رواية الرقاصة والمعلم الفصل السادس والعشرون 26 - بقلم اميرة خالد

وقال مصطفى جاهز لنفسك يا منار بعد بالغداء هنروح للدكتوره انا حجزت عندها بالتليفون

ردت منار حاضر يا مصطفى

وهيام كانت نازله على السلم وسمع الكلام ودموعها نزلت على خدها وهي بتقول في نفسها ده حتى ما افتكرش موضوع الدكتور ومسحت دموعها ودخلت الشقه

وقال الحاج صابر ازيك يا هيام تعالي يا حبيبتي طمنيني عليك

ردت عليه انا كويسه يا عمي كنت محتاجه اتكلم معاك انت ومصطفى قصاد يزيد

رد مصطفى مالك يا هيام قولي لي زعلانه ليه

ردت هيام بصوا يا جماعه انا عارفه ان القرار اللي انا اخذته ده صعب شويه بس انا تعبت من الحياه ديت وانا حابه ان احنا نطلق انا ويزيد وارجع على بيت ابويا وافتحه تاني الكل اتصدم

وقال الحاج صابر اللي انتي بتقوليه ده يا حبيبتي طلاق ايه

ردت هيام انا مش هقدر اعيش مع يزيد عمري كله وانا مركونه على الرف ولا حتى بقيت ام

رد يزيد ما انا قلت لك هاخدك ووديكي للدكتور ونعمل حقن مجهري ونشوف المشكله فين

ردت هيام بقوه على فكره يا يزيد انا ما عنديش مشكله واطلعك من وراها فايل

وقالت له انا كنت بروح اكشف من وراك ورحت لكذا دكتور وكله اكد لي اني اخلف بس ما اعرفش المشكله فين

ولو مش مصدق خد الفايل وروح على اي دكتور نساء واساله التحاليل والاشاعات دي بتقول ايه هو هيقول لك نفس الكلام اللي انا بقوله

رد يزيد ازاي يعني ما انا خلفت مؤمن وصفا

سكتت هيام وقرب منها يزيد

وقال لها قصدك ايه بالكلام ده

ردت عليه بدموع ما قصديش حاجه انا عايزه اتطلق ومش عايزه منك اي حاجه

رد مصطفى اهدي يا هيام وانا هعمل لك كل اللي انتي عايزاه بس فهمينا قصدك ايه بالكلام ده

ردت عليه والله ما قصدي حاجه كل اللي انا قصدي ان انا رحت للدكاتره وكانوا بيقولوا لي اني كويسه واني اخلف بس ما اعرفش انا ما خلفتش ازاي منه

قام يزيد بعد سمعان الكلام واخذ الفايل منها وقرب من اوضه تقى اللي كانت واقفه على بابها والعيال ماسكين فيها

ومسك مؤمن صفا في ايديه عشان يخرج بيهم والعيال كانت بتعيط ماسكين في تقى

وقام مصطفى وعلي عشان يحوشوا يزيد وهو مصمم ياخذ العيال

وقالت له تقى استنى بس قول لي انت عايز ايه

رد عليها انتي مالك انا عايز عيالي

قالت له انت اتجننت بالراحه على العيال

قال لها ما لكيش دعوه وشد العيال وخرج بيهم وركبهم العربيه ومشي بسرعه

ودخل مصطفى وقال مشي بسرعه

ردت منار طبعا هيمشي بسرعه بعد الكلام اللي سمعه

ردت هيام ما هو لو سمع كلامي للاخر كان فاهم انا قصدي ايه بالكلام

ردت منار يعني

قالت لها يعني انتي من ساعه ما اتجوزتي وانتي ما خلفتيش صح ولا انا غلطانه

ردت منار ايوه صح

قالت لها والمره اللي انتي حملتي فيها في مالك كان ساعتها سناء غضبانه وقاعده عند اخوها حصل ولا لا

ردت منار بعد ما افتكرت الوقت ده وقالت ايوه حصل

ردت هيام سناء ونفين كانوا بيحطوا لنا موانع الحمل عشان ما نحملش حتى لما انتي حملتي الحمل ده لما كانت نيفين مشغوله مع يزيد والمشاكل البيت وكانت بتنسى تحط لك الحبايه

