رواية_صفقة_عشق
#البارت7
كارما بعفويه : مراد اخطوبني
مراد : ها
كارما : انا اسفه انا قصدي يعني انا عايزه حد قريب مني اكون بثق فيه يجي يخطبني و نتخطب سنه بس و بعدها نسيب بعض
مراد : اه فهمت اشمعنا سنه
كارما : علشان أن بعد سنه هقدر أقرر إذا كنت عايزه اكمل في مصر و اقعد مع بابا أو اسافر مع ماما امريكا
مراد : و انتي ناويه تعملي اي
كارما : انا من ساعت ما بابا و ماما ما اتطلقوا و انا عايزه اروح اقعد مع ماما بس بابا جبرني و بحجه اني عشتي كلها هنا و قعدت علشان ريم و سما برضو
مراد : اه ماشي يعني احنا هنقعد مع بعض سنه بس و بعد كده هتسافري يا ريت كنت اتعرفت عليكي قبل كده
كارما بضحكه خفيفه : اي دا انتا زعلت انا هسافر مش هموت يعني هنقدر نتكلم مع بعض و اكيد هاجي زيارات كتيره هنا
مراد بتفهم : بعد الشر
كارما ابتسمت و قالت بعدها
كارما : انا مش عارفه اختار مين
كارما تليفونها رن و هي بتتكلم فا ردت بسرعه
كارما : الو يا يوسف عامل اي
يوسف : الحمدلله بس مش وقته سلامات دلوقتي انا عايزه اقولك ان حازم طلع فندق و معاه واحده شمال
كارما : فندق اي و مين الي بيراقبه
يوسف : انا الي براقبه مرضتش ابعت اي حد اسم الفندق (*****)
كارما : انا جيه حالا خليك واقف متمشيش باي
يوسف : ماشي باي
قفلت كارما و هي بتقوم مع علي الكرسي و بتاخد شنطتها و ماشيه
مراد : في اي يا كارما
كارما : هقولك بعدين بس انا لازم امشي دلوقتي
مراد : طب استني اوصلك
كارما : لا انا نركب تاكسي انا مش مروحه البيت
مراد : هوديكي الحته الي انتي عايزاها
كارما : طيب ماشي بس بسرعه
ركبوا العربيه
مراد : عايزه تروحي فين
كارما : فندق (*****) عرفوا
مراد : اه عرفوا تمام
اتحركوا بس كارما رنت علي حد في الطريق
كارما : الو يا سما انتي فين
سما : انا مع خالد و ريم بنتمشي
كارما : طيب هاتي ريم و تعالي بسرعه علي فندق (****) دا بسرعه
سما : ليه في اي
كارما : سما علشان خاطري بسرعه و انا هستنياكي هناك
سما : طيب ماشي انا جيه انا و ريم و خالد تمام
كارما : تمام باي
سما : باي
عند سما
ريم و خالد : في اي
سما : كارما كلمتني و بتقولي عايزاني اروحلها علي الفندق (****) دا بسرعه و انا مش فاهمه حاجه
ريم : لتكون عرفت حاجه
سما : عرفت اي انتي عارفه حاجه يا ريم
ريم بارتباك : معرفش
سما بزعيق : ريم
ريم : معرفش خلي كارما تقولك انا مليش دعوه يلا نروح علشان منتاخرش
سما : ماشي لما نشوف انتو مخبين عليا اي خالد هو الفندق دا بعيد بقد اي
خالد : هي 10 دقايق دا قريب أوي من هنا يلا بينا
اتحركوا كلهم و فعلا في خلال عشر دقايق كانوا وصلوا
عند كارما وصلت و نزلت من العربيه بسرعه لقيت يوسف مستنيها
كارما : نزل ولا لا
يوسف : لا منزلش يلا نطلع انا جبت كارت علشان ندخل الأوضه بتاعتوا بيه
كارما : لا استني سما جيه في الطريق
يوسف : كلمتيها ليه
كارما : علشان لازم تعرف و تشوف بعنيها
يوسف : حرام عليكي يا كارما هتكسريها
كارما : متخفش مش بتحبه
يوسف : بجد
كارما : اه
كل الكلام دا كان قدام مراد و هو واقف مش فاهم حاجه
كارما : اه نسيت اعرفكوا ببعض دا مراد صديقي مقرب (و كانت بتشاور علي مراد ) و دا يوسف يبقا ابن خالي الي في امريكا (و كانت بتشاور عليه)
مراد : اتشرفت بمعرفتك
يوسف : انا أكتر
مراد : خالك الي مامتك قاعده عنده
كارما : اه .. سما جت
سما : في اي يا كارما
كارما : هعرفك و احنا طالعين
طلعوا كلهم و ركبوا الاسنسير و وصلوا قدام غرفه حازم
سما : احنا وقفين ليه هنا
كارما : يوسف خبط متفتحش بالكارت
يوسف : حاضر
خبط يوسف و حازم قام فتحلوا
حازم بصدمه : انتو ... انتو ازاي هنا
كارما بابتسامه ساخره : مفاجأه صح (كملت بزعيق) وسع
كارما دخلت و رواها مراد و يوسف و ريم و خالد و سما دخلت اخر واحده و هي خايفه تكون فعلا معاه واحده جواه دخلوا لقوا فعلا في واحده علي السرير ومتغطيه بباطنيه علشان تداري نفسها
سما بصدمه : انتا بتخوني ليه انا عملتلك اي ها
خلصت كلامها بزعيق و ادلتلوا الدبله بتاعته
