💞#الحلقه_ال٨_هديتي_ليكم_من_روايتكم💞
💞 #معركه_عشق_الحيتان(#ج٣_لعذاب_رعد) 💞
💞 #بقلم_ملكه_القلوب_دي_دي_فتحي 💞
اللهم استرني فوق الارض وتحت الارض ويوم العرض عليك. اللهم لا تشمت فيني عدو ولا حاسد ولا قريب ولا بعيد مع التوبة النصوح، لا إله إلا أنت سبحانك إني كنت من الظالمين. ربي قد مسني الضر وانت ارحم الراحمين وإن يمسسك الله بضر فلا كاشف له إلا هو، وان يمسسك الله بخير فإنه على كل شي قدير.
💞 قرأه ممتعة 💞
رعد بعد ما حكيت لفهد اللي حصل و علي اقتراحها
فهد قام وقف و بعنف وغضب... انا استحالة اتجوزها استحالة... وبغضب اكتر.. بقا انا مضرب عن البنات اللي في الدنيا كلهم و محرمهم علي قلبي و نفسي و في الآخر البس في وحدة مجنونة زي دي مستحيل اوافق علي كلامكوا ده حتي لو هيكون فترة مؤقته و هيكون الحل في شفاها مستحيل اوافق علي جوازي من المجنونة و المختلة عقليا دي علي جثتي ان ده يحصل علي جثتي فاااهمين
ولسه هيمشي و يسيبهم
يامن شده من دراعة و بعنف وغضب... المستحيل فعلا انه يكون ليك يد في إللي حصلها ده و متحاولش تساعدها و بتريقة... عارف ان ده ضد مبادئك انك تساعد حد محتاج مساعدتك بس افتكر ان إنت السبب في اللي حصلها ده
ابراهيم بعنف وغضب... يعني افهم من كلامك ان هو السبب في إللي حصل لبنتي و في لحظة كان هاجم علي فهد و مسكه من هدومه
وبغضب اكتر... عملت فيها ايه وصلها لكدا عملت فيها ايه ولسه هيضربه
رعد فصلت بينهم و بجدية... صدقني محدش يعرف حصلها ايه وإجابة السؤال ده عندها هي وبس وانا اقترحت الاقتراح ده عشان همس ذكرت إسم فهد و قالت انه جوزها... و ممكن كمان متكونش همس تقصد فهد ابني بس دي محاولة مني عشان تخف فأرجوك اديني فرصة اساعدها وبعد كدا ابقا أسال همس علي اللي حصلها وانا راضية بكل اللي تعمله بعد كدا و من دلوقتي لغايه لما همس تخف مش هسمح ان ابني يكون محل اتهام و تأكد اننا موجودين كلنا هنا عشان نساعدها واولهم فهد ابني
فهد بعنف وغضب... لا انا مش هساعدها و مش ممكن أوافق اني اتجوز البتاعة دي
ابراهيم بعنف وغضب اكتر منه... البتاعة دي برقبة مية من امثالك و عارف لولا الموقف اللي انا فيه وعشان خاطر بنتي و مصلحتها عمري ما كنت وافقت أبدا علي الكلام ده بس للاسف مضطر
فهد بعنف وغضب... وانا بقا مش مضطر أبدا للكلام الفارغ ده ولسه هيمشى
رعد هي اللي شدته من ايديه وبغضب... انت هتتجوزها يعني هتتجوزها وده هيكون حل مؤقت عشان نساعدها انها تخف و افتكر الفترة اللي جايه هي هتقعدها معاك وانت ملكش اي حقوق عليها و هتنفذلها اللي هي عايزاه وبس
فهد بغضب اكتر... وانا مش عايزها ولا عايز اشوفها ولا عايز منها حاجة لأن ببساطة مفيش وحدة خلقها ربنا تستاهل تشيل اسم فهد يامن العمري فياريت تبعدوني عن الحوار ده كله و تشوفولها واحد غيري اسمه فهد لأني مستحيل اتجوز البتاعة دي مستحيل
رعد بعنف وغضب و تحذير... لا احنا مش هنشوف حد غيرك وانت إللي هتتجوزها و هتساعدها علي شفاها وإلا قسما بالله لساني ما هيخاطب لسانك طول العمر وانت عارفني كويس عمري ما قولت حاجة و رجعت فيها حتي لو الحاجه دي هتالمني و توجعني اكتر من اللي قدامي
