رواية حكايه امل البارت الثالث 3 للكاتب احمد محمود
كلمت علي وقولت له ان فرحي بعد شهر لقيته بيقول لي بصي .. انتي هتسمعي كلام بابا وتتجوزي خطيبك من غير مشاكل وتروحي بيته .. بس انا وانتي هنفضل مع بعض انتي حبيبتي .. وبعدين مش هم الي عملو فينا كده؟ رفضوني وخطبوكي. ؟ خلاص .. سكتت معرفتش اقول له ايه .. مهو عنده حق بصراحه
عدي الشهر بسرعه وعملنا الفرح ورامي كان طاير من الفرحه.. وروحت شقتي الجديده الفخمه الي في مكان راقي يليق بيا ويشرف بابا وماما قدام الناس ...
باقي حكايه امل
اختي كانت قلقانه مني وبتبص لي نظرات شك .. واتكلمت معايا وقالت يا امل خلي بالك الجواز مش هزار ولا لعبه ده عهد واتفاق قدام ربنا .. اوعي تكوني ناويه علي حاجه غلط ...مينفعش تتجوزي واحد وانتي تفكيرك ومشاعرك مع واحد تاني قولت لها متخافيش انا خلاص سبت علي ونسيته ورامي هو نصيبي وخلاص هعمل ايه يعني؟
سافرت مع رامي شهر العسل وكان بيعاملني زي الملكه المتوجه. مش بيخليني اقوم من مكاني ولا اعمل اي حاجه في البيت.. وكل بوم يجيب اكل معاه وهو جاي ويقول لي مش عايزك تتعبي نفسك في اي حاجه .. بس برضو رغم كده قلبي مدقش غير ل علي
رامي بينزل شغله الصبح مش بيرجع غير بالليل.. وسايب لي فلوس وقال لي عايزه تخرجي عايزه تروحي لاهلك اعملي كل الي انتي عيزاه ومتشيليش هم البيت انا مش عايزك تحملي هم اي حاجه عايزك علي طول مبسوطه.. معاملته ليا كويسه جدا اي حاجه تتمناها اي واحده في جوزها موجوده في رامي .. بس برضو معرفتش احبه
فضلت اتكلم مع علي .. وبعد فتره قال لي لما جوزك ينزل الشغل كلميني اجي لك البيت.. في الاول رفضت وخوفت .. وقولت له مينفعش تيجي هنا ممكن حد يشوفك ونتفضح.. قال لي لا متخافيش انا هتصرف
وفعلا بدا يجي لي البيت .. وفضلنا علي الحال ده شهور وعايشه معاه كاننا متجوزين ..
كنت فرحانه جدا ان حبيبي معايا ومكونتش مفكره في اي حاجه تانيه
وفي بوم قعدت افكر مع نفسي .. رامي جوزي بيعمل لي كل حاجه حلوه ويتمني لي الرضا .. لكن علي بيعمل لي ايه؟ .. ده مش بيجي عندي غير علشان حاجه معينه وكمان كل شويه يطلب مني فلوس.. وحتي كلامه معايا بقي كله في حاجات معينه .. بيدور علي رغباته وبس من غير ميفكر فيا وفي الي ممكن يحصل لي لو جوزي عرف
حسيت نفسي بقيت زي بنات الليل .. بيعرفتي علشان مزاجه وبس حتي كلام الحب والغرام بطل يقوله وبقي كلامه معايا كله كلام خارج ..
فجاه بدات اراجع نفسي بس للاسف الوقت كان اتاخر اوي ..
بدات اتهرب من علي كل ميطلب يجي لي البيت وكل مره اطلع له بحجه شكل.. وفي نفس الوقت بذات الاحظ معامله رامي ليا وحبه واهتمامه وخوفه عليا.. هو معملش حاجه وحشه معايا علشان اخونه واطعنه في شرفه.. رامي بيحبني وبيعمل علشاني كل حاجه.. لكن علي كان بيحبني ودلوقتي بيعرفني علشان مصلحته وبس
فات شهر و علي ملاحظ اني اتغيرت واني بتهرب منه.. سالني في ايه؟ مالك يا امل متغيره ليه؟
قولت له بصراحه انا تعبت من الخيانه .. انا بخون جوزي في بيته رغم انه بيعمل كل حاجه علشان يرضيني.. انا خلاص توبت ومش عايزه اعرفك تاني .. انا رضيت بقسمتي وجوزي.. وانت متكلمنيش تاني ولا تعرفني .. وشوف حياتك بعيد عني
علي استنا لما خلصت كلامي وضحك ضحكه غريبه وقال لي هو انتي
