تخرج يارا من الحمام وهي واضعة كلتا يديها علي بطنهايارا بتعب:أنا بقالي يومين برجع يا ماما ممكن يكون جالي تسمم
عبير:لا عشان حامل
يارا:لا يا ماما مفيش حاجة من اللي بتقوليه ده
عبير:طب خدي إختبار الحمل وجربيه
يارا بنفي:لا يا ماما انا مش هحمل مش هقبل بكدة وأنا باخد حبوب منع الحمل الفترة اللي فاتت مستحيل يحصل ده
عبير:مفيش حاجه مستحيلة أمام إرادة ربنا
يارا بدموع:أنا تعبت بقي يا ماما نفسي أرتاح بقي
عبير:معلش يا قلب أمك منه لله هو السبب في اللي بيحصلك ده
يارا:ماما أنا عايزة أرجع الكلية
عبير:تاني يا يارا بعد كل اللي حصل واللي عمله فيكي
يارا بإنكسار:هو خلاص مش هيعملي حاجه تاني كل اللي كان عايزها مني خده
عبير ببكاء:بتفكريني ليه يا بنتي كل أما أفتكر بحس إن أنا السبب يا ريتني ما قولت لأبوكي يرضي تشتغلي مكنش حصل كل ده لا السبب
تعانقها يارا وتقول
يارا:ده قدري يمكن ليا في خير يمكن ربنا بيختبرني لازم نرضي باللي ربنا عايزه
عبير:ونعم بالله
تركض يارا مجددا إلي الحمام وتستفرغ كثيرا
عبير بقلق:لا أنا خايفة كده إحنا نروح للدكتورة ونشوف في إيه
يارا بإرهاق واضح:حاضر
**********************************************
في منزل خالد
كانت شوق جالسة تشاهد التلفاز بملل فتأتي إسعاد وتجلس معها
إسعاد:الجميل زعلان ليه
شوق:خالد نسيني خلاص مبقاش يهتم بيا ولا يحبني
إسعاد:مبيهتمش ماشي لكن مبيحبش دي صعبة شوية
شوق:ده تعامله معايا جاف جدا مفيش بينا غير صباح الخير ونادرا لما بيرد
إسعاد:الصراحة اللي حصله منك صعب جدا
شوق بدموع:ما أنا إعتذرتله مليون مرة وعارفة إن أنا غلطانة وهو مش بيسامحني برضو
إسعاد:إهدي كده وبعدين ايه اللي انتو فيه ده ده منظر أتنين متجوزين
شوق:ما أنا بخاف أعامله بالأساس ده يزعل مني
إسعاد:مش هيزعل وبعدين أسفة يعني بس إنتي طول الوقت لابسة الأسود عارفة إن ده حزن علي والدك بس كده إنتي بتضيعي نفسك الحزن في القلب مش في الشكل
شوق بإبتسامة:معاكي حق أنا كنت ناوية أبطل ألبسه بس كنت مترددة شوية
إسعاد:ودلوقتي
شوق:مش مترددة بس خايفة خالد يتضايقك
إسعاد:يالهوي إنتي معنديش شخصية أبدا كده يخربيتك أنا راجعة أنام تاني
شوق بحزن طفولي:هو أنا هبلة
إسعاد:لا يا حبيبتي انا اللي هبلة
تضحك شوق وتكمل مشاهدتها للتلفاز وبعد دقائق تتركه وتذهب إلي غرفتها وتفتح خزانتها وتعبث فيها حتي تأخذ منها قميص حريري لونه نبيتي ذو حمالات رفيعة يصل إلي ما بعد الركبة ومعه روب من نفس طوله
إبتسمت وأخذته لترتديه
**********************************************
في المساء
ذهبت كلا من يارا ووالدتها إلي العيادة الطبية
عبير:هندخل أهو ونشوف مالك
يارا بتعب:ماشي يا ماما
الممرضة:يارا صبري إتفضلي
دلفت يارا مع عبير إلي غرفة الكشف
عبير:السلام عليكم
الطبيبة:وعليكم السلام
عبير:هي بقالها يومين كدة يا دكتورة بترجع ومش بتاكل كويس وعلي طول دايخة
الطبيبة بإبتسامة:طيب ملحظتيش تغير فيكي
يارا:يعني اه بقالي بتاع أسبوع
الطبيبة:طيب إتفضلي إطلعي علي السرير
فحصتها الطبيبة وقالت
الطبيبة بإبتسامة:مبروك هي حامل
يارا بصدمة:حامل إزاي مستحيل يحصل
الطبيبة باحراج:هو إيه اللي مستحيل هو باباه فين بقي
عبير:هو ميت يلا يا يارا نمشي
إصطحبتها لخارج العيادة بصعوبة
عبير:بس بقي يا يارا كفاية عياط
يارا:حرام كده ليه كل الدنيا جاية عليا كده ليه
عبير:متقوليش كده يا يارا اللي في بطنك ملوش ذنب باللي حصل
