حمزه: يلا عشان تفطري
جميله بعصبيه: انت ازاي تدخل عليا اوضتي وانا نايمه وتغيرلي هدومي كمان
حمزة: انتي ناسيه ولا ايه أن انا جوزك
جميله: عالورق
حمزة🙂: خلاص يا ستي ما تتعصبيش بس انا حبيت اريحك ممكن بقا تيجي تفطري
جميله: ما ليش نفس
حمزة: أن ماكنش عشانك يبقي عشان البيبي
جميله😤: قولتلك مش عايزة
حمزة😠: انتي ليه بتعامليني بالطريقه دي انا ذنبي ايه انك اتعرفتي علي حته عيل بايظ ماعرفش يشتال المسؤوليه ولا عرف يحافظ عليكي
ورزع الباب وطلع متعصب جدا من عندها
قعدت جميله تبكي علي حالها
وتقول لنفسها: هو فعلا حمزة محترم وكويس وما عملش حاجه وحشه فيا بالعكس اتحملني واتحمل ابني وستر علينا بس اعمل ايه انا معدش عندي ثقه في حد ماعدش عندي ثقه في نفسي حتي ........
بعد ساعه .....
حمزة بيخبط عالباب
جميله لسه في غرفتها : ادخل
جميله اتفاجأت انه حمزة وهيا فاكرة أنه هيعمل زي اي راجل ويفضل زعلان يومين تلاته اوحتي لما تروح تعتذر
حمزة:مش هتفطري بقا😏
جميله: انت زعلان مني
حمزة: خالص انت مين عشان ازعل منك يعني
جميله: مراتك
حمزة:😜عالورق بس
جميله: ههههههههه
حمزة بتلقائيه: ضحتك جميله زيك اول مره اشوفها يارب اكون سبب من اسباب سعادتك
حطت جميله وشها في الأرض من الخجل
حمزة: هتفطري بقا ولا ايه
جميله: طيب يلا
حمزة: خلص🤣🤣
جميله: هوا ايه اللي خلص
حمزة: الفطار انا كلت ليكي
جميله: هههههههه يعني ايه هاكل ايه دلوقتي انا
حمزة: ايه رأيك لو خرجنا منها افطرك انتي وحسن ونتفسح
جميله: اوك النفسيه بجد محتاجه خروجه بس استني مين حسن..
حمزة: البيبي اللي جاااي انا كان نفسي يبقي عندي ولد اسمه حسن..
جميله : ؟..
حمزة: سيبك من الكلام ده يلا ادخلي البسي
جميله : حاضر
وخرج حمزة يلبس
حمزة لابس كاجوال تيشيرت ابيض يبرز عضلاته وبنطلون جينز وكوتشي ابيض ونضارة سوداء وبرفن ريحته تشد اي حد..
خلص لبس وراح لجميله
خبط عالباب
جميله من ورا الباب: ايوه
حمزة: خلصتي يا نور الشمس
جميله: خلاص اهو مين نور الشمس دي
حمزة: انتي
جميله: اشمعنا
حمزة: عشان دخلتي نورتي حياتي
جميله: بس الشمس زي ما بتنور اللي بيقرب منها بتأذيه وتحرقه
حمزة: انا هستحمل نارها هتبقي جنتي بس تديني فرصه
جميله بتتهرب من الكلام
جميله فتحت الباب
حمزة؛ ايه ده
جميله: في ايه ماله
جميله لابسه تيشيرت كات وبنطلون جينز وصندل عالي
وسايبه شعرها وحاطه ميكب خفيف
حمزة: كدا هتتعاكسي مني
جميله: 🙈🙈💛
حمزة: طيب ما تتكثفيش اوي كده انا بصراحه مش عايز اكلمك في لبسك اصل تقولي دقه قديمه ومعقد والهبل ده بس انتي ترضي أن حد يبصلك بطريقه وحشه تجرح احساسك ...
جميله : خلاص فهمتك دقيقه هغير البلوزة
حمزة: مراتي العاقله الكامله
جميله: هههههه انت دمك خفيف اوي كنت مفكراك....
حمزة: وقفتي ليه كنتي مفكراني دقه قديمه وكده وراجل كبير ومعقد وجيل غير الجيل مش مواكب العصر
جميله: لأ بس .....
