"مارو_العاب الرحمه"
للكاتبه /لينا بسيوني
الفصل التامن بعنوان"قفص خشبي"
"نـورا"
عمو نصير قفل باب القفص علينا بسرعه، الاسود اتلمت حوالين القفص الخشب وهجمت عليه.
فضلت تخبط فيه وهي بتحاول تكسرة بحوافرها
واسنانها الحادة، ماما سندس خدتني في حضنها وهي بتصوت وبتقول:
يالهويتي انجدونا ياخلق....... بتتفرجوا علي ايه ياولاد الكلب!!
بابا حاول يلف بالقميص علشان يتحول لتنين، بس فشل وكذلك عمو حنوش وعمو نصير فشلوا انهم ينقلونا
الاسود كانت خلاص قربت تكسر القفص
مارو كان لسه قاعد مكانه، أتفاجئنا بيه بيقوم وبيقف علي رجله المجروحه، فتح الباب وخرج للاسود، جرى بسرعه بعيد عن القفص فالاسود كلها سابت القفص وجريت وراه ما عدا اسد واحد فضل يخبط في جانب القفص.
عنينا كانت علي مارو واللي اتجمع حواليه الاربع الاسود
مارو وقف ادى ظهره لمدرج الجماهير وخلي الاسود كلها قدامه وبصلهم بتحدى وشموخ.
الاسود هجمت عليه فـ قفز قفزة عاليه، اتشلقب في الهواء ونزل علي رجل واحدة ورا الاسود ومسك ذيل اسد منهم، فضل يلف بيه ويمطوحه وبعدها رماه بعزم مافيه.
الاسد طار في الهواء ونزل اترزع علي ارضيه الحلبه مقامش تاني، باقي الاسود زأروا بصوت عالي وهم بيستعدوا للهجوم علي مارو.
مارو وقف قصادهم وهو بيبصلهم بتحدى، انضم له عمو حنوش ونصير بعد ما خرجوا برة القفص وقفلوا الباب، كل واحد فيهم هجم علي اسد.
عمو نصي نط فوق اسد منهم، ركب فوقيه وفضل يضربه بقوة في عينه
الاسد حاول ينطرة من فوق ضهره بس عمو نصير تبت في رقبته وفضل يضربه.
عمو حنوش ومارو كانوا بيلفوا حوالين الاسدين التانيين
وبيحالوا يمسكوهم من ذبلهم لحد ما نجحوا انهم يمسكوهم، فضلوا يمطوحوا الاسدين ورموهم في الهواء فاترزعوا علي الارض مقاموش تاني.
في نفس الوقت بابا كان بيحميني انا وماما من الاسد اللي فضل عند القفص وببكسر فيه، بابا وقف قدامنا
و دور بعينه علي حاجه يصد بيها الاسد اللي خلاص هيكسر القفص ويدخلنا.
بابا رفص برجله عمود من عمدان القفص الخشبي، فضل يرفص فيه لحد ما كسره، شد العمود المكسور واللي طرفه مدبب في نفس اللحظه اللي دخل فيها الاسد القفص، بابا طعن الاسد في حلقه بالعمود المدبب
الاسد رجع لورا وهو بينزف وبيزأر.
بابا اتقدم ناحيته بشجاعه وبحذر، الاسد كان بيهز راسه يمين وشمال بيحاول يطلع العمود اللي راشق في حلقه
بابا نط في الهواء ورفص العمود برجله فـ رشق في حلقه اكتر، الاسد زأر بصوت عالي قبل مايقع في علي الارض ويقطع الحركه.
متفضلش غير الاسد اللي راكب فوقيه عمو نصير وبيضربه في عينه، مارو وحنوش قربوا علي الاسد ركبه نصير وهما مبتسمين، الاسد نطر عمو نصير من فوقيه،
جرى بسرعه ودخل جحر في ارضيه الحلبه.
حنوش قال لنصير باستهزاء:
في ايه يا نصه راكب فوق الاسد بقالك ساعه ومش عارف تتصرف!! دة نينو البني ادم قتل واحد في القفص!
نصير قاله:
انا مش غشيم زيكم ياعم... انا كنت بدوخه.. مش عايز اقتله.
حنوش قاله:
يا حنيـــــــــــــــــــن..
المسابقه انتهت والجمهور كان بيهتف وهو بيشاور علي مارو:
كني....... كني....... كني.
مارو وعمو نصير وحنوش رجعولنا القفص فحضنا بعض، فجاءه اترمت اكياس القماش علي ارضيه الحلبه فغيبنا كلنا عن الوعي.
فوقنا لاقينا نفسنا في اول قفص كنا فيه، القفص المعدني، ايدينا ورجلينا متكلبشين بكلابشات حديد
ومربوطين في بعض بسلاسل واتفاجئنا كلنا لما لاقينا مارو مش موجود وسطنا في القفص.
بابا اتنط بالكلابشات والسلاسل وفضل يخبط في القفص وهو بينادى علي مارو، الحراس قربوا من القفص، بصوا علينا واحد واحد لحد ما واحد شاور علي عمو حنوش، فتحوا القفص فـ بابا اعتراض طريقهم فـ زقوه وقعوة علي الارض، شدوا عمو حنوش وهو متسلسل بالحديد، خدوه بره القفص وقفلوا بابا القفص تاني.
يبتع... رابط البارت التاسع
