رواية زهرة أصلان كاملة جميع الفصول

💞#الحلقه_ال٦_من_روايتكم 💞 

    💞#معركه_عشق_الحيتان(#ج٣_لعذاب_رعد) 💞

         💞 #بقلم_ملكه_القلوب_دي_دي_فتحي 💞

اللَّهُمَّ يَا بَارِئَ البَرِيَّاتِ ، وَغَافِرَ الخَـطِيَّاتِ ، وَعَالِمَ الخَفِيَّاتِ ، المُطَّلِعُ عَلَى الضَّمَائِرِ وَالنِّيَّاتِ ، يَا مَنْ أَحَاطَ بِكُلِّ شَيءٍ عِلْماً ، وَوَسِعَ كُلّ شَيْءٍ رَحْمَةً ، وَقَهَرَ كُلّ مَخْلُوقٍ عِزَّةً وَحُكْماً ، اغْفِرْ لِي ذُنُوبِي ، وَاسْتُرْ عُيُوبِيَ ، وَتَجَاوَزْ عَنْ سَيِّئَاتِيَ إِنَّكَ أَنْتَ الْغَفُورُ الرَّحِيمُ.

                             💞قرأه ممتعة 💞

وبعد وقت ليس بكثير رعد فاقت تاني و انتبهت لوضعها وبتحاول تنزل من علي السرير يامن منعها بس هي أصرت و نزلت

 وبجدية... انا متعودتش اهرب من الحرب حتي لو انا هكون الطرف الخسران و لازم اتصل علي ابراهيم أبو همس لانها لو مفقتش وحصلها حاجة انا بنفسي هقدم إبني للمحاكمة العسكرية بتهمة الشروع في قتل همس ابراهيم عز الدين

وبدموع ووجع... انا اهون عليا انه يموت بشرف ولا إنه يعيش قاتل و مجرم وانا افضل عايشة طول عمري بذنب البنت الغلبانة دي

وفعلا خرجت برة الاوضة اللي كانت فيها واتصلت علي ابراهيم و قالت له انها لقت همس بس هي تعبانة شوية و في مستشفى؟ ... و قبل ما ابراهيم يرد رعد قفلت التليفون لأنها مش عايزة تطمنه بالكدب و تضحك عليه وفضلت انه يجي بنفسه يشوف كل شئ علي الطبيعة

 

وابراهيم دموعه نزلت بوجع و حزن و خوف واتأكد ان احساسه صح وان فعلا بنته جرالها حاجة نزل من الفندق إللي كان فيه يجري واخد تاكسي و راح علي عنوان المستشفي إللي رعد قالتله عليه

وبعد وقت ليس بكثير

ابراهيم كان وصل المستشفي و دخل يجري... لقا رعد و يامن واقفين في الطرقة و رعد واقفة وساندة دماغها علي الحيطة و مغمضة عيونها و مربعة ايديها حوالين صدرها وباين علي وشها التعب و الارهاق و الحزن

وابراهيم أول ما شافها ولسة هيقرب منها بعنف 

يامن وقف في وشه وبتحذير... اياك تقرب من مراتي فاهم

ابراهيم بعنف وغضب... انت اللي مش فاهم إن لو بنتي جرالها حاجة و كانت هي السبب مش هرحمها ولا هرحم اي حد فاهم؟؟؟

رعد بعدت يامن و بجدية و هدوء... وانا مستعدة لأي حاجة من إللي انت هتعملها

ابراهيم بخوف و رعب... معني كلامك ان بنتي فعلا حصلها حاجة و وقع علي الارض

و رعد نزلت لمستواه علي ركبتها وبجدية و حزن... قوم شوف بنتك وان شاء الله هتكون كويسة هي محتجالك دلوقتي اكتر من اي وقت تاني

ابراهيم بصلها بدموع و وجع و حزن... بنتي حصلها ايه ارجوكي قوليلي و متخبيش عليا

رعد شدته من دراعه قومته... ادخلها ساعدها تتخطي اللي هي فيه وان شاء الله هتبقي كويسة و نادت علي ممرضة من اللي واقفين

 وبجدية و ثبات... ده بابا المريضة اللي في العناية لو سمحتي دخليه لها

الممرضة بجدية... تمام يا فندم هلبسة لبس التعقيم حاضر و ادخله

 و لحظات و ابراهيم الممرضة لبسته لبس التعقيم و دخلته لهمس وأول ما دخلها وشافها و أسلاك كتير متوصلهالها حس انه عجز ٥٠ سنه لقدام وحس ان رجله مش شيلاه ووقع علي الارض تاني 

*****************************

✍️✍️عند دي دي و أدم في الشركة👇👇

أدم قعد بتوتر و تردد عشان يقول لدي دي علي اللي هو سمعه من مالك وفعلا تشجع و حكي لها عن كل إللي دار بينهم هما الاتنين

