رواية رقية الجزء الخامس عشر 15 بقلم أميرة خالد

 

رواية رقية الجزء الخامس عشر 15 بقلم أميرة خالد رقيةرواية رقية الحلقة الخامسة عشر ورقيه وصلت المستشفى ودخلت تعمل الاشاعه ونور مسكت التليفون واتصلت على ابوها وحكيت له كل اللي حصل واللي قالته رقيه ورد طه تمام اقفلي وطه مسك التليفون واتصل على الظابط وقال له يعمل ايه وهقفل الظابط ونده على العسكري وقال له هات لي جابر من الحجز راح العسكري ونده على جابر ورد عليه في حاجه

رد عليه ظابط عايزك رد جابر حاضر ومشي معاه وراحوا على مكتب الظابط واخبط الباب العسكري ودخل وقال له جابر اهو يا سعاده البيت رد الظابط اخرج انت وتعالى يا جابر اقعد هنا قعد جابر واتكلم الظابط بص دي كانت قرصه ودن لو عرفت ان انت عملت مشاكل تاني مع رقيه وما سمعتش كلامها هتخش فيها ومش هتخرج خالص

رد جابر بخوف والله ما اعمل حاجه انا حرمت وهسمع كلامها رد الظابط طيب يلا اخرج وما اشوفش وشك تاني وجابر ما كانش مصدق وزعق الظابط وقال له انت لسه هنا وقام جابر خرج وهو مبسوط انه هيشوف عياله

اما في المستشفى اتكلمت ام محمد يا منه اتصلي على امك تجيب هدوم لرقيه وتيجي على المستشفى ردت منه حاضر ومسكت التليفون واتصلت على سلوى وردت سلوى ايه يا منه في حاجه ردت عليها ما فيش يا ماما هاتي بس عبايه او اسدال من عندك وتعالي على المستشفى خافت سلوى وقالت لها مستشفى ايه انتي فيك حاجه

ردت منه لا يا ماما دي رقيه ذراعها اتكسر واحنا في المستشفى ردت سلوى انهي مستشفى قالت لها مستشفى السيد جلال ردت سلوى 10 دقائق واكون عندك وندهت على زياد وقالت له خلي بالك من اخوك عقبال ما اروح اشوف اختك رد زياد مالها منه ردت سلوى لا مش منه رقيه في المستشفى قال لها طب استنى انا جاي معاكي قالت لي طب وعبودي

قال لها نسيبهم على الجيران لغايه ما نرجع قالت له طيب وفي المستشفى خالد قرب من منه وقال لها حقك عليا ردت عليه ما فيش حاجه دكتور خالد وحصل خير وسكت خالد ودخل عنده رقيه يطمن عليها

اما في الورشه اتكلم عاصي اللي انت عملته ده يا جدو هو احنا لينا في شغل البلطجه ده رد متولي بعصبيه اقعد ساكت انت مش فاهم هي عملت ايه وتستاهل اللي حصل فيها رد عاصي بس انت كده هتخلي الناس تقول علينا ان احنا اتشطرنا على وليه رد فوزي بقول لك ايه خليك ساكت احسن

رد عاصي براحتكم وانتم فاكرين بعد اللي عملتوه ده خالد هيرجع تبقوا بتحلموا خالد هيصمم على رايه وانت سمعت بودانك هي قالت ايه هتكتب كتابه دلوقتي على اختها يعني ما فيش فرصه ان خالد يسيبها اتضايق متولي وقال له روح يا عاصي شوف شغلك فيه ايه وما لكش دعوه انت بالموضوع ده

وبعد دقائق وصل جابر البيت وقعد يخبط وما حدش فتح طلع المفتاح وفتح الشقه ودخل ما لقاش حد وهو مستغرب يكونوا راحوا فين دخل على الحمام استحمى وحلق دقنه وخرج دخل المطبخ يدور على اكل وقعد ياكل

اما في المستشفى وصلت سلوى وزياد واتكلموا مالها اختك يا منه ردت عليها ما فيش حاجه يا ماما ذراعها اتكسر قالت لها طيب هي فين قالت بيجبسوها جوه والدكتور خالد معاها قالت لها طيب وراحت وقفت جنب ام محمد وقالت لها ايه اللي حصل وحكيت لها ام محمد كل اللي حصل كله وكلام رقيه

وقالت سلوى انا كنت عارفه انهم مش هيسكتوا بس بنت بطني ما بتسمعش الكلام ونور كانت واقفه بتتكلم في التليفون مع والدها وقال لها ان جابر خرج قالت له طيب هتطمن على رقيه وهرجع قال لها لو هي احتاجت اي حاجه خليها تتصل عليا قالت له حاضر

