💞#الحلقه_ال٥_من_روايتكم💞
💞#معركه_عشق_الحيتان(#ج٣_لعذاب_رعد) 💞
💞 #بقلم_ملكه_القلوب_دي_دي_فتحي 💞
اللهم اني عبدك وابن عبدك، وابن أمتك، ناصيتي بيدك، ماض في حكمك، عدل في قضاؤك، أسألك بكل اسم هو لك سميت به نفسك أو أنزلته في كتابك، أو علمته أحدا من خلقك، أو استأثرت به في علم الغيب عندك، أن تجعل القرىن ربيع قلبي، ونور صدري، وجلاء حزني، وذهاب همي.
💞 قرأه ممتعة 💞
فهد مشي و رعد مشيت معاه بحزن و وجع و وداها الاوضة اللي فيها همس
و اول ما فهد فتحها رعد بصت للحاجز بذهول و خوف و رعب من اللي هي شيفاه قدامها واللي منتظر ابنها من عقاب و مرة واحده وقعت علي الارض
وبدموع و صدمة... مش ممكن ابني يوصل لكدا مش ممكن ابني يوصل انه يقتل حد برئ بأديه مش ممكن مش ممكن
وعيطت اكتر و اكتر وبتبص لابنها بحزن و وجع و قهر و كسرة ولحظات و استوعبت اللي هي فيه و جريت علي الحاجز ولقيته مقفول برمز سري وبصريخ... افتح الزفت ده بسرعة افتحه
فهد قرب من الزراير و فتحه... و رعد شدت الباب و فتحته وقربت من همس اللي عبارة عن جثة هامدة وبخوف و رعب و و حطت نفسها مكان ابراهيم و حنين وبخوف و دموع... فوقي يا همس فوقي
بس همس مردتش و رعد شالتها و جريت بيها علي الدكتور اللي في الجهاز اللي كشف عليها و قال ان حالتها ميئوس منها و نصحهم ينقلوها المستشفى باقصي سرعة يمكن يلحقوها
ورعد شالتها تاني و جريت بيها ويامن قابلها في الطرقة و هي شايلة همس و دموعها مغرقة وشها
ومن غير كلام واخد منها همس هو اللي شالها لانه عرف ان فيه مصيبه ومصيبه كبيره كمان واكيد سببها ابنه اللي انشف من الحجر الصوان و ركبوها العربية و راحوا بيها المستشفي وسط صدمة و ذهول يامن اللي مش مستوعب اللي هو شايفه قدامه
👈وفهد راح لدكتور الجهاز طلع الطلقة لفهد اللي قاله انها رصاصة جت فيه بالغلط وهو بينضف مسدسة و الدكتور حاول يصدقه و عقم له الجرح و خيطهوله
👈و رعد ويامن وصلوا المستشفي و رعد شالت همس و جريت بيها لجوة و بصريخ... حد يلحقها بسرعة حد يلحقها بسرعه
الكل اتلم حواليها و اخدو همس منها ودخلوا بيها علي الطوارئ يشوفوا ايه اللي فيها
وبعد حوالي ساعة من الكشف علي همس الدكتور خرج ليامن و رعد اللي هتموت من القلق علي همس بسبب اللي ابنها عمله فيها
وأول ما شافت الدكتور جريت عليه وبخوف وجدية... خير يا دكتور طمني هي فيها ايه
الدكتور بحزن... انا آسف انا آسف
رعد بمقاطعة و عنف... مسموحلك تقول أي حاجة غير انك تقول ان البنت اللي جوه دي ماتت فاهم انا بحذرك
الدكتور بحزن... والله يا فندم احنا حاولنا كتير نفوقها بس البنت بلعت ماية كتير اوي غير الكدمات والجروح اللي في جسمها خلت مقاومتها علي التحمل ضعيفة اوي
رعد بدموع و حزن... يعني انت عايز تقول ان البنت ماتت مش ممكن مش ممكن
الدكتور بجديه... 👈 مماتتش يا فندم بس يعتبر ميتة لان النبض يكاد يكون معدوم وجسمها ضعيف و مقاومتها للحياه كمان تكاد تكون معدومة... و خلال ٦ ساعات يأما النبض الضعيف ده هيقوي او هيقف خالص عموما احنا حطيناها علي جهاز التنفس و منتظرين نشوف ايه اللي هيحصل خلال ال٦ ساعات الجاية عن اذنك يا فندم و سابهم و مشي