 و دي دي بصدمة و ذهول... علي فكرة انت كداب كداب... لان مالك عمره ما يقول كدا أبدا انت متعرفش لما كان عندي من شوية عمل ايه ولا قالي إيه وأنا أول مرة أتأكد انه هو بيحبني اوي كدا والدليل علي حبه انه هيقرب ميعاد فرحنا

أدم بخوف و جدية... ارجوكي يا دي دي بلاش تقعي في الفخ بتاعه ارجوكي هو هيدمرك وهيجرح قلبك وانا مش هتحمل اشوفك كدا أبدا

دي دي بعنف و غضب... لو سمحت يا أدم الزم حدودك في الكلام عن خطيبي مش عشان وافقت اني اخرج معاك تبقا تدي لنفسك كل الحقوق... مالك ده حب حياتي اللي فتحت عيوني عليه و علي حبه وانا مش مستعدة اتنازل عنه عشان كلام غيرة و حقد وغل منك انت... لاني انا بكل تاكييد بحبه هو و مبحبكش انت واوعي تفتكر اني مش عارفة اللي جواك ايه ليا عشان افعالك كشفاك بس للأسف

أنا مفيش في قلبي غير مالك وهو اللي ليه قلبي وعقلي وحياتي وعمري كله من و انا لسة طفلة في اللفة و هو مالك السيوفي... ومستحيييل بغيره هقبل ولا هرضي وياريت الغل و الغيرة و الحقد اللي مالي قلبك لمالك تحطهم علي جنب يا إما هتخسرني كأخت ليك زي ما خسرتني كاحبيبه ليك أظن كلامي واضح و مفهوم وتاني مرة تلزم حدودك معايا في الكلام عن خطيبي و حبيبي اللي كلها شوية صغيرين و يبقا جوزي

أدم غمض عيونه بوجع و حزن و قلبه اتكسر ميه حته😔... من اتهام دي دي ليه هو كان راضي بحبه ليها حتي لو هي مبتحبوش علي أساس ان مالك بيحبها زي ما هي بتحبه بس صعب عليه يلاقي حبيبة عمره واحد زي مالك واخدها لاغراض دنيئة زيه و بعدها يرميها ويجرح قلبها... و هو مكنش عايز منها حاجة هو كان عايز يبعدها عن دايرة مالك السيوفي و قذارته بس هي للأسف طعنته بخنجر مسموم وهو لا حول ليه ولا قوة😔

وهو مازال علي شروده و مغمض عيونه فتحها علي فتح باب مكتب دي دي وكان مالك اللي جاي يكمل خطته و أول ما بص لوش أدم فهم انه حكي ل دي دي اللي حصل بينهم و دي دي صدته و دافعت عنه

 وقرب منه و بشماتة وبهمس... عجبك كدا يا دومي عجبك كدا إللي انت عملته في نفسك ده عجبك طب كان ليه من الأول ويلا استعد بقا للفترة الجايه هتكون ضرباتها اقوي و اقوي وبغمزه ووقاحه في التعبير... ماهي معركه ولازم واحد فينا اللي يكسبها وخلاص كلها ايام وانا اللي اكسب المعركه دي وانت وقلبك تفضل تتحسر علي اللي باقي من عمرك وهتعيشه في وجع وعذاب... وبابتسامه خبيثه... وانا هكون اخدت حبيبتك وامتع نفسي بيها وبعدين ارميها زيها زي غيرها 

و رفع وشه و بغمزة ل دي دي... هاا يلا يا دي دي قلبي يلا عشان هستأذن من طنط رعد واونكل يامن و نخرج نتغدا في اي مكان النهارده ويكون من اختيارك وعلي مزاجك لاني انا من النهارده وكل يوم هكون تحت امرك في اللي انتي بتطلبيه يادي دي قلبي انتي 

دي دي بذهول و دهشة... ايه نخرج نتغدي برا انت بتتكلم جد ولا بتهزر

مالك بمكر و خبث وقرب منها و قرصها من خدودها... تؤ تؤ تؤ لا مش بهزر يا دي دي قلبي مش بهزر انا بتكلم جد الجد يلا بينا بقا عشان منتاخرش

دي دي بطفولية... طب كنت قولي يا ميمو كنت عملت حسابي ولبست طقم تاني يليق بالخروجة دي هو انا يعني هخرج كل يوم معاك دا نادرا لما بتخرجني

مالك بمكر وخبث... مين قال ان اللي انتي لبساه ده وحش ده هياكل منك حته وبعدين كل يوم من ده خروجات لغاية لما تزهقي مني خالص

دي دي بحب و فرحة و اتعلقت في رقبة مالك... ربنا يخليك ليه يا مالك قلبي بس انا عمري ما هزهق منك أبدا لانك انت حبيبي و كل حياتي

