روايات حديثة

رواية حكايه امل كاملة جميع الفصول للكاتب أحمد محمود


رواية حكايه امل كاملة جميع الفصول للكاتب أحمد محمود



 رواية حكايه امل الفصل الاول


انا اسمي (امل) .. حكايتي بدات وانا في الثانويه العامه لما اتعرفت علي (علي) .. اول حب في حياتي .. اول مره قلبي يدق ويعرف الحب معاه .. بس احنا كان في فرق كبير بينا في المستوي الاجتماعي

انا ساكنه مع اهلي في بيت شيك في حي راقي وعلي ساكن في حي شعبي مع اهله وعلي اد حالهم ..







انا ميفرقش معايا الحاجات دي لكن بابا طول عمري من صغري وهو بيعلمني اني مينفعش اصاحب او اتعامل الا مع ناس من مستوي عالي

عمري ما حسست علي اني معايا فلوس ولا اني احسن منه لان انا شايفه ان كل الناس زي بعض

بابا كان دايما يمنعني اتكلم مع حد اقل مني في المستوي .. دايما يقول لي يا تتكلمي مع ناس زيك يا احسن منك لكن اقل منك لا.. بابا شخص متكبر وماما كمان زيه واخواتي كلهم الا انا الوحيده المختلفه عنهم









فضلت انا وعلي نحب بعض وحبنا يكبر يوم ورا يوم وسنه ورا سنه  لحد متخرجنا من الكليه .. وطبعا انا اول متخرجت بابا كان مجهز لي شغل في احسن مكان بنفوذه وعلاقاته.. لكن علي فضل يدور علي شغل كتير وملقاش لانه معندوش واسطه ولا حد يقف معاه.. انا كنت بشجعه ميستسلمش ويفضل يدور علي شغل واكيد هيلاقي.. وكنت بدي له فلوس من معايا علشان يجيب لبس ويخلي مظهره كويس قدام الناس

.. وبعد مافات سنه وهو لسه مش لاقي شغل قولت له انت لازم تتقدم لي .. قال لي هقول لباباكي ايه لما يسالني عن شغلي؟




قولت له ملكش دعوه انت بس تيجي. تتقدم وسيب الباقي عليا.. واديته فلوس يشتري لبس وحاجات يجيبها معاه وهو جاي يتقدم لي... واتفقت معاه يجي لوحده اول مره ولما يتفق مع بابا يبقي يجيب اهله








طبعا بابا اول مشافه وشاف لبسه الشيك والحاجات الي جايبها معاه اتخدع فيه ورحب بيه جدا وقبل ميساله عن نفسه ساله انت ابن مين وابوك بيشتغل ايه؟


علي سكت شويه وبعدين قال له والدي بيشتغل نجار.. عنده ورشه  صغيره كده جنب بيتنا.. بابا اتصدم وقال له بتقول ايه؟ ابوك نجار؟ .. وجاي تتقدم لبنتي؟ .. انت مش عارف هي مين وابوها مين؟.. واتقلبت نظره بابا الي استقبله بيها قبل ميعرف اصله 

وفصله.. وبص له نظره تعالي واحتقار

علي اتعصب وقال لبابا ايوه انا ابويا نجار واهلي ناس علي اد حالهم لكن هو رباني احسن تربيه وعلمني ..وان شاء الله هشتغل شغله كويسه .. بابا قال له كمان لسه بتدور علي شغل.!!


وبعدها رد بابا كان صادم وقاسي

رابط البارت الثاني



مدونة الرسم بالكلمات
بواسطة : مدونة الرسم بالكلمات
تعليقات



حجم الخط
+
16
-
تباعد السطور
+
2
-