ورعد وقعت علي الكرسي إللي وراها و دموعها نزلت زي الشلال ويامن شدها لحضنه وبخوف عليها وبسوال يكاد عارف اجابته... فيه يا حبيبتي ايه اللي حصل و مين البنت دي وانتي ايه علاقتك بالموضوع ده
رعد خرجت نفسها من حضنه وبدموع ووجع... علاقتي ان ابنك السبب في اللي البنت فيه ابنك السبب
يامن بصدمه ووجع... ابني فهد!!! وهو ايه علاقته بيها عشان يعمل فيها كدا
رعد بدموع... انا معرفش حاجة كل إللي اعرفه انه كان حاجزها في الحاجز المائي اللي احنا مش بستعمله غير مع الارهابين و الجواسيس و الخارجين علي القانون
عارف يعني ايه ابن اللواء رعد احمد الوديدي يعمل مع بنت بريئة كدا كل ذنبها انها قالت رائيها في إللي بيحصل في البلد بس بصوت عالي شوية
عارف يعني ايه يتسبب في موتها وحرقة قلب امها و ابوها عليها عارف يعني اية حرقة قلب ام و اب علي بنتهم عارف هيحصله ايه لو البنت دي ماتت عارف عقابه هيكون ايه
وحطيت ايديها علي وشها و عيطت بوجع و حزن وقهر و صوت شهقاتها عليي
ويامن شدها لحضنه وضمها اوي و دموعه نزلت هو كمان و لنفسه ((ليه يا ابني تعمل فيا انا و امك كدا ليه هي دي اخرة تربيتنا فيك ده اخر تعبنا عليك ))
رعد بدموع و هي مازالت في حضن يامن و بشهقات... البنت دي لو ماتت هيحكموا علي ابني بالاعدام هيموتوه قدام عيني وانا مش هبقي قادرة اعمل حاجة و بشقهات اكتر... هو ليه بيعمل فيا كدا ليه ابني يطلع بالقسوة و الجحود ده يارتني ما خلفت يارتني ما خلفت ولا عشت لليوم اللي ابني يتعدم فيه قدام عنيا
وخرجت نفسها من حضنه و بتضربه علي صدره و بدموع و شهقات... انت السبب انت السبب انا مكنتش عايزه أخلف ولا كنت عايزه اجيب اولاد انت السبب انت السبب
يامن كتف ايديها و ضمها ليه جامد و بدموع و حزن... حقك عليا انا يا حبيبتي حقك عليا انا لو أعرف انهم هيكونوا سبب دموعك و وجعك عمري ما كنت فكرت و لو لحظة واحدة في الخلفة أبدا صدقيني يا حبيبتي صدقيني يا رعد قلبي
و رعد كانت من كتر خوفها علي ابنها وعلي اللي هيحصله كان أغمي عليها و هي في حضن يامن اللي لاحظ استرخائها بين ايديه وبصلها لقاها مغمي عليها ولسة هيشيلها يوديها للدكتور لاقا أيد تانيه بتحاول تشيلها منه
*****************************معركه عشق الحيتان... الجزء ٣ لعذاب رعد ... بقلمى ملكه القلوب... دي دي فتحي
✍️✍️عند ياسين في الشركة👇👇
مالك وصل الشركة و قرر يلعب خطته القذرة علي دي دي عشان يوقعها في شباكه اكتر و اكتر ويحرق قلب أدم عليها
وأول ما وصل راح علي مكتب دي دي وخبط وبعد السماح له بالدخول دخل
و دي دي قامت وقفت و رجعت لورا و بخوف و توتر ظاهر... عارف لو قربت مني أو عملت لي حاجة والله هصرخ و الم عليك كل اللي في الشركة واولهم باباك
مالك قرب منها اكتر و هي بترجع لورا لغايه لما خبطت في باب الحمام بتاع مكتبها
ودي دي بخوف و توتر... ابعد عني يا مالك متبقاش مجنون مبقاش ورايا غير الحمام ابعد بقا
ولسه هتدخل الحمام وتقفل علي نفسها خوفا من مالك انه يعمل فيها حاجة بسبب خروجها مع أدم كان هو اسرع منها
