رواية رقية الجزء الرابع عشر 14 بقلم أميرة خالد

 رواية رقية الجزء الرابع عشر 14 بقلم أميرة خالد رقيةرواية رقية الحلقة الرابعة عشر ثاني يوم صحيت رقيه وقامت نزلت المخزن حضرت شغلها وبعد وقت طلعت وكانت الساعه 7:00 الصبح ودخلت اوضتها لقيت منه صاحيه وقالت لها اللي صحاكي بدري كده ردت عليها اصل انا رايحه الامتحان النهارده اخر يوم ليا في الامتحانات

قالت لها طيب محتاجه فلوس ردت عليها لا معايا القبض بتاع المستشفى قالت لها ماشي ودخلت منه الحمام وخرجت طلعت هدومها ولبست ومسكه التليفون وبعتت رساله لحياه وخرجت لقت رقيه قاعده وقالت لها انتي مش رايحه الشغل ولا ايه ردت عليها عليها لا رايحه بس كمان ساعه كده قالت لها طيب عايزه حاجه مني انا نازله بعد الامتحان هطلع على المستشفى ردت رقيه طيب يا حبيبتي

اما في شقه رامي صحي خالد من النوم وبص في الساعه لقاها 7:00 ندخل الحمام اخذ شاور وخرج طلع هدومه ومسك التليفون وطلب عربيه وبعد كده لبس هدومه ورش برفانه وخرج لقي رامي لسه نايم خرج من الشقه وبعد وقت قامت رقيه نزلت وحطت الحاجه على التروسيكل وراحت لام محمد وراحوا الصاغه وبداوا يرص الشغل في النصبه واتكلمت ام محمد الصحيحه يا بنت رقيه الجدعه اللي جاي امبارح ده يبقى حفيد متولي الهلالي ردت رقيه ايوه والدكتور بتاع منه

ردت ام محمد الف مبروك يا حبيبتي ان شاء الله يتمها لها على خير ردت رقيه والله ما عارفه يا ام محمد ام امبارح قالت لي كلام مخليني خايفه على منه ردت ام محمد ما تخافيش يا رقيه هم هيلاقوا زي منه فين دي دكتوره زي الفل وجمال وادب ردد رقيه اللي في الخير يقدم ربنا يلا بقى عشان الصناعيه بداوا يجوا قالت لها طيب يا حبيبتي

اما في الجامعه وصلت منه وشافت حياه ووائل واتكلم وائل خلاص يا اوزه هتتخطبي قبلنا ضحكت منه وقالت له هي ما بتبلش في بقها فوله خالص كده ردت حياه وانتي عايزاني اخبي عنه ليه وانتي كده كده هتقولي لنا ردت عليها بس كنت هستنى لما رقيه تقول رايها الاول

رد وائل رايها ايه هو في حد يرفض الدكتور خالد ردت عليه مش مهم هو من عيله مين او منصبه ايه المهم اخلاقه واحترامه وده اللي رقيه بتبص عليه ردت حياه والله العظيم رقيه دي بنت جدعه وبتفهم في الناس وده اللي بيعجبني فيها

رد وائل طب يا اختي انتي وهي يلا عشان الامتحان قدامنا 10 دقائق ونبقى في المدرج ردت منه يلا واعملوا حسابكم ان بعد الامتحان هطلع على المستشفى رد وائل ما احنا معاكي ومشوا ودخلوا المدرج وبعد دقائق الدكتور دخل وبداوا يفرقوا الورق وبداوا يركزوا ويحلوا الامتحان

اما في بيت الهلالي كان فوزي قاعد متضايق من اللي حصل ودخلت امل وقالت له مالك يا فوزي ما نمتش طول الليل ليه رد عليها عاجبك اللي ابنك عمله ده ضيع من ايدينا فرصه تعيشنا ملوك لاخر الزمن ردت عليه طب اعمل ايه وانت عارف ان دماغه ناشفه وطول عمره ما بيعملش غير اللي في دماغه

رد عليها اللي ما يجيش بالليل يجي بلوي الدراع وانا هعرف ازاي اخليه يوافق على كلامي رده امل بالراحه يا فوزي ده مهما كان ابننا وامبارح انا شفت في عيونه حب للبنت ديت رد فوزي حب ايه وقرف ايه ردت امل طب اهدى وكل حاجه هتتحل سيبه بس يومين والدنيا تتحل لوحدها رد فوزي ان شاء الله والحاج متولي فين ردت عليه في المكتب بتاعه قال لها طيب

