💞#الحلقه_ال٤_من_روايتكم💞
💞 #معركه_عشق_الحيتان(#ج٣_لعذاب_رعد) 💞
💞 #بقلم_ملكه_القلوب_دي_دي_فتحي 💞
رَبَّنَا لَا تُزِغْ قُلُوبَنَا بَعْدَ إِذْ هَدَيْتَنَا وَهَبْ لَنَا مِن لَّدُنكَ رَحْمَةً ۚ إِنَّكَ أَنتَ الْوَهَّابُ).(يا مقلِّبَ القلوبِ ثبِّت قلبي على دينِكَ). (رَبَّنَا أَفْرِغْ عَلَيْنَا صَبْرًا وَثَبِّتْ أَقْدَامَنَا). (لَا إِلَهَ إِلَّا أَنْتَ سُبْحَانَكَ إِنِّي كُنْتُ مِنَ الظَّالِمِينَ)
💞 قرأه ممتعة 💞
ابراهيم مشي في الشوارع زي المجنون...وبينادي علي همسته... وبصريخ انتي فين يا همستي انتي فين
وبدموع و صريخ اكتر... يعني يا همسه تضيعي مني مرتين يعني تضيعي مني مرتين لاااااا لااااافينك يا همست ابراهيم فينك اااااه ااااه ااااه
وفضل ماشي في الشوارع يدور عليها زي المجنون
لغايه لما طلعت شمس جديدة وملت الدنيا بنورها و ملت القلوب بصدماتها
ابراهيم بعد ما مشي حوالي ٤ ساعات يدور علي همس و مريحش ولا لحظة واحدة قرر يروح كليتها يسأل عليها يمكن يكون حد شافها و يطمنه عليها... وبيبص علي عربيته اللي جاي بيها افتكر انه سابها عند العمارة اللي همس ساكنة فيها و مفتكرهاش غير دلوقتي... وقف تاكسي و راح بيه الكلية وكانت الصدمة القاسية بالنسباله لما سأل عليها و اصحابها قالوله ان جهاز المخابرات مسكوها هي و أربعة اصحاب لها لإنهم كانوا منظمين مظاهرة و طالعين فيها و جهاز المخابرات قبضوا عليهم
ابراهيم بعنف وغضب... طب ليه محدش بلغني ليه محدش اداني خبر ليه
واحدة من الموجودين بخوف من غضبه... والله يا اونكل كنا بنحسب حضرتك عرفت او همس اتصلت علي حضرتك
ابراهيم بعنف اكتر... كنتوا بتحسبوا ؟؟
بس الغلط مش عليكوا الغلطة غلطتي أنا اللي وافقت ان بنتي تبعد عني بس ملحوقة اخرجها بس من اللي هي فيه و هنقلها من الكليه دي خالص و هبعدها عن الدنيا كلها
وسابهم و مشي و هو في قمة غضبه واخد تاكسي و راح جهاز المخابرات
ودخل بعنف وغضب وصوت عالي... انا عايز اقابل رئيس الجهاز انا عايز اقابل اكبر رأس هنا والا هجيب عليها واطيها واللي يحصل يحصل ما هي مش بنت ابراهيم عز الدين اللي تتاخد زي المجرمين وقطاع الطرق والله دا اخر يوم في عمره اللي عمل كدا و أتجرأ يعمل في بنتي كدا مين ما يكون
رعد طلعت من مكتبها وبغضب و صوت عالي للشخص إللي واقف و مديها ظهره وبيزعق زي الطور الهايج والامن لسه هيضربوه...رعد بصوت زي اسمها لابراهيم اللي مازال مديها ضهره وبقوه وغضب ... انت يا حيوان انت ازاي بتزعق كدا انت فاكر نفسك فين هاااا؟ والله دا اخر يوم في عمرك انت النهارده ياحيوان انت
ابراهيم لف علي مصدر الصوت واتصدم أول ما شاف رعد يااااه انتي بعد السنين دي معقولة تكوني انتي السبب في انهم يقبضوا علي بنتي و يحبسوها زي المجرمين معقوله؟
رعد بصدمة و ذهول هي كمان... مش ممكن" البأف" قصدي انت!!!