فهد بستغراب وعدم تصديق... معقولة تحطيني انا مقابل البتاعة دي معقولة... أنا دلوقتي مش مستغرب لما جتيلي مكتبي امبارح و ضربتيني بالنار و هنت عليكي تضربيني و تشوفيني وانا بنزف قدامك و مصعبتش عليكي
و باتهام وغضب... دايما و أبدا بتفضلي شغلك و منصبك واللي حواليكي و مساعدتهم علينا احنا
رعد بتبصله بصدمة و دهشة و ذهول... و بتبص ليامن و بتفتكر كلامه و كلام فهد دلوقتي معقولة الاب والابن بيتهموها بنفس الاتهام معقوله ؟؟؟ دا هي بتحبهم اكتر من نفسها دا هما كل حياتها معقولة الزمن بيعيد نفسه تاني معقوله
وبتبص لفهد اللي كمل بعناد و جحود... و طالما انتي يا سيادة اللواء رعد احمد الوديدي اختارتي وحدة غريبة و بتفضليها علي ابنك و تحطيني في وجه مقارنة بيني و بينها... وكمان لو العلاقة بين الام والابن المزيفة دي هتخليكي تتحكمي فيا اوي كدا... فأنا مش عايزها يا سيادة اللواء رعد ياللي رعد في كل حاجة حتي في قسوتك علي ابنك ولسه هيمشي ويسبهم
رعد مسكته تاني من ايديه بايدي مرتعشة و بدموع... انت عايز تسبني يا فهد انت عايز تسبني ؟؟؟
فهد بجحود...مش انا اللي اختارت انتي اللي اختارتي انك تسبيني عن إذنك يا سيادة اللواء رعد عن اذنك و شد ايده منها و خرج
وكل ده تحت انظار ابراهيم اللي مش مصدق أبدا ان في ابن يقسى علي أمه بالشكل ده خصوصا لو كانت أم زي رعد اللي برغم من قوتها وهيبتها حنينه علي الكل الغريب والقريب ما بال ابنها
وفاق من شروده علي صوت رعد الضعيف والحزين اللي اتكلمت و بصت ليامن وبدموع و حزن و وجع... انتوا ليه بتعذبوني اوي كدا ليه... انا عملت فيك ايه انت و ابنك عشان انتوا الاتنين تتهموني بنفس الاتهام ده وتعملوا فيه كدا
وبدموع اكتر... دانا مبيهونش عليا ابدا زعل حد فيكوا وعندي استعداد في اي وقت اضحي بحياتي مقابل حياتكوا وبدموع اكتر... طب ليه بتوجعوني اوي كدا ليه
ومازالت بتتكلم و دموعها نازلة مغرقة وشها اغمي عليها
و قبل ما توصل للارض كانت وصلت بين ايدين يامن اللي صرخ بخوف و رعب علي شريكت حياته و رعد قلبه... فوقي يا رعد فوقي فوقي يا حبيبتي فوقي حقك عليا حقك عليا يا يارتني كنت موتت قبل ما اشوفك حزينة بالشكل ده يارتني كنت موتت قبل ما اشوفك كدا
******************************
✍️✍️ عند مازن و بسنت في المستشفى 👇👇
مازن بعنف وغضب وسؤال... أمال مين،، سارق فرحتي،،، اللي مسجلاه ده طالما انتي ملكيش اخوات
بسنت أول ما سمعت الاسم وشها جاب ألوان و بغضب و توتر... و مين سمحلك انك تفتح شنطتي و ترد علي موبايلي مين سمحلك بده هاااا مين؟؟؟
مازن بعنف... انا فتحتها وطلعت موبايلك لما لقيته بيرن اكتر من مرة فخوفت تكون مامتك و تقلق عليكي وحبيت اطمنها عنك غلطت أنا في ايه هااا قوليلي غلطت انا في ايه عشان تعنفيني بالشكل ده؟؟
بسنت بعنف وغضب... اه غلطت لما تدي لنفسك حق مش من حقك يبقا غلطت واتفضل أمشي من هنا و مش عايزة اشوفك تاني واخر الشهر هتاخد فلوسك اللي انت مستعجل عليها اوي كدا و مخلياك تدي نفسك حق مش من حقك ابدا