و قبل ما تدخل شدها من وسطها وبيملس علي وشها بمكر و خبث و وقاحة... مستعجلة علي هروبك مني ليه يا دي دي يا قلبي لسه بدري اوي على هروبك ده
دانا حتى جاي اقولك ان انا وانتي هنتجوز عن قريب
دي دي بصدمة و ذهول... نتجوز!!! وعن قريب وبتحط ايديها علي جبين مالك و بدهشة... انت مش سخن ولا حاجة أمال ايه الكلام الغريب اللي انا بسمعه منك ده أكيد انا بحلم صح
مالك قرصها من خدودها اللي عبارة عن فراولتين من كتر توترها من قربه منها بالشكل ده وبمكر....اظن بعد القرصة دي مش بتحلمي ولا ايه
دي دي بتوهان في عنيه و ريحة برفانه اللي مجننها و بتعشقها... هااا ايه ؟؟؟
مالك بخبث بعد ما أكد لنفسه ان دي دي بتحبه و بتعشقه لدرجة الجنون... طيب و عشان تتاكدي اكتر واثبتلك ان دي حقيقة مش حلم هخطف بوسة من شفايفك الحلوة دي
دي دي بتحاول تبعده عنها و بكسوف و توتر... مالك عيب اللي بتقوله ده احنا يدوب مخطوبين مش متجوزين
مالك بهمس و صوت رجولي هز كيان دي دي... تؤتؤتؤ البوسة دي مش للمتجوزين لاني بعد مانتجوز هعرفك حاجات تانيه خالص
دي دي بسؤال و طفولية وتلقائيه... حاجات تانيه زي ايه ؟؟؟
مالك بمكر و همس ووقاحه... هاتي ودنك وانا هقولك زي ايه
دي دي قربت ودنها بتلقائية وعفوية و مالك همس في ودنها ببعض الكلمات القذرة الوقحة زيه
و دي دي زقته بسرعة و خبت وشها بايديها وبصوت مرتعش... علي فكرة انت قليل الادب و وحش
مالك قرب منها و باس ودنها اللي ناحيته و دي دي نزلت ايديها بسرعة من علي وشها و رجعت لورا بتوتر... مالك لو سمحت اخرج بره و ياريت بلاش الكلام إللي إنت قولته كده تاني
مالك بمكر و غمزة... وانا قولت ايه يا دي دي يا قلبي وبعدين انا قولت كلام بس امال لما نتجوز وتبقي بين ايدية هتعملي ايه هاااا و بصوت كفحيح التعابين... عارفة هخليكي أسيرتي اكتر واكتر وكله بأسم الحب
دي دي بخوف و صدق... لو الجواز بالبشاعة دي انا افضل اعيش طول عمري مخطوبة
مالك قرب منها وشدها من وسطها وبحركة سريعة و جريئة باسها من خدها و دي دي بتحاول تبعده عنها بس مش قادره عليه
وهو كمل بمكر و وقاحة... ده اول بند من بنود العقد بتاعنا و كل يوم هديكي بند لغاية لما نوصل ليوم فرحنا يكون معاكي كل البنود وغمزلها وسابها وخرج
و هي هتموت علي نفسها من كتر اللي هي فيه... ومالك يدوب قفل باب مكتب دي دي قابله أدم اللي شافه و هو خارج من عندها
ومالك بستفزاز... ايه يا دومي جاي لديدي ملكة قلبك واللي حبها بياكل في قلبك وعقلك ولا ايه
أدم بعنف وغضب... ايوه جايلها و هقولها علي حقيقة مشاعرك القذرة من ناحيتها
مالك بمكر و بفحيح كالتعابين... وانا موافق انك تقولها يا دومي وليك عليا لو صدقتك انا هبعد عنها خالص و كمان هاكد علي كلامك ليها و هسيبلك الساحة فاضية اما بقا لو قطتي خربشتك و دافعت عن مالك قلبها مالك السيوفي ليك عليا هتجوزها قريب اوي واحرق قلبك عليها
تيك كير يا مان
وشاور له بايده و راح علي مكتبه و قبل ما يدخل بص للسكرتيرة بغمزة و بوقاحة... تعالي ورايا عشان نكمل الموضوع اللي دي دي قاطعتنا فيه إمبارح
شيري بدلع و اغراء... ده انت تؤمر يافندم