**************************
✍️عند أسر👇👇
أسر بعد اخر لقاء ليه مع كنزي حس ان قلبه مبقاش قادر يستحمل اكتر من كدا... حس ان حبه لها جريمه في حق نفسه وفي حق كنزي وفي حق شرعيته الدينيه اللي مستحيل تسمح لهم او لاي حد يتجاوزها وقرر يبعد عنها باي طريقه المهم ميسمحش لحبه وقلبه يتحكموا فيه اكتر من كدا
وملقاش قدامه غير رئيس الجهاز عشان يلجأ ليه في حاجه زي دي لان رعد حتي مش هتسمحله بالبعد اللي اختاره لنفسه ده
لانه قرر يبعد بعد نهائي مش مجرد نقله من الجهاز و مش الجهاز بس اللي بيربطهم ببعض...لان بحكم القرابه اللي بينهم ممكن يشوفها في اي مكان غير الجهاز و عذابه هيزيد اكتر و اكتر
وتاني يوم... راح الجهاز و طلب يقابل رئيس الجهاز
وبعد السماح له بدخول... أسر دخل و بجدية... صباح الخير يا فندم
رئيس الجهاز بجديه.... صباح النور يا اسر اتفضل قول اللي عندك انا سمعك
أسر بجدية... انا كنت عايز اطلب من سيادتك اني اسافر مع جهاز المخابرات للعمليات السرية
رئيس الجهاز بجدية.... أسر انت فاهم معني كلامك ده ايه انك احتمال مترجعش مصر تاني و محدش من أهلك هيعرف مكانك غير اذا انت طلبت غير ده
اسر بحزن و جدية... عارف يا فندم و موافق عليه
رئيس الجهاز بجديه... أسر انت عارف إنك زي ابني وبعيدا عن الشغل انت لسة في عز شبابك و شاطر في شغلك ليه عايز تدفن نفسك بالحيا و تبعد عن الدنيا كلها كدا
أسر بحزن يداريه وبقوه مصطتنعه.... من فضلك يا فندم لو انا فعلا زي ابنك زي ما بتقول وافق علي نقلي... لان لو سيادتك موافقتش انا برضه هسافر بس وقتها هقدم استقالتي من الجهاز و أسافر مكان ما انا عايز
رئيس الجهاز بجدية... خلاص يا أسر سيبلي الموضوع ده هدرسه و هرد عليك في اقرب وقت
أسر بجديه... تمام يا فندم بس لو سمحت اديني اجازة من الجهاز لغاية لما سيادتك ترد عليا
رئيس الجهاز وافق لأسر علي الاجازة عشان ميخسرش ظابط كفئ زيه
و أسر فعلا سافر يريح اعصابه او بمعني اصح يريح قلبه من دوامه العذاب اللي معيشه فيها.... لغاية لما رئيس الجهاز يرد عليه
لانه لو قعد اكتر وشاف كنزي في اي مكان... قلبه هيعلن عليه العصيان... وسعاتها هيكون صاحب القلب والقلب في حاله لا يسر لها😔
**************************
✍️في مكان ما👇👇
مازن ابن ياسين وهو راجع من كليته بعربيته شاف سواق تاكسي بيعنف بنت علي تمن التوصيلة والبنت واقفة بتعيط
نزل من عربيته و قرب منهم وبجدية و سؤال... في ايه يا راجل انت و بتزعقلها كدا ليه
السواق بعنف... وانت مالك يا جدع انت تكونش قريبتك ولا قريبتك
مازن بجدية... لا مش قريبتي بس احب اعرف بتعاملها كدا ليه وهي بتعيط ليه
السواق بعنف... بقولك ايه يا جدع انت ابعد عن وشي السعادي انت باينلك فاضي وجاي تتسلا عليه... وبعنف اكتر...انا اصطبحت بوش مين النهاردة يارب هو شكله يوم مش معدي وبيبص للبنت وبغضب و صوت عالي... انتي هتفضلي تعيطي كدا كتير ولا ايه بس لعلمك دموع التماسيح دي مش هتأثر فيا و يا اما تدفعي اجرتك كاملة يا إما هجرجرك من ايدك و اوديكي للبوليس يا نصابة انتي