👈و ده كله قدام عيون و مسمع أدم اللي خلاص حاسس ان قلبه هيقف من كتر الوجع إللي هو حاسه😔 وحتي مش قادر يقوم من مكانه

و دي دي انتبهت لوضعها وبعدت عن مالك اللي بيبص بنظرات انتصار لآدم اللي قام وقف و خرج من المكتب بخطوات سريعة

و مالك بمكر و سؤال... دي دي هو أدم كان هنا ليه ؟؟

دي دي بهروب و توتر... لا أبدا يا حبيبي مفيش حاجة يلا بقا قولي هتوديني فين

مالك بمكر و خبث... هوديكي مكان هيصدمك أول ما تشوفيه

دي دي سؤال... فين يا حبيبي المكان ده

مالك بمكر اكتر... لما تروحيه هتعرفي يا حبيبتي يلابينا

**************************معركه عشق الحيتان... الجزء ٣ لعذاب رعد... بقلمي ملكه القلوب... دي دي فتحي 

✍️✍️عند همس في المستشفي👇👇

ابراهيم بعد ماوقع علي الارض ولحظات وانتبه لوضعه وقام وقف قدام همس في العناية و حاسس ان قلبه هيقف من كتر الخوف والرعب علي بنته و قرب منها بخطوات مميته وقعد جنبها علي السرير وايد مسكت ايديها و ايده التانية بتملس علي وشها بحزن و وجع و بدموع... قوليلي يا حبيبة ابوكي ايه اللي حصلك و مين إللي عمل فيكي كدا واذاكي بالشكل البشع ده قوليلي يا بنتي قوليلي ياحبيبتي 

وبدموع اكتر و وجع... اوعي يا همس تسيبي هيما اوعي تسبيني أعيش بحرقة قلبي عليكي عارفة امك اتصلت بيا كام مرة عشان تطمن عليكي و عارفه هتتجنن ازاي عليكي

ارجوكي يا همس افتحي عيونك و خليكي قوية و شرسة زي ما طول عمرك قوية و شرسة انتي طول عمرك رافعة راسي لفوق وبفتخر بيكي و بقول عليكي انك بنت ب ميت راجل و مطمن علي اخواتك من بعدي عشان انتي اللي هتراعيهم و تحميهم من غدر الدنيا و شرها

قومي يا همستي قومي يا همسة ليلي قومي

بس للأسف لا حياه لمن تنادي و ابراهيم فضل جنبها دموعه نازله و بيكلمها و بس

*****************************

✍️عند أسر و دينا 👇👇

دينا خرجت من عند رئيس الجهاز هتجنن من طلب أسر ابنها ومش مستوعبه ازاي عايز يعمل كدا ويبعد عنها بشكل ده ومن غير حتي ما تعرف مكانه ولا عنوانه و ازاي هانت عليه هي وباباه انه يسبهم إللي باقي من عمرهم طب هايعيشوا ازاي من غيره

روحت و هي مش عارفه تعمل ايه ومخها عاجز عن التفكير... بس قالت لنفسها انها لازم تواجهه لانها مش هتقدر تتحمل بعده عنها ولا ثانيه واحده مهما كان التمن

ووصلت فيلاتها و طلعت علي اوضة أسر خبطت ودخلت لقيته بيجهز شنطه هدومة و بيحط فيها حاجات اساسية ميستغناش عنها... عرفت انه فعلا لو هيبعد هيبعد ومش هيرجع تاني

دينا بحزن و سؤال تكاد عارفه اجابته... أسر انت بتعمل ايه؟؟؟

أسر بعدم لامبالاه... زي ما انتي شايفة كدا بجهز شنطتي عشان مسافر

دينا بحزن ووجع... مسافر فين و ليه انا معرفش بسفرك ده

أسر بهدوء عكس اللي جواه...أكيد كنتي هتعرفي في الوقت المناسب

دينا شدته من ايده بعنف عشان يبص لها لانه كان بيكلمها وهو مشغول بتجهيز شنطته... وبغضب وصوت عالي...لما اكلمك تبصلي وانا بتكلم انا أمك ولازم اعرف اي شي يخصك قبل أي حد لانك ابني وانا الوحيده اللي من حقي اعرف كل حاجه عنك

اسر شد ايده منها و بعنف و غضب اكتر منها... ابنك ؟؟؟وبتهام وشك... انتي متاكدة من الكلمة دي ؟؟؟

دينا بستغراب ودهشه و سؤال... يعني ايه متاكدة دي... انت تقصد ايه وضح كلامك

اسر بعنف وغضب.... يعني انا مش عارف انا ابنك ازاي

 وفيه مشاعر جوايه لكنزي اللي المفروض تبقا خالتي 

وبوجع وحزن... عارفه يعني ايه انا بحب خالتي؟؟؟ 

يعني انا يا إما انسان مش طبيعي...او يااما انا ابن حرام ومش ابنك فاهمه مش ابن... 

