نظر لها مالك بسخرية بعد أن ترك الوسادة من بين يديهمالك:وإيه بقي اللي عندك حق فيه
إسعاد:إنت بتجيب بنات البيت
مالك:أولا ده مش بيت دي فيلا فيلتي يعني محدش ليه حكم عليها
إسعاد:مردتش علي سؤالي
مالك:تفتكري بعد اللي حصلي ممكن أدخل ستات فيلتي ولا أثق فيهم أصلا أطمني مستحيل يحصل كده
إسعاد:يا حبيبي أنا عيزاك تعيش حياتك وتنسي بقي إنسي وكفاية كدة
مالك:أنسي هه حاضر هنسي
إسعاد:علي فكرة هي إتجوزت وشافت حياتها شوف حياتك إنت كمان
مالك:مش عايز أتكلم في المواضيع دي أنا كدة مرتاح وعارف أنا إيه وعايز إيه
إسعاد:يابني أنا
مالك:تصبحي علي خير
ثم عاد إلي نومه لتخرج هي وتتركه
عندما تخرج يفتح مالك عيناه ويظل شارد في ذكري يكرهها وكلما تذكرها كره نفسه
***
في الصباح
كان مالك قد إنتهي من إرتداء ملابسه لكنه لم يرتدِ حلته الرسمية وإرتدي ملابس رياضية
خرج من غرفته فوجد إسعاد جالسة تتناول فطورها
عندما رأته توجهت إليه
إسعاد:صباح الخير يا حبيبي
مالك:صباح النور
إسعاد:أنا عارفة يابني إن أعدتي معاك هتدايقك وعشان كدة أنا همشي بكرة كفاية إني إطمنت عليك
مالك:لا خليكي كام يوم
إبتسمت بسعادة لكن إختفت هذه الإبتسامة عندما أكمل
مالك:في موضوع محتاجك فيه وبعدها تمشي
إسعاد:موضوع إيه
مالك:هتعرفي وقتها أنا رايح النادي سلام
إسعاد:مش رايح شغلك
مالك:شغل وأجمل شغل
إرتسمت علي شفتيه إبتسامة إنتصار وذهب إلي حيث يريد
**********************************************
في منزل يارا
دلفت عبير إلي غرفة يارا فوجدتها جالسة علي الفراش حزينة
عبير:مالك يا يارا
يارا:مفيش يا ماما
عبير:لا فيه قوليلي حد ضايقك في حاجة حد داسلك علي طرف
بكت يارا بداخلها وتمنت لو تستطيع أن تقول وتفصح عن ما بداخلها لكن قيوده وتحكمه بها تمنعه تشعر بقلبها ينزف ويتألم فرغم أنها لم تراه سوي القليل من المرات إلا إنها عشقته كعشق عنتر لعبلة أو أكثر من ذلك لكنه جرحها وإختصبها وهي بدون وعيها وكان سبب منعها من كليتها
والآن يجبرها علي الزواج رغماً عنها ليكمل إنتقامه منها وكل ذلك لذمها له من قبل بحقيقته ورؤيتها له
عبير:يارا يا يارا
يارا:ها في إيه
عبير:في إيه إنتي بقولك مالك
يارا:مفيش حاجة
عبير:يابنتي متوجعيش قلبي عليكي حرام عليكي قوليلي في إيه
يارا:أنا كويسة والله يا ماما
عبير:أنا عارفة إني مش هطلع منك بحاجة مفيدة
تنفست يارا بصعوبة وقالت
يارا:ماما كان في موضوع عايزة أكلمك فيه
عبير:إيه
يارا:ماما في حد متقدملي
عبير بإبتسامة:والله خبر جميل ومين بقي سعيد الحظ
يارا:.......مالك النشار
**********************************************
في النادي
في ملعب كرة السلة
دلف مالك إلي الملعب وكان يوجد بعض الأشخاص يلعبون ومنهم آدم الذي إنصدم لوجود مالك
آدم:مالك إنت ايه اللي جابك
مالك:والله أنا عضو هنا يعني من حقي أجي وقت ما أنا عايز
آدم:مممم بس إنت هنا في ملعبي ومعتقدش إنك جاي تتغلب
مالك:تعرف عني إني بخسر في حاجة
آدم:اللي يشوفك وأنت بتتكلم بغرور كدة ميصدقش إنك مهزوم والليلة كله هيبان هه العرض جاهز بس مفيش اللي يعرضوا ولا اللي يصوروا
مالك:هههههه ما تيجي نلعب يمكن أغلبك
آدم بثقة:مستحيل
مالك:خايف
آدم:ما بقولك مستحيل يلا
لعبوا الإثنان سويا وكانت عيناهم مليئة بالتحديات والجميع كان يشاهدهم ويأخذ الخبرة منهم
إنتهت المباراة بينهم بفوز مالك
آدم بتعب:إنت أكيد كنت بتدرب
مالك:ما إنت كمان كنت بتضرب ورغم كدة أنا كسبت أنا اللي كسبت وأنا دايما الكسبان
آدم:مش هيحصل يا مالك
مالك:ههههههههه
ضحك بإستفزاز ثم غادر وعاد إلي منزله
دلف إلي غرفته وبدّل ملابسه من ملابس رياضية إلي ملابس كلاسيكية تليق بالحفلة الليلة التي تختص بعرض شركته وشركة آدم
خرج من غرفته وكان في كامل أناقته وتوجه إلي الفندق الذي سيقام به الحفل
************************************************
إنصدمت عبير عندما سمعت كلام إبنتها لكنها سرعان من صاحت بصوتها منادية علي والدها
عبير:صبري يا صبري
يأتي صبري
صبري بقلق:حصل حاجة يا عبير إنتي كويسة يا يارا