البنت بدموع و صدق... والله العظيم انا معيش غير اللي انا ادتهوملك دول ارجوك بلاش توديني للبوليس انا أمي ست كبيرة في السن وانا اللي بصرف عليها و علي علاجها ارجوك اديني فرصة بس لأخر الشهر وعرفني عنوانك وانا هجيلك بنفسي و اديلك باقي حسابك
السواق بغضب... كلامك الحمضان ده ميهمنيش انا هفضل هنا و انتي ادخلي خدي سلفة من شغلك اللي سربعتني عشان توصليه بدري واديني باقي اجرتي و الا قسما بالله هسلمك بايدي للبوليس دلوقتي
البنت بعياط اكتر... والله العظيم انا اخدت كتير منهم وهما مش هيرضوا يدوني تاني
السواق بجدية و غضب... يبقا هسلمك للبوليس و هو اللي هيجيب لي حقي منك يا نصابة يا حرامية انتي
ولسه هيشدها من ايديها
مازن مسك ايده و بعنف و غضب... اياك تقرب منها ولا تلمسها تاني انت فعلا انسان معدوم الضمير ومعندكش اي شي من الرحمة... و بغضب اكتر... البنت عمالة تعيط و تترجاك انك تديها فرصة وانت مصمم تذلها اما انت حيوان صحيح
السواق بغضب اكتر منه... بقولك ايه يا حلو يا مسبسب انت يا تدفع باقي اجرتها يا تبعد عن وشي وتسبني اسلمها للبوليس دلوقتي وهما يجبولي حقي من النصابه دي
مازن بغضب... اكيد هدفعلها وده مش خوف منك يا حيوان انت بس عشانها وعشان هي متتبهدلش
السواق بجدية... ماشي يا حناين ميهمنيش اللي انت بتحكي فيه ده اديني باقي اجرتي و خليني اتكل على الله واشوف اكل عيشي
مازن بغضب... قولي ياراجل انت باقيلك كام؟
السواق قاله و مازن اداله و بغضب اكتر... عارف لو كنت انسان محترم كنت اديتك قدهم مرتين بس انت فعلا متستاهلش حاجة
السواق و هو بيعد في الفلوس وبستفزاز... ماشي يا نونوس عين أمك انت تلاقيك وارثلك قرشين وبتتمنظر بيهم علي خلق الله
مازن قرب منه و لسه هيضربه البنت قربت منهم و فصلتهم عن بعض وبدموع اكتر و رجاء و بتبص لمازن... ارجوك بلاش فضايح اكتر من كدا ارجوك ده مكان شغلي مش عايزاهم يرفدوني منه
مازن ساب الراجل وبغضب... غور من وشي وإلا قسما بالله هنسي رجاءها واعمل معاك الصح
السواق بجدية... الصح هو اني اخدت فلوسي منها وابقا يامسبسب انت قولها متركبش تاكسيات تاني طالما مش أدها وتبقا تشعبط في الاتوبيسات اللي هي واخده عليها وركب التاكسي بتاعه و مشي
البنت بصت لمازن و بدموع... انا متشكرة اوي لحضرتك قولي عنوانك وانا هجيبلك الفلوس لحضرتك اخر الشهر اول مااقبض راتبي
مازن بابتسامة... ولا يهمك يا ست البنات انا مش عايزهم عادي
البنت بجدية و دموع... لا انا مقبلش بكدا و مقبلش شفقة ولا حسنة من حد أبدا
مازن بجدية و صدق... والله انا ما أقصد كدا أبدا انتي فهمتي غلط
البنت بجديه اكتر... لو انت مش عايزني افهمك غلط تديني عنوانك عشان اجيبلك الفلوس فيه
مازن بعد ما فكر للحظة و بمكر و مشاكسة.... خلاص ماشي انا هبقا اجيلك آخر الشهر هنا عشان اخدهم منك ماشي
البنت بجدية... ماشي ان شاء الله هكون مجهزاهم ليك
مازن بمشاكسة... ان شاء الله يا عسل انتي بس ممكن أعرف اسمك ايه
البنت بجديه و عنف... اظن انت ليك عندي الفلوس و بس وانا مش مجبرة اقولك علي اسمي ياجدع انت
