( في المانيا )
يجلس اللواء سعد الدين الجوهري في مكتب اخوه الدكتور نصر وفي انتظاره ....(سعد الدين والد سلطان ونور وسليم ....نصر والد انس )
سعد الدين : ايه يا بني فينك كل ده تأخير ؟!
نصر : لا تأخير ولا حاجة ...انا كنت بعمل جولة بشوف المرضى اللي في العناية مش اكتر....وبعدين انت مستعجل على ايه ؟!
سعد : عشان الطيارة هتفوتني كدا ....انا قولت اجي اسلم عليك وامشي عشان الاجازة خلصت وكمان الاولاد وحشوني جدا
نصر بحدة خفيفة : انت ازاي متقوليش ان طيارتك النهاردة يا سعد؟!
سعد : اهو اللي حصل بقى ....وبعدين انا لو كنت قولتلك كنت مسكت فيا ومخلتنيش اسافر ...
نصر : بس بردو يا سعد كنت تقولي !..
سعد : طب هوا انت هتقعد تقطمني كدة كتير ؟!...هوا انا مش هوحشك ولا ايه ؟!
نصر ابتسم :ايوة طبعا ......يا سلام !
(حضنوا بعض وودعوا بعض... واتجه سعد للمطار)
في مكان اخر ... (جامعة القاهرة ,تحديدا عند ياسمين ونورهان)
نورهان بفرحة : والله يبنتي اعتذرلي
ياسمين ضحكت : اقسم بالله مصدقاكي ....حد قلك اني بكذبك ؟!
نور : لا بس انا فعلا اول مرة اشوف سلطان بيعتذر!...لا وكمان بيقولي مش هيزعلني تاني انا بجد فرحانه هموت...
ياسمين رفعت حاجب بتعجب : يخربيت الصاحبة العبيطة ....هوا انتي بجد فرحانه ؟!....ممممم,طب تصدقي اني فرحانه على فرحتك !!.... بقالي كتير مشوفتش ضحكتك اللي طالعة من قلبك دي
نور :حبيبتي يا جيسي ربنا يخليكي ليا ....عارفة يوم الخميس اللي فات لما قولتيلي انك مش هتيجي تاني زعلت اوي وقعدت اعيط!
ياسمين زعلت : ليه بس !...انا مش زعلانه منك يا بت انا اتضايقت من تصرف اخوكي لان مهما كان انا بنت وفي بيته والمفروض مكنش يهينني بالطريقة دي اولا تجاهلني وكمل كلامه ...ثانيا مد ايده ...يا بنتي ده انا اقسم بالله كتفي ورم ايه ده ماشاء الله ...عليه ايد !
نور بتضحك : بصراحة انتي تعصبي قبيله ... بالذات لما رحتي قولتيله (وانت مال حضرتك ؟!) عروق ايده ورقبته طلعت ...
(ياسمين عماله تضحك )
نور : ولا لما بصيتي له في عينيه وانتي بتكلميه ....بجد انتي جريئة اوي انا عمري ما بصيت في عينه اكتر من ثواني ...ده انتي طول ما انتي بتكلميه عينك في عينه! ....انا كنت خايفة يطلع اشعة من عينه ينسفك وانتي واقفة
ياسمين بضحك : مش للدرجة دي !....انا اصلا اي حد بكلمه ببص في عينه ....حركة لا ارادية يعني ...
نور :طب بقولك ايه ؟!,سيبك من جو الخناقات ده وتعالي نخرج بعد الجامعة ...
ياسمين رفعت حاجب بذهول : انتي بتتكلمي جد ؟!
نور : ايوة عادي !... بقولك تعالي نخرج بعد الجامعة عادي !...
ياسمين :لا بس انتي اول مرة يبقى عندك الجرأة انك تاخدي قرار من غير ما تستشيري اخوكي ؟!..
نور بتكبر مصطنع رفعت نظارتها وتكلمت ببرود : اصل سلطان قالي اعملي اللي انتي عايزاه يا نور يا حياتي ومش هكلمك ولا هزعلك خالص
ياسمين بتهكم : اه ما انا عارفة قولتيلي ....بس قولتيلي كمان انه قالك تسمعي الكلام !
نور :خلاص بقى يا جيسي يا حبيبتي ....هنخرج و..(قطع كلامها رنين فونها )
نور :ايه ده ؟!
ياسمين بقلق : ايه يا بنتي ؟!.....مين ؟!
نور : ده انس !...