ولسه هيكمل... دينا ضربته بالقلم وبعنف وغضب... اوعي اسمعك تقول الكلمه دي تاني فاهم فاهم انت ابني وحبيبى واخويه وصاحبي وكل حاجه ليه في الدنيا دي

اسر مسكها من دراعها و بدموع وصريخ ... طب ليه انا بحب خالتي عارفة يعني ايه بحبها... يعني أكيد هي مش خالتي و طالما هي مش خالتي تبقي انتي مش امي مش امي و انا أكيد إبن حرام ابن حرام...وبدموع وكسره وقهر... ليه طول عمري حاسس انه في سر كبير انتي مخبياه عليا ليه

وبصريخ اكتر وهستريا... بس اللي مكنتش اتخيله اني ابن حرام انا ابن حرام و قعد علي السرير و حط وشه بين ايديه و عيط بوجع و قهر 

و دينا واقفه دموعها نزلة و مغرقة و شها و جريت عليه و حضنته اوي و بدموع ووجع.... متقولش كدا يا حبيبي انا قولتلك انت ابني و حبيبي...و انت ابن عمري... اوعي تقول كدا تاني اني مش امك اوعي يااسر حرام عليك ياابني كسرت قلبي ميت حته بكلامك ده

أسر بدموع وحزن ووجع...انا بتعذب يا ماما قلبي بينكسر في الدقيقه الف مره لان عقلي و كياني و كل حاجة فيا رافضه تصدق ان كنزي تبقا خالتي و بصريخ و دموع... كنزي مش خالتي يا ماما مش خالتي 

 لأن أنا بحبها و بعشقها والله بحبها وبعشقها ومش قادر اتصور حياتي من غيرها ومش قادر اكمل في اللي انا فيه ده عشان كدا هبعد وهبعد بعيد اوي 

وبدموع اكتر ورجاء... بس ارجوكي تقوليلي انا ابن مين قبل مااسافر واوعدك اني مش هرجع هنا تاني ارجوكي ياام... وسكت ومكملش كلمه امي

 

دينا كل حصونها انهارت وقوتها راحت لان خلاص مفيش اي حاجه في دنيتها توجعها اد من انها تتحرم من كلمه امي دي وهي عايشه وقررت تعترف لاسر بالحقيقه ومش مهم اللي هيحصلها بسبب كلامها ده المهم ان تزيح الهم والحزن والعذاب اللي مالي حياه ابنها وتقولها كل حاجه 

واسر لما لاقاها طولت في سكوتها وسكوتها ده وصله انه علي حق وانه فعلا ابن حرام وقام ولسه هيشيل شنطه ويمشي 

دينا شدته قعدته تاني وضمته لحضنها اوي اوي

و بدموع وبحب وصدق... انت صح يا حبيبي انت صح كنزي مش خالتك مش خالتلك ابدا

أسر بصدمه ودموع وقهر... يعني انتي مش أمي فعلا مش ممكن مش ممكن؟؟؟

دينا بدموع ووجع اكتر ... لا يا حبيبي انا امك والله امك وانت ابني... وحكيت لاسر علي الجرح اللي كانت فاكرة انه اتداوا مع الايام واتقفل... بس لاسف الجرح عمره ماهيداوا غير لما صاحبه يداويه الاول مش يسيب جرحه مفتوح ويفضل ينزف مع الايام او حد غيره يتعذب بالجرح ده 

و بعد ما خلصت حكيتها وبحزن ودموع... والله يا حبيبي كنت هقولك الحقيقه دي مهما كانت النتائج لاني كنت حاسة بيك و بمشاعرك بس كنزي هي اللي رفضت و خافت عليك من معرفتك الحقيقه دي

أسر بستغراب وصدمه ... كنزي!!! هي كانت عارفة

دينا حكيتله علي اللي حصل بينها و بين كنزي و قالتله... ان كنزي اعترفتلها انها كمان بتحبه بس خافت عليك و عشان كدا مخلتنيش احكيلك حاجه ابدا

اسر بحب وحنان وحزن وباس جبين دينا... اوعي ياامي تفكري ان بعد معرفتي للحقيقة دي اثر علي اي حاجه عندي ابدا يا حبيبتي مكانتك زادت اضعاف واضعاف في قلبي وان شاء الله الامور هتتيسر وهتتحل علي خير وسلام 

وشرد بدماغه و لمعت في دماغه فكرة مجنونة ولنفسه... بقا كدا يا كنزي بقا كدا... مااااشي يا كنزي ماشي انتي تعملي فيا كدا...طيب اتحملي بقا اللي انا هعمله فيكي

