عودة إلي ذلك الشاليهإنتشرت دماءها في كل مكان وحلت الصدمة على الجميع
يارا بدموع:نانسي
إنتهز فهمي الفرصة بإنشغالهم بنانسي وفر هاربا من المكان
إسعاد بلهفة:يالهوي مالك أطلب الإسعاف يا بني بسرعة
ظل صامتا ساكنا وقد توقف تفكيره تماما
يارا بدموع:نانسي نانسي إنتي سمعاني
نانسي بصوت متقطع:م.ا.ل.ك
نهضت يارا وإقتربت من مالك وجذبته ليكون بجانب نانسي
نانسي بابتسامة ضعف:أنا مأذتكش يا مالك والنهاردة إنت عرفت كل حاجة
مالك:......................
نانسي بصوت ضعيف:يارا بتحبك أوي يا مالك متضيعهاش من أيدك ززي ما أ.نا ض.يع.تك
روح جديدة صعدت إلي بارئها بعد صراع مع عذاب الدنيا ها قد رحلت إلي أفضل مكان للمؤمنين وهو أيضا كالجحيم للكافرين
يارا ببكاء:مالك مالك هي ماتت بسببي
ضمها مالك إليه بشدة وترك لدموعه العنان فرغم كل ما حدث بينه وبين نانسي فهي قد تركت أثر في قلبه
********
مر اليوم بصعوبة وفي نهايته عاد مالك ويارا إلي الفيلا ومعهم إسعاد
في غرفة مالك ويارا
يارا:مالك إنت ليه مش بتتكلم
مالك:..................
إبتعدت عنه وأولته ظهرها وهبطت دموعها بغزارة
يارا بدموع:أنا اللي كان المفروض أموت مش نانسي يمكن لو أنا اللي كنت موت مكنتش أشوفك كدة
وجدت يده تجذبها لتستقر بين أحضانه
مالك بصوت حنون:لو كان حصلك حاجة عمري ما كنت هسامح نفسي إنتي بقيتي جزء مني يا يارا جزء من غيره مقدرش أعيش
يارا بدموع وهي تحتضنه:كنت خايفة مشوفكش تاني
مالك:هجبلك حقك يا يارا و حق......نانسي
**********************************************
في الصباح
في منزل خالد
خالد هاتفيا:كل ده يحصل و ماتقوليش يا مالك
مالك:ملحقتش أعمل حاجة مكنتش أتوقع إنه كدة أخالد
خالد بحزن:معلش يا مالك
مالك:خالد أنا عايز أعتذرلك عشان أتعصبت عليك بسببه قبل كده هو يستاهل اللي إنت عملته فيه
خالد:تعتذرلي ههههه مفيش بنا حاجة تستاهل إنك تعتذرلي أصلا يا مالك إحنا أخوات واللي يزعلك كأنه زعلني بالظبط يا مالك
مالك بابتسامة:متحرمش منك أخالد
خالد:هتعمل إيه
مالك:اللي لازم يتعمل
خالد:متتهورش يا مالك وعلي العموم سيب الداخلية تشوف شغلها
مالك:ولا داخلية ولا خارجية أنا هحاسبه بطريقتي
خالد:اللي هي إزاي
مالك:بكرة تعرف
خالد:والله أنا مش صعبان عليا غير نانسي ذنبها ايه من كل ده
مالك:ربنا يرحمها يلا سلام روح إنت شوف زوجاتك هههه
خالد:زوجاتي ههههههه ماشي يا سيدي ما إنت في العسل
يلا سلام يا عم
شوق:مين نانسي دي كمان
خالد:أعوذ بالله الناس تقول صباح الخير صباح الفل مش كدة يا بت
شوق:بت أما تبتك
خالد:اللهم طولك يا روح ما تصطبحي بقي يا تغوري من وشي
شوق بدموع:ماشي يا خالد براحتك وأنا أصلا هسيبلك البيت بحاله أعمل اللي إنت عاوزه
خالد بحب:هتسيبيني يا شوشو
شوق:إنت اللي سيبتني وإتجوزت يا خالد
خالد:بس إيه رأيك فيها قمر صح
شوق بغيظ:يا مستفززززز
نور بابتسامة:صباح الخير
شوق يغيظ:صباح القرف
خالد ببرود:ههههه هتطرشئ من الغل شوفي يا حبيبتى يا نوري إزاي
نور:حرام عليك يا ليلو هتزعل
شوق:ليلو مين إسمه خالد
خالد:إنتي مالك يا أم غل تقولي اللي هي عايزاه
شوق بصراخ:والله ما أنا قعدالك في البيت وطلقني يا خالد
خالد بعصبية:بت إنتي وطي صوتك بلاش فضايح
شوق:طلقني بقولك طلق...