و بدلع اكتر قامت واتعلقت في رقبته... تلميذتك يا مالك قلبي تلميذك
و مالك غمزلها و شدها من ايديها و دخلوا المكتب
👈وأدم خبط علي مكتب دي دي و بعد السماح له بالدخول دخلها وشافها متلغبطه ووشها مازال عباره عن فراولتين و بجدية و سؤال... مالك يا دي دي حسك مش علي بعضك
دي دي بتوتر... لا لا أبدا مش علي بعضي ايه انا كويسة اهو
أدم غمض عنيه و أتأكد ان مالك لعب بمشاعرها و زودلها العيار... و صمم علي اللي هو ناوي عليه و قرر يقولها علي إللي مالك قالهوله امبارح
و بجدية و هدوء...دي دي انا كنت عايز اتكلم معاكي في موضوع مهم بس ارجوكي اسمعيني للاخر و متتسرعيش في الحكم
دي دي بجدية و استغراب... قول يا أدم انت عارف انا بعتبرك زي فهد و بثق فيك و في كلامك
أدم غمض عيونه بحزن و وجع... انه بيحبها و بيعشقها كل الحب والعشق ده وهو بالنسبه لها اخ مش آكتر بس قال لنفسه... اكيد بعد ما تعرف مالك علي حقيقته اكيد هتحبه هو لإنه فعلا يستاهل قلبها و عقلها و هيحافظ عليها لغايه اخر يوم في عمره
دي دي بجدية اكتر... أدم أدم روحت فين قولي يلا علي موضوعك إللي عايز تقولهولي
أدم بجدية و ثبات و هدوء... الموضوع بخصوص مالك
*****************************
✍️✍️عند مازن و بوسي👇👇
مازن حكي لبوسي علي كل إللي حصل مع البنت إللي شافها
و بوسي بضحك😂 و مكر... طب ايه انا مش شايفة أي حاجه غريبة او ملفته في الموضوع
مازن بغيظ منها... ايه يا بوسبس انتي هتجننيني ولا ايه ماتركزي معايه كدا... بقولك البنت عاملة زي لهطة القشطة عيون ايه و شعر ايه و حواجب ايه و شفايف ايه و ضغط علي شفايفه بسنانه وسرح
و بوسي خبطته علي صدره وبضحك😂... يخربيتك لحقت تحفظ شكلها ويعلم معاك كدا
مازن بتوهان... وحياتك يا بوسبس علم معايا من أول ما عيني جت في عنيها و شوفت دموعها وهي نازلة علي خدودها اللي خليتهم زي التفاح
وقلبي دق بعنف وقال... أهي أهي أهي هموت علي العسل دي
بوسي بضحك😂 اكتر... الله الله بركاتها حلت عليك وسرها باتع والله حلال فيك انا اكتر وحدة هتفرح فيك
مازن بزعل مصطنع... اخس عليكي يا بوسبس يا وحشة والله ميزو زعلان منك بقا
بوسي قرصته من خدوده... وانا اقدر برضه علي زعل ميزو دلوع قلب مامي
مازن بمكر... يعني افهم يا بوسبس انك موافقة عليها و هتخلي ياسو يوافق عليها هو كمان ؟
بوسي بضحك😂... موافقة علي ايه يا مجنون مش جايز تكون متجوزة ولا مخطوبة ولا مرتبطة
مازن بشرود... اكيد لا عشان مكنش في ايديها دبلة وكمان معني انها بتشتغل و محتاجة للشغل اوي كدا يبقا مفيش حد يعولها هي و مامتها اللي قالت إنها تعبانة
بوسي بجدية... خلاص يا حبيبي أسال عنها واختبرها كدا وجث نبضها و شوف حالتها الاجتماعية ايه بالظبط و صدقني لو طلعت مفيش حد في حياتها انا هساعدك و اقف معاك
مازن بحب و باسها من جبينها... ربنا يخليكي ليا يا بوسبس يا حبيبتي ايدك بقا علي كام باكوا كدا لزوم المنجهة و الشياكة
بوسي بضحك😂... منين روح قول لابوك يديك
مازن بضحك😂... لا وحياتي عندك بلاش تسلميني تسليم اهالي لبابا لاحسن ياسو مش طايقني ولا طايق مالك اخويا و شكله هيولع فينا احنا الاتنين قريب