 والله لاخليكي تعدي النجوم في عز الضهر وهدفعك تمن عذابي في حبك غالي اوي... وياانا ياانتي ياكنزي ان ماجننتك وخليتك تعترفيلي بالحقيقه بنفسك وتقوليلي ارحمني من اللي انا هعمله فيكي مبقاش انا المقدم اسر علي سن ورمح👏👌👏

وبغمزه لدينا... سلام بقا ماما عشان اروح لخالتووووووه🤭🤭🤭وأعلن عليها معركه عشق الحوت أسر🤭🤭

******************************

✍️عند البنت اللي مازن شافها و هو راجع من كليته👇

مازن راح لها و قرر ميروحلهاش بالعربية عشان متحسش إنه اعلي منها و راح لها بتاكسي و فضل واقف بعيد عن شغلها

وبعد حوالي ساعتين من وقفته و كمان كان عدا ميعاد خروج البنت من شغلها و الشمس كانت ضربت دماغ مازن وحس انه هيغمي عليه من كتر الشمس اللي اخدها علي دماغه🤭و قرر يدخلها الحضانة اللي هي شغالة فيها و دخل و بسؤال للبواب... بقولك ايه يا كبير

البواب باستغراب... قول يا صغير

مازن بضحك😂... اااالله هو انت بتنكت

 البواب بغيظ... امال اسيبك تنكت لوحدك ولا ايه 

مازن بضحك😂... طب براحة عليا متزقش و بسؤال... طب بقولك

البواب بترقب... قول يااخويه عشان تهاوينا 

مازن بضحك😂... هو انا لو سألتك وقولتلك هما كل اللي في الحضانة مشيوا هتزعل مني ؟

البواب بجدية... و هزعل منك ليه يا اخينا انت هما فعلا كلهم مشيوا مفضلش غير بنت جوه و معاها ولد أهله متاخرين عليه ولسه مجوش يخدوه لغايه دلوقتي و هي متذنبه بيه لغايه لما أهله يجوا ياخدوه

مازن بمكر... ما أنا اهل الواد ده و جاي اخده

البواب بجدية... بس انا أول مره أشوفك هنا يا اخينا انت متكونش حرامي

مازن بتوتر... لا لا حرامي ايه قصدي اقولك ان اهل الولد خلوني اروح استني معاه في الحضانة لغايه لما يجوا ياخدوه أصل انا شغال عندهم

البواب بجدية وتفكير🤔... شغال عندهم و حليوة و متعايق ومسبسب كدا

مازن بضحك😂... هو انا كدا بالنسبالك متعايق اللهم صلي على النبي🤭

البواب بنفاذ صبر... عليه أفضل الصلاة والسلام بقولك ايه يا اخينا انت ادخل جوه هتلاقيه مع الداده إللي جوة 

 مازن بضحك😂... احبك وانت فاهمني كدا

ودخل جوه و فضل يدور لغاية لما لاقا البنت قاعدة و قاعد جنبها ولد في حدود ٥ سنين وهي شاردة في عالم غير العالم

مازن قرب منهم وبضحك😂... بقا انت هنا يا جزمة و ملففني عليك دانا قلبت الدنيا عليك ياجذمه انت

البنت فاقت علي صوت مازن و بجدية و استغراب... انت ايه اللي جابك هنا انت اكيد اتجننت

مازن تجاهلها و ضرب الولد ضربه خفيفة علي افاه...وبمكر عارف لولا الانسة الحلوه اللي جنبك دي كنت علقتك من قفاك ده والله

الولد بلماضة و طفولية... تعلق مين يا عم انت دا انا كنت علقتك من رجليك علي بوابه الحضانه دي

مازن بدهشة... ولد بتقول ايه يا جزمة انت

الولد بهجوم... بقولك ايه يا عم انت شكلك عايز تتروق وبعدين مين إللي جزمة هااا مين؟؟

مازن بضحك😂... يخربيتك انت طفل ولا واحد كبير و متنكر في طفل

الولد بمكر... خلاص تعالا متزعلش و دخلني الحمام اللي هناك ده عشان اعمل بيبيه

مازن بغيظ... ما تروح يا اخويا هو انا المسئول عن البيبيه بتاعك ولا ايه اما انت واد فتت ورخم صحيح 

الولد بلماضة اكتر... لا مش انت المسئول بس انت راجل زيي وانا عايز اعمل بيبيه ومش عارف اطلب من ميس،،، بسنت،،، انها تدخلني الحمام وماما اتاخرت عليه عشان تيجي تاخدي وانا دلوقتي عايز اعمل بيبيه 

مازن بابتسامة ومكر... ميس بسنت مين يا حبيبي

الولد بغيظ و بيبص للبنت إللي قاعدة جنبه... ميس بسنت دي يا عم انت باين مخك تخين و مبتفهمش حاجة