صمتت ووضعت يدها علي رأسها وتأوهت
خالد بقلق:شوق مالك
ثم سقطت فاقدة للوعي
خالد بقلق:شوووق شوووق
نور:هاتها جوة في الأوضة وأنا هكشف عليها
خالد:حاضر
وبعد دقائق
خالد:مالها يا نور
نور بابتسامة:هتبقي بابا يا برنس
خالد بسعادة:إيه بتتكلمي بجد والنبي
نور:ههههههه هي الحاجات.دي فيها جد ومش جد يلا بقي كفاية عليا أنا اليومين اللي قضتهم معاكوا هنا
خالد:إيه ده هتمشي ليه لسه شوية
نور:حرام عليك يا أخي أنا لو مكانها كنت رفعت عليك قضية خلع وكسبتها من زمان
خالد:بقي كدة
نور:ههههههه أما تفوق أبقي وصلها مباركتي ليها وقولها متزعلش مني ده أنا أقسم بالله حبيتها
خالد بابتسامة:يوصل
**********************************************
في فيلا مالك
طرقت إسعاد باب غرفة مالك ويارا فأذن لها مالك بالدخول
إسعاد:مالك لو فاضي عايزة أتكلم معاك في موضوع
مالك:اتفضلي
يارا:طب أنا هطلع برا
أمسك مالك يدها وأجلسها بجانبه
مالك:مفيش بيني وبين يارا فرق قولي اللي عايزة تقوليه
إسعاد:حاضر...لما قولتلك إن الفيلا اللي فهمي كان فيها أنا بس اللي أعرفها من بعده ده عشان كنت براقبه مش من سنه ولا سنتين ده من وقت ما والدتك كانت عايشة وهي اللي وصتني إني أعمل كدة أنا ووالدتك كنا أصحاب جدا من زمان وأنا كنت بحب فهمي هو كان زميلنا في الكلية اتقدملي عرسان كتير وأنا كنت برفض علي أمل أن فهمي هيتقدملي وفي يوم والدتك جت وكلمتني وقالتلي إن فهمي متقدملها للجواز وعشان إحنا كنا أصحاب بجد قالتلي إنها مش هتوافق رغم إن فهمي أول واحد يتقدملها مقدرتش أكسر فرحتها إنها تتجوز وقولتلها عادي تتجوزه وبعد جوازهم بحوالي 5 شهور جاتلي البيت هتموت من العياط فهمي كان قاسي عليها أوي كان بيعصبها جدا وبسببه جالها السكر والضغط ولما ولدتك إنت كنت روحها من جديد كانت بتحبك أوي يا مالك وفي يوم طلبت مني إني أراقب فهمي أعرف بيروح فين وهي متعرفش معرفش ليه طلبت مني كدة وهي بس أنا قولت أكيد فضول منها وبقيت أراقبه كل يوم وأقولها راح فين لحد ما ربنا أفتكرها ووصتني عليك قبل ما تموت تكون إبني بالظبط عشان كدة أنا اللي طلبت من فهمي الجواز عشانك وعشان خاطر والدتك
مالك:ليه بتقوليلي الكلام ده دلوقتي
خالد:قريب أو بعيد كنت هتعرفه ولازم تعرف إن أبوك عمره ما حبيت زي ما إنت كنت مفكر يا مالك هو بيظاهر بكده بس هو قلبه أسود أوي
مالك بابتسامة:وأنا مطلعتش زيه
إسعاد بابتسامة:إنت كل حاجة فيك من مامتك وإن شاء الله ابنك يكون زيك
مالك بابتسامة وهو ينظر ليارا:بس أنا مش عايزه يكون زيي أنا عايزه يكون زي يارا
ابتسمت يارا بعذوبة و احتضنته وهو بادلها أيضا
*********************************************
تابع الفصل التالى من هنا