ولسه هتسيبه و تمشي مازن شدها من دراعها وبجدية و صدق...علي فكرة انا مش بجبرك علي حاجه انا كنت حابب اعرف اسمك ايه وبس
البنت بعنف وغضب... وانا مش حابة اعرفك اسمي و كل اللي ليك عندي اخر الشهر تاخد فلوسك و بس وانا لو مكنتش خايفة أتأخر علي شغلي كنت اخدت الاتوبيس زي كل يوم ماباخده و معرضتش نفسي أبدا لموقف زي ده...و عارف انا بكره كل الرجالة و بالذات الاشكال اللي زيك كدا وسابته و مشيت
ومازن بستغراب وضحك😂... اه يا بنت المجنونه بس إنبي عسل وما انا سايبك الا لما تقعي فيا زي ما انا وقعت في عيونك من أول لحظة عنيه جت فيها عليكي و ركب عرببته و روح بيته
و ياسين كان لسه رايح شركته و مازن قابله و بضحك😂 و مشاكسة... الله الله احلي صباح ده ولا ايه يا جدعان ياسو كدا علي الصبح امال فين بوسبس سيباك نازل لوحدك ليه
و قرب منه و بمشاكسة اكتر... اوعي تكون زعلتها يا ياسو ولا ظبطتك وانت بتخونها مع واحدة كدا ولا كدا... والله ازعل منك انا واجيبلك ناس كمان تزعل معايه ماهي هاصت بقا🤭😂😂😂
ياسين بدهشة... ولد ايه اللي انت بتقوله ده انت اتجننت ولا ايه و راح ضاربه بالقلم علي أفاه🤭😂
مازن بوجع... اه اه حرام عليك يا ياسو ايدك تقيلة و نزلت علي افايه ورمته والله لاقول لبوسبس عليك
بوسي كانت نازلة من علي السلم وبحب... عمل فيك اية يا قلب بوسبس عمل فيك ايه ياحبيبي
مازن بزعل مصطنع... يرضيكي يا بوسبس عشان بسأله عنك يضربني بالافاه يرضيكي ده كله عشان انتي وحشاني و راجعت من كليتي بدري لما المحاضرة اللي كانت عليا لقيتها اتلغت فقولت ارجع لحضنك احسن
بوسي بصت بزعل لياسين...اللي مازن بيفكره بنفسه و هو شاب واتكلم... وبغيظ منه يخربيتك ده انا صدقتك
مازن غمز لياسين بعنيه و بضحك😂... هااا كفايه كدا ولا ازود شوية واخليها تبيتني انا في حضنها النهاردة وانت تقولك امك في العش ولا طارت 😂😂😂
ياسين بغيظ اكتر ... لا يا اخوية كفاية اوي كدا هي مش ناقصة جنان علي الصبح يلا اطلع نادي لاخوك عشان نفطر مع بعض و نروح الشركة
مازن بضحك😂... انت تأمر يا ياسو ولسه هيطلع ينادي علي مالك لقاه نازل في قمة شياكته و اناقته
ومازن بمشاكسة ليه... يخربيت غتاتك يا اخي طب قول حتي صباح الخير يا بني ادمين... وبغمزه لمالك... نفسي أعرف انت بتتشيك اوي كدا ليه وانت رايح الشركة تقولش عريس ليله فرحه
مالك وطي علي ودان مازن وبمكر و خبث ووقاحه... عشان فعلا كل ليلة ببقا عريس في ليلة فرحه بس انت اللي حمار و غبي و ايش فهمك انت بس متقلقش لما تكبر شوية هفهمك يا دلوع مامي انت
مازن بضحك😂... يا بني انا عسل برغم بساطتي في لبسي وفي كل حاجه وانت تغور بغتاتك و بغلاستك إللي لما تتجمع في مكان بتقفله من ابوابه كلها و سابه و نزل
ومالك نزل وراه و راحوا علي السفرة اللي محطوط عليها الفطار وياسين و بوسي قاعدين عليها و مستنينهم وقربوا و قعدوا
مالك بجدية و هدوء... صباح الخير
ياسين و بوسي... صباح النور
مازن بضحك😂... صباح الخير يا كبيرنا يا اغتت و اغلس واحد اسمه مالك عرفته البشرية وتقريبا البشرية كلها هتنتحر بسببك و بسبب غتتك و غلاستك والله