مازن بغيظ اكتر... ولاااا انت هتهدي و تقول هديت ولا اعمل معاك الجلاشه... و بيبص للبنت و بتوهان ومكر... الله اسمك بسنت اسمك يجنن زي شكلك بسنت و الدلع بوسه💋 مش كدا🤭😂😂😂

بسنت بعنف وغضب... ما تحترم نفسك يا بني أدم انت هو انت عشان دينتني هتسمح لنفسك تتعدا حدودك ولا ايه

مازن بتوهان في عيونها... مااازن اسمي مازن وبيدلعوني ويقولولي ياميزو🤭 و ربنا يقدرني يا رب و اغرقك من دلعك يابوسه ياحلوه انتي

والولد بيشد في هدوم مازن و بغيظ... عم إنت عم انت تعالي معايا اعمل بيبيه تعالي معايا اعمل بيبيه 

مازن بتوهان و هو مازال بيبص علي بسنت... هشش ياااد غور من هنا و روح اعملها علي اي جنب واخلص🤭😂😂😂🙆‍♀️🙆‍♀️🙆‍♀️

الولد بمكر... خلاص هعملها هنا قدامكوا كدا كويس

مازن بغيظ منه... اعملها كدا وانا اقسم بالله اعلقك من افاك بجد

الولد برجاء... يا عمو ارجوك تعالي معايا بقا مش قادر هعملها علي نفسي وربنا

مازن باستسلام... تعالي يا اخويا الله يخربيتك و بيت عمو اللي هو انا في يوم واحد ولو اني انا مش عمك ولا عمري شفتك بس تعالي ولسه هيمشي

بسنت بجدية... انا هاجي معاكوا لان الولد في عهدتي و مينفعش اسيبه لوحده

مازن بضحك😂... يعني انا و هو و البيبيه بتاعه هنروح فين يعني 🤔

احنا قدامك اهو يلا يا ابني يلا عشان منتاخرش علي بوسة الحلوة دي و مشي مع الولد🤭

و بسنت قعدت و عيونها عليهم ولحظات و تليفونها رن و أول ما بصت علي التليفون عيونها لمعوا بالدموع وقررت متردش... بس،،، صقر،،، اتصل تاني وتالت و بعتلها رسالة انها لو مردتش عليه هينزل فيديوهاتها

وبسنت اضطريت ترد و بدموع... ارجوك ارحمني بقا وابعد عني انت عايز مني اية

صقر بمكر و خبث... هعوز منك ايه يا بوسبس يا حلوة انتي وحشاني بس وعايز اخدك في حضني زي زمان هااا هتيجي امتى... وبمكر وخبث اكتر... ولا اجيلك انا اخدك من علي ناصيه شارعكم زي زمان؟؟؟ 

بسنت بعنف وغضب... انا عمري ما هجيلك تاني فاهم خلاص أنا قرفت منك و من نفسي و مبقتش قادرة أكمل وبعدين انت خلاص طلقتني يبقا ابعد عني بقا و سبني في حالي

صقر بمكر و خبث... هو انا كنت اتجوزتك عشان اطلقك هو انتي هتتبلي عليا ولا ايه... كل الحكايه ان احنا اتسلينا مع بعض شوية و زهقت منك و بعدتك عني ودلوقتى انتي وحشتيني و عايزك و متقلقيش مش هأخرك علي الست الوالده كتير... ولو شيطانك وزك ومجتيش هنشر الفيديوهات بتاعتك و هبعت نسخة منهم لست الحبايب وهي أول ما هتشوفها هنترحم عليها كلنا علي طول

بسنت بصدمة و دموع... انت بتقول إيه احنا اتجوزنا عرفي

صقر بمكر... مش صقر الحسيني اللي يتجوز عرفي يا حلوة انا لما اعوذ اتجوز أتجوز ست ستك وتكون بنت ناس و من مستوايا مش وحده قضيت معاها كام ليلة فوقي لنفسك يا بوسبس فوقي لنفسك قبل ما احصرك علي امك الغالية قدام عيونك الحلوه

وساعتين من دلوقتي تيجيلي الشقة اللي انتي حفظه عنوانها كويس يا إما هنشر صورك و فيديوهاتك وهبعتها لست الحبايب وقفل السكة في وشها

وبسنت حطت ايديها علي وشها وعيطت بوجع و شهقات و مازن كان جه هو و الولد اللي معاه و قرب منها و صوت عياطها و شهقاتها قطع نيات قلبه... وقعد جنبها و بتردد و خوف عليها... مالك يا بسنت مالك صدقيني مفيش حاجة تستاهل دموعك و حزنك ده

