رواية الرقاصة والمعلم الفصل الخامس والعشرون 25 - بقلم اميرة خالد

قالت لها صباح الخير يا ماما ابتسمت تقى

وقالت لها صباح النور يا حبيبتي صاحيه بدري ليه

ردت صفا عشان اروح المدرسه

ردت تقى طب يا حبيبتي خشي اغسلي وشك واغسلي اسنانك وتعالي عشان اعمل لك شعرك والبسك

ردت صفا بفرحه بجد اول مره حد يقول لي هيعمل معايا كده

زعلت تقى على حاله صفا وقالت لها بعد كده انا هعمل لك كل حاجه

ردت صفا بجد يعني انتي مش هتسيبيني ابدا

ردت تقى مش عارفه الدنيا هتوديني على فين بس اوعدك طول ما انا قاعده في البيت ده اخلي بالي منك ومن اخوك

ردت صفا هو ينفع تعيشي معنا على طول

ردت تقى مش هينفع يا صفا انا ليا اخوات لازم اخلي بالي منهم ويلا عشان تروحي المدرسه

دخلت صفا الحمام وهي زعلانه وبعد دقائق خرجت وهي لابسه الهدوم بطريقه غلط

وابتسمت تقى وقالت لها تعالي يا حبيبتي وبدات تعدل لها هدومها وتعمل لها شعرها وخليتها زي القمر

وقالت لها يلا يا حبيبتي خدي شنطه المدرسه وروحي وخرجت صفا وهي مبسوطه

وشافت منار ومالك وحور وهند وقالت منار اتاخرتي ليه كنت مستنياك عشان اعمل لك شعرك

ردت صفا بفرحه خلاص ماما عملته لي استغربت منار الكلام وقالت لها ماما مين يا حبيبتي قصدك نيفين

ردت صفا لا قصدي ماما تقى ابتسمت منار

وقالت لها طب يلا يا حبيبتي عشان تروحي المدرسه مع اخواتك وخرجوا العيال ركبوا مع مصطفى عشان يروحوا المدرسه

اما الساعه 8:00 كانت نيفين واقفه مع المحاميه قدام المحكمه الاسره وبيعملوا الاجراءات بتاعه القضيه

وقالت نيفين يعني فضل قد ايه والاعلان يروح لهم

ردت المحاميه ان شاء الله الاسبوع اللي جاي

اما بيت يزيد كانت منار بتحضر الفطار هي وهند ومستغربين عدم نزوله هيام قالت منار انا بعد الفطار هبقى اطلع اشوف هيام ما نزلتش ليه واتكلم معاها

ردت هند بصراحه يا منار هيام معاها تزعل من اللي حصل من يزيد

ردت منار انا عارفه بس هنعمل ايه اهو قدر

ردت هند يلا خلينا نعمل الفطار ونخلصه عشان الرجاله زمانها نازله

اما تقى فكانت نايمه على السرير ومسكت التليفون واتصلت على اخواتها تطمن عليهم

ردت دينا وهي بتقول لها صباح الخير يا حبيبتي

ردت عليها صباح النور انتي رايحه الجامعه دلوقتي

ردت دينا ايوه يا حبيبتي رايحه معايا تامر عشان عندي محاضرات ولما ارجع ابقى اكلمك

ردت تقى طب خلي بالك من نفسك ومن اخوك

قالت لها حاضر وقفلت معاها

اما بره الكل نزل قعده على الفطار وسال صابر عن هيام

ردت منار ما نزلتش يا بابا

وقال يزيد سيبوها براحتها وهي هتنزل لوحدها

ردت منار حاضر و طب تقى اللي ما اكلتش حاجه من ساعه امبارح

رد يزيد انا قايمه اشوفها ودخل الاوضه تقى قاعده ماسكه التليفون وبتلعب

وقال لها قومي افطري معانا بدل ما انتي قاعده كده

ردت تقى مش هاكل حاجه وانا عايزه امشي

رد يزيد ببرود ما انا قلت لك عايزه تمشي ما تمشي هو انا مسكتك

ردت عليه طب هاتي الوصولات الامانه

رد عليها لا وسابها وخرج وهي اتضايقت منه واخذ مفاتيح وموبايله وقال هسبقك يا علي على المعرض