ياسمين بتنهيدة راحة : يخربيت الاوفر ....اومال ايه الفيس العجيب اللي ضربتيه اول ما بصيتي في الفون ده ؟!
نور : اصله اول مرة يتصل عليا وانا في الجامعة ..!
ياسمين بعصبية مصطنعة : طب ايه رأيك تردي ؟!...ردي يا بت !
نورهان ردت : الووو...
انس بانفعال : بقولك ايه انا بقالي اسبوعين عايز العب بلايستيشن وانتي منفضالي واخوكي اللي ضربني عشان قولتله تعالى العب كان هياكلني .... يما ايه ده انتي عايشة معاه في بيت واحد ازاي ده انا يومين في الاسبوع ومش طايقه
نور فاصلة ضحك : معلش يا انس كلها اسبوع و نخلص امتحانات والعب معاك زي ما انت عايز...ولو جت على سلطان يعني فا ابعد عنه...انت عارف انه عصبي , بس بيحبك والله وروحه فيك وانت ابنه قبل ما تكون اخوه وابن عمه
انس بتهكم : ابنه ايه ؟!...ابنه هيضربه على قفاه كل شوية ويقعد يشتمه كدة؟!....ده انا خايف اروح ابص في المراية ما الاقيش بريستيجي !
نور بضحك : لا متخافش لو وقع هبقى اجيب لك غيره
انس : اصلي؟!.....عشان مش عايز كل شوية اروح توكيل اصلح واعمل
نور مازالت بتضحك :لا متخافش اصلي
انس : اذا كان كده ماشي ....بس ليا لقاء مع اخوكي ده لما ابقى ضابط ....ساعتها امسكه واديه على قفاه زي ما بيعمل معايا دلوقتي
نور بضحك : يا بني انت متعبتش ؟!...انا تعبت من كتر الضحك وبعدين اقفل بقى عايزة اقعد مع صاحبتي شوية ....انت هنا وهناك ؟! ... يلا سلام
(عدت كام دقيقة من كلام ياسمين ونور )
ياسمين لمحت دكتورعندهم في الجامعة ..(ياسر شاب في اواخر العشرينات وسيم ومهذب )
اتنهدت بضيق وبصت لنورهان بقلة حيلة
ياسر بابتسامة : ازيكم يا بنات عاملين ايه ؟!
نور بابتسامة جميلة : هاي يا دكتور
ياسمين بتعب : الحمد لله تمام ...
ياسر بفرحة : طب الحمد لله ...انا كنت جاي اعزمكم على خطوبتي انا وميرا ... زميلتكم اكيد عارفينها
نور تنحت وعينيها اتملت دموع ... استأذنت وراحت التواليت
ياسمين : اه , الف مبروك ربنا يهنيكم ...امتى ان شاء الله ؟!
ياسر : بعد الامتحانات على طول هيا هتقولكوا ...يلا سلام ..
ياسمين :اتفضل ....سلام
ياسمين انتظرت ثواني وراحت لنور هان
ياسمين بحزن : خلاص بقى يعني انتي مكنتيش عارفة انه معجب بيها ؟!
نور بانهيار : ااانا مكنتش متوقعه ان اول انسان قلبي يدق له ممكن يضيع مني بالسرعة دي يا ياسمين
ياسمين : يدق له ايه يا حمارة انتي لسة صغيرة ومش فاهمة الكلمه اللي انتي قولتيها دي معناها ايه اصلا !
نور بدموع كثيفة : اعمل ايه طيب
ياسمين : بصي انتي شكلك كنتي معشمه نفسك جامد وده غلط يا نور
نور : انا مقهورة اوي ....حاسة اني مليش قيمة ...
ياسمين بتعب غير واضح اتنهدت ومسكت وش نور بحنان : مقهورة وملكيش قيمة ايه يانور بس؟!.... حبيبتي بصي لنفسك في المرايا كدة؟!
(نورهان بصت في المرايا ...لقت بنت جميلة بريئة ومحتفظة بطفولتها )
ياسمين : بصي انا مش هسألك شوفتي ايه ! ... بس اللي عايزة اقولهولك فهمتيه ؟!
نور : طبعا لا
ياسمين : ابسطهالك ... بصي يا ستي لما بصيتي على نفسك في المرايا شوفتي بنت جميله وعسل كده قمورة صح ؟!
نور بعدم فهم :اه
ياسمين : يبقى اللي شاف ان ميرا بصفاتها تتحب هيشوفك انتي ازاي ؟!
نور : قصدك ايه ؟!