بسنت كانت في عالم غير العالم ومحستش بنفسها غير و هي رامية نفسها في حضن مازن و عيطت بصوت عالي و مسموع و شهقاتها كانت سكاكين بتقطع في قلب مازن و هي مكملة في عياطها ومش مصدقة ان صقر بحكارته يعمل فيها كدا بعد ما حبيته و عشقته يعمل فيها كدا حتي استكتر عليها ورقة جواز عرفي و خلاها عاهرة زي أي عاهرة مش مصدقة ان قصة حبها إللي كتير اتمنيتها تكون زي الروايات والخيال تنتهي بكدا مش مصدقة انها تعرف انها مش متجوزة صقر و تروحله برجليها و تقدم له نفسها علي طبق من دهب تاني يا إما هيفضحها

قلبها و عقلها مش مستحملين اللي هي فيه من وجع و قهر و من كتر وجعها و وجع قلبها اغمي عليها في حضن مازن

 اللي اتكلم بحزن و وجع.... هششش خلاص والله كل حاجة هتتحل شاركيني بس اللي عندك وانا هساعدك و هقف جنبك و احميكي من اي شئ يأذيكي بس انتي احكيلي

الولد إللي واقف معاهم وبجدية... ميس بسنت نامت يا عمو ميس بسنت نامت ياعمو

مازن خرجها من حضنه و بخوف و قلق عليها... بسنت بسنت مالك يا حبيبتي ولقاها مغمي عليها وشالها و جري بيها لبرا و الولد طلع يجري وراهم

 و مازن وصل عند بوابه الحضانة وبجدية للبواب... خلي الولد ده معاك علي ما اهله يجوا يخدوه 

و طلع يجري ببسنت و وقف تاكسي و ركب وقال للسواق يوديه اقرب مستشفى بسرعه 

*******************************

✍️✍️في المستشفي عند همس👇👇

ابراهيم فضل يكلم همس كتير و وهو مازال ماسك ايديها همس استجابت لكلامه وحست بيه و بدموعه و وجعه و حزنه

 و فتحت عيونها بضعف وتعب شديد و بهمس و توهان... بابا بابا انت فين يابابا انا محتاجلك اوي و غمضت عيونها تاني

وابراهيم شالها و ضمها جامد و بدموع و فرحة... انتي فوقتي ياهمس انتي فوقتي ياحبيبتي انا معاكي و جنبك يا همس قلبي و عمري ما هسيبك تاني ابدا يا همستي

و خرج بسرعة و بصريخ انا عايز الدكتور عايز دكتور

يامن و رعد قربوا منه بسرعة وبقلق وجدية... في ايه و ايه اللي حصل

ابراهيم بدموع و فرحة... همس فاقت بس غمضت عنيها تاني مش عارف ليه

رعد بفرحة... الحمد لله انها فاقت ان شاء الله هتبقا كويسة

و يامن لسه هيتكلم قاطعة حضور الدكتور اللي دخل بسرعة و ابراهيم و رعد و يامن دخلوا وراهم و من غير حتي مايتعقموا والدكتور كشف علي همس و بص للاجهزة وبجدية... سبحان الله دي معجزة ان نبض مريض يكون ضعيف كدا و ترجع للحياة تاني

ابراهيم بدموع... بنتي طول عمرها قوية و مفيش حاجة تقدر تغلبها ولا حتي الموت وبرجاء للدكتور... ارجوك طمني عليها هي عاملة ايه دلوقتي 

الدكتور... ان شاء الله بعد ساعتين هكشف عليها تاني و اطمنكوا عليها حمد لله على سلامتها و سابهم و خرج

وابراهيم قعد جنب همس تاني و يامن شد رعد لحضنه و بجدية... الحمد لله يا حبيبتي انها فاقت ارجوكي هوني عن نفسك بقا ارجوكي 

رعد بدموع... الحمد لله انت متعرفش انا كنت خايفة يحصلها حاجة ويكون السبب فهد ويتعدم بسببها

يامن... ان شاء الله خير يا حبيبتي ممكن تروحي بقا ترتاحي شوية انتي بقالك كتير واقفة علي رجلك دا غير إن ضغطك مش متظبط اصلا وانا هفضل جنبها هي و بابها

رعد بجدية و تصميم... لا انا مش همشي غير لما همس تفوق تاني واطمن عليها انها بقت كويسة والخطر زال من عندها وبعد كدا همشي

يامن مع اصرارها مرضيش يضغط عليها اكتر من كدا وسابها تطمن عليها

وبعد حوالي ساعتين الدكتور جه تاني و همس بدأت تفوق و بتبصلهم بتوهان 

 و الدكتور كشف عليها وبجدية... انا عايز اعملها اشعة علي مخها

رعد و يامن وابراهيم بدهشة و ذهول... اشعة علي مخها ليه هي مخها ماله

الدكتور بجدية اكتر... انا هعملها أشعة وبعدين هقولكوا هي فيها ايه بس أتأكد الاول يمكن يكون شكي مش في محله

