سكريبت في مشرحة حلوان الفصل الثاني 2 والاخير بقلم مصطفي ايمن
- مصطفى الحقني أنا في المشرحة لحد دلوقتي و مش عارف أخرج منعوني من الخروج!!!!
- أنت بتقول أيه مستحيل
قولت الجملة دي و من بعدها الخط قطع خالص عن مكالمتي أنا و بيتر حاولت اتصل بيه تاني بس طبعًا زي ما توقعت الموبايل مقفول، اللي قاله ليا بيتر خوفني و رعبني أكتر حسيت ،خوفي زاد و بقيت متوتر و مش عارف أعمل أيه لازم الحقه لازم الحقه قبل ما يحصله حاجة!! أكيد اللي شوفته لما خرج من المشرحة دا مش بيتر دا حد تاني بس مش دا المهم، المهم دلوقتي صاحبي اللي في ورطة!!
بسرعة قمت من مكاني و غيرت هدومي و أنا في نفس الوقت بتصل على مسلم اللي بعد تاني رنة رد عليا وقالي:
- أيه يبني بترن عليا دلوقتي ليه؟!!
- قوم انزل بسرعة نتقابل عند مشرحة حلوان
- أنت عبيط يا مصطفى مشرحة حلوان ايه اللي نتقابل عندها دلوقتي أنت لسة اللي في دماغك دا مصمم عليه
- قوم بسرعة في مصيبة و بيتر جوا المشرحة مخرجش
في اللحظة دي حسيت أن مسلم اتفزع و قالي:
- أيه اللي أنت بتقوله دا!! مصطفى الكلام دا مينفعش فيه هزار
- بقولك قوم بسرعة ولما اشوفك هناك هفهمك كل حاجة!!
قفلت مع مسلم و لبست هدومي بطريقة سريعة جدًا و لاقيت أمي مستغربة من نزولي في وقت زي دا لأنه كان متأخر وقرب على دخول نص الليل اتحججت بي أي حاجة و نزلت جري و في خلال نص ساعة كنت واقف هناك مستني مسلم و بعد 5 دقايق لاقيته وصل قدامي و هو مفيش غير على لسانه جملة واحدة
- أنت اللي قولته في الموبايل دا صح!! أنا عمال أرن على بيتر مش بيرد
- للأسف صح من ساعة ما سبتك و أنا بحاول ارن عليه و لما فقدت الأمل لاقيته هو بيرن عليا و قالي كدا...
سمعت مسلم تسجيل المكالمة اللي بيني وبين بيتر و قولتله كمان على الصورة اللي ورهلنا بيتر و أنها مش طبيعية
- أيه دا تصدق صح يا مصطفى بيتر في الصورة كأن في حد مصوره!!
- عشان كدا أنا بقولك بيتر في خطر!!
- ثانية واحدة معنى كلامك أن بيتر دا جوا المشرحة دلوقتي؟!
- ايوا!
- أما مين اللي خرجلنا ساعتها دا!!
- دي مصيبة تانية يا مسلم هنشوفها لما نلحق صاحبنا الأول
- طيب هندخل كدا من غير حاجة نضرب بيها!!
- مسلم احنا مش داخلين نتخانق مش عيال حارتنا دي مشرحة
شغلت كشاف موبايلي و دخلنا من شباك متهالك و متكسر نزلنا على سلالم عليها ازاز متكسر و جمبيها حقن و سرنـجات!! كملت و طلعت على درجات السلم و مسلم ماسك في أيدي زي الأطفال خايف يحصل حاجة
- أيه يبني سيب أيدي و شغل كشاف موبايلك و دور معايا على بيتر
نفذ مسلم كلامي و بدأ فعلًا يعمل دا دورنا في الدور اللي احنا فيه ملقناش حاجة كان كله عبارة عن تراب كتير و حاجات متكسرة في كل حتة و سرنجات مهولة كأننا وقعنا في قبو للمدمنين فجأة وقفت مكاني و قولت لــ مسلم بصوت منخفض
- تعالى نطلع فوق عشان هنا مفيش حاجة!!
