(الكراهية تشل الحياة والحب يطلقها الكراهية تربك الحياة والحب ينسقها الكراهية تظلم الحياة والحب ينيرها......«مارتن لوثر كنج» )
تمر الأيام والوضع كما هو عليه بين يارا ومالك أما بالنسبة لخالد وشوق فالحب قد تضاعف بينهم وتجاهلوا كل ما قد مروا به أو بمعني تسامحوا فالحب يعني التسامح
في منزل خالد
طرقات صاخبة علي الباب متتالية
إسعاد : يا خالد يا شوق الباب بيخبط حد يفتح شكلهم نايمين أقوم أفتح أنا
وتوجهت إلى الباب وفتحته لتنصدم
إسعاد:فهمي
فهمي بغضب:أيوة فهمي مصدومة صح إنتي يا إسعاد آخر حد كنت أتوقعه يضحك عليا
إسعاد بسخرية:مستغرب أوي كده ليه أنا مبقتش طايقة العيشة معاك خلاص أعيش معاك ليه أديني سبب مقنع يخليني أفضل عايشة تحت رحمتك
فهمي:يااااه ده إنتي شايلة مني كتير بقي
إسعاد:إرجع تاني يا فهمي أنا خلاص مش هرجع معاك
فهمي:هترجعي يا إسعاد طول الفترة اللي فاتت وأنا بدور عليكي في مصر كلها ولما ألاقيكي تقوليلي مش راجعة ده بدل ما تتأسفي علي كدبك عليا
إسعاد:دورت عليا ليه
فهمي بإرتباك:عشان مسؤلة مني بس
إسعاد بإبتسامة حزن:ده اللي جابك
فهمي بشده:أيوة
إسعاد: لما إتجوزتني كان عشان مالك دلوقتي مالك مش محتاج حد فينا يبقي تطلقني
فهمي:إنتي بتقولي إيه
إسعاد:اللي إنت سمعته طلقني
فهمي:إسعاد بلاش هبل ويلا عشان نرجع القاهرة
إسعاد:مش عايزة أروح معاك
فهمي بعصبية:يوووووه يلا بدل ما أخدك بالعافية
وهنا قد خرج خالد من غرفته وتفاجئ بوجود فهمي
خالد:فهمي بيه
فهمي:هو أنت أنا بقي عرفت مالك ها هو اللي مدبر كل ده
خالد:إتفضل الأول وأنت هتفهم كل حاجة
فهمي بعصبية:مش عايز أفهم أي حاجة أنت ازاي تخطفها بس ما هو الحق مش عليك الحق علي اللي مربيينك تربية(......)
خالد بغضب:إطلع برا قبل ما أنسي فرق السن اللي بينا وأمد أيدي عليك
إسعاد بقلق:خلاص يا فهمي أنا هاجي معاك
فهمي بعصبية موجها حديثه لخالد:تمد إيدك علي مين يا إبن ال(........) حسبي الله ونعم الوكيل في اللي مربيينك مطلعين واحد سافل و
لم يكمل حديثه حيث أنقض عليه خالد ممسكا أيها من جاكته
خالد بغضب:أنا متربي أحسن منك
دفعه فهمي بقوة
فهمي بحدة:هستناكي تحت يا إسعاد
وقبل أن يخرج قال له خالد
خالد:أحسن لك أمشي عشان هي مش هتنزل
إسعاد بدموع:معلش يا إبني ده بسببي
لم يرد عليها وغادر المنزل بعدما أحكم غلق الباب بالمفتاح
وعندما هبط إلي أسفل البناية كان فهمي مازال واقفا
خالد:قولتلك مش هتروح معاك محدش طايقك ما تحس بقي
فهمي:كل شيء يمشي علي مزاجي فاهم يا محترم
ركب خالد سيارته وإتجه إلي شركة النشار
************************************************
في منزل يارا
أمام باب غرفة يارا
عبير:يا بنتي افتحي الباب حرام عليكي اللي بتعمليه في نفسك ده
لم تجد منها إلا صوت بكائها وشهقاتها
عبير:بلاش عشان نفسك يا يارا أبوكي راجع النهاردة من عزا عمك وهو في اللي مكفيه لو شافك بالمنظر ده نفسيتوا هتتعب أكتر قومي يا بنتي الله يهديكي إغسلي وشك وأتوضي وصلي ركعتين قلبك هيرتاح
يارا بصوت باكي:حاضر يا ماما بس سيبيني لوحدي بس
عبير:حاضر يا حبيبتي