رد عليه حاضر

وقال ممدوح انا مش عارف هكلم تامر ازاي بعد اللي حصل

ردت سمر وايه يعني هو كلامه هيفرق قوي معاك

رد ممدوح طبعا مش صاحبي

ضحكه سمر وقالت له صاحبك بقى مره واحده انت لسه عارفه ما بقالكش كم شهر يعني ما لحقش

سكت ممدوح وقالت منار خلاص يا سمر ما لوش لازمه الكلام ده

وقام ممدوح من على الاكل وقال لمصطفى انا رايح الجامعه وسابهم وخرج من غير ما يقول اي كلمه

اما سمر كانت مصدومه وقال صابر هتروح الجامعه ازاي

ردت عليه باوبر طبعا

قال لها ماشي وخرج هو كمان

اما في شقته هيام كانت بتكلم شيماء هو بتقول لها ان قررت تطلق

وردت شيماء طلاق ايه اللي انتي بتفكري فيه وهتقعدي فين بعد الطلاق وهتصرف منين

ردت عليها اولا هقعد فين في شقه ابويا القديمه هصرف منها معاش امك لسه موجود

ردت شيماء يعني بعد الهنا اللي انتي كنت فيه والذهب والفلوس اللي ما بتتعدش ترجع لي الفقر تاني

ردت عليها الفقر احسن 100 مره من الهم اللي انا فيه ومن واحد كل هدفه في الحياه هو نفسه بس انا تعبت يا شيماء مش هقدر اعيش العيشه دي تاني افهميني بقى وقفي جنب المره دي

ردت شيماء اقف جنبك لو انتي مش هتخربي على نفسك وهتصلحي حياتك

ردت هيام اصلح حياتي ازاي وانا حاسه ان انا عاله عليهم دول حتى ما سالوش انا ليه ما نزلتش الفطار ولا حتى عمك اتصل بيا يطمن عليا اسكت يا شيماء انتي مش عايشه عيشتي

ردت شيماء براحتك بس انتي لو اتطلقتي ما تكلمنيش تاني وقفلت السكه في وشها وهيام فضلت تعيط

اما في شقه عبد الرحمن بعد ما وفاء عرفت كل حاجه من عبد الرحمن مسكت التليفون بعد ما جوزها نزل

واتصلت على منار اللي قالت لها يا ندله تبقى عارفه ان تقى مرات اخوك وما تقوليش

ردت منار اسمعيني بس انا ما اعرفش حاجه غير من وقت قريب

ردت وفاء عليا الكلام ده

ردت منار والله العظيم فعلا ما اعرفش غير في اليوم اللي رحت زرت فيه تقى

ردت وفاء طيب يا ستي هي عامله ايه

ردت منار يعني هتعمل ايه غير وريتنا امبارح يوم اسود

ابتسمت وفاء وقالت لها قصدك ايه باليوم الاسود حكيت منار كل اللي حصل

وضحكه وفاء وقالت تصدقي حلال في اخوكي اللي حصل ده عشان يعرف ان بنات الناس مش لعبه

ردت منار هزعل منك يا وفاء يزيد طيب بس هو ما لوش بخت

ردت وفاء بخت ايه اخوك متجوز ثلاثه ومطلق واحده وعلى ذمته اثنين والله اعلم كان في قبل كده ولا لا

ردت منار بغيظ بقول لك ايه طب ما جوزك صاحبه ما يمكن متجوز عليك انتي كمان

خافت وفاء وقالت لها لا يا اختي انا مخليه بالي كويس من عبد الرحمن

ضحكه منار وقالت لها الراجل لو عايز يعمل حاجه بيعملها

ردت وفاء انتي بتقلقيني ليه

ردت منار وهلقك ليه مش انتي واثقه في جوزك

ردت عليها طيب يا ستي قولي لتقى اللي انا هاجي اطل عليها النهارده

قالت لها تنوري وقفلت معاها ووفاء فضلت وبفكر في كلام منار واتضايقت من فكره عبد الرحمن يكون عارف واحده عليها