الكل اتصدم حتى علي اتصدم في امه وفي حبيبته او اللي كان فاكرها حبيبته

وقال لها مستحيل امي تعمل كده

ردت هيام لا عملت وانا تعبت من العيشه ديت

رد صابر طب اهدي يا بنتي واطلعي شقتك

ردت هيام انا اسفه يا عمي مش هقدر اعيش هنا تاني انا جهزت الشنط فوق يا ريت حد يطلع يجيبها لي عشان امشي وتقول لي يزيد ابعث لي ورقه الطلاق

رد مصطفى اسمعيني بس يا هيام اقعدي النهارده لغايه ما نشوف يزيد فين

ردت عليه حاضر يا مصطفى وطلعت على شقتها

وقال صابر حسبي الله ونعم الوكيل فيك يا سناء كنت معايش في بيتي عقربه ومعاها الحيه بتاعتها

قالت تقى المهم دلوقتي العيال خدوا وراح فيهم على فين

رد مصطفى ايوه ده المهم وماسك التليفون يتصل على يزيد اللي بيكنسل عليك

وهو سايق العربيه وطلع على معمل كبير وقف العربيه ومسك العيال ودخل وسال على الدكتور بتاع التحاليل

ورد عليه خير يا فندم اقدر اساعدك بحاجه

رد يزيد حضرتك اكيد بتعرف تقرا نتائج التحليل والاشاعات

رد الدكتور طبعا اكيد قالوا ممكن تقول لي الفايل ده في ايه وبدا يقرا الدكتور الفايل

ويزيد واقف على نار ونفسه الكلام اللي سمعه يكون غلط ما يكونش نيفين كانت بتضحك عليه وبتحمل من الراجل اللي كان معاه في الفيديو

وخلص الدكتور قراءه الفايد وقال له الفايل ده بيقول ان الست اللي عملت التحاليل ديت انها ممكن تخلف وما فيهاش اي مشكله

رد يزيد طب يا دكتور في سؤال عايزه اساله لك

قال لي اتفضل اسال

قال له انا عايز اعرف اذا كان العيال ديت عيالي ولا لا

رد الدكتور سهله جدا هنعمل تحاليل دي ان اي ونتاكد

رد يزيد والنتيجه هتظهر امتى قال له بعد اسبوع او ثلاث ايام اقصى حاجه

رد يزيد طب يا دكتور يا ريت بسرعه

رد الدكتور تعاطفا ما تقلقش كل حاجه باذن ربنا وان شاء الله يطلعوا اولادك

سكه يزيد ودخل معاه وهو سحب عينات الدم من الاطفال وبعد دقائق خرجوا من المعمل والاطفال كانت بتعيط

ويزيد دماغه هتولع من الافكار اللي جت في دماغه

ووصل عند البيت وقال لهم انزلوا وصفا مسكت ايد مؤمن ونزلت من العربيه بسرعه ودخلت البيت

ويزيد مشي بالعربيه واول ما دخلوا البيت جريوا على تقى وتقى قالت لهم اهدوا في ايه ايه اللي حصل

ردت صفا بابا يا ماما خلى الدكتور يديني ابره فهم التقى الكلام وسحبت الاولاد ودخلت على الاوضه

اما يزيد كان سايق العربيه بسرعه جنونيه وهو خايف من فكره ان العيال مش عياله بس ازاي وصفه شبه امه ومؤمن شبه اخوه وشبهه

ووصل عند الشقه اللي كان متجوز تقى فيها وطلع على شقته وقعد في الصاله وبدا يولع السجاير

اما بيت صابر دخلت منار وهي بتقول قالوا لك ايه

ردت تقى ما فيش حاجه هم ناموا دلوقتي من كتر العياط

ردت منار قولي لي الحقيقه ايه اللي حصل

ردت تقى اللي حصل ان اخوك الغبي اخذ العيال وداهم المعمل عشان يعمل لهم تحاليل ويعرف انهم عياله ولا لا

اتصدمت منار وقالت لها مستحيل

ردت تقى لا مش مستحيل عشان تعرفي ان اخوك متسرع وغبي وعياله بقوا بيخافوا منه

ردت منار ربنا يستر من اللي جاي

ردت تقى طب يا ريت تطلعي بره عشان عايزه انام

خرجت منار وهي خايفه على يزيد

في شقه على هند كانت في اوضه بنتها بتنيمها وخرجت راحت على اوضه النوم

وشافت علي قاعد سرحان وبيشرب السجاير وقربت منه

وقالت له مالك يا علي س​‌‍⁠ رواية الرقاصة والمعلم - الفصل 26 | مكتبة الروايات رحان ليه ما ردش عليها

وهي قعدت قدامه وقالت بالدموع انا عايزه اسالك سؤال ويا ريت تجاوبني بصراحه علي انتبه ليها