وقام دخل المكتب واتكلم متولي تعالى يا فوزي في حاجه قال له انا عايزك تيجي معايا الصاغه النهارده نتكلم مع البنت ديت انها تبعد اختها عن خالد رد متولي حاضر يا فوزي انا جاي معاك رد فوزي ونعرض عليها كم قرش كده عشان تبعدها خالص رد متولي حاضر

اما في شقه عاصي صحي من النوم دخل الحمام اخذ شاور وخرج لبس هدومه ورش برفان وسرح شعره امسك تليفون مفاتيح عربيته وخرج من الاوضه شاف ندى وقالت له صباح الخير رد عليها صباح النور قالت له هو انت ما تعرفش خالد بات فين امبارح

قال لها وانتي بتسالي ليه قالت له عشان ايات من امبارح مموته نفسها بالعياط رد عليها قولي لها ما تعيطش ده بايت عند رامي بس ما تقوليش لحد عشان ما تحصلش مشكله ردت ندى حاضر مش هقول لحد بس انا عايزك تقف مع خالد وتساعده انه يتجوز البنت اللي بيحبها

رد عاصي اساعده ليه مش ممكن تكون هي واخداه لعبه عشان عرفت اهله مين رده ندى ما اظنش من كلام بابا على اختها يقول انها بنت جدع وفي 100 راجل فمستحيل تكون اختها بتاعه مصلحتها رد عاصي كله هيبان ويلا بقى عشان ننزل نفطر قالت له طيب

تحت في شقه متولي الكل كان بيحضر الفطار واتكلمت عيشه يلا يا جماعه عشان تفطروا وقعدوا عشان نفطروا وامل كانت بتلعب في الاكل واتكلمت عيشه ما تاكلي يا حبيبتي ما بتاكليش ليه ردت امل ما ليش نفس يا ماما وقامت دخلت المطبخ وعيشه قامت وراها وقالت لها مالك يا امل

ردت عليها بدموع خالد وحشني قوي يا ماما وعمر اللقمه ما تنزل في بطني غير لما اطمن على خالد ردت عيشه معلش يا بنتي كل حاجه هتتحل تعالي بس كلي لقمه لا تقعي من طولك ردت عليها ما ليش نفس ياما اخرجي انت بس كلي وانا هعمل لهم القهوه والشاي ردت عيشه طب يا حبيبتي وخرجت وامل وقفت تعمل الشاي والقهوه اه بعد وقت اتكلم عاصي يلا يا ياسين خلينا نروح الورشه رد ياسين حاضر الكل راح على شغله

اما رقيه كان الشغل عندها كثير وام محمد بتساعدها وبعد وقت خلصت الشغل وتليفونها رن وكانت نور وردت عليها عامله ايه ردت عليها زهقانه قلت اتصل اطمن عليك ضحكه رقيه وقالت لها طبعا واحده زيك متعوده على صياعه كل يوم ما تعرفش تقعد في​‌‍⁠ رواية رقية - الفصل 14 | مكتبة الروايات بيتها ساعه على بعضها

ردت نور ابدا والله بس انت عارفه ان انا بتخنق من قعده البيت فبابا قال لي تعالي انزلي تدريب مع اخوك في الشركه ردت رقيه طب حلو الكلام ده انزلي ردت عليها ما انا بكلمك عشان كده قلت تنزلي معايا تدريب وتشتغلي معايا ردت رقيه ما انتي عارفه اللي فيها ما اقدرش اسيب النصبه وهي بتكسبني دهب ردد عليها طب فكري وابقي ردي عليا وانا هتصل بيكي بعد العصر اعرف ردك ايه ردت رقيه ماشي وقفلت معاها وهي بتفكر في كلامها

اما في الجامعه خالد وصل ودخل مكتبه وبدا يشتغل وبعد وقت بصي في الساعه لقاها 10:30 خرج من المكتب عشان يروح المستشفى وقف على البوابه يطلب اوبر كان وائل خارج بالعربيه ومعاه منه وحياه وقال له ايه يا دكتور واقف كده ليه