وفي الجامعه راح ممدوح عند تامر في الجامعه وما لقاهوش وراح ناحيه جامعه دينا وشافها واقفه مع اصحابها وبتضحك

واقرب منها وقال لها دينا ممكن كلمه

يتكسفت دينا وقالت له في حاجه

رد عليها انا رحت لتامر في الجامعه وما لقيتهوش

ردت عليه ازاي يعني ده هو وصلني الجامعه ومسكت تليفونها واتصلت على تامر وكنسل عليها وابعت لها رساله ان هو في المحاضره

وبص لممدوح وقالت له هو في المحاضره

رد عليها طيب قالت له طب بعد اذنك ارجع لاصحابي

رد عليها هو ينفع ما تقفيش مع شباب تاني

ابتسمت دينا وقالت له انا ما بقفش مع شباب بس ده اخو زميلتنا وفي ثالثه ثانوي يعني اصغر مننا بس هو اللي طويل ويبان انه اكبر من سنه

رد ممدوح طيب ومشي وهو بيبتسم وهي رجعت لاصحابها وكملت كلامها

وفي شقه صابر مؤمن قام من النوم وتقى ابتسمت على الطفل البريء

اقفل المطبخ قالت منار انا هطلع العيال اطمن عليها كده كل حاجه خلصت يا هند

ردت عليها طيب وجت تخرج منار شاف تقى خارجه من الاوضه وهي شايله مؤمن وراحه ناحيه المطبخ من غير ما تقول ولا كلمه المنار

ودخلت وراحت وراها منار عشان تشوفها بتعمل ايه لقيتها فاتحه التلاجه ومطلعه اللبن وبتسخنه

وهند كانت بتستغرب تصرفاتها مع الاطفال

وقربت منار وهي بتقول لها صباح الخير يا تقى ما ردتش عليها

وقالت منار لسه تقى زعلانه مني برده ما ردتش وكملت اللي بتعمله

ومنار قعدت على الكرسي عشان تتكلم معاها وتقى كانت بتضحك مع مؤمن

و هند قعده جنب منار تتفرج عليها

اما في السنتر كان قاعد يزيد متضايق ودخل عليه عبد الرحمن

وقال له ينفع يا عم اللي حصل لي بسببك ده

رد يزيد باستغراب في ايه وحصل لك ايه بسببي

رد عليه ما فيش يا سيدي وفاء اتصلت على منار عشان تتكلم معها وتطمن على تقى راحت اختك حاكيه لها اللي حصل وطبعا وفاء شمتت فيك

منار تسكت ابدا شككتها فيا وقالت لها يمكن ان انا متجوز عليها لغايه دلوقتي مكلمها اربع مرات فيديو عشان اوريها ان انا في السنتر مش في حته ثانيه

ضحك يزيد وقال له هم يضحك وهم يبكي

رد عبد الرحمن مالك يا يزيد زعلان ليه

رد عليه زعلان دي كلمه قليله انا مقهور يعني يوم ما الاقي الانسان اللي احبها تبقى مش طايقاني و بتكرهني ومش عايزه تعيش معايا

رد عبد الرحمن انا عايزه اسالك سؤال انت تعرفت على تقى دي امتى

رد عليه شفتها يوم ما هي بتنقل وعجبتني ومن ساعتها وانا براقبها

رد عبد الرحمن وحكايه الوصولات الامان اللي هي بتتكلم عليها ديت

رد يزيد دي وصلات اللي بنخلي اي واحد بتاع خزنه بيمضي عليها ما انت عارف ايه اللي حصل قبل كده من المحاسب القديم لما سرقنا

رد عبد الرحمن طيب الوصولات دي المفروض ب 20,000

رد يزيد لا الوصولات ديت انا عاملها بمليون جنيه عشان اوصل لها واتجوزها وقلت لكم يوم زي اللي قبلها بس اللي حصل غير كده

رد عبد الرحمن طب ما تطلقها ما دام انت بتعتبرها زي غيرها

رد يزيد بعصبيه يا ابني بقول لك بحبها انت مش سامعني

رد عليه سمعك يا سيدي طب انت ايه اللي مخليك متضايق قوي كده ما هي خلاص بقت في بيتك يعني ممكن تخليها تحبك