يارا بدموع:وبرضو ملوش ذنب إنه يتخلق ملوش أب
عبير بحدة:بتلمحي لإيه يا يارا
يارا:ولا حاجة يا ماما
عبير:ماشي يا يارا يلا نروح
في فيلا مالك
كان مالك جالس أمام مكتبه يتابع عمله وهو يحتسي فنجان القهوة
سمع صوت طرقات خفيفة علي الباب فنهض وتوجه إلى الباب وفتحه ليجد أمامه فتاه
مالك بإستغراب:إنتي
الفتاه:وحشتني يا مالك
إستدار مالك وأولاها ظهره
مالك:عايزة إيه
الفتاه بدموع:بصلي يا مالك ومتحسسنيش إني ولا حاجة كدة
إبتسم مالك بسخرية ونظر لها
مالك:عايزة إيه يا نانسي لو عايزة مساعدة أطلبي مهما حصل برضو كان بينا عيش وملح
نانسي بدموع:ممكن بس تسمعني
مالك ببرود:ممم أسمع إيه
نانسي:لما شوفتني أنا والشخص اللي كان معايا ده والله العظيم أنا معرفهوش ولا عمري شفته بس بس باباك هو اللي فرض عليا ده والله هو السبب هو مكنش عايزنا نبقي مع بعض هو اللي فرقنا عن بعض والله أنا بحبك يا مالك
مالك:ههههههه ماشي أنا عارف علي فكرة بس آخر جملة دي لا
نانسي بدموع:وعارف ليه أنا قبلت إن حد غيرك يقرب مني كده ولا حتي يمسك إيدي
مالك بسخرية:مش محتاج أعرف لأنها واضحة
نانسي:أنا إتجوزته غصب عني يا مالك أبوك اللي جوزهوني غصب عني بس أنا مسمحتلوش يقرب مني بقي يضربني ويهيني لحد ما ضمرني وبعدها طلقني وأنا رجعالك يا مالك وبطلب منك إنك تسامحني وأنا هبدأ من جديد معاك والله
مالك بعصبية:إنتي مجنونة إنتي عارفة بسببك حصلي إيه إطلعي برا برا برا مش عايز أشوف وشك
خرجت من الفيلا وهي تبكي
بينما شعر مالك بالخوف علي يارا للحظة فقام بمهاتفة أحد الأشخاص
مالك:أخبارها إيه
الشخص:لسة هي وأمها واصلين بيتهم كانوا في عيادة نسا
مالك بإستغراب:عيادة نسا!!! ليه
الشخص:معرفش يا باشا بس الهانم كانت بتعيط جامد لما طلعت
مالك:فين العيادة دي
الشخص:في شارع(.........)
مالك:ماشي خليك متابعها
ثم أغلق الهاتف وذهب إلي حيث قال له ذلك الشخص
دلف مالك إلي العيادة
مالك للممرضة:الدكتورة موجودة
الممرضة:أيوة يا فندم بس حضرتك مينفعش تدخل لوحدك أقصد لازم يكون معاك المريضة
مالك:مراتي تعبانة ومقدرتش تيجي وأنا جاي للدكتورة بنفسي
الممرضة:طيب ثانية واحدة
بعد دقائق
الممرضة:إتفضل حضرتك
دلف مالك إلي الغرفة التي تتواجد بها الطبيبة في فترة الراحة
الطبيبة:مين حضرتك أنا أول مرة أشوفك هنا
مالك:اه فعلا عايز أسألك من كام ساعة في بنت جت هنا مع والدتها
الطبيبة:بس ده مش غريب يوميا بييجي كده
مالك:إفتكري بس البنت بعد أما خرجت كانت بتعيط
الطبيبة بتذكر:في بنت كانت تقريبا مع والدتها كشفت عليها وكانت حامل وأما سألت عن جوزها فينه الأم قالت إنه متوفي
إبتسم مالك بحزن ثم غادر دون كلام
**********************************************
عاد خالد إلي منزله متأخرا ومرهق من العمل
دلف إلي غرفته فوجدها واقفة أمامه بذلك القميص الذي كانت تبدو به فاتنة للغاية
إبتلع ريقه بصعوبة وحاول أن يتجاهلها
تقدمت نحوه وعانقته بهدوء وحب
شوق:سامحني يا خالد أنا بحبك والله
إبتسم خالد وبادلها العناق فإبتسمت بسعادة
شوق:خالد مش ناسي حاجة
إبتعد خالد عنها وقال بحب
خالد:مش هكدب عليكي أنا منستش بس النهاردة كان شغل للركب أنا كنت باخد نفسي بالعافية
شوق:شكلك تعبان جدا تعالي نام
خالد بحب:كل سنة وأنتي طيبة
وقبلها قبلة خفيفة علي شفتيها
شوق برقة:بحبك
خالد:وأنا بحبك يا حبيبتي
ثم ذهبوا إلي الفراش وإحتضنها وناموا سويا
****************************************
تابع الفصل التالى من هنا
