#احببتني_رغم_قسوتي
هيا: مينفعش ننزل مصر الفتره دي
لارا: ليه
هيا: ف حاجه ف الشغل ممكن نخسر بسببها اسهم ف المستشفي
لارا: ف ايه قولي
هيا: عرفت ان المستشفي اللي ف مصر ف دكاتره فيها بتاجرو ف الاعضاء
لارا: ازاي حصل كده ومين دول؟؟
هيا: معرفش مين هما بس لازم نتابع الشغل من هنا لان هما بيشتغلو مع دكاتره هنا وبيبعتو ليهم اطفال ومنعرفش ننزل لما نشوف الموضوع هنا الاول
لارا طيب يلا نروح المستشفي
وراح المستشفي وتابعو الورق ولاقو ان ف دكاتره هنا متفقه مع اللي ف مصر علي كده والدكاتره دي ليهم شغل مع مستشفيات تانيه كبيره ف امريكا وبياخدو الاولاد وياخدو اعضائهم
هنا: احنا لازم نعرف اسماء الدكاتره دي
لارا: لا مش ينفع نعرف دلوقتي علشان لو عرفنا وهما اكتشفو اللي ف مصر هيهربوا
هيا: تمام لازم نشتغل ف السر علشان نعرف مين
لارا: تمام يلا
بداو يشتغلو ويشوف الورق وكل حاجه تيجي ليهم يتبعوها ويتبعو الدكاتره الموجودين وعرفو هما بيعملو ايه ويروحو فين واي مستشفي ف امريكا بتعمل كده وبمساعده مين وعرفو كل حاجه وكان لازم واحده منهم تنزل مصر علشان دي سمعه المستشفي بتاعتهم وقرارو تنزل لارا مصر وحجزت لارا لاول طياره تنزل مصر
نزلت لارا مصر كانت ف المطار وايجي اخوها استقبلها وكانو نقلو قصرها الجديد بطلب منها وراحو القصر وعاشو فيه
رجعت لارا نامت لتاني يوم
اليوم التالي
لارا كانت رايحه الشركه مكنتش عايزه تروح وبس لازم علشان تراقب الدنيا مكنتش عايزه تقابل ادهم
لارا: انا ماشيه يا بابا
محمود: بسلامه ي بنتي
ف المستشفي
ممرضه: الدكتوره اللي ليها ف المستشفي جايه من امريكا انهارده
ممرضه 2: خايفه تبقي زي الدكتور ادهم عصيبه زيه هنموت
ممرضه 1: اكيد لا هتبقي احسن منه ونخلص من شره
ممرضه 2: ياارب تبقي احسن يالله بقي هشوف المريض
لارا دخلت المستشفي وكله رحب بيها وقالت بعد نص ساعه ف اجتماع لكل الدكاتره والممرضين اتعرف عليهم
ادهم كان لازم يروح يشوف مين شركته ف المشتشفي
خبط ادهم علي الباب وهي كانت قاعده علي الكرسي وشها للحيطه
لارا بصت ناحيه ادهم وهو واقف مصدوم بقي دي اللي كنت بدور عليها دي اللي كنت بعمل فيها كده واعذبها اكيد لا دي مش لارا
لارا: اتفضل حضرتك واقف ليه
ادهم: تمام ي دكتور حضرتك شريكتي ف الشركه
لارا: ايوه اهلا وسهلا
ادهم: اهلا بيكي هو انتي عملتي كده ليه روحتي فين
لارا: حضرتك انا مش بدخل شغلي ف امور مضت من زمان وانا نسيتها
ادهم: نسيتها اها تمام حضرتك
وادهم خرج وراح مكتبه وكان مش متوقع ان ده يحصل وهي تبقي كده بعد الوقت ده كله
لارا: انتي ف ايدك الانتقام دلوقتي علي الخيانه بس انتي جايه هنا لشغل تخلصي الشغل الاول
عدت فتره وكانت لارا حاجه تانيه خالص واحده كل تفكيرها الشغل وبس وازاي تعرف مين اللي متورط ف كده كانت لارا بتراقب كل الدكاتره والممرضين علشان تعرف مين بيعمل كده
اما ادهم فكان مستغرب من لارا ازاي هي كده وليه بالقسوه دي معاه ليه كل ما يكلمها تبعد طيب هي مش عايزني ليه لسه مطلبتش الطلاق مع انها شافتني كان بايدها تطلبه
لارا بتكلم نفسها: انا هطلق منك بس اخلص اللي انا جايه علشانه وهطلق لو غصب عنك لاني اصلا مش طايقه ابص ف وشه بسبب اللي عمله انا بكره وبكره خيانته وكل حاجه هو عملها
كانت لارا مشغله معاها ممرضه هي واثقه فيها اسمها ايمان
ايمان: يادكتور ممكن ادخل
لارا: ادخلي ي ايمان
ايمان: انا عرفت حاجه ولازم تعرفيها حالا
تعليقات
إرسال تعليق