ياسمين ابتسمت بتعب : قصدي ان انتي انسانه نظيفة اوي ومش فاهمة الدنيا ماشية ازاي ....انا هقولك, هوا لو كان انسان من نفس فصيلتك وطباعك كان زمانه قدرك وحبك ومكنش بص برة اصلا ....بس هوا ماشافش نفسه الا مع ميرا وانتي عارفة ميرا وطباعها ربنا يهديها يعني ....اللي عايزاكي تفهميه ان الجواز والارتباط والحب دول قسمة ونصيب ....وربنا قال الطيبون للطيبات ....وانتي عارفة ان ميرا مش طيبة
نور بدموع : ايوة يا ياسمين بس كان غصب عني ...مكنش بايدي !
ياسمين بثقة : اصلا العلاقة دي لو كانت كبرت اكتر من كدا كان زمانها فشلت ...
نور : وانتي واثقة من كلامك اوي كده ليه ؟!
ياسمين : طبعا يا بنتي .....انا من الاول عارفة حبك هيبقى من طرف واحد ...يا نور ياسر مين ده اللي انتي معجبه بيه ؟!...ده انا من اول ما عرفت انك معجبه وانا مش مقتنعة .... ومع ذلك خليتك تجربي وتحسي بأخطائك ,فاهماني ؟!...وبعدين انتي عايزة اللي يحب ميرا, يحبك انتي ؟!....ده انتي بتدعي على نفسك بقى !
نور ضحكت بين دموعها : انتي ازاي كده ؟!....بتقنعيني بوجهة نظرك على طول ومن غير كلام كتير ....انا بحبك اوي ربنا يخليكي ليا بجد انتي اختي اللي ماما الله يرحمها ماخلفتهاش
ياسمين مازالت تعبانه بس تعبها مش واضح : اه عارفة انك بتحبيني وعارفة كمان اني جعانه وممكن اكلك لو معزمتنيش دلوقتي على اكلة معتبره !......اصلي ؟!
نور مسحت دموعها بعد ما اقتنعت بكلام ياسمين : اصلي ....بس استني اكلم سلطان عشان مقولتلوش
ياسمين : يادي النيلة انتي مش قولتي انه خلاص هيسيبك براحتك ؟!
نور : ايوة ...هقوله بس مش هستنى موافقة
في مكان اخر ... ( المخابرات العامة المصرية ,وبالتحديد في مكتب الرائد يوسف النشوآتي )
يوسف بغضب : ما انا مشغل بهايم ....ازاي يعني معرفتش هوا مين ؟!
: يا باشا ما انا مقدرتش اقرب منهم واعرف هوا مين ؟
يوسف بحدة : طب اقفل ....(همس في نفسه ): يا ترى ايه اللي حصل يا نور وايه اللي زعلك بس !
(قطع شروده رنين الفون )
يوسف رد:الو !
سلطان : ايه يا ابو الرجال انت مش قولت هنتغدى مع بعض !
يوسف :اه ما انا بلم حاجتي ونازل اهو
سلطان لاحظ نبرة يوسف الغريبة : يوسف انت كويس ؟!
يوسف :ايوة يا عم مالك !... بص اقفل عشان نازلك
(سلطان كان مستنيه ...ركبوا وبالصدفة راحوا نفس المطعم اللي نور وياسمين موجودين فيه )...(سوووووبهااااااان الله )
نور وياسمين وصلوا المطعم وقعدوا وبعد كام دقيقة ياسمين بدأ يبان عليها التعب!
ياسمين بتوهان : نور انا عايزة اقولك على حاجة ..
نور بقلق من شكل يا سمين المرهق : مالك يا ياسمين ,فيكي حاجة...؟!
ياسمين بلعت ريقها : الوجع رجع تاني ...
نوراتصدمت وبسرعة انحبست الدموع في عينيها : انتي بتقولي ايه انتي لسه تعبانه ؟!...طب تعالي نروح المستشفى انا مش مستريحالك
ياسمين دمعت ودي كانت اول مرة نور تشوفها بتعيط ...ياسمين على طول ناشفة وقوية وبتستحمل ...ليه المرة دي بتعيط مع انها المرة اللي فاتت كانت حاسة بشوية وجع وبس...
نور مسكت وشها بحنان : ياسمين انتي بتعيطي ؟!...طب في حاجة وجعاكي اوي كدا ؟!
ياسمين بدموع صامته : ماما ماتت يا نور ....ماتت من غير ما اشوفها...ماتت من غير ما تحضنني من غير ما تعتذرلي عالسنين اللي عشتها من غيرها عالسنين اللي عدت عليا في هم وحزن و وجع ...ماتت ومفكرتش فيا ..ماتت وماتت معاها كل امنياتي واحلامي ....