نهضت يارا من علي الأرضية وخرجت من غرفتها وصارت إلي الحمام بخطوات متثاقلة حتي وصلت إلي حوض المياه وفتحت الصنبور وتوضأت ولم تكف عن البكاء ثم عادت إلي غرفتها وإرتدت إسدال الصلاة وأدت صلاتها ودعت الله أن يحميها ويرضي عنها
وعندما أنهت صلاتها سمعت صوت والدتها وهي تقول قبل أن تغادر المنزل
عبير:أنا رايحة عند أم جمال يا يارا زي ما إنتي عارفة إبنها اتجوز من قريب وأنا مرحتش باركتله ساعة زمن وهرجع
ظلت يارا تقرأ أيات القرآن الكريم ولم تنتبه أن مر ساعتين ولم تعد والدتها فسمعت صوت طرقات علي الباب فذهبت وفتحته
يارا:أيوة مين حضرتك
نانسي:أنا نانسي مش إنتي يارا
يارا:اه إنتي عارفاني
نانسي:ممكن نتكلم مع بعض شوية
يارا بعدم إرتياح:أتكلم معاكي ليه وأنا معرفش إنتي مين
نانسي:هفهمك كل حاجة بس لو تسمحيلي عشر دقايق بس مش أكتر
يارا:طيب إتفضلي
بعدما جلسوا
نانسي:مش عايزاكي تتضايقي من كلامي بس لازم تسمعيه عشاني وعشانك
يارا:كلام إيه
نانسي:أنا كنت خطيبت مالك قبل كده
وقفت يارا فجأة وأولتها ظهرها
يارا:لو سمحتي مش عايزة أسمع شيء يخصه لو سمحتي
نانسي:أرجوكي لازم تسمعي أنا عارفة كل شيء عمله مالك وكل تغيراته بعد ما سيبنا بعض أنا دايما كنت بتابعه بس كنت بخاف أقوله أنا بحب مالك أكتر من حياتي كل اللي حصل كان غصب عني أبوه أبوه هو السبب
إلتفتت لها يارا وقالت بغضب
يارا:أبوه قالك روحي خوني خطيبك اللي كان هيبقي جوزك معلش وإنتي وافقتي ولا عرض عليكي مبلغ كبير يريحك طول عمرك
إننهمرت من عينيها الدموع وقالت
نانسي:إخترت إني أبقي بعيدة عن مالك بس يبقي لسه شرفي زي ما هو أحسن من إن أفضل جنبه وأنا مش بنت بنوت كل ده عشان مالك أنا عمري ما فكرت أئذيه
يارا بعدم فهم:تقصدي إيه
نانسي ببكاء:أبوه كان عايزني أبعد عن مالك بأي شكل كان بيبهدلني ويمرمتني وأنا بسكت عشان مالك ولما قرب معاد جوازنا لقيت أبوه جاي عند بيتي أنا وأهلي وقال لأمي وأبويا لو إتجوزت مالك
لم تكمل حيث إنهارت وظلت تبكي
يارا بدموع:كملي أرجوكي
نانسي ببكاء:هيغتصبني ليله دخلتي
يارا بصدمة:إيه مش معقول
نانسي:هو.ده اللي حصل ووالله أنا برضو رفضت إني أبعد عن مالك بس ده كان دور أبويا إنه يرفض إني أتجوز مالك عشان شرف العيلة وأجبرني إني أسمع كلام فهمي بيه اللي دمرني ودمر حياتي وكل ده مكفهوش حطني في موقف زبالة مع مالك
يارا:لما شافك في حضن غيره
نانسي ببكاء:أيوة والشخص ده إتجوزني برضة إجبار من بابا وإحنا إطلقنا من قريب
يارا بحزن:عشان كده راجعة لمالك
نانسي:ومحتاجة مساعدتك
يارا:أسفة أنا مليش دعوة بيه الموضوع ده ميخصنيش
نانسي بدموع:لا يخصك عشان مالك بيحبك
يارا:مالك طلقني وخلاص الحكاية إنتهت
نانسي بتوسل:أرجوكي إنتي الوسيلة الوحيدة عشان أوصل لمالك ويرجع يثق فيا انتوا محصلش بينكوا حاجة وإنتي مش بتحبيه يعني الموضوع سهل ساعديني أرجوكي وأنا هبقي ممنونة ليكي لآخر حياتي أرجوكي
يارا بدموع:مش هقدر أنا حامل من مالك
نانسي بصدمة:حامل
يارا:دي الحقيقة
نانسي بدموع:عن أذنك
غادرت نانسي بينما جلست يارا تفكر فيما قالته نانسي وتسأل نفسها أيعقل أن ما قالته نانسي حقيقة!!!!