بوسي بحب... دا ياسو مفيش اطيب ولا احن من قلبه
مازن بضحك😂... و مين يشهد للعروسة يااختي
بوسي بضحك😂... ولد احترم نفسك بدل ما اقفل معاك في موضوعك ده
مازن بضحك😂... لا و علي ايه الطيب احسن وكمان شكل البنت دي فقيرة و مبتحبش الشياكة و المنجهة وعايزنى معفن عشان تصدق اني معجب بيها و بحبها
بوسي بضحك😂... هو انت لحقت تقع علي بوزك كدا يا ميزو ياحبيبي
مازن بضحك😂... اه لحقت يا ماما اصل انتي مشوفتيش شكلها عامل ازاي ولا بتتكلم ازاي
بوسي بضحك😂... طالما قولتلي ماما يبقا وقعت علي بوزك بجد بس اللي مقلقني شوية جملتها انها بتكرهه الرجالة وخصوصا اللي باين عليهم إنهم ولاد ناس زيك تفتكر بتقول كدا ليه ؟
مازن بجدية... مش عارف يا ماما مش عارف حاجة محيرة فعلا
بوسي بجدية... ان شاء الله خير يا حبيب ماما روحلها انت بس بأي حجة وان شاء الله خير وبعدين هي تطول واد حليوة و دمه خفيف زيك كدا وابوه صاحب اكبر شركات في البلد
مازن بضحك😂... وحياتي يا بوسبس بلاش سيرة ابويا بدل ما الحكاية تقلب بنكد
بوسي بضحك... علي الله يسمعك و يوقفلك المراكب السايرة
مازن بضحك😂... ان شاء الله يا بوسبس تسير بكل سلاسه وتجري بسرعه الصاروخ كمان... دعواتك معايا بس يا بوسبس لما اروحلها بكرة تلين و تحن و ترمي نفسها في حضني وتشكلي اوجاعها و همومها ليا وانا اضمها لحضني وانا اقولها ولا يهمك يا حبيبتي انا جنبك مش هسيبك لو حتي عاديت اهلي كلهم🤭😂 عشان خاطر عيونك
بوسي بغيظ و شر... مازن قوم من وشي دلوقتي و الا متلومش غير نفسك في اللي انا هعمله فيك قوووم
مازن طلع يجري من قدامها وبضحك😂... احبك انتي يا صفايح الذبدة السايحة
بوسي بضحك😂... والله صامويل دماغك فوتت علي الاخر
مازن بضحك اكتر 😂و هو طالع اوضته ليه كدا يا بوسبس يعني عشان بحبك يبقا صامويل دماغي فوتت طب انا طالع انام و احلم بالمزة بتاعتي واسيبك لوحدك
وطلع و سابها وبوسي فضلت تدعيله ان ربنا ينوله مراده ويكون خير ليه
****************************
✍️✍️عند صقر في الجهاز👇👇
مسك تليفونه و بجدية و استفزاز و تهديد... هااا يا بسنتي يا حلوة هتيجيلي وترجعي لحضني من تاني وتدخلي عشي من جديد ولا انشر صورك وفيديوهاتك الجميلة إللي بيني و بينك
بسنت بدموع و حزن... طب انت هتستفاد ايه لما تعمل كدا و تفضح نفسك انت كمان
صقر بشر و انتقام... هستفاد إني اوري الناس بسنت البنت الطاهرة العفيفة هي ايه و ماشية علي ايه ويشوفوا حقارتك وقذارتك... وبعدين مين قالك اني هبان في الصور او في الفيديوهات دي هي صحيح هتبقا ليكي وليه بس انا هحط علي وشي نغمشه وانتي اللي هتكون واضحه في الصور والفيدهات اما انا لا يابسنتي لا
بسنت بدموع و رجاء... عشان حبيتك و اخلصتلك ياصقر وانت ضحكت عليا جزائي ابقي قذرة و حقيرة وانت كنت هتموت و اكلمك ولما كلمتك و قربت منك غدرت بيا
صقر بستفزاز... اولا أنا صقر باشا... و ثانيا انتي لو كنتي زي ما انتي يمكن كنتي زمانك مراتي دلوقتي بس انتي رخصتي نفسك و قدمتي لي نفسك علي طبق من دهب وضيعتي عليكي فرصه متحلميش بيها حتى لو في خيالك وهي انك ممكن تكوني مرات صقر الحسيني