مازن بعنف وغضب... الفلوس دي انا مش عايزها و بطلي بقا أسلوبك المستفز ده لاني انا ما اجرمتش معاكي في حاجة
بسنت بجديه... ماشي ياريت تمشي بقا و تسبني في حالي
مازن بغضب اكتر... ماشي انا همشي و اسيبك في حالك بس تاكدي انك تهميني وكنت حابب أساعدك و أحل مشاكلك بس طالما انتي مش عايزة ده يبقا براحتك وابقي سلميلي علي اخوكي اللي سارق فرحتك ده
وسابها و مشي بعد ما دفع حساب المستشفى وساب لها فلوس تحت الحساب في المستشفى
وبسنت بعد ما مازن خرج عيطت بوجع و حزن... و قاطع عياطها رن موبايلها وكان صقر اللي رن اكتر من مرة
و بسنت اضطريت ترد و بحزن و وجع.... ايوا
صقر بمكر وخبث....و اخيرا يا بوسبس رديتي عليا هااا هتيجي امته يا بوسبتي ولا اجيلك انا ؟؟؟
بسنت بدموع و هدوء... لا انا اللي هجيلك بس اديني فرصة لغاية بكره
صقر بمكر و خبث... الله عليكي يا بوسبتي يا حلوة احبك و انتي فهماني كدا
وبتهديد و تحذير... بس اوعي تكوني ناوية تعشميني و تخلي بيا لأنك عارفة انا مين و ممكن أعمل فيكي ايه
بسنت بدموع وحزن... لا مش ناوية اعمل حاجة و هجيلك في الميعاد زي ما انت عايز
صقر بانتصار... برافو عليكي يا بوسبستي برافو وقفل السكة
وبسنت عيطت بوجع و قهر... و قررت انها تنهي حياتها يمكن عذابها ينتهي لما تنهي حياتها
و غمضت عيونها بوجع و حزن و لنفسها... انا لازم أودي أمي دار مسنين وبعدها اموت نفسي و اخلص من حياتي اللي كلها جراح و عذاب دي واخلص من صقر وتهديداته
ونزلت من علي السرير و مشيت و لسة هتخرج من المستشفي
موظف الريسبشن نادي عليها وبجدية... مش حضرتك الانسة بسنت
بسنت بجدية و عدم فهم... ايوا انا في ايه
الموظف... أبدا يا فندم مفيش حاجة بس المرافق اللي كان مع حضرتك وجابك المستشفى ساب لك مبلغ من الفلوس في حسابك علي أساس انك هتقعدي اكتر في المستشفي بس طالما حضرتك خفيتي و بقيتي كويسة اسمحيلي اديهملك و راح جاب الفلوس واداهم لها
و بسنت بتبص لهم ومش مصدقة ان مازن ساب الفلوس دي كلها عشانها و فكرت انها تسيبهم و رجعت تاني قررت تاخدهم وتسيبهم مع مامتها في دار المسنين عشان لو احتاجت حاجة
و مازن أكيد هيسامحها في الدين اللي عليها قبل كدا و ده لما يعرف انها ماتت
وخرجت من المستشفي وهي مقررة انها تودي امها دار مسنين وتنهي حياتها و ترتاح من اللي هي فيه
**************************معركه عشق الحيتان... الجزء ال٣ لعذاب رعد... بقلمي دي دي فتحي... صفحتي الشخصية علي الفيس باسم... اللهمّ أسألك الفردوس لوالدى
✍️✍️عند دي دي في الكبارية👇👇
الشاب إللي اخدها بدأ يملس علي منحنيات جسمها ولسة هيشد هدومها ويكمل اللي هو عايزه و يشبع رغبته منها
لاقا ايد من حديد بتشده من جنبها و ضربته كذا بوكس في وشة
و بعنف وغضب و بصريخ...يا ولاد الكلب يا ولاد الكاااالب دانت اخر يوم في عمرك النهارده يا حيوان و ضربه بعنف وغضب و قوة
وكل ما يضربه ضربه يقوله دي عشان عملت فيها كذا و دي عشان عملت فيها كذا لغايه لما الشاب مبقاش شايف قدامه من كتر الدم إللي نازل علي وشه وخلاص مبقاش قادر يتحمل اكتر من كدا و وقع علي الارض متأثر بجروحه