رد عليه ازاي يعني وهي مش قابله كلمه مني وكان لسه هيرد عليه بس تليفونه رن بمكالمه فيديو كول من وفاء

وقال له استنى يا عم ما نشوف اخره الجنان ايه وفتح المكالمه وقال لها فيها وفاء انا لسه مكلمك ما بقاليش 10 دقائق

ردت عليه وايه المشكله مش بطمن عليك وانت فين كده

رد عليها وهو بيرفع الكاميرا ناحيه يزيد وهو بيقول لها انا قاعد هنا في المكتب معاه وبنتكلم ممكن بقى تسيبيني شويه

ردت وفاه ماشي يا عبد الرحمن انا رايحه دلوقتي لتقى ومنار

قال لها مع السلامه وهقفل معاها وضحك يزيد على صاحبه

قال له عبد الرحمن عاجبك اللي بيحصل ده

رد عليه يا عم هي يومين وهترجع زي الاول

رد عبد الرحمن​‌‍⁠ رواية الرقاصة والمعلم - الفصل 25 | مكتبة الروايات يا ريت اسيبك انا بقى عشان الزباين وصلت بتاعه سوهاج عشان تاخد البضاعه بتاعتها

رد يزيد طيب وخرج عبد الرحمن

وفي البيت تقى كانت بتاكل مؤمن ومبسوطه

وقالت هند بصوت واطي بصراحه كده انا مستغرباها هي دي اللي كانت رافعه السكينه امبارح على يزيد وبتتعامل مع عياله اكنهم عيالها

ردت منار تصدقي هند اول مره اشوف عيال اخويا بيضحكوا من قلبهم كده وفرحانين يا رب يا تقى يهدي لك حالك

وتبقي كويسه مع يزيد وتكملوا حياتكم بسعاده

ردت هند تفتكري هتوافق تكمل مع اخوكي بعد اللي حصل ده كله

ردت منار احنا بندعي بس وهند تليفونها بيرن وقامت دخلت اوضه علي القديمه

ردت على التليفون وهي بتقول ايه يا عمتي عامله ايه

ردت سناء كويسه يا قلب عمتك انتم اللي عاملين ايه

ردت عليا احنا كويسين

قالت سناء ومراتي يزيد الجديده عامله ايه

ردت هند كويسه وبتعامل العيال حلو وفضلت تحكي لها على اللي حصل

اما بره كانت منار بتتكلم وتقى مطنشاها و جرس الباب ضرب وقامت منار عشان تفتح ولقت وفاء وحضنتها وسلمت عليها

ودخلت وفاء قربت من تقى وسلمت عليها وتقى حضنتها

وقالت لها عامله ايه يا وفاء وعيالك عاملين ايه

ردت عليها احنا كويسين انتي اللي عامله ايه انا قلت اجي اطمن عليك

ردت تقى انا كويسه يا حبيبتي

ردت منار طب ما انتي بتردي اهو ما انا بقى لي ساعه بكلمك ما بترديش عليا ليه

ردت تقى انتي عارفه انا ليه ما بردش عليك علشان واقفه مع اخوكي ضد الحق

انفعلت منار وقالت لها حقي ايه اللي انتي بتقولي عليه

ردت تقى يعني انتي عاجبك اللي حصل ده اخوك مساكني من ايدي اللي بتوجعني عشان الوصولات الامانه اللي على اخويا

ردت منار هو طلب منك المستحيل هو عايزك تعيشي معايا وتبقي مراته وفي العلن مش في السر زي الاول

ردت تقى ومين قال لك ان انا عايزه افضل مع اخوكي انا ما بطيقهوش ولا بحبه اساسا

ردت وفاه اهدي بس يا تقى وتعالي نتكلم جوه مشت تقى معاها ودخلت معاها الاوضه

وقالت وفاء استهدي بالله كده وقولي لي ايه المشكله معاكي مع يزيد

قالت تقى مش عارفه بس انا مش طايقاه ولا طايقه اشوفه بعد اللي حصل منه

ردت وفاء اسمعيني بس يا تقى يزيد ده غلبان صدقيني وتعب كثير في حياته من ساعه ما امه الله يرحمها ماتت لغايه ما اتجوز الاثنين الاول كانت بنت عمه انسانها محترمه وصانه العشره بس ما خلفتش منه واضطر يتجوز الثانيه وخلف منها صفا ومؤمن واكيد انتي شفتيهم