- ما بلاش نطلع و نبلغ البوليس و خلاص يا مصطفى!!
- مسلم انشف شوية كدا أنت مش صغير
كنت بقول الكلام دا و أنا عايز أقوله لنفسي أصلًا لأني خايف أكتر من مسلم أنا ميت من الخوف بسبب العتمة اللي احنا فيها و الاصوات اللي بتحصل من حوالينا بس مش عايز اظهر دا لأني عارف أنهم بيشموا ريحة الخوف!!
وجهت كشاف الموبايل و طلعت أول درجة و في نفس اللحظة دي لاقيت حد دفعني لورا و وقعت على ضهري و دماغي خبطت في حجر كبير و اتفتحت و نزل دم كتير على الأرض فضلت ثواني مغمض عيني حسيت أن فقدت الوعي أو مـ..ــوت بس صحيت على صوت مسلم و هو بيقولي
- مصطفى....مصطفى ارجوك فوق أنا ميت من الخوف هنا لوحدي!!
فتحت عيني بالعافية و أنا شايف الدنيا طشاش و ضباب قدامي فضلت ادعك في عيني لحد ما بدأت الرؤية توضح
- هو ايه اللي حصل؟!
- معرفش قجأة لاقيتك وقعت و اتخبطت في الحجر دا بس أنت نزفت دم كتير يلا نخرج
- لا لا هنكمل بس سندني أنت
- يبني أنت محتاج تعوض الدم دا و مش هتقدر تكمل كدا
- ملكش دعوة يا مسلم سندني نطلع الدور اللي فوق كدا كدا النزيف وقف
قولت الجملة دي ولاحظت قدامي خيال بيجري لفوق بصيت لــ مسلم اللي لاقيته باصص لمكان الخيال و فاتح بوقه ومندهش
- شوفت اللي أنا شوفته يا مصطفى!!
- شوفت أيه مفيش حاجة
- ازاي يعني دا لــ...!!
- مسلم يلا نطلع
حاولت اخبي عليه أن مفيش حاجة و بدأنا نطلع كام درجة سلم لحد ما بقينا في الدور التاني اللي حسيته أنضف بكتير من الدور الأول ، مفهوش تراب مفهوش اثاث متكسر بس كان فاضي تمامًا حاولت أوجه الكشاف في كل زاوية في الغرفة بس ملقتش حاجة غير باب مقفول و عليها طرطشة دم!!
- سندني لحد الباب دا نشوفه
قبل ما مسلم ينفذ كلامي بدأت اسمع صوت حد بيتوجع
-أممم...اممممم
- سمعت الصوت دا يا مسلم؟!!
- اه دا جاي من الباب دا !!
قالها مسلم وهو بيشاور عليه وبدأ بعديها نتجه هناك مشينا كذا خطوة لحد ما وصلنا عند الباب و كل ما كنا بنقرب كل ما الصوت كان بيقرب اكتر
- امممم... انتوا مين عايزين مني أيه!!
الصوت دا سمعته من خلف الباب وبعد ما سمعته قولت لمسلم:
- افتح بسرعة!!
- ما بلاش يا مصطفى لا تطلع حاجة احنا مش قدها
- يبني افتح خلينا نشوف ايه الأصوات دي!!
فتح مسلم الباب و ياريته ما فتح!! شوفت اشخاص غريبة أول مرة اشوفها في حياتي اتنين ملهمش ملامح كل اللي شايفه حواف جسمهم لكن ملامح وشهم كانت منورة كان واقف وسطهم بيتر صاحبنا و كمان كان في شخص واقع على الأرض متكلبش كان عمال يعيط و جسمه كله جروح كأنه كان بيتعذب حتى بيتر كان باين على جسمه العذاب و عمال يعيط من كتر اللي بيحصله لما شافنا كأنه شاف طوق النجاة بس للأسف كنا وصلنا متأخر
- مصطفى!!!