مالك بعنف... ممكن تتلهي وتبص في الطبق اللي قدامك احسنلك
مازن لسه هيرد قاطعه رد ياسين اللي رد بعنف... ممكن انتوا الاتنين تتكتموا و تتلموا بدل ما اقوم المكوا
مازن بضحك😂 و بيحط ايده علي بقه يمنع ضحكته... انا عن نفسي اعتبرني اتكتمت من امبارح الدور و الباقي علي الغتت إللي جنبي ده🤭
ياسين بعنف اكتر و تحذير... مااااازن
مازن بضحك😂 و قام من علي السفرة... والله مش قادر امسك نفسي و مضحكش عشان كدا هقوم اروح اوضتي وبص لبوسي و بغمزة... بعد ما ياسو و الغتت يمشوا هاتيلي النسكافيه بتاعي وتعاليلي اوضتي يابوسبس عشان عايزك في موضوع في ودنك بس اوعي تجيبي ودان ياسو معاكي🤭🤭🤭
ياسين بغيظ... قسما بالله يا مازن لو ما اختفيت من قدام وشي حالا لاقوم انسيك اسمك
مازن و هو بيجري علي السلم وميت علي نفسه من الضحك🤭😂... وربنا ما تقدر دي كانت بوسي حبيبتي قطعتك باسنانها وطلع يجري دخل اوضته
وياسين بص لبوسي بغيظ اكتر... شوفتي ده اخر دلعك فيه
بوسي لسه هترد قاطعها مالك اللي اتكلم بجدية و ثبات... عن اذنكم انا رايح الشركة
و لسة هيمشي ياسين وقفه وبجدية... مالك انا عايزك تسافر فرنسا لاختك ميرا وتشوفها عاملة ايه و دراستها اللي صممت تاخدها من هناك اخبارها ايه
مالك بزهق... أولا هي مش صغيرة عشان اروح اشوفها و ثانيا هي اللي صممت و اختارت يبقا تتحمل نتيجة اختيارها بقا و بعدين ممكن حضرتك اللي تروح او مازن مش لازم انا يعني
ياسين بعنف وغضب وقام وقف... قسما بالله يا مالك ان ما احترمتش نفسك في الكلام معايا والتزمت حدودك لأكون معرفك مين هو ياسين السيوفي و أكون موريك الوش التاني ليه... و اجابة لسؤالك... انا مينفعش اروح عشان الشركات اللي انا مسئول عنهم و الاتفاقيات اللي انا لازم بنفسي امضيها... و مازن مينفعش يروح لأني مينفعش احمله مسئولية سفر زي دي
مالك بعنف... وليه متحملهوش بقا مسئولية ولا هتفضلوا مدلعينه كدا لغاية لما دماغه تضرب اكتر ماهي ضاربه
ياسين بغضب و صوت عالي... ماااالك غور من وشي الساعه دي و حضر نفسك خلال اسبوع تكون مسافر لاختك ميرا فاهم ولا مش فاهم
مالك مشي و هو في قمة غضبه لانه بيعتبر كلام ياسين أوامر لازم و مجبر ينفذها وميعرفش ان ده ابسط حقوق الاباء علي أبنائهم الطاعة و الحب و المودة والرحمه
ياسين قعد على كرسيه تاني و هو غضبان من مالك لانه كل يوم عن يوم اوضاعه بتسوء اكتر و اكتر
وبوسي قربت منه وقعدت علي رجليه و بتملس علي وشه بحب و عشق... ممكن حبيبي يهدأ شويه الموضوع مش مستاهل كل العنف و الغضب ده
ياسين بزهق وضيق... ازاي مش مستاهل وهو اوضاعه بتسوء اكتر و اكتر... يعني واحد مستفز و محلل لنفسه كل حاجة... وواحد مجنون ودماغه فوتت... و وحدة العلم و التكنولوجيا ضاربين دماغها
بوسي قربت شفايفها من شفايفه وبتتكلم و هي قريبه منه اوي وبحب و عشق و همس... متنساش انهم شباب و واحدة واحدة هيهدوا ولا انت نسيت في شبابك كنت عامل ازاي.. تعرف ان مالك واخد منك الشخصية الجدية اوي في الشغل و مازن واخد منك الضحك و الهزار والجنان و ميرا واخدة منك التميز و التفوق في مجالها وان مفيش حد يكون احسن منها