ودخل مؤمن يجري وهو بيقول ماما ووفاء ابتسمت وقالت اهو يا ستي بيقول لك يا ماما عايزه ايه تاني

ردت تقى انا ما عنديش مشكله مع العيال انا مشكلتي معاه هو مش عارفه اتخطى اللي عمله

ردت وفاء طب اسمعيني بس الست الشاطره اللي ما تهدش بيتها وتحافظ عليه وانتي خلاص اتجوزتيه وبقى امر الواقع واخواتك مش زعلانين منك بالعكس واقفين جنبك

ردت تقى انا فاهمه ده كله انت بس اللي مش فاهمه قصدي ايه

ردت وفاء لا فاهمه واللي انا عايزاه منك انك تاخدي فرصه وتشوفي هتقدري تعيشي معاه ولا لا

ردت تقى تفتكري

ردت وفاء طبعا افتكر ونص كمان الست هي اللي تقدر تخلي الراجل ما يقدرش يبص بره ولا حتى حواليه وتمشيه كمان على عجين ما يلخبطوش

ضحكه تقى وقالت لها والله انتي ضحكتيني وانا ما ليش نفسي اضحك

ردت وفاء ده لو عرفت اللي انا عملته النهارده في عبد الرحمن هتعملي ايه

ردت تقى وعملت ايه يا حبيبتي

وحكت وفاء كل اللي عملته بعد ما خلصت المكالمه مع منار وبقت تتكلم معاه كل شويه فيديو وهو زهق

وضحكه تقى وقالت لها بس هو يستاهل عشان ما يبقاش زي صاحبه

ردت وفاء والله معاكي حق في كل اللي انت قلتيه وفضلوا يتكلموا

اما بره منار كانت متغاظه من اللي حصل وخرجت هند من الاوضه

وقالت هي تقى كان صوتها عالي ليه

ردت منار ما فيش شدنا انا وهي في الكلام بس وفاء خدتها ودخلوا جوه

ردت هند طيب وقعدت جنبها

اما في الجامعه تامر اتصل على ممدوح وقابله في الكافتيريا

وقال له انا اسف يا تامر على اللي حصل بس صدقني انا ما كنتش اعرف حاجه عن الكلام ده

رد تامر ما تتاسفش وما حصلش حاجه وانا عارف اختي انها ب 100 راجل ولولا اللي عمله ابن عمك ما كانتش اتجوزته اصلا ولا بصت في وشه

ابتسم ممدوح وقال له يعني احنا اصحاب

رد تامر لا مش صحاب احنا اخوات وابتسم ممدوح

وتليفون تامر رن وكانت دينا وقالت له انها خلصت المحاضره وهتروح

قال لها استني هنروح سوا واقفل معاها واقام عشان يمشي

وقال ممدوح رايح فين يا تامر قال له ما فيش اختي مروحه فهروح معاها

رد ممدوح يعني انت مش هتنزل الشغل ثاني

رد تامر لا هنزل عشان ارد له الدين اللي عليا من وصلات الامانه

رد ممدوح طب يلا بينا احنا طريقنا واحد وكانوا هيمشوا شافوا سمر كانت بتتخانق مع شاب وجريوا عليها

وقال تامر في ايه حد عمل لك حاجه

ردت سمر بعصبيه الحيوان ده حاول يمد ايده عليا اتعصب تامر وضرب الواد بالبوكس

وممدوح ضرب صاحبه اللي كان عايز يضرب تامر وكانت خناقه

وواحد من الشباب شاف دينا وقال لها الشاب اللي انتي ماشيه معاه بيتخانق هناك عشان بنت

ردت دينا بقلق فين

قال لها في الكافتيريا تجاره جري دينا على هناك ولقت الخناقه شغاله وقربت عشان تخش سمر مسكت ايديها