بسنت بدموع... انا مرخصتش نفسي ليك أبدا احنا اتجوزنا عرفي عشان انت قولتلي ظروفك اياميها مكنتش تسمح انك تعلن جوازنا وإنت طلقتني بعدها من غير لارحمه ولاشفقه منك ولا حتي رحمت اللي في بطني
صقر بجدية و عنف و تهديد... إخرسي بقا صدعتيني بكلامك المزعج زيك ده وبعدين انا لااتجوزتك ولا طلقتك ولو معاكي دليل على جوازنا او طلقنا ده طلعيه انا مش مانعك بس انا عارف ومتاكد انك معكيش اي حاجه ابدا... ومعاكي لغايه بكرة يا إما تجيلي شقتي اللي انتي عارفاها وحفظاها أو هنشر صورك وفيديوهات و هسيبك تفكري لغاية بكرة وقفل السكة في وشها قبل ما ترد عليه
وبسنت عيطت بوجع و قهر علي حظها السئ اللي رماها مع واحد معدوم الضمير و متحجر القلب و المشاعر زي صقر الحسيني
******************************
✍️✍️عند أسر و كنزي👇👇
أسر خد فعلا الاجازة و سافر و محدش يعرف سافر فين لانه معرفش حد بمكانه... ودينا و مؤمن كانوا بيكلموه واسر بيطمنهم عليه و بيقولهم انه مسافر يريح اعصابه و هيرجع قريب
و كنزي استغربت لما عدا كذا يوم ومشفتش اسر ولا حتي حضر ولا اجتماع معاهم... وقررت تروح تشوفه في مكتبه وكل اما تروح متلقهوش وهتجنن من اختفائه المفاجئ ده
ورئيس الجهاز لدينا اللي استدعاها عشان تروحله مكتبه وبعد وصولها وبجديه... انا بعتلك بخصوص موضوع يخص المقدم اسر ولانه موضوع كبير ومينفعش يعمله من نفسه كدا وانا وافقه عليه... بعتلك انتي لان في الموافق اللي زي دي لازم عاطفه الام هي اللي تتدخل الاول وتيدي مجال لعقل الاب يقوم بدوره.. يعني لازم تمهيد منك الاول لاسر عشان تقدري تاثري عليه عشان يتقبل تدخل العقل في حالته دي
دينا بخوف وقلق وسؤال... خير يافندم ماله اسر ابني
رئيس الجهاز بجديه اكتر...المقدم أسر عايز ينضم للعمليات السريه وانتي عارفه يعني ايه ينضم للعمليات السريه دي يعني محدش يعرف مكانه و كمان هو مش عايز يرجع مصر تاني
دينا بصدمة و دهشة وذهول... وايه السبب إنه يطلب من سيادتك طلب زي ده... أكيد في سبب قوي لطلبه ده
رئيس الجهاز بجديه... اللي هيجاوبك علي سؤالك ده هو اسر ابنك مش انا لاني لو كنت عارفه كنت ساعدته ومخلتهوش يهرب من ساحة المعركه بشكل ده
دينا بقلق وخوف وسؤال... معركه ايه يافندم اللي بيهرب منها دي دا احنا حتي مفيش ولا معركه هربنا منها
رئيس الجهاز بجديه اكتر...من خبرتي في مجالنا ده وطلب اسر اقدر اقولك انها مش معركه تخص مجالنا ابدا... لانه كفأ في مجالنا ده
دينا باستغراب وعدم فهم... حضرتك تقصد ايه يافندم ياريت توضحلي اكتر
رئيس الجهاز بمكر وخبث...أقصد#معركه_عشق_الحيتان
اللي هو بيهرب منها وعايز يسيب الدنيا كلها عشان خسر معركته او حتي خايف يخسرها فهمتي انا اقصد ايه
دينا بحزن بعد ماعقلها وقلبها جابوها علي سؤالها وعرفت معركه ابنها اللي هو بيهرب منها... عموما انا بشكرك يافندم انك بلغتني حاجه مهمه زي دي بس ليا طلب عند سيادتك او اعتبره رجاء
رئيس الجهاز بجديه واهتمام وسؤال ... طلب ايه
دينا برجاء... ارجوك تبلغ أسر انك موافق علي طلبه عشان يقطع أجازته و يرجع و لما يرجع انا هقنعه انه ميسافرش ان شاء الله
