روايات حديثة

رواية الخائنة والدكتور الفصل الحادي عشر 11 بقلم حسن الشرقاوي

 


رواية الخائنة والدكتور الفصل الحادي عشر 11 بقلم حسن الشرقاوي

قصة الخائنه والدكتور....    


الدكتور نده علي صبري 

وقاله عاوز اتكلم معاك تحب ندخل عندك ولا نتطلع الفيلا انا عاوز اتكلم معاك ضروري الوقت


صبري قاله اتفضل يادكتور

ندخل الاوضه لسه هانطلع فوق

بس كان باين عليه أنه مكشر ومش طايق يشوف وش الدكتور 

ولأن مافي القلب يظهر علي قسمات الوجه فقد بدأ الضيق علي وجه صبري 


دخل الدكتور الغرفه التي لم يدخلها منذ أن جاء صبري إليها ووجدها مكركبه ومليئه أعقاب سجائر وأكياس شيبسي 


وواضح أن أولاده لسه نايمين وكل واحد فيهم نايم في اتجاه  فوق بعض في هدوء وسلام


بدأت قسمات وجه صبري تتغير حتي لا يلاحظ الدكتور وابتسم وقاله اجيب لحضرتك حاجه تشربها


الدكتور قاله شكرا ياصبري

انا حاليا جايلك في موضوع مهم

ومش هاطول عليك

ولازم يكون الكلام مباشر من راجل لراجل واحنا رجاله زي بعض وعندنا اولاد

ارجوك يا صبري ماتطلقش هند وخليها علي ذمتك وسامحها لله 


صبري واسامحها علي ايه ولا ايه يادكتور

انا بكره هاق.طم رقبتها..وهاتشوف


الدكتور لو سمحت ياصبري اسمعني للاخر


صبري وهو متضايق فعلا ومكشر اتفضل يادكتور


الدكتور محاولا إقناع صبري ويحاول أن يغريه بالمال

بص ياصبري انت مش قولتلي شوف حد يسلفني فلوس اعمل بيها مشروع 

حصل منك ولا لاء

جاوبني ياصبري


صبري اه يادكتور ..حصل!!

وبعدها يسخر وانت بقي هاتسلفني انا كمان؟!


الدكتور ايوه ياصبري انا هاديك المئه الف ومش هاخدهم منك الا لما المشروع بتاعك ينجح

 وكمان هند لازم تشتغل معاك بس بشرط ماتطلقهاش وحافظ علي بيتك وأولادك

واياك تهد بيتك بسهوله


صبري مش انت يادكتور كنت عاوز تديني الفلوس عشان أطلقها دلوقتي عاوز تديني الفلوس عشان مااطلقهاش

عجبت لك يازمان؟!


ايه اللي غيرك يادكتور؟!


الدكتور..انا حاولت اعمل الخير وخلاص وفكرت ازاي اعمل الخير ده ولقيت أن لو أموركم الماديه اتصلحت اكيد علاقتكم هاتتحسن تاني

 ولقيت من وجهه نظري أن الست لما بتصرف علي الراجل بيكون الراجل مش مقنع بالنسبالها 


وعشان كده أن هاخليك انت اللي تنفق لان الرجال قوامون علي النساء بما أنفقوا..


فهمت ياصبري انا اتغير رايي ليه!!

 عشان لقيت الحل ،وهو ده الحل الأنسب ليك وليها

انا كان ممكن ارفدكم من الشغل انتوا الاتنين

وما احملش نفسي مبلغ مئه الف بس ده عشان ربنا يساعدني انا كمان ويوقفلي ولاد الحلال!


وعشان أكفر عن ذنوبي

 وكلنا بنغلط وكمان عشان خاطر سعاد اللي رحلت عني وعشان ابننا وحبنا

انت عندك اولاد ياصبري وخلي بالك كويس منهم


صبري..ساخرا..انت هاتوصيني علي ولادي يادكتور..دول ولادي..وحبهم غريزه

عموما البركه فيك يادكتور وسيبني يومين افكر في الموضوع الجديد ده..

الدكتور .هاتفكر في ايه تاني ياصبري؟!


صبري.. بصراحه يادكتور لما طلبت مني أطلقها انا مكنتش عاوز أطلقها إنما الوقت انا اتغيرت من ناحيتها وكمان بفكر أطلقها فاسيبني يومين افكر..في الحاجه دي!


الدكتور تمام ياصبري فكر براحتك.

 

صبري هو انت بتقول كده عشان مش هاتجيبلي الفلوس بكره

لعلمك يادكتور أنا مضيت إيصالات امانه عشان احجز بضاعه اتاجر فيها


الدكتور حاضر ياصبري بكره الاحد البنوك فاتحه اجيبلك ال 45000جنيه وانت وتفكيرك وعقلك في راسك تعرف خلاصك..تمام ياغالي 

صبري يدوس علي جرح الدكتور ويحاول يوصله رساله مهمه

اه تمام يادكتور عشان انت عارف اتفاق الرجاله غالي..وشرف الراجل في كلمته...ومن امنك لا تخاونه ولو كنت خاين..يادكتور


الدكتور..اه طبعا اكيد ياصبري ويردهاله بالكلام ويقوله مثل هوه كمان..العشق في الرجال غلاب ياصبري

 واللي عنده عنزه بيرعاها فما بالك ببعض الناس ..وكل واحد مسئول عن رعيته..