وقالت لها اقفي هنا لحد يقرب منك رد الدينا مش شايفه بيعملوا ايه هيقتلوا بعض

ردت سمر ما تخافيش وفضلت ماسكه ايديها ودينا بتعيط وجات الامن فرقوهم عن بعض واخذوهم لمكتب الشرطه اللي في الجامعه

وسمر مسكت التليفون واتصلت على يزيد ودينا كانت بتعيط وخايفه

وبعد وقت وصل يزيد الجامعه ومعاه علي وراح على مكتب الشرطه

وقال في ايه حصل ايه

رد الظابط في الشباب اتخانقوا بسبب البنت اللي هم ماشيين معاهم

رد تامر لو سمحت حضرتك ما تقولش الكلام ده اولا البنت دي تبقى اخو جوز اختي وتبقى بنت عم صاحبي يعني مش غريبه ولا احنا ماشيين معاها زي ما حضرتك بتقول

احنا لقيناها بتزعق وبتقول ان الشاب ده حاول يمسك ايديها كنت عايزنا نسكت وهو قل ادبه عليها كمان

رد يزيد شفت حضرتك ان هم ما عملوش حاجه غلط وكانوا بيدافعوا عن اختهم

رد الظابط ما هو لو كل واحد بيدافع عن اخته بالطريقه دي كان زمان نص الشباب في السجن

رد عبد الرحمن بس برده هم اللي عملوه الصح لما الشاب يمسك ايده واحده وهي رافضه دي تبقى قله ادب

رد الظابط عامه انا هعمل محضر

رد الشاب ايوه خلينا نعمل محضر عشان احبسهم اللي هم عملوا فيا انا وصاحبي

رد الظابط انا فعلا هعمل محضر بس قصاد المحضر ده هعمل محضر للبنت ان انت اتحرشت بيها وشوف هتاخد كم سنه خاف الشاب و

رد صاحبه بسرعه طب ايه رايك يا باشا نعمل محضر صلح واكن ما فيش حاجه حصلت

رد الظابط تمام كلكم موافقين على الراي ده

رد يزيد بعد ما بص على وش الشباب اللي تامر وممدوح ضربوهم

وقال موافق وبص لسمر بضيق وخرج من مكتب الظابط بعد ما عملوا محضر الصلح

وقال يزيد عاجبك اللي انتي عملتيه ده ما هو لبسك السبب

ردت سمر وانا عملت ايه ما في بنات كثيره لابسه زيي واسوء مني كمان

رد يزيد وفي بنات تانيه لابسين محترم حتى دينا لابسه زيك اهو محترم ليه ما تبقيش زيها

اتعصبت سمر وقالت له انا مش زي حد وراحت ركبت العربيه وهي متضايقه

وقال يزيد يلا يا تامر انتي ودينا اركبوا العربيه عشان تروحوا معانا على البيت تتغدوا

رد تامر متشكرين وماسك ايد اخته وراح يركبوا تاكسي

وممدوح ركب مع يزيد وعبد الرحمن ومشوا

اما في البيت وفاء كانت لسه قاعده مع تقى وبيتكلموا

دخلت صفا تجري وهي بتضحك وبتقول لها تعالي شوفي يا ماما الميس ادتني نجمه

وقالت لي اني شاطره وكان شكلي حلو النهارده ابتسمت تقى

وقالت لها شاطره يا حبيبتي يلا قومي اغسلي وشك وايدك عشان تتغدي

وقالت وفاء انا لازم امشي بقى زمان الاولاد رجعوا من المدرسه

ردت تقى خليك شويه

ردت وفاء هاجي لك تاني بس ادي لنفسك فرصه

ردت تقى طيب وجت تقوم كانت هتقع من طولها مسكتها وفاء

وقالت لها اقعدي مالك تعبانه كده ليه

ردت تقى يمكن عشان ما اكلتش من امبارح

ردت وفاء انتي غلطانه لازم تاكلي قله الاكل مش هتعمل حاجه ولا هترجعه عن قراره وكلامه

ردت تقى ان شاء الله

وخرجت وفاء ولقت الحاج صابر قاعد مع منار وهنت وسلمت عليهم وقالت لهم انها ماشيه

وقال الحاج صابر اقعدي اتغدي معانا يا وفاء

ردت عليه المره الجايه يا عمي عشان الاولاد زمانهم رجعوا من المدرسه وانا ما قلت لهمش اني جايه هنا