رئيس الجهاز من غير كلام تاني وافق علي رجاء دينا و فعلا اتصل علي أسر و بلغه انه موافق علي طلبه
و أسر قطع اجازته و قرر ينزل علي بيت اللواء صبري عشان يسلم عليهم ويشوفهم... او بمعني اصح يشوف كنزي... لاخر مرة قبل سفره بس طبعا هي متعرفش إنه مسافر ومش هيرجع تاني
ونزل من سفره وراح بيت اللواء صبري... وكنزي عرفت انه موجود... لبست ونزلت بسرعه واقعدت علي الكرسي المقابل لاسر... واتقابلت عيونهم في نظره طويله اوي غلب عليها الحب والعشق و العذاب والاشتياق لبعض
واعتماد لاحظت ده واتكلمت بسؤال هي حساه وعارفه اجابته... فيه ايه يا ولاد بتبصوا لبعض اوي لكدا ليه وساكتين ليه
اسر بتوتر وهروب... لا لا ابدا يا جدتي مفيش حاجه... و بسؤال... امال جدي فين عشان اسلم عليه وامشي
اعتماد بحب... جدك خرج و زمانه جاي عشان يتغدي وهي فرصه انت كمان تتغدي معانا ياحبيبي لانك من زمان متتغدتش معانا ولا حتي جيت و قعدت شويه
أسر بهروب... لا لا يا جدتي انا مش جعان انا بس كنت جاي اسلم عليكوا عشان وحشتوني ولازم امشي لاني مستعجل
اعتماد بحب وحنان... طب خليك شوية يا حبيبي جدك زمانه جاي انت كمان وحشه اوي و نفسه يشوفك
أسر قام و باس دماغها وبحب وحزن... معلش يا جدتي خليني براحتي و انا هبقا اجي لجدي تاني
اعتماد باستسلام... خلاص يا حبيبي علي راحتك بس وعد هتيجي و مش هتتأخر علينا كدا تاني
أسر واقف محتار مش عارف يقولها ايه ولا يعمل ايه هو مش عايز يوعدها بحاجه هو ممكن ميقدرش يعملها ولا ينفذها... لأن دي ممكن تكون اخر مرة يشوفهم فيها و مش عارف يقولها ايه (مجرد انه هو مش عارف يعمل ايه ولايقول ايه ده مخلي دماغه عاجزه عن التفكير وشالل لسانه عن النطق)
وبجزن ووجع لاعتماد.... ان شاء الله ياجدتي ان شاء الله
وسابهم ومشي وكنزي راحت وراه ولحقته في الجنينه ومسكت ذراعه وبعنف وغضب....يعني جاي بعد كام يوم من غيابك المفاجئ اللي محدش يعرف عنه حاجه ولاحتي انا وكمان جيت وماشي كدا و مكلمتنيش ولا كلمه واحده... وبغضب اكتر... ممكن اعرف بتتجاهلني ليه كدا
اسر بهدوء وهروب ...مافيش حاجه حصلت بيننا عشان اتجاهلك ولا انتي عايزه تتخانقي وخلاص
كنزي بغضب وعنف ...بطل تكلمني بالهدوء ده وخصوصا لما اكون متعصبه...و بسؤال وغضب... وقولي يلا انت كنت فين ومقولتليش ولا هو سر هاااا انطق ساكت ليه
اسر قرب منها و شدها ولف ذراعه حولين وسطها وبحب وعشق واشتياق وهو باصص لعيونها... وحشتيني اوي اوي يا كنز حياتي وحشتيني اوي... وبحزن ووجع... و لسة هتوحشينى اكتر و اكتر
كنزي بعدم فهم وسؤال ... هوحشك ليه يااسر فهمني انا مش مرتاحة لتصرفاتك اليومين دول
أسر بهدوء عكس اللي جواه... متقلقيش يا كنزي هتعرفي السبب قريب خلي بالك من نفسك و من جدي و جدتي
و لسة هيمشي كنزي بلهفة وبخوف... أسر استني هفهم ايه فهمني انت