يارا:إهدي يا ماما وأنا هفهمك
عبير:أهدي إنتي خلاص جننتيني قولي إنطقي عملك إيه عشان تطلبي تتجوزيه إنطقي
صبري:جواز!!! ما حد يفهمني الموضوع
عبير:أنا أفهمك الهانم كانت رايحة تشتغل عند البيه اللي طردك من الشركة وزي ما طردك طردها ومقبلش شغلها معاه ودلوقتي جاية تقولي عايز يتجوزها ده معناه إيه
كانت يارا تبكي بقوة خوفا من رد فعل والدها
صمت صبري لبرهة ثم قال
صبري:إطلعي برا إنتي يا عبير
عبير:ماشي بس عقلها وفهمها بالعقل
خرجت عبير وتركتهم
صبري:إعتبري أمك مقالتشي حاجة وعايز أسمع منك
يارا:أنا والله لما روحت أشتغل عنده مكنتش أعرف أنه نفس اللي حضرتك كنت بتشتغل عنده بس ساعتها أنا قليت أدب معاه غصب عني وهو مقبلش شغلي عنده
صبري:قليتي أدب!!!!! ده اللي أنا ربيتك عليه
يارا:مكنش قصدي يا بابا
صبري:وبعدين
يارا:بعدها أنا مشيت من الشركة بس بقي كل يوم بشوفه صدفة وهو كمان كان بيشوفني وبعدها طلب إيدي بس كده
صبري:لو أنا إقتنعت إن اللي قولتيه ده حقيقة إنتي مقتنعة
حاولت يارا أن تخفي وجهها من والدها حتي لا يكشفها بحجة إنها خجولة:وفيها إيه يعني يا بابا إحنا بنحب بعض
صبري:وكليتك عايزة تتجوزي وتسيبيها
يارا:لا طبعا إحنا هنتجوز وهكمل كليتي عادي بس نتجوز يا بابا عشان خاطري أنا بحبه جدا
صبري:ماشي يا يارا أنا مستحيل أقف قدام حاجة إنتي عايزاها عشان لو غلتطي هتتحملي غلطك وتولجهيه أنا طول عمرك بعلمك إنك تعتمدي علي نفسك وتواجهي إي مشاكل تقابلك وعلي حد فهمي إن في حاجة إنتي مخبياها وهي عملالك عقدة وأنا مش هطلب منك تقوليها بس هطلب منك تواجهي مشاكلك وتحليها بالحب مش بالعنف
إبتسمت يارا بحنان وإحتضنت والدها وتمنت لو يظل بجانبها هكذا إلي آخر أنفاسها يدعمها ويعطيها نصائح
يارا:أوعدك يا بابا إني هواجه مشاكلي ومش هستسلم بس إنت خليك في ضهري وساعدني
صبري:أنا معاكي أهو بس محدش ضامن عمره يا بنتي أنا النهار ده معاكي بكرة يا عالم عشان كدة بقولك كل حاجة ممكن تحتاجيها في مستقبلك
يارا بدموع:إنت أب جميل جدا ربنا ما يحرمني منك
صبري بإبتسامة:أروح أنا أفتح الباب عبير واقفة بتتصنط
فتح الباب ليجد عبير بوجهه
عبير:لا لا يا صبري مش هيحصل اللي إنت قولته
صبري:برا بس كدة لينا أوضة تلمنا البت عليها مذاكرة يلا نتكلم هناك
************************************************
في المساء
في الفندق
كان الحضور كثير لتقييم تصاميم الشركتين والجميع كان ينتظر بفارغ الصبر النتيجة
جاء موعد عرض شركة آدم وأعجب الكثير به حتي أنهم لم يتوقعوا أن شركة النشار ستقدم أجمل من هذا لكن كانت المفاجأة
صعدت العارضات واحدة تلو الأخرى علي المسرح وكانت التصاميم أكثر من مدهشة للجميع والجميع إندهش من وجود ستيف ماكوري كمصور ومصمم لشركة النشار
جاء موعد النتيجة وكالعادة فازت شركة النشار مما جعل آدم يغتاظ ويترك الحفل ويرحل بكل وقاحة
أما مالك فإبتسم بإنتصار لفوز شركته وبقائها كما كانت رغم ما واجهته
في ذلك الحين أخرج هاتفه وإتصل بيارا
مالك:مساء الخير إتصلت ومجتش رغم إنه سهل عليا
يارا بصوت حزين:تقدر تيجي تطلبني أهلي موافقين
____________________________________________
في المساء
في الفندق
كان الحضور كثير لتقييم تصاميم الشركتين والجميع كان ينتظر بفارغ الصبر النتيجة
جاء موعد عرض شركة آدم وأعجب الكثير به حتي أنهم لم يتوقعوا أن شركة النشار ستقدم أجمل من هذا لكن كانت المفاجأة
صعدت العارضات واحدة تلو الأخرى علي المسرح وكانت التصاميم أكثر من مدهشة للجميع والجميع إندهش من وجود ستيف ماكوري كمصور ومصمم لشركة النشار
جاء موعد النتيجة وكالعادة فازت شركة النشار مما جعل آدم يغتاظ ويترك الحفل ويرحل بكل وقاحة
أما مالك فإبتسم بإنتصار لفوز شركته وبقائها كما كانت رغم ما واجهته
في ذلك الحين أخرج هاتفه وإتصل بيارا
مالك:مساء الخير إتصلت ومجتش رغم إنه سهل عليا
يارا بصوت حزين:تقدر تيجي تطلبني أهلي موافقين
____________________________________________
تابع الفصل التالى من هنا