رد خالد ما فيش اصل انا رايح المستشفى ومستني العربيه تيجي رد وائل طب اركب معانا يا دكتور طريقنا واحد بصي خالد لمنه ولقاها محرجه قال له لا امشوا انتم وانا هركب العربيه رد وائل ابدا والله يا دكتور يلا يا حياه انزلي اركبي ورا جنب منه نزلت حياه وخالد ركب وكان بيبص في المرايه على منه وفضله يتكلموا وهو عينيه على منه

اما في شقه امل ندى دخلت قعدت مع ايات وقالت لها انا عرفت اخوكي بايت فين من امبارح ردت ايات بجد قولي قالت لها عند حبيب القلب اطلع بجد اطلع ايوه مسكت التليفون ولقيت اتصالات كثيره من رامي والرسائل وراحت متصله عليه ورد رامي ايه يا بنتي انا بتصل بك كثير من امبارح ردت عليه يعني انت مش عارف اللي حصل اكيد هم حكوا لك

قال لها ايوه بس برضو كنت رديتي عليا طمنتيني عليك قالت لي انا كنت خايفه على خالد رد عليها ما تخافيش يا ستي ده انا هحطه في عينيا ده ابو نسب برده ضحكه ايات وقالت له ربنا يخليك ليا يا رامي رد عليها خليك ليا يا قمر انتي خليك معايا بقى عشان البس هدومي وانزل اروح الشغل قالت له طيب

وفضلوا يتكلموا ورامي نزل ركب العربيه وهي قالت له طب هقفل معاك دلوقتي ولما تكون فاضي ابقى اتصل عليا رد رامي طيب يا حبيبتي انا كنت عامل حسابي اني اروح اليومين دولت اطلبك من ابوكي بس موضوع اخوه بوظ الدنيا قالت له مش مشكله كل تاخيره وفيها خيره

قال لها من امتى الكلام من ده انتي على طول بتزن عليا ان اجي اتقدم قالت له بصراحه كده انا خفت لا يحصل معانا زي اللي حصل مع خالد رد عليها ما تخافيش يا حبيبتي احنا موقفنا مختلف ردت عليه يمكن بس انا قلبي مش مطمن قال لها ما تخافيش انا عايزك تبقي في بطني وبطيخه صيفي قالت له طيب وقفلت معاه

اما في الصاغه عاصي وياسين كانوا في الورشه وبيخلصوا شغل ودخل رامي وقال لهم عاملين ايه يا شباب ضحك ياسين وقال له ما احنا كنا معاك من امبارح رد عليه قصدي الجو عندكم عامل ايه رد ياسين كويس ما فيهوش حاجه قال له طيب دي حاجه حلوه يعني ممكن موضوع خالد يتحل

ضحك عاصي وقال له تبقى بتحلم الموضوع لسه هيكبر رد عليه وقال له ازاي قال له اصل انت ما تعرفش فوزي ممكن يعمل ايه عشان يوصل اللي هو عايزه رد رامي ربنا يستر ونده على الواد بندق وقال له روح لرقيه اقول لها هاتي فطار لرامي بيه رد بندق حمامه وخرج بندق وراح لرقيه وطلب منها الفطار

وعملت له الاكل في صينيه واديته له وراح عند رامي وادى له الفطار واتكلم رامي ما تيجوا يلا تفطروا معايا رد عاصي لا احنا فطرنا ويتكلم ياسين وقال له قول على نفسك انت ما تجمعش وراح قعد جنبه واكل مع رامي

اما في المستشفى كان خالد بيشتغل ومنه معاه وهي مكسوفه وبعد ما اخلص شغل بص لها وقال لها بصي يا منه موضوع ارتباطنا ده بره الشغل ولازم ما تبقيش محرجه عشان المرضى قالت له حاضر يا دكتور وقال لها طيب يلا بينا عشان عندي عمليه وتخشي تساعديني قالت لي حاضر

وبعد وقت طويل وصل متولي وفوزي الورشه واستغرب عاصي وياسين من وجود جدهم وجوز عمتهم في الورشه ويتكلم متولي ابعث لي اي حد ينده البنت بتاعه الفول والطعميه رد ياسين حاضر وندى على بندق وقال له روح قول لرقيه تعالي كلمي متولي بيه في الورشه رد بندق حمامه ودخل متولي وفوزي المكتب وقال لهم ما حدش يخش لما هي تيجي رد ياسين حاضر يا جدو