************************************************
في شركة النشار
في مكتب مالك
دلفت مريم إلي المكتب
مريم:مالك بيه خالد بيه عايز يقابل حضرتك
مالك بإستغراب:خالد؟؟ طيب دخليه
دلف خالد وعلي وجهه علامات الغضب
مالك:في ايه يا بني مالك
خالد:أبوك جه عندي البيت عرف أن طنط إسعاد عندي
مالك:وبعدين
قص له خالد ما دار بينه وبين والده
مالك بعصبية:إنت متخلف إنت بتمد إيدك عليه
خالد:نععععم إنت مش عاجبك كمان بقولك شتم في أمي وأبويا
مالك:لا طبعا مش عاجبني مش معني إن أنا مش بطيقه يبقي تضربه عادي
خالد بعصبية:أنا مضربتوش مسكت نفسي عليه بس هو اللي قل أدبه و
مالك مقاطعا بغضب:إطلع برا يا خالد
خالد:ماشي يا مالك ولو إنت شايف اللي عملته غلط يبقي مش إنت مالك اللي أنا أعرفه ومتربي معاه
ونظر له بغضب ثم غادر الشركة
عاد خالد إلي منزله فوجد شوق تنتظر عودته
شوق:كويس إنك جيت طنط إسعاد مشيت مع الراجل اللي جه ده والله حاولت أمنعها بس هي رفضت أنا آسفة
خالد:ده أحسن
شوق بمرح:إيه ده إنت متدايق ولا إيه طب وحشتني يلا
خالد:ههههههه في واحده تقول لجوزها يلا
شوق:خلاص بلاش يلا وحشتني ياسطا
رفع خالد حاجبه الأيسر قائلا
خالد:بقي أنا أعد خمس سنين كلية هندسة عشان في الآخر يتقالي أسطي
شوق:يووووه خلاص موحشتنيش
وأوشكت علي أن تذهب من أمامه لكنه أسرع بجذبها إلي أحضانه
خالد بحب:إنتي حلوة النهاردة كده ليه
شوق الغرور:أنا حلوة علي طول بس إنت إللي مش معبر
خالد:يا واد يا واثق من نفسك إنت طب ما تيجي أقولك كلمة سر
شوق بخجل:قول
نظر خالد حوله يمينا ويسارا
شوق بإستغراب:بتبص علي ايه
خالد:بشوف لو فيه شباك مفتوح ولا حاجة
شوق:لا مفيش بس ليه برضو
فاجئها خالد وحملها بين ذراعيه متجها بها إلي غرفة نومهم
خالد:مش حد يعرف الكلام السري اللي بقوله لمراتي عندك مانع يا مراتي
شوق:هههههههههه
خالد بخبث:أموت أنا وأموت ليه آل أموت آل ده أنا هخربها
ثم أغلق باب الغرفة خلفه
************************************************
في المساء في مكتب مالك
كان مالك غاضبا لما حدث بينه وبين خالد
مريم:مالك بيه حضرتك مش هتروح
مالك بعصبية:وإنتي مالك اطلعي برا
مريم بتوتر:مقصدش يا فندم بس في واحده عاوزة تقابلك
مالك:مش عايز أقابل زفت حد
يارا من الخلف:أنا اللي عايزة أقابلك
تابع الفصل التالى من هنا