ياسين بتوهان في شفايف بوسي... بس انا عمري ما حللت لنفسي كل حاجة زي مالك كدا انا كنت دايما عارف حدودي و عمري ما اتعديت الغلط ابدا
بوسي بهمس وبتتكلم و شفايفها بتلمس شفايف ياسين و بحب و عشق... هوووس كفاية بقا كلام هو انا مش هاخد الاصطباحه بتاعتي ولا عيالك هيضيعوها عليا
ياسين بحب و توهان في حركه شفايفها اللي خليته يفقد تركيزه... تؤتؤتؤ ولا الدنيا كلها يمنعونا عن الاصطباحة بتاعتنا يا بوسبس حياتي انتي
ولسه هياخد شفايفها بين شفايفه... لاقوا مازن واقف علي السلم فوق و بصوته كله... فين النسكاااافية يا بوسبس فين النسكاااافيه
بوسي قامت من علي رجل ياسين واتخضوا هما الاتنين🤭😂😂😂
وياسين اتكلم و بغيظ... مش بقولك مجنون وابن مجنون كمان و مسك كوباية من علي السفرة و حدفها في مازن و مازن طلع يجري و بضحك😂... مجتش فيا يا ياسو مجتش فيا😂
بوسي ضحكت😂 بصوتها كله...وبحب... اخس عليك يا ياسو كانت هتيجي في ميزو العسل حبيب قلبي
ياسين بغيظ... يا شيخة اسفوخس عليكي انتي وابنك في ساعه واحدة و قسما بالله الواد ده هيموتني ناقص عمر🤭
بوسي قربت منه وبتعدله لياقة قميصه وبحب و همس... بعد الشر عليك يا ياسو يا جميل انت
ياسين بعدها عنه و بغيظ... ابعدي ياختي لاحسن ميزو حبيب أمه يطلعلنا تاني و لسة مكملش🤭
جه مازن تاني ووقف عند السلم من فوق و بضحك😂... ياسو امشي بقا عشان عايز بوسبس في موضوع مهم ولا انزل اخدها و تسيبك و اخليك واقف لوحدك كدا افاك يقمر عيش🤭😂😂
ياسين بعيظ و قلة حيله... منك لله يا شيخ منك لله كشفت رأسي و دعيت عليك بالعربي والانجليزي وبكل لغات العالم... انا همشي قبل ما اطلع ارميك من علي السلم و اطلع عليك جناني انا و مشي و سابهم
و مازن بضحك😂 و بغمزة... بوسبس هاتي النسكافيه وتعالي بسرعة عايزك
بوسي بضحك😂... طب ما تيجي انت بسرعة نقعد في الجنينه احسن
مازن بضحك😂... انت تؤمر يا جميل انت يا طعم يا نايتي
وفي لحظه كان نازل بس منزلش من علي السلم زي الناس العاقلين🤭 لإنه ركب علي ترابزين السلم و نزل🤭😂
وبوسي واقفه مسخسخه علي روحها من اللي هو عمله و بضحك😂... ايه اللي عملته ده يا مجنون
مازن بضحك😂... عملت ايه بوسبس ركبت القطر السريع عشان اجيلك بسرعة غلطت انا
بوسي بضحك😂... عارف لو كان باباك شافك وانت بتعمل كدا كان عمل ايه
مازن بضحك😂... لا أطمنى مكنش هيعمل حاجة لإنه اول ما كان هيشوفني كدا كان هيجيله شلل رعاش ويروح فيها
بوسي خبطته علي صدره وبتمثيل الجدية... ولد لم نفسك دا حبيبي و مسمحلكش تقول عليه كدا و تصدق بقا انا مش عملالك النسكافيه ولا سمعاك
مازن من غير كلام وفي لحظه كان شايلها و خرج بيها الجنينه وبضحك😂... مش مهم النسكافيه يا بوسبس مش مهم المهم انك تقعدي كدا وتديني ودانك و تسمعيني
وبعد ما قعدها علي الكرسي و بضحك😂 و بيبصلها... والنبي انتي عسل اوي زيها يا بوسبس🙈
بوسي بسؤال و استغراب... هي مين دي يا مجنون