اما رقيه كانت واقفه بتعمل الشغل وصل بندق وقال لها متولي بيه عايزك دلوقتي ردت رقيه روح انت وانا هاجي له بس اخلص اللي في ايدي رد بندق حاضر يا ابله رقيه ومشي و اتكلمت ام محمد يا ساتر يا رب هم عايزين منك ايه ردت رقيه الخبر بفلوس بعد شويه هيبقى ببلاش ردت ام محمد عايزك تبقى هاديه وتتكلمي بالراحه عشان خاطر اختك ردت رقيه ان شاء الله بس هم شكلهم مش ناويين على خير ردت ام محمد برده اعملي حساب لاختك قالت لها حاضر

وراح بندق وقال لهم على اللي قالته رقيه وتعصب فوزي وقال له طب غور انت اخرج بندق وهو زعلان ويتكلم ياسين في ايه قال لهم انا قلت له اللي رقيه قالته لي وهو قال لي غور رد ياسين معلش يا بندق ما تزعلش ويلا روح انت اتكلم ياسين شكل كده الدنيا هتولع

رد عاصي ده ولسه لما تيجي رقيه لو هي زي ما قال ابويا عليها يبقى الموضوع هيبقى ضرب نار رد رامي بس عجبني ردها انها تخلص شغلها الاول وبعد كده تيجي تشوفهم عايزين ايه في الجون بصراحه ضحك ياسين وقال له معك حق

وبعد وقت وصلت رقيه ودخلت الورشه واتكلم ياسين ادخلي المكتب جدي عايزك قالت له طيب ودخلت و متولي بعد ما فضل يبص لها واتصدم من شكلها وقال في عقله حفيدي يناسب العيله دي ازاي وفوزي كان مصدوم اتكلمت رقيه انتوا هتفضلوا تبصوا لي كتير انتم عايزين ايه اتكلم متولي بص كده ابعدوا اختك عن حفيدي

ضحكه رقيه وقالت له حفيدك مين عشان انا مش واخده بالي رد عليها خالد ردت عليه ايوه ايوه مش ده اللي جه لغايه عندي عشان يطلب اختي رد فوزي ايوه هو ردت رقيه طب انا اعمل له ايه ما تقولوا له انت ابعد رد متولي بصي انا عارف الاشكال اللي زيك تيجي ازاي وطلع دفتر الشيكات وكتب شيك وادى الرقيه

ورقيه فتحته وشافته وقالت له ياه انت شايف قيمه حفيدك بالمبلغ ده رد فوزي لو عايزه فلوس زياده انا هديكي ضحكه رقيه وقعدت على الكرسي و حطت رجل على رجل وقالت له انت بتحلم انا الفلوس دي ملهاش قيمه عندي وقطعت الشيك انا اللي يهمني اختي وانها عايزه ايه ولو هي موافقه على خالد هجوزها على طول ما يهمنيش اللي انت بتقوله ده

رد متولي خديه ما بقاش حيلته حاجه ومفلس ضحكه رقيه وقالت له وانت فاكر اني كنت هوافق عليه عشان هو من عيلتكم تبقى بتحلم رد فوزي بقول لك ايه يا بنت انتي ابعدوا اختك عن عن ابني احسن ما اوريكي وش عمرك ما شفتيه قامت رقيه وخبطت على المكتب بعصبيه وقالت له التهديد ده تهددوا لابنك لاي حد من اللي شغالين عندك بس انا لا فاهم ولا لا وسابتهم ومشيت

واتكلم متولي اتصل على الناس بتاعتنا يا فوزي يجوا يكسروا لها النصبه بتاعتها ويكسروها معاها رد فوزي من عينيا يا حاج ومسك التليفون واتصل على واحد وقال له يعمل ايه اما رقيه رجعت النصبه وهي متعصبه اتكلمت ام محمد في ايه يا بنتي ردت عليها ما فيش حاجه بعدين هبقى اقول لك وفضلت تشتغل وهي متعصبه