نور بدموع خفيفة : انتي بتقولي ايه ؟!...وايه اللي عرفك انها ماتت؟!
ياسمين بدموع كثيفة :انا سمعت بابا وهوا بيكلم مدير اعماله ...
(نور اخدتها في حضنها )
ياسمين : انا كان كل امنياتي اني اشوفها ولو مرة واحدة ...احضنها واقولها يا ماما ....
نور مكانتش عارفة تقف جنبها ازاي ولا تعملها ايه ...هي لما مامتها توفت لقت ناس يقفوا جنبها ,اخواتها ووالدها وعمها وانس ....طب يا سمين اللي مالهاش حد دي هتقدر تقف على رجليها تاني ازاي !!
نور اتنهدت وبصت في عيون ياسمين : ياسمين !....انا من ساعة ما عرفتك وانتي جامدة صلبة وقوية مش حاجة زي دي اللي هتهزك وتزعلك ...هي مجتش طول السنين اللي فاتت دي عشان تشوفك وماتت على كدة ....ازاي زعلانه عليها بعد الحياة القاسية اللي انتي عشتيها بسببها ...ازاي لسة عندك مشاعر من ناحيتها ولسة مشتاقه لها يا حبيبتي ....ادعيلها يا ياسمين ان ربنا يسامحها ..
ياسمين بدموع صامته : انا مش زعلانه على موتها ...مش زعلانه على انها مشيت وسابتني ...انا زعلانه على السنين اللي بسببها انا عشت فيها هم وقرف ...زعلت على نفسي ,حياتي خربت من جميع النواحي ...الموت بقى ارحملي من اللي انا عايشاه ..!
نور بحدة خفيفة :انتي بتقولي ايه بعد الشر عليكي ...ده انتي اللي جاي في حياتك هيبقى اضعاف اللي راح باذن الله...!,يلا امسحي دموعك عشان نروح المستشفى اتطمن عليكي ...
ياسمين بتمسح دموعها :لا الحراسة بتاعت بابا ورانا وانا مش عايزاه يعرف !
نور :حراسة ايه يا بنتي ؟...انتي مش فاكرة يوم حفلة تامر حسني عملتي ايه ؟!
ياسمين :لا خليهم انا اصلا بقيت كويسة و مش عايزة اروح المستشفى
نور بتفهم :خلاص يا حبيبتي كملي اكلك عشان اوصلك ...
(عند يوسف وسلطان )
يوسف وسلطان كانوا قاعدين بيراقبوا الموضوع من بعيد....سلطان كان مستغرب جدا من دموع ياسمين اللي كانت بتقطع في قلبه...استغرب انها بتعيط مع ان كل البنات بتعيط ...بس مواقفه معاها خلته ياخد عنها انطباع القوة والصلابة ....اشمعنى دموعها اللي اثرت فيه اوي كده ..مع انه ضابط ومش اي حاجة تدخل قلبه ولا اي حاجة بيصدقها...ايه اللي ممكن يوجعها اوي كده عشان تتنازل عن مبدأها وتعيط ؟!...وحتى لو بتعيط ازاي دموعها نازله في صمت من غير انهيار ولا حتى شهقات ...وده على انها استحملت كتير والمفروض تكون ردة فعل الحزن عندها قوية !!!...
فاق لنفسه : ايه الهبل اللي انت بتفكر فيه ده يا سلطان انت عبيط ؟!
قطع شروده صوت يوسف : انت مش هتروح لأختك تقولها انك هنا ؟!
سلطان عقد حواجبه : والله خايف اروح تقولي انت بتراقبني والجو الاهبل ده
يوسف : لا يا عم ماتخافش ...وبعدين هي مش صعبانه عليك و هي بتعيط كده ؟!
سلطان : ماهي بتعيط على عياط ياسمين
يوسف رفع حاجب : ياسمين !!...وانت عرفت اسمها منين؟
سلطان : يا عم ماهي دي اللي اتخانقت معاها كذا مره قبل كده..
يوسف باستفزاز: طب روح ,انا هعمل اتصال عقبال ما تخلص لافلفة
سلطان بحده : ما تحترم نفسك بقى في ايه !!!
يوسف بضحك: اني اسف..
سلطان قرب من الترابيزة وقعد جنب نورهان من غير استئذان!!
نور...........
 يجلس اللواء سعد الدين الجوهري في مكتب اخو…){kind=link}
تعليقات
إرسال تعليق