قالها بيتر بلهفة فجأة لاقيت نفسي بقوله:
-ىبيتر أنت ايه اللي بيحصلك هنا
في اللحظة دي لف لينا الأشخاص اللي قولت عليهم أول مرة اشوفهم من كتر غرابة شكلهم مش قادر اوصفهم بس كل اللي اقدر أقوله عليهم أنهم مسخ من عالم تاني مش بتاعنا نهائي
معرفش كانوا عايزين أيه من بيتر بس ملحقتش اعرف دا لأن لما حاولت اجري على بيتر والحقه الناس دي اختفت بس مش لوحدهم لاء خدوا بيتر معاهم فجأة ضرب نور جامد اوي و بسببه غمضت عيني ولما اطفى و رجعت الغرفة لطبيعتها تاني لاقيتها بقت فاضية ومفيهاش غير الشخص المربوط و اللي اكتشفت بعديها أنه زينهم اللي مختفي من أسبوع!!
خرجنا من المشرحة و مسلم كان بيحاول يسندني أنا و زينهم و طلعنا على القسم بس محدش صدقنا افتكرونا مجانين و دا طبعًا كان لازم يتقال علينا عشان اللي شوفته جوا ميدخلش العقل بعد يومين من شفاء الجروح اللي حصلتلي دي قابلت زينهم تاني و قعدت معاه وبدأت اعرف منه اللي حصله جوا لمدة أسبوع بس بيقول أنا مش فاكر حاجة و كل اللي اعرفه أنهم ربطوني و كل يوم بيجي حد يحط طبق اكل و يمشي ماكنتش بشوف شكله لاني ببقا نايم و المرة الوحيدة اللي شوفت فيها الأشخاص دي لما انتوا دخلتوا علينا كانوا ناوين يخدوني معاهم زي ما عملوا مع بيتر بس اللي كان موقفهم أنهم مقدروش يسيبوا حد شبهي في العالم بتاعنا!!
بعد ما زينهم قال الجملة دي اترعبت لأن في نفس الوقت افتكرت الشخص اللي خرج يومها من المشرحة على أنه بيتر و الغريب أنه عايش مع عيلته عادي و بيتعاملوا معاه على أنه ابنهم لكن محدش يعرف الحقيقة غيري أنا ومسلم اللي محدش هيقدر يصدقنا فيها، بدأت ابعد عن بيتر تدريجي لأنه مش صاحبي اللي أنا اعرفه دا حد تاني
بعد التخلص من فترة الجامعة اتقطعت صدقتي أنا وبيتر و بقيت بكلم مسلم كل فين و فين !! كل واحد فينا انشغل في حياته و أنا سافرت برا البلد و بشتغل و مسلم اتجوز وحياتي اتيغرت بس هو الوحيد اللي كان بينقلي اخبار بيتر وعيلته و في يوم قالي خبر غريب أوي!!
و قالي أن الشرطة قبضت على بيتر بتهمة القتل لعيلته كلها معرفش بيتر يعمل حاجة زي كدا ليه بس المريب بالنسبالي أن انا من بعد الحادثة دي ومن بعد اللي حصل في مشرحة حلوان بقيت عايش على مسكنات و باخد منوم عشان اعرف انام كل ما اسمع سيرة مشرحة حلوان بيجيلي حالة من الهلع نوبة تشنجات رهيبة و بنزل من بوقي رغاوي بيضاء معرفش ايه السبب من السيرة دي هل هي حزن على صاحبي اللي مش عارف هو فين و لا أنا حصلي حاجة بسبب اللي شوقته يومها حاجات كلها ملهاش تفسير بس كل اللي عايز أقوله اوعى تقرب من مشرحة حلوان!!!!!!
انتهت
#مصطفى_أيمن_شحاته
#رعب_عالماشي
#قصص #رعب #خوف
تمت
تعليقات
إرسال تعليق