حمزة: خلاص يلا بقا ادخلي البسي
جميله: حاضر
دخلت جميله لبست بلوزه مقفوله بعكس الأولي
جميله: كدا كويس
حمزة: تمام اوي
خرج حمزة مع جميله وراحوا مطعم
حمزة: كدا جوعتيني
جميله: انت ما فطرتش
حمزة: كنت عايز افطر معاكي
جميله: اسفه اني اخرتك
حمزة: ولا يهمك
فطروا وخلصوا
حمزة: تحبي تروحي فين بقا قوليلي وانا اعملك كل اللي نفسك فيه
جميله: عايزه اروح الملاهي
حمزة؛ ايه😱 هههههههههه طفله
جميله: بتضحك عليا ماشي بس هيا بتبسطني
حمزة؛ حاضر يا ستي انا أقدر ارفضلك طلب
وراحوا الملاهي جميله مبسوطه وحمزه خايف
جميله وهيا راكبه جنب حمزة: ايه خايف ليه كدا
حمزة: شكل الحب هيجبلي اخر
جميله بتجري وبتلعب زي الطفله وحمزة واقف مبسوط أنها سعيده
جميله: عايزة ايس كريم وبوب كورن
حمزة؛ حاضر
حمزة جبلها اللي هيا عايزاه
عدت الساعات كأنها دقائق معدودة
حمزة: يلا بقا نتغدي
جميله: ااه انا جوعت اوي
حمزة: ااه من اللعب 🤣🤣
جميله: اتريق ماشي
حمزة: تحبي نتغدي ايه بقا
جميله: مش عارفه علي زوقك بقا
حمزة : ماشي
راحوا مطعم شيك جدا وقعدوا فيه
اجي الويتر
حمزة: هاتلنا سنجاري واستاكوزا وشوربه بحر وهات
حمزة: بتحبي مع العيش ولا الرز
جميله: عادي اي حاجه
حمزة: خلاص هات الاتنين عيش ورز
اجي الأكل واكلوا
جميله: الأكل تحفه مش قادرة ما كلتش كده من زمان
حمزة: الف هنا
جميله: ميرسي
حمزة: يلا بقا نروح عشان عندي ليكي مفاجأة كبيرة
جميله: بجد هيا ايه
حمزة: مش هاتبقي مفاجأة لو قلتلك
جميله: ماشي يلا علي نار عشان اعرف المفاجأة دي
حمزة: يلا
جميله وحمزة طالعين من المطعم جميله شافت ابو اشرف عاصم عاصم واقف بيبصلها بصه تحدي وابتسامه صفرا أنكجت جميله حمزة وكأنها بتغيظه ومشت وسابته ولا كلمته كلمه .
حمزة انبسط أن جميله انكجته وحس أن في أمل
روحوا البيت
جميله : ها مش تقولي ايه هيا المفاجأة بقا
حمزة: يلا هقولك حالا
واخدها من أيدها وطلع اوضته وطلع ظرفين
وأعطاهم لجميله تشوفهم
جميله : ايه دول
حمزة: دي تذكرتين سفر لفرنسا
جميله : بجد واللهي وحضنته من الفرحه
حمزة فرح جدا وفضل حاضنها ومبسوط بحضنها اول مرة يحس الأحساس ده قلبه بيدق جامد وحاسس بشعور غريب بس اهم حاجه أنه مبسوط
فاقت جميله لنفسها ورجعت لورا واتكسفت جدا من اللي عملته ووشها احمر
حمزة بصلها وانبهر من جمالها وهيا مكسوفه
حمزة: هنسافر بكرة أن شاء الله جهزي شنطتك
جميله: بس انا مش عندي جواز سفر هسافر ازاي
حمزة: انا جهزت كل حاجه
حمزة؛ انا هاروح اخد شاور واغير هدومي
جميله: اوك وانا كمان
خرج حمزة وراح اوضته كان مبسوط جدا وقلبه بيرفرف من الفرحه.
جميله لسه مكسوفه من اللي عملته بس مبسوطه انها هتسافر فرنسا ودا كان حلمها
خادت شاور وغيرت هدومها وقعدت عالسرير مبسوطه
بس افتكرت أشرف..