كارما اشمئزاز : دي اخرت قذرتك انتا فاكر اني ممكن ارتبط بواحد بالقذاره دي او اسيب صحبتي ترتبط بواحد بقذارتك انتا عبيط انتا كنت عايزني اخون صحبتي و لما لقتني رفضت قلت تشوف واحده تانيه غيري صح انتا إنسان مقرف
كارما خدت سما و ريم المصدومين و نزلت و يوسف و مراد كانوا هينزلوا بس لقوا خالد بيضرب حازم
مراد : بس يا خالد بس
خالد : سبني عليه دا حيوان
يوسف : اهدي يا خالد
مراد : يلا يلا كفايه علشان منسبش سما و البنات لوحديهم تحت
يوسف و مراد شدوا خالد بالعافيه و راحوا ناحيه الاسنسير لقوا سما و كارما و ريم لسه منزلوش نزلوا معاهم
سما بغضب خفيف : ممكن اعرف انتي عرفتي ازاي أن حازم هنا و إن معاه واحده
كارما : ممكن تهدي و انا هفهمك كل حاجه تعالي نروح نقعد في الكافيه الي هنا دا يلا
وشدتها و راحوا كلهم قعدوا
كارما : كل الموضوع اني اليوم الي حازم كان عامل في حفله ليكي انا كلمت ريم علشان تيجي تقعد معايا فا حكتلي الي حصل معاكي انتي و حازم و انا استغربت و حسيت اني في حاجه غلط في الموضوع أن ازاي واحده تكلمك و تقولك خطيبك بيخونك و تديكي عنوان الفندق و في الاخر تطلع حفله و كمان الحفله زي ما قالتلي ريم أن كان جوها متوتر خدت التليفون من ريم و كلمت يوسف و قولتلوا يبعت حد يراقب حازم علشان اتاكد من شكوكي بالفعل يوسف راقبوا بنفسوا مكلمش حد و انا قبل ما اقابل مراد بشويه الساعه 3 حازم رن عليا
✨ The past✨
كارما خليت ريم تجبلها من الرقم بتاعها خط جديد
بالفعل ريم جبتلها الساعه 3 حازم بيرن عليها
كارما : الو يا حازم عايز اي
حازم : عايزك في حاجه ممكن نتقابل
كارما : عايزني في اي
حازم : لما اشوفك هقولك
كارما : تمام استنني تحت البيت عندي و انا هطلعلك
حازم : انا تحت البيت اصلا
كارما بسخريه : لا بجد طيب استني انا نازله
نزلت كارما لحازم و هي نازله مكنش في حد في البيت فا خرجت عادي و روحت وقفت قدامه و قالت
كارما : ها عايز اي
حازم : طيب تعالي نروح نقعد في كافيه ولا حاجه
كارما : لا اتكلم هنا هنتكلم ولا امشي
حازم : طيب خلاص اهدي انا كنت عايزه اقولك
راح سكت
كارما : عايز تقول اي اخلص
حازم : بصراحه كده انا مش بحب سما انا بحبك انتي و كنت ناوي اسبها و ارتبط بيكي انتي انا بحبك اووي يا كارما و ناوي اتجوزك
في اخر جمله مسك ايديها كارما زقت إيدوا و أديتوا بالقلم علي وشه
كارما : انتا اتجننت انتا عايزني اخون صحبتي انتا شاكلك اتهبلت
حازم : والله يا كارما هردلك القلم دا غالي اووي و هتشوفي
كارما : اعمل اللي انتا عايزه انا مستحيل اخون صحبتي ابعد عني كده
و راحت زقت و مشيت و دخلت البيت تاني
. . ✨ The present✨
كارما : و لما كنت مع مراد يوسف كلمني و قالي ان حازم طلع مع واحده فندق و انا اول ما عرفت رحت علي طول و كلمتك بس انا مش عارفه هو كان قصدوا اي ب هردلك القلم دي اديني مستنيه
سما : هو كان بيحاول يردوا بس معرفش
كارما : ازاي
سما : حازم كلمني الساعه 5 كان بيقولي انك طلبتي تقابليه و انك قولتيلوا انك بتحبيه و انك عايزه تتجوزيه و انو رفض و قال لو انتي عايزه تخوني صحبتك فا انا بحب سما و مستحيل اسبها و انا عملت نفسي مصدقاه و سكت
وضحكت في اخر الكلام هي و كارما و كلهم مستغربين معاده ريم من ان كارما و سما بيضحكوا
خالد : انتوا بتضحكوا ليه سما هو انتي مش زعلانه انك سبتي حازم و انو طلع بيخونك
سما ضحكت و قالت : لا خالص علي فكره انا اصلا كنت عايزه اسيبه و كنت شاكه فيه من الاول و انا و هو مخطوبين علشان مصالح بابا و ابوه مش اكتر
خالد : اه ماشي
قاعدوا كلهم يتكلموا و يوسف اتعرف علي خالد و مراد و بقوا اصحاب و بعد ساعه قاموا علشان يمشوا
خالد : ريم و سما هيكونوا معايا و كارما و مراد مع بعض
كلهم وافقوا و يوسف مشي و كلهم ركبوا العربيات و مشيوا
عند كارما و مراد
مراد : ناويه تعملي اي مع والدك في موضوع الخطوبه دي
كارما : والله معرف مراد ممكن اطلب طلب
مراد : اكيد
كارما : هو يعني ينفع ...... تيجي تخطبني و نقعد السنه دي مع بعض بعدها نفركش قصدي خطوبه مزيفه أو صفقة يعني
. ★*********************★.
هل مراد هيوافق و يخطب كارما فعلا ؟؟؟
.