وهي كملت كلامها حد من عيال نيفين يبقى ابنك او بنتك اتصدم علي من الكلام

وقال لها قصدك ايه بالكلام ده انتي اتجننتي ولا ايه

ردت عليه انا ما اتجننتش يا علي انا شفت الفيديو بعيني وانت معاها في الاوضه اللي فوق السطوح واكيد دي مش اول مره

رد عليها وهو بيكتم بقها اخرسي خالص اللي انتي بتقوليه ده ما حصلش زقه ايديه

وقالت له براحتك بس اعمل حسابك اني اخذ بنتك وامشي بكره مش هستنى لما اخوك يجي ويقتلك قصادي او قصاد بنتك

علي عينيه دمعت وقال لها والله العظيم دي كانت ثاني مره اقابلها فيها وكنتش بكمل وبحس دايما ان اللي انا بعمله ده غلط وانا ما لمستهاش خالص من ساعه ما اتجوزت يزيد

ردت عليه بجد يا علي يعني انت مش بتكذب عليا

رد عليها والله العظيم ما بكذب عليك انا فعلا ما لمستهاش غير مرتين ولما حملت انا كنت خايف يكون مني بس انا افتكرت لما كانت معايا بعديها على طول لما طلبتها تاني قالت لي انه ما ينفعش عشان عندها ظروف الستات ديت

قالت له انت غلطت يا علي في اللي انت عملته وانك تقرب منها ده اكبر حرام

رد علي انا ندمت والله على اللي حصل وبعدت عنها واهتميت بيكي وبنتنا وباخواتي انا كل اللي خلاني اتصدمت النهارده ان امي عملت كده في اختي وفي مرات اخويا عشان تتجوز نيفين ليزيد

ردت هند انا كنت خايفه قوي ليكون العيال عيالك

رد علي الحمد لله الواحد ما بيتعلمش بسهوله

قالت هند يا ريت تبعد عنها وعن امك كفايه اللي احنا بنحصده من وراهم دلوقتي

رد عليها معاكي حق وانا اسف على اي حاجه عملتها في حقك

ردت عليه انت ما غلطتش في حقي انا بس انت غلطت في حق اخوك وحق ربنا

رد عليها فعلا وانا ندمان وبحاول دايما اصلح اللي انا عملته

ردت هند قوم يا علي قوم صلي ركعتين لله واطلب انه يغفر لك اللي انت عملته

وفعلا قام علي ودخل الحمام اتوضا وخرج يصلي وفضل يدعي ويبكي لربنا انه يغفر له ذنوبه واللي هو عمله

اما في شقه منار كانت قاعده ومصطفى قاعد جنبها وبيقول ابوك ده كان متجوز عقربه ربنا يسامحها على اللي عملته فيه ده خلتني عشنا ثلاث سنين محرومين من الخلفه

ردت منار معاك حق بس والله انا خايفه على يزيد اخذ في وشه وطلع يجري ولما سالت تقى العيال كانوا فين قالت لي ان اخويا اخذهم وراح يعمل لهم تحاليل عشان يعرفوا العيال ولا لا

اتصدم مصطفى وقال لها ليه ده كله

ردت منار ما انت اصلا ما تعرفش اللي حصل انت عارف ايه سبب طلاق يزيد لنيفين

رد مصطفى انا ما فهمتش الكلام قوي بس انا كنت في مبسوط انه طلقها

ردت منار هو طلقها عشان ت له فيديو وهي بتخونه مع واحد اتصدم مصطفى

وقال يا عيني عليك يا يزيد يا ترى هو عامل ايه دلوقتي انا ولو مكانه كنت رحت قتلتها بس هو استكفى وطلقها ورماها بس حكايه العيال ديت دي ولعت اكثر في قلبه

ردت منار انا متاكده ان صفا ومؤمن ولاده

رد مصطفى وايه اللي خلاك متاكده قوي

ردت عليه صفا شبه ماما الله يرحمها جدا ومؤمن شبه يزيد وعلي وكمان عنده الوحمه في رجليه زي يزيد

رد مصطفى طب ما تتصلي بيه تطمني قلبه بدل ما هو ما بيردش علينا كده

ردت منار ما انا عماله اتصل عليه تليفونه مقفول وكلمت عبد الرحمن وهو قال لي انه هيشوفه وهيكلمني