👈وأاادم... سابه و جري علي دي دي اللي مازالت متكتفة من ايديها و رجليها في السرير ومغمي عليها وقرب منها و فكها و بدموع... ليه يا دي دي ليه مصدقتنيش ليه يا حبيبتي تعمل فيا و في نفسك كدا ليه يعني انا لو مكنتش طلعت وراكم من الشركة و دخلت وراكوا الكبارية من غير ما مالك ياخد باله كان حصلك اية دلوقتي ويدوب طلعت ارد علي الموبايل عشان مكنتش سامع من الدوشة اللي في الكباريه و رجعت ملقتكيش و سألت عليكي و لولا الجرسون دلني علي طريقك مكنتش لحقتك
وبوجع وحزن... يعني لو مكنتش لحقتك كان زمانك ضحيه لكلب زي ده
كل ده و هو بيفكها وبعد ما خلص شالها و ضمها اوي لحضنه بخوف و حماية كان نفسه يدخلها جواه ويخبيها بين ضلوعه يمكن كدا يقدر يحميها يمكن كدا تقدر تسمع نبضات قلبه اللي كل نبضة فيها بتنبض بإسمها وبس وباسها من جبينها وضمها اكتر و اكتر لحضنه
وبحزن و وجع اكتر وهو بيبصلها بعشق وجنون.... ااااه اااه يا دي دي قلبي لو تعرفي انا بحبك و بعشقك اد ايه وكل منايا رضاكي عني وحبك ليه ومكنتيش عذبتني كل العذاب ده ولا جرحتني بالشكل ده عشان واحد ميستهلكيش ولا يستاهل حبك ابدا... وخرج بيها لبرة الاوضه و يدوب لسه هيمشي لاقا ايد بتمسكة
وبعنف وغضب... انت ايه اللي جابك هنا و شايلها كدا ليه هااا هو انت محرمتش من اللي هي عملته فيك في المكتب ولا ايه
أدم بعنف وغضب اكتر منه... انت ازاي تسمح لنفسك تجيبها في مكان زي ده وازاي تسيبها لوحدها و تمشي هااا يعني لو مكنتش لحقتها كان زمانها فريسة لكلب زيه...زيك بالظبط و ميختلفش عنك كتير
مالك بعنف... انت بتقول اية انت اكيد اتجننت لان محدش يقدر يلمس حاجة ملك مالك السيوفي
أدم بغضب و عنف و مازالت دي دي مغمي عليها علي دراعه... مالك السيوفي مالك السيوفي قرقني بالاسم ده... وعارف انك احقر واقذر واحد شفته في حياتي وأوعي تفتكر اني هسكت علي افعالك دى كتير حتي لو دي دي مصدقتش و مراية الحب عاميه عيونها...لان انا هقول لطنط رعد واونكل يامن علي كل إللي انت قولتهولي و دي دي اتعرضت ليه النهاردة بسببك و ساعتها بقا ابقا أعرف واجههم و انت عارف مين طنط رعد
مالك بغضب و عنف وتحذير... ساعتها يبقا انت الجاني علي نفسك في اللي انا هعمله فيك
أدم بغضب... هتعمل فيا ايه اكتر من اللي انت بتعمله واوعي تفكر ان اي حاجة بتحصل ل دي دي بسببك بتاذيها هي لوحدها لانها بتاذيني انا قبلها فعشان كدا اي حاجة هتعملها انا مستعد لها بس هكون فضحتك قدام الكل و رحمت دي دي من حيوان و متوحش زيك كل اللي يهمه نزواته و رغباته وبس
ولسه هيمشي ب دي دي مالك شدها بعنف وغضب... انت فاكر نفسك رايح فين بيها هي جت معايا انا مش معاك انت و انا اللي هروحها ولا انت استحليت الحكاية وهتعيش دور المضحي وتاخد بونط شهامه عليه
وبيشد دي دي منه و أدم بيبعدها عنه بعنف و غضب... و دي دي فاقت و بتوهان و صوت خافت... الحقيني يا ماما الحقيني يا ماما الحقيني مالك الحقني
