجمة وشوفى اخر حاجه وصلت ليها ايه!

 _______________________


* عند كوخ ماندريانا 


 دخلت نجمه وادم الكوخ وكانت ماندريانا قاعدة بتحاول تكسب سحر جديد لكن مش عارفه 

 اتكلمت وهى بتقول بلغة أراسي: أمراً صعب

 اتكلمت نجمه : حاولى مره ثانيه 

 ادم: لأول مره متجيش الكوخ بتاعى النهارده . 

 اتنهدت ماندريانا وقالت: بحاول اكسب سحر جديد ومش عارفة ، بحاول هنا من الصبح 

 بص ادم ل نجمة وهو بيقول بفرحه: نجمه قدرت تكسب سحر جديد، الذاكرة الفولاذية 

 عيون ماندريانا لمعت وهى بتقول: ايه.. بجد ، ازاى!؟ السحر ده صعب حد يكسبه فى فترة قصيرة وبالسهولة ديه  

 ابتسمت نجمه وهى بترفع كتفها وقالت: قدرات 

 ضحك ادم ونجمه كملت ضحك لكن ماندريانا فضلت قاعدة بتحاول تتصنع إبتسامة بسيطة 

___________________________

  * داخل قصر الملك 

  كانت نجمه واقفه ومعاها قمر وكانت قمر بتنقلها الكتاب بالسحر بتاعها اللى كسبته نجمه فى وجود عبد الرحمن اللى كان بيراقب الطريق 

 الكتاب كله اتنقل لعقل نجمه نجمه صنعت تاج من الفضه ل قمر علشان تقدر تكسب سحر جديد ، وعلشان قمر متتعبش من السحر اللى استخدمته 

 

قمر: هتغمضى عينك وتفكري فى الكتاب .. هيفتح قدامك وهتقدرى تتنقلِ بين الصفحات بعقلك ، اهم حاجه تاخدى بالك إنك متستخدميش الذاكرة ديه اكثر من مرتين فى اليوم .

 هزت نجمه رأسها وهى بتودع والدها قمر وبتطير ناحية كوخ ادم

_________________________

  * الساعه ٢ ظهراً داخل الشركة 

 كانت هنا قاعده بتشتغل على مكتبها زى كل يوم ، دخل عليها واحد من الأمن وهو بيقول: فى واحد تحت عايز حضرتك يا أستاذة هنا 

بصتله هنا بإستغراب وقالت: واحد مين!؟  















_ هو قال لما تشوفيه هتعرفيه 

 نزلت هنا وهى بتبص حواليها، لمحت أسر اخو نجمة وهو واقف ساند على الحائط 

 كانت ماشيه بإتجاه وهى بتبصله بتركيز اخد باله فاتعدل فى وقفته .. قربت منه وهى مستنياه يتكلم 

_____________________________

 " لقد اقترب الطريق لتحقيق آمالها" 

كانت ديه العبارة اللى قرأها الملك ورغم صغرها إلا إن الملك بسببها الخوف سيطر عليه ، اتجه ناحية جناح قمر وهو بيتعود بالشر لنجمة فتح باب الجناح وملامح الشر كانت باينه على وشه.... بصتله قمر وهى مش فاهمه تعابير وشه 

___________________

= من عادتى إنى مش بحب ابرر لحد انا عملت كدا ليه، بس بردو مش بحب حد ياخد عنى فكرة وحشه. 

 قالها أسر وهو واقف قدام هنا وكان بيتكلم بإرتباك

كمل كلامه وهو بيقول: لما اللواء عندى قالى على المهمه ديه وافقت عليها ، وقالى أنه هيبعت مرسال لأهلى إنى شهيد علشان كان عارف إنى هكون متراقب من الناس ، الخطه بتاعته نجحت وقدرت إنى اقبض على العصابة واخدت ترقية ، بس الحاجه الوحيده اللى مكنتش اعرفها هى أنى خسرت أعز اتنين على قلبى ، لما سمعتك إمبارح وانتى بتتكلمى مع صحبتك ، عرفت قد ايه انا كنت مغفل لما وافقت على العملية ديه   

اتنهد وهو بيقول:جاى اشكرك إنك كنتى الجزء الحلو فى حياة نجمة وإنك فى يوم قدرت تعوضيها عن غيابى ، طلع المذكرات بتاعت نجمه وهو بيمدها بإيده ل هنا وقال: ديه كمان ذكرة من نجمه ليكى  

 ابتسم ليها وهى بتاخدها من ايده 














قال: لقيت ليكى ذكريات كتير ليكى ،وعرفت إنك كنتى أقرب صديقة ليها 

 كانت هنا مش مصدقه الكلام اللى بيقوله،مسكت المذكرات وقالت: عموماً، اياً كان اللى حصل فده قضاء ربنا وقدره ومش من حق عباده يعترضوا، ركز فى حياتك وادعيلهم بالرحمه .. عن إذنك.

 سابته ومشيت ووهو فضل واقف مراقباها لحد ما اختفت عن نظره

______________________

قمر بغضب: لقد زاد الأمر سوء، ليس هذه أول مره التى تقتحم على غرفتى .

  مسك ايدها وهو بيتوجه للمكتبة مسك الكتاب قدام عيون قمر وهى بتقرأ العبارة، كانت مصدومة وهى بتقرأها .. العبارة ديه مكنتش موجوده وهى بتحفظ الكتاب فى ذاكرتها ..وده معناه شي واحد إن الكتاب مكتوب بسحر خفى بيظهر لما المكتوب يتحقق على أرض الواقع


 

                    

مدونة الرسم بالكلمات
بواسطة : مدونة الرسم بالكلمات
تعليقات



حجم الخط
+
16
-
تباعد السطور
+
2
-