اشرف: تحبي نروح شهر العسل فين يا حبيبتي
جميله: اي حته هنكون فيها مع بعض هتحبي جميله جدا
اشرف: انا عارف انك نفسك تروحي فرنسا وتتصوري جنب برج ايفل وهنروح فرنسا في شهر العسل
جميله: بجد وبفرحه كبيرة حضنته وهوا لفها وهيا فضلت تضحك ومبسوطه
فاقت من شرودها علي الباب بيخبط
جميله قامت تفتح
حمزة: تعالي نقعد في الجنينه شويه
جميله: اوك ونزلت معاه
جميله ايه ده
شموع عالأرض عامله ممر وورد وقلب مرسوم عالأرض وجو رومانسي وطرابيزه عليها كرسيين وفوقها تاج وعليها شموع وورد حاجه رومانسيه جدا
حمزة: ايه مش عاجبك ولا ايه
جميله: لأ حلو بس.....
حمزة: كل البنات بتحب كده
جميله كانت عايزة تمشي
حمزة: انا عايز بس افرحك لو عايزة تمشي ماشي بس انا كنت عايز نتكلم مع بعض شويه
جميله: اوك
حمزة شادلها كرسي وقعدت عليه
وقعدت قصاده
حمزة: انا عايز افرحك بس عشان حاسس انك حزينه وانا مش بحب اشوفك كده
جميله: انت انسان كويس اوي يا حمزة اي بنت تتمناك وتستاهل بنت احسن مني
حمزة: بس انتي ما فيش احسن منك بالنسبالي
جميله: حمزة انت ليه ما تجوزتش يعني انت ما شاء الله شاب ووسيم ورياضي وغني اي بنت تتمناك ليه ما تجوزتش من زمان واستقريت
حمزة: كل البنات اللي كانوا بيعرفوني بيعرفوني عشان طمعانين في فلوسي وعاجباهم المظاهر وبعد علاقة ماما وبابا اللي كانت مليانه مشاكل بسبب أنه كان جواز صالونات وبابا سابها وكان كل يوم بيخونها مع واحدة عشان يقهر ماما قولت لأ أن ابقي من غير جواز احسن من اني ادخل جواز فاشل مليان مشاكل وبردة ما لقتش البنت اللي تهز قلبي وتملي عيني ..
جميله: ..........
حمزة؛ دوشتك معايا يلا نتعشي بقا
جميله: حاسه ان هزيد كده من كتر ما بتأكلني .
حمزة: انتي مش بتاكلي لنفسك بس انتي بتاكلي لشخصين ولازم تأكلي كويس
أكلوا وخلصوا
جميله: انا هاطلع انام
حمزة: اوك يلا فاتك تعبتي وهنصحي
وطلعوا ودخلت جميله أوضتها
ودخل حمزة أوضته بدري
حمزة نفسه أن جميله تبادله ولو ربع حبه ليها
جميله بتفكتر لحظاتها مع اشرف
كانوا راكبين عربيته وقت شروق الشمس منظر جميل والعربيه من غير سقف وهيا بطلع أيدها وتقف تتفرج عالمنظر وكانوا في قمه السعاده والحب وراحوا قعدوا عالبحر يتفرجوا عالغروب وحضنته بالجامد
اشرف: انا بحبك
جميله : وانا بموت فيك ونفسي نفضل مع بعض علطول
اشرف: وانا عمري ما هسيبك ولا هتخلي عنك ابدا لأني مش هاعرف اعيش من غير روحي وانتي روحي
جميله تبكي وتكلم نفسها: اتخليت عني في عز ما كنت محتاجالك وسبتني انا خلاص هنساك وهطلعك من حياتي ومن قلبي وحياتي مش هتقف عليك وهنسي كل اللحظات الحلوة الخادعه اللي كانت بينا
ونامت جميله
حب أشرف اللي كان كبير. في قلبها بقي ممزوج بالعتاب والكرامه والكراهية وبقت مشاعر متلخبطه
اشرقت الشمس يوم جديد على الجميع
حمزة صحي وخاد شاور وجهز نفسه
راح خبط علي جميله مش بترد وهوا عارف ان نومها تقيل
دخل حمزة ووقف يتفرج عليها اد ايه هيا جميله وهيا نايمه وباسها في خدها.........يتبع
***********************
***********************
تعليقات
إرسال تعليق