وبعد وقت وقفت عربيه دبابه وفيها رجاله وام محمد بتقول لها الرجاله دي كلها ردت رقيه ما اعرفش بس قلبها ما كانش مطمن ومسكت الشومه بايديها وجت الرجاله وقربت من النصبه بتاعتها واحد قال فين رقيه ردت عليه انا ومسك العصايه ولسه هيضرب في النصبه قال لها دي قرصه ودن عشان تعرفي تتكلمي مع الكبار بعد كده ولسه هينزلها على النصبه كانت رقيه ضربته بالشومه في بطنه ووقعته

وبدات الرجاله تقرب وتضرب في النصبه بتكسرها رقيه بدات تضرب فيهم وام محمد بتصوت وخرج كل الرجاله الصاغه تتفرج على الخناقه ومتولي وفوزي كانوا واقفين وعاصي وياسين ورامي واتكلم فوزي دي اخره اللي يتكلم ويتحدانا اتضايق رامي وكان عايز يروح يساعدها بس ياسين مسك ايديه ورقيه فضلت تضرب فيهم

واحد من الرجاله غفلها وضربها على ذراعها كسره لها وتليفون رقيه كان بيرن وام محمد ردت الحقونا رقيه بتضرب ونور كانت سامعه صوت رقيه وهي بتشتم نزلت جري ركبت العربيه واتصلت على ابوها وقالت له ان في مشكله مع رقيه وانها في الصاغه رد عليها اقفلي وهبعت لك الظابط على هناك ام محمد مسكت التليفون واتصلت على منه ومنه ردت ايوه يا رقيه

ردت ام محمد الحقينا عيله متولي الهلالي بعتين بلطجيه ردت منه طب اقفلي انا جايه حالا واقرب خالد وقال لها في ايه قالت له اهلك بعت الناس لرقيه الشغل رد خالد طب يلا بينا وائل قال لهم استنى انا جاي معاكم ورقيه كانت بتضرب في الرجال والناصبه اتكسرت ورجاله سمعت صوت البوليس جريو وشالوا صحابهم في العربيه الدبابه

وصلت نور بالعربيه ونزل الجري راحت لرقيه وقالت لها مالك يا حبيبتي ايه اللي حصل ردت رقيه انتي جيتي ازاي قالت لها بعدين المهم نروح المستشفى دلوقتي ردت رقيه مش هروح في حته وهاتي كرسي يا ام محمد وحطت الكرسي وقعدت عليه وهي ماسكه الشومه وبعد دقائق وصل خالد ومع منه ووائل وحياه واتكلم خالد انا اسف يا رقيه على اللي حصل

ردت منه ابعد عننا بقى كفايه اللي اخذتها من وراك زعقت رقيه وقالت لها اخرسي خالص واعمل حسابك يا خالد انك هتكتب كتابك على منه دلوقتي فرح خالد وبصت في عيون متولي بتحدي وقالت يا جماعه كتب كتاب اختي على الدكتور خالد النهارده وفوزي اتعصب اما ياسين كان عينيه على حبيبته واستغرب معرفتها برقيه بس قال ممكن تكون صاحبه منه

اما عاصي​‌‍⁠ كان مستغرب قوتها واتكلمت منه ما فيش اي حاجه هتحصل غير لما تروح المستشفى الاول واقرب الظابط وقال لها ايه اللي حصل ردت رقيه ما فيش يا حضره الظابط ناس كده ما نعرفهمش عملوا مشكله ومشوا حتى كسروا النصبه رد الظابط يعني انت ما عندكيش حد تشك فيه قالت له لا قال لها طيب هنعمل محضر باللي حصل قالت له طيب اتكلمت نور مش دلوقتي هنطلع المستشفى الاول نطمن وبعد كده حضرتك ابقى اعمل المحضر اللي انت عايزه

قال لها طيب رقيه بصت لنور ونور قربت منها وقالت لها اتصلي على ابوكي خليه يطلع لي جابر من الحجز ويفهمه لو عمل كده تاني هنرجعه ثاني الحجز قالت لها طيب وقامت ركبت العربيه بتاعه نور ومعاها ام محمد ومنه ووائل وحياه وخالد في العربيه الثانيه وطلعوا على المستشفى …..

تابع الفصل التالى من هنا