مالك بغضب شديد:بتقوليلي عايز يقتلها وعايزاني استني
إسعاد:هتروح فين إنت متعرفش مكانه
مالك بعصبية:هقلب الدنيا عليه وبعد ما ألاقيه أنا اللي هقتله
إسعاد بلهفة:لا استني بس أنا أنا ممكن أكون عارفة مكانه بس تحلفلي إنك متقتلوش
مالك بانتباه:فينه
إسعاد:الأول تحلف إنك مش هتقتله
مالك بنفاذ صبر:والله ما هقتله اخلصي هو فين
إسعاد:في فيلا قديمة كانت بتاعته من زمان كان بيعمل فيها الفيلا دي محدش كان يعرف بيها غيره وغيري لأن أنا كنت علي طول براقبه و....
مالك:يعني فين أم الفيلا دي
إسعاد:في برج العرب
مالك:هتيجي معايا يلا
ثم أخذ هاتفه وهاتف خالد
مالك:خالد عايزك تروح الشركة عندي وتحاول تلغي اي مواعيد النهاردة واجب أجازه للشركة كلها
خالد:في ايه يابني حصل حاجة ولا إيه
مالك:بعدين أخالد أعمل بس اللي بقولك عليه دلوقتي
خالد:تمام
************************************************
أوشك خالد علي المغادرة لكن أوقفه نداء نور له
نور:خالد إنت رايح فين ومستعجل كده
خالد:أنا ذات نفسي مش عارف أنا هعمل ايه بس ده شيء يخص مالك مقدرش أفوته
نور:طيب خلي بالك من نفسك
خالد:ماشي وإنتي خليكي مع شوق دي مجنونة وممكن تعمل في نفسها حاجة
نور:حاضر يلا روح إنت شوف هتعمل إيه
وغادر المنزل بينما خرجت شوق من الغرفه وعلي وجهها آثار البكاء
نور بابتسامة:احم اذيك
نظرت لها باشمئزاز ثم عادت إلي غرفتها وأكملت بكاءها
************************************************
علي الطريق
إسعاد:خفف السرعة شويه يا مالك العربية هتنفجر
مالك بغضب:ما تنفجر اللي همك العربية
إسعاد:يابني أنا خايفة عليك
مالك:وفري خوفك لحد تاني
إسعاد:تقصد ايه
مالك:مش لازم تعرفي
بعد مرور ساعتين
وفي منطقة شبه معزولة تمام لا يوجد بها سوي ما يشبه بشاليه كبير
حيث يتواجد فهمي وأمامه يارا ملقاة على الأرض وبجانبها نانسي التي كانت تبكي بشده
فهمي:أبدأ بمين الحب الأول ولا الحب التاني مممم ما تفكروا معايا
نانسي:حرام عليك بقي سيبنا في حالنا يا مفتري
فهمي:يبقي أبدأ بيكي إنتي عشان قرفت منك
ورفع مسدسه وصوبه تجاه رأسها
فهمي بشر:ها حلوة اللحظة دي مش كده
نانسي:أقتلني بس استني لحد ما مالك ييجي واطمن عليك في المشنقة إن شاء الله
فهمي:ههههه مالك ده إبني ومفيش واحدة منكم تقدر تبعد إبني عني
وهنا تحدثت يارا بتعب
يارا:وابنك بيكرهك فوق ما تتصور
فهمي بغضب:أنا دلوقتي عرفت ابدأ بمين
حرك مسدسه ليكون في مقابلة بطن يارا
يارا بخوف وهي تحاوط بطنها:لا مش هسمحلك تأذيه
وفي ذلك الوقت قد وصل مالك إلي حيث يتواجدوا
يارا بسعادة يغمرها الدموع:مالك
نظر مالك لأبيه الذي حلت عليه الصدمة
مالك بغضب:أنا ممكن اقتلك بكل سهولة بس إنت الموت شوية عليك
فهمي بتوتر:مالك يا ابني إنت فاهم غلط الموضوع إن....
مالك:لا أنا فاهم كل حاجة وفر شرحك ده واختار عقاب من دول تقدر عليه الأول السجن التاني المشنقة التالت الإعدام
فهمي:الكلام ده مش هيحصل يا مالك
مالك:لا هيحصل
إسعاد:مالك إنت حلفت إنك.....
مالك:حلفت إني مش هقتله بس محلفتش إني هسيبه كده عادي
نظر فهمي إلي يارا بجانب عينه وأسرع بإطلاق النيران عليها لتصدع صوت صرخاتها في الفيلا بأكملها
************************************************
أنهي خالد ما طلبه منه مالك ثم عاد إلى منزله ليجد حرب علي وشك الإندلاع بين شوق ونور
شوق:ما هقولك ايه طبعا اللي سابته الهانم تاخده مسّاحة السلالم
خالد لنفسه:مساحة سلالم!! هو انا خيشة هنا
نور:مساحة سلالم ايه يا ماما أنا عرفت دلوقتي هو ليه طفش منك ده إنتي تطفشي بلد
شوق:وإنتي ياختي البلد دي بتروحلك بعد ما أطفشهم صح
نور:أنا مش هرد عليكي
شوق بغيظ:هو إنتي تقدري أصلا
نور ببرود:خالد إنت وصلت أمتي يا حبيبي
خالد وهو ينظر لشوق:من ساعة السلم اللي بيتمسح وكرامتي اللي مسحين بيها السلم ده
دلفت شوق إلي غرفتها فور رؤيته ليس خوفا منه لكن لعدم مقدرتها علي رؤيته مع غيرها
نور بضحك:أنا هدخل أنام كفاية خناق مع مراتك ده أنا اللي تعبت والله دي بتقول شكل للبيع
خالد:ههههه عشان تعرفي الهنا اللي أنا عايش فيه
نور:بس والله بتحبك شوفت أول ما شافتني بكلمك ادايقت إزاي
خالد:شوفت
نور:تصبح علي خير بقي
خالد:وإنتي من أهله وأبقي آقفلي الباب كويس عليكي لتطلع تدبحك
نور:ههههههه حاضر
جلس خالد يفكر فيما سيحدث بعد ويفكر أيضا هل ما فعله هو الصواب أم أنه تسرع في الأختيار؟؟؟؟؟؟؟؟
تابع الفصل التالى من هنا