رد الحاج صابر طب يا بنتي توصلي بالسلامه وبصيت لمنار بمعنى هكلمك هزت لها راسها وخرجت وفاء

وقامت تقى راحت ناحيه المطبخ عملت سندوتشات وخمس كوبايات عصير وخرجت راحت ناحيه الاوضه

وقالت لي صفا يلا يا حبيبتي عشان تفطري

ردت صفا وانت ماما جايبه خمس كوبايات عصير ليه

قالت لي عشان مالك و حور ومؤمن وانا وانتي يا حبيبتي

ردت صفا طب ثواني يا ماما هطلع انده لهم

قالت لها طب بسرعه يا حبيبتي

وخرج صفا ندهت عليهم ودخلوا يجروا وقعدوا حواليها ياكلوا

اما بره فوصلت عربيه يزيد ونزل هو ومؤمن وسمر ودخلوا البيت

وزعق يزيد وقال لها اللبس ده يتغير خالص وانا هبعت لك لبس من السنتر وياك اشوفك مش لابسه اللبس اللي انا بعتاه

ردت سمر حاضر بس انا ما عملتش حاجه غلط

رد يزيد انتي هتجننيني بعد كل اللي حصل وانهم يتخانقوا عشانك تقولي لي ما عملتيش حاجه

ردت سمر ما حدش قال لهم يتدخلوا

رد ممدوح يعني انا غلطان انا وتامر عشان اتدخلنا لك خرجت تقى على اسم تامر وهي في ايديها ساندوتش

وقالت ماله تامر

رد ممدوح مفيهوش حاجه كويس

ردت تقى بجد ولا بتكذب عليا

رد عليها والله العظيم هو كويس ما فيهوش حاجه دي خناقه بسيطه

ردت تقى خناقه ايه تامر عمره ما اتخانق في حياته

رد يزيد وهو اتخانق ما ردتش عليه وراحت تمسك التليفون عشان تتصل على تامر وتطمن عليه ودخلت الاوضه

وقال يزيد فاهمه يا سمر

ردت عليه حاضر

ودخلت الاوضه وفي الاوضه تقى كانت بتكلم تامر وحكى لها كل اللي حصل

ردت تقى راجل يا حبيبي

رد تامر يعني انتي مش زعلانه مني

ردت عليك ولا عمري هزعل منك انت راجل واللي عملته ده الصح ولو كانت اختك مكانها كنت هتعمل كده واكتر بس الغريبه انك اول مره تدخل في خناقه

رد تامر وانا كمان كنت مستغرب نفسي

ابتسمت تقى وقالت له طب خلي بالك من اختك وانا ان شاء الله هحاول اجي لكم بكره اطمن عليكم

رد تامر حاضر يا حبيبتي واقفل معاها

ودخل يزيد وقال لها ما فيش مروحه واعملي حسابك هتطلعي الشقه اللي فوق

ردت تقى مش هقعد مطرح حد

رد يزيد ومين قال لك انك هتقعدي مطرح حد انتي هتقعدي في شقه ثانيه كنت قافلها وهجيب واحده ست تروقها وتنظفها واتصلي على اخواتك يجوا يقعدوا معاكي

ردت تقى ان شاء الله وقعدت تاكل مؤمن ومسكت ساندوتش لانشون وجت تاكله حست بطعم غريب وحست انها ترجع الاكل ودخلت الحمام تجري ترجع الاكل وهي مستغربه نفسها

وقال يزيد وهو واقف وراها مالك

قالت له ما فيش ده شويه برد

قال لها طب تحب اجيب لك الدكتوره

قالت لي شكرا وخرجت تكمل اكل مؤمن وصفا وهي بتضحك معاهم ومع الاطفال وهو ابتسم وخرج

وقال لمنار شوفي لي واحده تنظف الشقه اللي في الرابع

ردت منار​‌‍⁠ حاضر يا حبيبي

وكان قاعد في وش الاوضه سامع ضحكه عياله ولعبهم مع تقى

ده لبس سمر

وده لبس دينا

تابع الصل التالى من هنا