وتليفون منار رن باسم عبد الرحمن وردت عليه

وقالت له عرفت مكانه يا عبد الرحمن

قال لها لفيت على كل مكان ممكن يكون فيه بس ما لقيتهوش

ردت منار طيب يا عبد الرحمن معلش تعبتك معايا

رد عليها ايه اللي حصل يخلي يزيد يسيب البيت وما حدش يعرف مكانه سكه منار

ومصطفى اخذ التليفون وقال له ما فيش يا سيدي ده هو اتخانق هو وتقى وساب البيت ومشي

قال له ماشي هبقى اكلمك لو عرفت مكانه فين يا مصطفى

رد عليه تمام يا عبد الرحمن وقفل معاه و بص المنار

قال لها طب نامي انتي تعبت اول يومين دولت وما تنسيش انك حامل

ردت منار طب انا هنزل اطمن على ابويا واشوفه خد العلاج ولا لا

رد مصطفى يرتاحي انتي وانا هنزل له

ردت منار معلش يا مصطفى خليني انا انزل له عشان اتكلم معاه

رد مصطفى طيب يا منار خلي بالك من نفسك

قامت منار ولبست حجابها ونزلت شقه ابوها وراحت فتحت الباب ودخلت وراحت ناحيه اوضه ابوها فتحت الباب ولقيته نايم

وخرجت عشان تطلع شقتها سمعت صوت في المطبخ وراحت شافت تقى واقفه بتعمل قهوه

وقالت لها اللي مصحيك لغايه دلوقتي يا تقى

ردت عليها مش جاي لي نوم ولسه قافله مع اخواتي كنت بطمن عليهم

ردت منار ماشي يا تقى عايزه حاجه

ردت عليها لا شكرا هو انتي عرفت اخوك فين

ردت منار لا ما عرفتش وربنا يستر ما يكونش ناوي يعمل حاجه في مراته ديت

ردت تقى ما تخافيش قوي كده على اخوك بياذي بس مش بيتاذي

ردت منار انا عارفه ان انت متضايقه منه بس صدقيني هو غلبان قوي وطيب واللي شافه في حياته كتير

ردت تقى واللي شاف في حياته كتير يستقوى على الناس

ردت منار ما تزعليش مني يا تقى ما انتي برده ما كنتيش شيخ الجامع ده اتجوزك وانتي رقاصه وكمان رسمي

ردت تقى بقوه ومالها الرقاصه واخوكي لما كانش شايفني ان انا كويسه ومحترمه ما كانش اتجوزني رسمي وهو عارف ومتاكد ان انا شريفه وما عملتش حاجه غلط

ردت منار انتي فهمتي كلامي غلط انا قصدي اننا كلنا بنغلط مش لازم نعلق المشانق لبعض وكل واحد يقدر ظروف التاني

ردت تقى عارفه يا منار انا اول مره شفتك فيها قلت ازاي تبقي اخته بالطيبه دي كلها بس لما اتعاملت معاكي وشفتك قد ايه خايفه على اخوك ودايما بتدي له عذره في الغلط

ردت منار وايه المشكله ده اخويا اللي طلعت بيه من الدنيا وكان شايلني على كفوف الراحه وبيخاف عليا من الهوا الطاير حتى لما اتجوزت مصطفى كان بيخاف عليا اكثر من سمر وعلي

ردت تقى عشان كده رمى كل حاجه عليك في خصوص البيت ومراته وهو كان مقضيها بره مع الحريم اللي كان بيتجوزها اوعى تفتكري ان انا ما اعرفش انه اتجوز قبليه كتير في الشقه اللي اخذني فيها لا ده

انا بس ب 50 جنيه اديتهم بس للبواب حكى لي على تاريخ اخوك الاسود ولو مراته خانته بعيد فيه هو عشان ما اهتمش ببيته وراعي ربنا فيهم وخرجت تقى وسابتها وخرجت

وراها​‌‍⁠ منار وقالت لها حتى لو اللي انتي بتقولي صح الست المحترمه ما تخونش جوزها حتى لو هو مش كويس بس هنقول ايه غير ربنا يسترها وعايزه اقول لك فكري كويس يزيد طيب وكويس مش وحش سكتت تقى ودخلت الاوضه

ومنار طلعت شقتها

وتقى كانت متضايقه مين اللي حصل وبصت في الساعه لقيتها اتنين الصبح ونامت على السرير جنب صفا ومؤمن وهي بتفكر في اللي حصل وهل تدي فرصه ليزيد ولا هتعمل ايه في حياتها

تابع الفصل التالى من هنا