ومالك شدها منه و بمكر و خبث... شوفت بتقول الحقني يا مالك مش الحقني ياادم و شد دي دي من علي دراعه ولسة هيمشى بيها
أدم شد دراعه و بهمس غاضب... تأكد اني مش هسيبك و هقلب عليك الدنيا لغاية لما تطربق علي دماغك انت لوحدك و اخلص دي دي من حيوان وحقير زيك
مالك بمكر وخبث و بصوت فحيح كالتعابين... طب حاسب يا دومي تيجي تطربقها عليه تطربق عليك انت و سابه و مشي
وأدم وقف عايز يولع فيه وبعنف وغضب و تصميم... مبقاش انا أدم كرم لو مطربقتهاش فوق دماغك يا مالك الزفت انت وخرج وراح ركب عربيته
و مالك اخد دي دي اللي اغمي عليها تاني في عربيته و وركبها و ركب هو كمان و طلع البرفيوم بتاعه من العربية و رشه عليها
و دي دي صحيت و بتوهان و خوف و صريخ... الحقيني يا ماما الحقني يا مالك
مالك شدها لحضنه و هي بتضربه علي صدره بخوف و صريخ... ابعد عني يا حيوان ابعد عني ارجوك متعملش فيا كدا ارجوك
مالك بصوت رجولي و قوة... اهدي اهدي كدا وقولي هديت انا مالك مفيش حد هياذيكي اهدي و فوقي بقا
دي دي انتبهت لوضعها شوية و بصت له بدموع و قهر... انت كنت فين وليه سبتني للحيوان ده ياخدني أنا ازاي هونت عليك تعمل فيا كدا ازاي
مالك بمكر و لؤم... اولا انا مسبتكيش انا روحت اخلص شغل تبع الشركة... وعشان انتي متهونيش عليا جيت ولحقتك و اخدتلك حقك من الحيوان اللي اتعرضلك و أتجرأ انه يلمسك
دي دي بدموع و شهقات... بس هو ضربني كتير وكان رابطني من ايدي و رجلي وقالي انه هيحرق قلبك عليا زي ما انت حرقت قلبه علي حبيبته رودي وكان عايز يصورني وهو...
ومقدرتش تكمل و رمت نفسها في حضن مالك و بدموع و شهقاتها عليت اوي
ومالك لف ايديه حواليها ولنفسه... وبغضب بعد ماعرف انه باهر لما دي دي قالتله انه كان عايز يحرق قلبه عليها زي ماحرق قلبه علي رودي
وبغضب اكتر... بقا كدا يا باهر الزفت... دانا هخلي اي حد يشوفك ينبهر وينصدم من اللي انا هعمله فيك ومبقاش مالك السيوفي ان ما خليتك تشوف اي بنت أو ست توطي راسك من اللي انا هعمله فيك لأن اللي انا هعمله فيك الشيطان نفسه يخاف يعمله معاك
و طلع دي دي من حضنه وبجدية وحزم... مش عايز اللي حصل ده حد يعرف بيه و خصوصا طنط رعد و اونكل يامن
دي دي بجدية و دموع... ازاي انا لازم اقولهم عشان يربوه الحيوان ده اللي أتجرأ وعمل فيا كدا
مالك بغضب و صوت عالي... وانا قولتلك مش عايز حد يعرف حاجة يعني مش عايز حد يعرف حاجة وانا اخدتلك حقك منه و لسه هكمل عليه ولا انا مش مالي عينك ولا ايه عشان تقولي لباباكي و مامتك
دي دي بدموع... بس انا متعودتش اخبي عليهم حاجه يبقا هخبي عليهم حاجة كبيرة زي دي ازاى
مالك بغضب اكتر و عنف... قسما بالله يا دي دي لو قولتي لهم حاجة مش هتشوفي وشي تاني واعتبري كل اللي بينا انتهي فاهمه
دي دي بصتله باستسلام و دموعها مازالت نازلة و هو ساق العربية عشان يروحها
وبعد وقت ليس بكثير
وصلوا و دي دي نزلت من العربية ولسه هتدخل لجوة مالك نزل هو كمان و شدها من ايديها و بتحذير و تهديد... افتكري قبل ما تقولي اي حاجة افتكري انه هيكون آخر يوم بينا اظن كلامي واضح