مازن بضحك😂... ما هو ده اللي انا هحكيهولك دلوقتي يا بوسبس قلبي انتي بس كل اللي عليكي تسبيلي ودانك🤭 وتركزي اوي في اللي هتسمعيه مني عشان تساعديني فيه🤭
******************************معركه عشق الحيتان الجزء الثالث لعذاب رعد... بقلمي دى دى فتحى
✍️عند رعد و ابراهيم في الجهاز👇👇
ابراهيم اتصدم اول ما شاف رعد وهي كمان اتصدمت
ورعد بصدمة... انت بعد السنين دي كلها خير ايه اللي جابك هنا حنين و ولادك كويسين ؟
ابراهيم بعنف وغضب... انتي هتستعبطي عليا كويسين ازاي وانتي بتاذينا في بنتنا
رعد بعنف وغضب اكتر منه...احترم نفسك احسنلك بدل ماانسي اني عرفتك في يوم واعمل معاك اللي مش هيعجبك ابدا و قولي في ايه و تقصد ايه بكلامك ده
ابراهيم بجدية و غضب... حكالها علي اللي حصل
وهي باستغراب... ازاي الكلام ده يحصل وانا معرفش بيه ازاي
ابراهيم بغضب اكتر... انتي بتسأليني انا اسألي التيران اللي في الجهاز اللي انتوا مسخرينهم يأذوا الناس من غير سبب
رعد بغضب اكتر... ده اخر تحذير ليك بعد كدا مش هسمح ليك تتنفس حتي فاهم لاني انا احتراماً للي حصل بينا زمان وقفت اسمعك برغم اسلوبك القذر ده بس بعض كدا متلموش غير نفسك في ردي علي اسلوبك ده فاهم
ابراهيم بحزن... ارجوكي رجعيلي بنتي رجعيلي همستي
رعد بجدية و صدق... صدقني انا معرفش عنها حاجة بس هتأكد من اللي في الجهاز كلهم و اعرف مين إللي اخدهم
ومشيت... و ابراهيم مشي وراها
و راحت لفهد و خبطت علي مكتبه و دخلت وفهد كان قاعد علي مكتبه وبجديه و هدوء... خير يا سيادة اللواء في حاجه ولا ايه
رعد بعنف وغضب ... اولا لما ادخل عليك تقوم تقف وتعمل التحية... ثانيا في بنت إسمها همس ابراهيم عز الدين ومعاها اربعة اصحابها اتمسكوا من يومين في مظاهرة ممكن أعرف هما فين و مين إللي حقق معاهم وليه انا معنديش علم بده
فهد بثبات و هدوء... انا معرفش اي حاجة عن اللي انتي بتقوليه ده و معداش عليه موضوع زي ده
ابراهيم بعنف وغضب... يعني ايه معداش عليك انت كمان امال عدا علي مين بقا
فهد بمكر و استفزاز... وانا ايه عرفني يا راجل انت مش يمكن هي هربت مع عشيقها وبيقضوا وقت مع بعض وانت هنا واجعلنا دماغنا علي الفاضي
ابراهيم في لحظه كان جاري عليه و ضربه بالبوكس في وشه و بغضب اكتر... انت حيوان و اهلك معرفوش يربوك
فهد بغضب... وانا هعرفك اذا كانوا عرفوا يربوني ولا لا ياراجل انت ولسه هيضربه
رعد قربت منهم و مسكت ايده وبعنف وغضب وصوت رخيم... وبتص لفهد بغضب... حسابي معايه بعدين... وبجديه بتبص لابراهيم... اتفضل معايا
وابراهيم بغضب و توعد وبيبص لفهد... اوعدك اني مش هنسي اهانتك دي لبنتي و خليك فاكر وعدي ده كويس
وخرج وراء رعد اللي اتكلمت بجدية... تقريبا كدا الموضوع فيه إنه... ياريت تديني 24 ساعه وانا هجيبلك بنتك لغاية عندك
ابراهيم بعنف وغضب... انا مش هتحرك من هنا غير ومعايه بنتي
رعد بهدوء عكس اللي جواها... لو سمحت اديني 24 ساعه وبنتك هتكون عندك
ابراهيم بصلها و مش عارف يقول ايه ولا يعمل ايه