ابراهيم بخوف و قلق... بنتي فيها ايه ارجوك طمني

الدكتور بجديه... ان شاء الله أطمنك بعد ما اعملها الاشعة

وفعلا عملوا لهمس أشعة علي دماغها

 وابراهيم و رعد و يامن بترقب وسؤال... خير يا دكتور طمنا همس فيها ايه

الدكتور بجدية و اسف... انا اسف بسبب اللي هقوله بس المريضة اتعرضت لضغط نفسي و عصبي جامد و... وسكت

ابراهيم بخوف و ترقب... و ايه سكت ليه يا دكتور بنتي حصلها ايه انطق

الدكتور بجدية و أسف... للأسف الضغط العصبي و النفسي إللي بنتك اتعرضت له سبب لها تخلف عقلي(جنون)بسبب الضغط النفسي علي عقلها وعدم استيعابها للواقع إللي هي اتعرضتله 

مع انى مش عارف سبب اللي هي وصلتله ده ايه بس مؤكد انه ضغط عصبي شديد

ابراهيم بدموع و توهان...بس هي لما فاقت اول مره كلمتني وكانت بتنادي عليه... وبدموع اكتر... يعني بنتي هتعيش باقي حياتها كدا مش ممكن مش ممكن

رعد بصت ليامن و دموعها نزلت بوجع و حزن وقهر علي اللي ابنها وصلهم ووصل البنت ليه

الدكتور بجديه... اكيد عقلها الباطن اللي كان بينادي عليك قبل ماتتعرض للضغط النفسي والعصبي الجامد ده... وللأسف استجابتها للعلاج يتوقف علي حالة المريضة و عقلها الباطن و مدي ارتباطها بالواقع اللي هي عايزة تعيشه يعني احنا لازم نجاريها في كل اللي هي عايزاه عشان نقدر نعالجها و نأخد بالنا منها كويس لان عقلها الباطن والانا بيكونوا في الحاله دي بيلحوا علي مريض التخلف العقلي بالانتحار و الهروب من الواقع المرير إللي هو بيعيشه و هيعيشه باانه ينهي حياته

ابراهيم لسة هيرد قاطعة همهمات همس اللي الكل قرب منها عشان يسمع هي بتقول ايه

 و همس همهمت بتعب و توهان وفتحت عيونها ببط... انا عايزة جوزي انا عايزة جوزي... و فتحت عيونها اكتر و بتبص للي حواليها بتمعن و بسؤال و تعب... فين جوزي مجاش معاكم ليه فين جوزي

ابراهيم بتوهان و دهشة و صدمة... جوزك مين ده اللي انتي عايزاه يكون معانا

همس بتعب وبتبص لنفسها... انا عايزة مراية عشان اسرح شعري و عايزة فستان حلو البسه قبل ما جوزي يشوفني كدا ويزعل مني عشان هو وعدني هيفسحني النهاردة و هيركبني المرجيحة و يجيب لي غزل البنات يلا بسرعة هاتولي المراية و الفستان قبل ما جوزي يجي عشان ياخدني

ابراهيم بذهول و دهشة اكتر... جوزك مين ده و ياخدك فين

همس بتعب... جوزي § فهد § فهد و هياخدني يفسحني الاول ويعملي كل اللي هو وعدني بيه وبعدين ياخدني معاه على بيتنا

رعد بصت ليامن بصدمه ودهشه وبعدم استيعاب وبتوهان وشرود.... فهد!!! وهيفسحها ويركبها المرجيحه ويجبلها غزل البنات... ده انا متهيألي هتجننا كلنا معاها وكل واحد فينا هيكون له نصيب من جنانها ده

  بس الظاهر ان الفهد هيكون ليه نصيب الاسد من جنانها ده

@@@@@@@@@@@@@@@

✍️انتهت الحلقه ال٦ 🤚نكمل بكره ان شاء الله🙏

✍️✍️توقعاتكم👇👇

👈ايه رايكم في الحلقه وفي احداثها؟؟؟ 

👈مالك هيودي دي دي فين؟؟؟وادم هيستلم علي كدا ولا هيعمل حاجه؟؟؟ 

👈ايه حكايه بسنت مع صقر وهينفذ فعلا تهديده ولا ايه؟؟؟ومازن هيكون موقفه ايه بينهم وحبه وعشقه لبسنت هيكمل ولا هينتهي من قبل حتي مايبدا؟؟؟

👈تفتكروا بعد معرفة أسر الحقيقة هيعمل إيه مع كنزي وايه الفكرة إللي هينفذها ؟؟؟

👈همس بجنانها بتخلفها العقلي هتعمل ايه مع فهد وهيتقبلها ازاي ولا مش هيتقبلها وهتعمل ايه فيهم كلهم؟؟؟ 

🥀🥀🥀🥀🥀🥀🥀🥀🥀🥀

رابط ‏الفصل ‏السابع ‏من ‏هنا

تعديل المقال