دي دي بصتله و شدت ايديها منه و دخلت جوه و طلعت علي اوضتها علي طول وقفلت علي نفسها وعيطت بكل الوجع والحزن اللي جواها بسبب الموقف اللي هي اتعرضتله بسبب حبيبها مالك
***************************
✍️✍️عند رعد ويامن وابراهيم في المستشفي👇👇
يامن شال رعد و دخلها اوضة... وابراهيم جري جاب الدكتور اللي جه بسرعة كشف عليها ولاقا ضغطها عيلي تاني وبجدية و سؤال... ايه اللي حصلها تاني انا كنت مظبط لها ضغطها
يامن بحزن و وجع... ارجوك اعملها الازم انا هموت لو جرالها حاجة ارجوك طمنيني عليها
الدكتور بجدية اكتر... اكيد يا فندم هعملها كل اللي اقدر عليه و ركبلها محلول عشان ينزل ضغطها و حط لها كذا حقنه في المحلول تهدأ اعصابها
وبجدية... انا كل شويه هعدي عليها اطمن عليها وإن شاء الله هتبقا كويسة
ابراهيم فضل معاهم شوية و بعدين استأذن عشان يطمن علي همس اللي مبطلتش سؤال عن جوزها فهد و لما تيأس من كتر السؤال عليه تصرخ وتبقا عايزه تمشي وتدور عليه والدكتور يديلها حقنه مهدئة وتنام
وبعد حوالي ساعتين رعد صحيت و بتوهان ودموع وتعب... ارجوك يا فهد متسبنيش إنت متعرفش انا بحبك اد اية... وقامت بصريخ و بتشد في المحلول.... لا متبعدش عني يا فهد متبعدش عني يا ابني
ويامن جري عليها بسرعة و حضنها جامد و هي بتزق فيه عشان تنزل من علي السرير وبصريخ... سبني اروحله سبني أجيبه إنا مقدرش علي بعده عني سبني
ويامن ضغط علي الجرس وجه الدكتور و الممرضة بسرعة و ادوها حقنة مهدئة
و رعد غمضت عيونها و بدموع و توهان... متسبنيش يا فهد وبتبص ليامن و بدموع وتعب وضعف... ارجوك هاتلي ابني ارجوك هتهولي انا هموت من غيره ليه بتعذبوني اوي كدا ليه وغمضت عيونها
ويامن ضمها اوي لحضنه و بحزن و وجع... حاضر يا حبيبتي هجبهولك والله هروحله ومش هرجع من غيره و طلعها من حضنه و نيمها علي السرير وباس جبينها ولسه هيخرج الباب خبط
و كان ابراهيم وبسؤال... هي عاملة ايه دلوقتي فاقت؟
يامن بحزن... اه فاقت
ابراهيم بجدية... طب الحمد لله بقت احسن؟؟؟
يامن بحزن و وجع... لا مش احسن انا هروح مشوار نص ساعة و ارجع ارجوك خلي بالك منها ولو اي حاجة حصلت كلمني علي طول و ده رقمي و طلع الكارت من جيبه و ادهوله و مشي
وابراهيم برغم حزنه و وجعه علي بنته زعلان و حزين علي إللي حصل لرعد لانها هي اللي رجعتله حنين و همس زمان
وهو مازال علي شروده رن تليفونه وكانت حنين اللي اتكلمت بحزن و دموع... بنتي فيها ايه ارجوك قولي هي مالها وليه كل ما اتصل عليك واقولك اديهالي اكلمها مترضاش و تتحجج بأي حجة عشان مكلمهاش ارجوك اديهاني اكلمها لان انا لا هاكل ولا هشرب غير لما اكلم بنتي واطمن عليها
و بدموع و شهقات... وحياة كل اللي بينا و عشرتنا سواء اديني بنتي اكلمها و اسمع صوتها
ابراهيم غمض عيونه بحزن و وجع... ارجوكي يا حبيبتي أهدي صدقيني هي كويسة كل الحكاية ان انتي بتتصلي عليها و هي بتكون في الكلية او بره
حنين بدموع اكتر... انت بتكدب عليا بنتي اكيد حصلها حاجة انا قلبي مش مطمن أبدا انا هاجي اشوفها انا...