ورعد بصتله بتأكيد... اوعدك انها في خلال 24 ساعه هتكون في حضنك وانت عارف اني لما بيوعد مبخلفش بوعدي
ابراهيم بقله حيله واستلام لكلامها... اداها الكارت بتاعه وقالها انه هيقعد في اي فندق و يستني مكالمتها وهي وعدته انها في اقرب وقت هتتصل بيه
وابراهيم مشي والحزن والخوف و القلق هياكل قلبه و عقله
✍️و رعد راحت مسكت الخيط من اوله وراحت الحجز عن البنات اللي في كليه الطب اللي اتاخدوا وفعلا وصلت للبنات اللي مازالوا في الحجز و عرفت منهم اللي حصل لهمس اللي كانت في مكتب صقر و فهد اخدها و بعد كدا هما مشفوهاش
و رعد اتجننت وعقلها للحظة وقف عن التفكير معقوله ابنها المقدم فهد اللي كبرته وتربيته علي الصدق وتحمل المسؤليه معقوله يكدب عليها طب عمل فيها ايه معقولة اذاها زي ما اذاء غيرها
قلبها دق بحزن و وجع علي ابنها واللي وصله و راحت بخطوات سريعة علي مكتبه و فتحت باب المكتب وقربت منه و شدته من هدومه و قومته من علي المكتب
وبعنف وغضب... وديت همس فين وديتها فين و بجدية... عارف لو حصلها حاجة باباها و مامتها هيموتوا وراها قولي وديتها فين قولي عملت فيها ايه
فهد بكدب و هدوء و مازالت رعد مسكاه من هدومه... معرفش همس مين معرفش
✍️رعد بغضب و عنف وصوت اقوي من إسمها ... بس انا هعرفك ازاي هتقولي وديتها فين و عملت فيها ايه
👈و في لحظه كانت شادة سلاحها و ضربته طلقة في كتفه... و فهد اتصدم والصدمه لجمته و مش مصدق إن امه تضربه بالنار كدا لاعقله ولا قلبه مصدقين ابدا اللي حصله ده وبايد مين بأيد امه
و رعد الدموع ملت عيونها و بوجع لمنظر الدم اللي نازل من كتف ابنها و وجهت المسدس تاني عليه بس المره دي واجهته علي دماغه... وبوجع وحزن يمله الغضب... هتقولي وديت همس فين ولا الطلقة الجايه هتكون في دماغك و هنسي انك ابني و هموتك بأيدي بدل ما غيري يموتك انطق ودايتها فين انطق ودايتها فين
فهد مازال علي صدمته وبألم يداريه... هقولك ودايتها فين... و حط ايده علي كتفه اللي بينزف يكتم الدم و مشي و رعد مشيت معاه بحزن و وجع لالمه اللي بيحاول يداريه بس هي شايفه المه ده وحاسه بيه
وفهد وداها الاوضة اللي فيها همس و اول ما فتحها... ورعد بصت للحاجز بذهول و خوف و رعب من اللي هي شيفاه قدامها واللي منتظر ابنها من عقاب بسبب اللي هي شيفاه قدام عيونها
و مرة واحده وقعت علي الارض وبدموع و صدمة وبوجع... مش ممكن ابني يوصل لكدا مش ممكن ابني يوصل انه يقتل حد برئ بأيده وملهوش اي ذنب غير انه وقع تحت إيده مش ممكن مش ممكن.
@@@@@@@@@@@@@@@
✍️انتهت الحلقه ال٤🤚 نكمل بكره ان شاء الله🙏
✍️توقعاتكم👇👇👇
👈ايه رايكم في شخصيه مازن وكوميديته مع ياسين وبوسي🤭😂ولسه مواقفه الكوميديا اللي جايه اكتر واكتر🤭😂😂😂... وهيكون ليه حكايه مع البنت دي ولا ايه... وحكايه البنت دي ايه أصلا ؟؟؟
👈كنزي هتسلم لعذاب قلبها وقلب اسر ولا هتقوله الحقيقه وتخليه في عذاب اكبر؟؟؟
👈ايه رايكم في موقف رعد لما ضربت ابنها فهد بالنار؟؟؟
👈فهد هيتعاقب ازاي بسبب موت همس... وموقف رعد ايه... وابراهيم وحنين هيعملوا ايه لما يسمعوا خبر موت بنتهم همس؟؟؟