صبري يتغاظ في نفسه لكن يبتسم ويقول صحيح كلامك يادكتور اللي عنده عنزه يراعيها أو يبيعها وهو ده المثل الصحيح..لانها ممكن تكون بتنطح صاحبها..وصاحبها بايعها 


الدكتور تمام ياغالي استاذنك عاوز انام لاني تعبان

وفكر براحتك


صبري اتفضل يادكتور تصبح علي خير 


الدكتور يبتسم ويغادر المكان ويذهب الي الفيلا ويجد هند خلف الباب بانتظاره كعادتها..

الدكتور ايه ياهند صباح الخير واقفه كده ليه تاني مش اتكلمنا كفايه والموضوع بتاعنا لازم ينتهي


هند انا مانمتش من امبارح ياحبيبي حرام عليك

 ايه اللي انت بتقوله ده انا ام.وت نفسي لو سيبتني..ارجوك يااحمد انسي كل الكلام ده ارحمني ارجوك..وتظل تتوسل وتركع تحت ركبتيه وتقبل يداه وتكرر ارجوك يااحمد حرام عليك اق*تلني احسن وماتسبينيش


نعود الي صبري الذي ذهب إلي شباك غرفه زوجته فلم يجدها في غرفتها اكيد هي في حضن الطبيب ؟!


يكظم صبري غيظه ويقول لنفسه الصيد محتاج الصبر والصبر حتي اركب الكاميرات اليوم 

فهي جاهزه علي التركيب

ويجري صبري الي غرفته لكي يحضر واحده ويفتح الشباك ليدخل منه!؟


وينظر الطبيب الي هند برقه ويوقفها ويقولها تعالي نقعد شويه تعالي ياهند..بلاش. كده اهدي شويه


ويحاول إيقافها وتقوم معه  كي تجلس بجواره علي الاريكه ويقولها بصي ياهند 

انا من الاخر مش ينفع نتجوز  لازم تفهمي ده كويس والأسباب كتير

هند تبكي وتقوله متقولش كده ياحمد امال إلي بينا كان ايه!!


احمد يقولها نتكلم بصراحه اللي بينا كان عيب وحرام !

وانا فوقت يمكن عملت معاكي كده نزوه! يمكن عشان الوحده يمكن الملل يمكن الج.نس لكن مقدرش انسي سعاد مراتي وامبارح جاتني بالحلم 

وحذرتني منك في رؤيه 

وسالت شيخ صاحبي قالي مش من الدين انك تطلقها من جوزها وبعد كده تتجوزها ده خراب بيوت

 وانا لا أرضاه علي نفسي


هند..ياحبيبي نسأل غيره ارجوك ياحمد 

واحلام ايه دي اللي تصدقها ياحبيبي

 اكيد روحها غيرانه مني بس

بحبك يااحمد وأخذت تقب.له 

وعاد الشيطان في صوره امراه تجلس علي ركبتيها وقد انفتح الروب وانحنت علي حبيبها 

وأحمد يريد أن يقاومها

لكن قواه قد خارت واخد يمنحها الق.بلات 

 


وهند تحاول أن تزيد اثارته


ننتقل إلى صبري

 يصعد صبري الي الشباك ليفتحه ويركب الكاميرا وبالفعل يجده مفتوحا فينزل الي الغرفه ويأخذ يالتلفت يمينا ويسارا وفوق وتحت

 يبحث عن موضع لاخفاء الكاميرا 

وهنا يجد مكانا فوق الدولاب ويخبئها فوق الدولاب وفي مواجهة السرير بحيث تظهر عين الكاميرا وكأنها داخل النقش والزخارف الموجوده في الغرفه


نعود الي العشي.قه هند

 تحاول زياده اثاره الدكتور لكنه يدفعها عن نفسه ويستفيق ويقولها بلاش يا هند قولتلك حرام..ثم يبعدها عنه وتنكب هند باكيه

ويقوم الدكتور ليدخل غرفته وتظل هند تبكي علي الكنبه


يخرج صبري من الشباك مسرعا ويقول في باله كده فاضل غرفه الباشا ولما ينام ابقي اركب عنده الكاميرا التانيه


وكده هاق.تل الاتنين من غير ما اتحبس يوم وكمان اخد المئه الف واتجوز غيرها واعيش حياتي!


الدكتور يخلع بدلته وحذائه ويتخلص من ملابسه وينام 

 ويتحضن صوره زوجته سعاد فهو ينظر إليها كل يوم

ويتمني أن يحلم بها 

ويراها فسعاد لم تفارق خياله لكنه القدر..الذي فرقهما بالوفاة.

يتبع..    


لقراءة الفصل التالي اضغط هنا 👉





لقراءة الرواية كاملة اضغط هنا 👉

 

تابعنا على فيسبوك من هنا 👉

مدونة الرسم بالكلمات
بواسطة : مدونة الرسم بالكلمات
تعليقات



حجم الخط
+
16
-
تباعد السطور
+
2
-