ابراهيم بمقاطعة و هروب... طب لو قولتلك إني انا وهي هنيجي بكرة واطمني عليها براحتك هتهدي و تصدقيني ولالا
حنين بدموع... وليه متجيش النهاردة اكيد هي فيها حاجة وانت مخبي عليه اكيد
ابراهيم بهروب وكدب... لا هي كويسة بس عايزه تخلص شوية حاجات في الكلية عشان تعرف تيجي بكرة وانا قاعد في الشقة مستنيها لغايه لما تيجي وان شاء الله نجيلك بكرة
حنين بدموع وجدية... طب اوعدني انك هتجيب لي بنتي بكرة اشوفها
ابراهيم غمض عيونه تاني مش عارف يوعدها ولا ميوعدهاش لانه مش هيقدر ينفذ وعده ليها
وبجدية وأمل... اوعدك يا حبيبتي اني هجبهالك بكرة
وقفل معاها
وخبط علي رعد عشان يطمن عليها وأما مردتش عرف انها لسة نايمة و فتح الباب بالراحة ولقاها فعلا لسه نايمة
قفل الباب تاني و راح يشوف همس ويرجع لرعد تاني
***************************
✍️✍️عند يامن👇👇
يامن اخد عربيته وطار بيها بسرعة الصاروخ و راح علي الفيلا يدور علي فهد عشان يوديه لرعد تطمن عليه وتخف بسرعة لانه أهون عليه انه يموت ولا انه يشوف حبيبته و عشرة عمره بالحالة دي
وطلع اوضه فهد و للاسف لقاه اخد هدومه ومشي
و يامن قعد بصدمة و حزن على السرير و دموعه نزلت بوجع و قهر و بعتاب و بيبص لصورة فهد... ليه كدا يا ابني ليه كدا هو احنا اذاناك في ايه عشان تعمل فينا كدا بعد العمر ده كله ليه انا اعذبها زمان و انت تعذبها دلوقتي
ونزل بسرعة و ركب عربيته و طار بيها وفضل يلف في الشوارع زي المجنون يدور على فهد وبدموع ويأس... طب أروحله فين يا ربي وهو مبيروحش في اي مكان و معندهوش أصحاب يروحلهم هو ملهوش مكان غير البيت والجهاز وهو مش في البيت واحنا بليل و مفيش حد في الجهاز
وبدموع اكتر... يارب خدني وريحني بقا لاني انا السبب انا اللي ضغطت عليها انها تخلف وبص لصورة رعد اللي قدامه في العربية... حقك عليا يا حبيبتي حقك عليا يا رعد قلبي انا السبب في اي عذاب اتعذبتيه سواء زمان او دلوقتي انا السبب سامحيني يا حبيبتي سامحينى
وبدموع ووجع... طب ارجعلك ازاي واقولك إن ابنك ساب البيت فعلا... واني بقالي ساعتين بلف عليه في الشوارع واسأل في الفنادق وملقتهوش اقولك ايه يا حبيبتي اقولك ايه يارتني كنت موت قبل اليوم ده مايجي يارتني كنت موت
وبدموع وانين ويأسي...يارب خدني عشان فهد يحس بالمسئوليه ويكون سند لأمه و ميزعلهاش تاني و ميخليش الدموع تعرف طريق لعيونها تاني
و هو مازال علي دعواته ان ربنا يريحه من الدنيا اللي
حاسس انه عايش فيها عشان يعذب حبيبته رن تليفونه وكان ابراهيم وأول ما يامن شاف التليفون اترعب و رد عليه بخوف و صوت مرتعش.. آلو رعد حصلها ايه
ابراهيم بسرعة و صوت عالي... الحقني بسرعة اللواء رعد.... و مكملش ويامن قفل بسرعة و طار بالعربية باقصي سرعته
وللاسف عدا حدود سرعة العربيه المسموح بيها و ظهرت عربيه قدامه فجاءة داخله بطريقه مخالفة للطريق... وهو من كتر سرعه العربيه معرفش يتحكم في سرعتها... وللأسف العربية اتقلبت بيه و حصل ما لم يتوقع عقباه
@@@@@@@@@@@@@@@
✍️الحلقه ال٨ انتهت✋وبكدا اكون وفيت بوعدي معاكم✍️انتظروني و نكمل بكره ان شاء الله🙏
✍️✍️توقعاتكم🤳👇👇
👈ادم هيقول لرعد ولا ايه اللي هيحصل... ولو قالها مالك السيوفي هيعمل فيه ايه؟؟؟
👈دي دي هتقول لاهلها ولا هتخبي عليهم عشان مالك حبيبها ميسبهاش؟؟؟
👈مازن كدا حكايته مع بسنت خلصت ولا ايه اللي هيحصل؟؟؟
👈بسنت هتودي امها دار المسنين وتموت نفسها عشان تخلص من حياتها ومن تهديدات صقر ولا القدر ليه رأي تاني؟؟؟
👈دي هتكون نهايه يامن ورجوع فهد لامه تاني... ولا ايه اللي هيحصل ليامن بسبب الحادثه دي؟؟؟
🌿🌿🌿🌿🌿🌿🌿🌿🌿🌿🌿🌿