أسر بصلها نظرة حزن ووجع و عنيه مش عايزة تسيبها نفسه يفضل يبصلها عشان يشبع منها اكتر واكتر... نفسه يخطفها و يهرب بيها... نفسه يكون الزمن غير الزمن وميكونش في الوضع اللي هما فيه دلوقتي... نفسه تكون كنزي ملكه و محدش يقدر يبعدها عنه بس هيعمل ايه... قدره كدا... العذاب يبقا جزء اساسي من حياتها😔 كل ده واسر واقف حزين وموجع ومش عارف يقولها ايه فقرر يسبها ويمشي من غير حتي وداع
و كنزي وقعت علي الارض بركبتها و عيطت بوجع و حزن و قهر علي كسرة قلبها علي حبيبها اللي الحزن مالي عنيه و قلبه
وكسره قلبها هي كمان و مش باديها حاجة تعملها ليه ولا لها
و اتكلمت بصوت وآنين يسمعه كل العاشقين حتي الطفل في بطن امه يسمعه من كتر الوجع والانين.... وبدموع وقلب مكسور صرخت بعلو الصوت
ونادت رب الكون...وقالت ليه يارحمان تحكم علينا بمر الزمان
ليه يا منان... مامنتش علينا بنعمه الحب والراحه والسعاده والأمان
يارب ارحم قلوبنا الضعيفه الراجيه لرحمتك الواسعه
يارب يسرلي الصعاب واحميلي حبيبي وهون علينا اللي احنا فيه برحمتك يارحمن ارحمنا وارحم قلوب اتحرمت واتعذبت من مر الزمان😔
*****************************
✍️✍️في المستشفى عند رعد و يامن و همس 👇👇
يامن لسة هيشيل رعد المغمي عليها لاقا أيد تانيه بتحاول تشيلها
و يامن رفع عيونه يشوف مين ده لاقاه(( فهد)) إللي بيحاول يداري ألمه من اصابة كتفه
و يامن لاحظ ده ولاحظ كتفه المربوط بس معلقش عليه و بعنف وغضب و بصله بنظرات قاتله و شرسة... انت آخر واحد ممكن تمد ايدك و تشيلها وحسابك معايا هيكون عسير لاني جبت اخري منك خلاص
وشال رعد وراح بيها للدكتور اللي كشف عليها وقال ان ضغطها عالي نتيجة الزعل و شوية و هتفوق و تبقي كويسة بعد ما تاخد المحلول ده هيظبط لها ضغطها وفعلا الدكتور علق المحلول لرعد
وبعد وقت ليس بكثير رعد فاقت وبتوهان... ارجوك يا يامن قولهم بلاش يعدموا إبني ارجوك قولهم بلاش يعدموه و راحت في النوم تاني
ويامن ضرب بأيده علي الطربيزة اللي جنبه وبغضب... لو يعرف الحيوان ده انتي بتخافي عليه اد ايه وبتتعذبي بسببه ازاي كان بطل افعاله وتصرفاته الهمجية دي
وبعد وقت ليس بكثير رعد فاقت تاني و انتبهت لوضعها وبتحاول تنزل من علي السرير... يامن منعها بس هي أصرت و نزلت
وبجدية واصرار... انا متعودتش اهرب من الحرب حتي لو انا هكون الطرف الخسران فيها و لازم اتصل علي ابراهيم أبو همس واعرفه كل اللي حصل وبالتفصيل... لانها لو مفقتش وحصلها حاجة انا بنفسي هقدم إبني للمحاكمة العسكرية بتهمة الشروع في قتل همس ابراهيم عز الدين
وبدموع ووجع وقهر.. انا اهون عليا انه يموت بشرف ولا إنه يعيش قاتل و مجرم وانا افضل عايشة طول عمري بذنب البنت الغلبانة دي
@@@@@@@@@@@@@@
✍️الحلقه ال٥ انتهت🤚 نكمل بكره ان شاء الله🙏
✍️✍️✍️توقعاتكم👇👇👇
👈ايه رأيكم في الحلقه وفي احداثها؟؟؟
👈مازن هيعمل ايه مع البنت اللي شافها وايه اللي هيحصل بينهم؟؟؟
👈همس هتفوق ولا لا... وايه رده فعل ابراهيم وحنين بعد مايعرفوا اللي بنتهم فيه ويشوفيها كدا ؟؟؟
👈ايه حكايه صقر وبسنت وهحكايتهم هتودينا لغايه فين؟؟؟
👈رعد هتبلغ ابراهيم فعلا ولا هيحصل ايه... وفعلا رعد هتقدم فهد ابنها للمحاكمه العسكريه ولا ايه اللي هيحصل حاجه تانيه تخالف كل التوقعات والاراء؟؟؟
🌴🌴🌴🌴🌴🌴🌴🌴🌴🌴🌴🌴🌴