وحياه ووائل واقفين جنب منه وقالوا لها هي مين ديت اللي من ساعه ما جت وهي بتتكلم في التليفون ردت منه والله ما اعرفها انا اول مره اشوفها رد وائل بس شكلها تعرفكم كويس انه رقيه ركبت معاها من غير ما تقول لها انتي مين ردت منه دلوقتي هنعرف لما رقيه تخرج

وخرج خالد من الاوضه وقال لهم الحمد لله هي كويسه دلوقتي بس خشي غيري لها هدومها عشان تقدر تروح معاكم رده سلوى بصي يا ابن الناس ابعد عننا احسن كفايه اللي جاي من ورا اهلك رد خالد معلش يا طنط انا عارف ان اهلي غلطوا بس انا ما ليش دعوه وانا بحب منه ومش هسيبها ابدا ولو سمحتي ما تقوليش الكلام ده تاني انا خدت وعد من رقيه ان منه هتبقى ليا

وتكلمت نور بقول لكم يا جماعه مش وقته الكلام ده المهم رقيه عامله ايه دلوقتي ردت منه وحضرتك مين رده نور مش مهم انا مين رقيه تبقى تقول لكم واخذت الشنطه من سلوى ودخلت لرقيه بدات تساعدها وتغير لها هدومها وتغسل لها وشها وتلبسها الطرحه واتكلمت رقيه عملت اللي انا قلت لك عليه رده نور اه وهو خرج ودلوقتي هتلاقيه في البيت

على فكره بابا بيقول لك لو حصل اي حاجه اتصلي عليه ردت رقيه تمام هو مين اللي كان بره وبيزعق قالت لها مامتك كانت بتتكلم مع الدكتور خالد قالت لها طيب وخرجوا واتكلمت رقيه يلا نروح البيت وانت يا وائل اتصل بالماذون عشان يجي البيت ردت منه برضه مصممه قالت لها اكثر من الاول ويلا بينا وزياد قرب منها عشان يسندها ضحكه رقيه وقالت له ما تخافش انا لسه جامده زي ما انا ده كسر ايد دي حاجه بسيطه

وخرجوا وركبوا العربيات وكان خالد ما شافش رقيه وروحوا على البيت وزياد فتح الباب واتفاجئ بجابر قاعد واول ما شافهم قام وحضن زياد ومنه وقال لهم وحشتوني قوي هم كانوا مصدومين من تغيره واول ما شاف رقيه و دراعها مكسور قرب منها وقال لها مالك حصل لك ايه ردت رقيه ما فيش حاجه المهم انا عايزاك في موضوع تعالى معايا

ودخلوا الاوضه واتكلمت رقيه بصي يا جابر انا من الاول ما كنتش بحبك ولا بطيئك عشان اللي كنت بتعمله فيا بس عشان خاطر اخواتي استحملتك بس لما تيجي تقف قدام مستقبل اخواتي مش هسكت لك وانت جربت عشان كده بقول لك اوعى تفكر ان انا ضعيفه وانك تستقوى عليا وعلى اخواتي

رد جابر ملوش لازمه الكلام ده وانا خلاص عرفت غلطي وسامحيني يا رقيه اني كنت بعاملك وحش ردت رقيه انا مسامحاك بس في موضوع حصل ولازم تعرفه و حكيت له كل اللي حصل واتكلم جابر وازاي هم يتجراوا يعملوا معاكي كده ما يعرفوش ان انتي وراك رجاله ولا ايه ردت رقيه خلاص اللي حصل حصل دلوقتي الماذون هيجي ولازم تبقى وكيل منه عشان نكتب كتابها على الدكتور خالد

قال لها طيب اللي انتي شايفاه صح هعمله وخرجوا ووائل رجع هو وخالد وحياه ومعاهم الماذون واتكلمت رقيه بصي يا دكتور خالد ده جابر والد منه قال له اهلا وسهلا طب وحضرتك مين ضحكه رقيه وقالت له حضرتك مش عارفني انا رقيه اتصدم خالد وقال لها انتي بتتكلمي جد قالت له طبعا هو ده في​‌‍⁠ رواية رقية - الفصل 15 | مكتبة الروايات ضحك يلا حضرتك عشان نكتب الكتاب قال لها طب ينفع اجيب الشهود

ردت رقيه احنا محتاجين شاهد واحد بس عشان وائل هيبقى الشاهد الثاني رد خالد طب ثواني وماسك التليفون واتصل على ياسين وقال له انا في البيت رقيه وبكتب الكتاب على منه ينفع تيجي لي عشان تبقى الشاهد رد ياسين من عيني يا صاحبي هاجي لك انا وعاصي دلوقتي ابعث لي بس اللوكيشن قال له حاضر وقفل معاه وابعت له اللوكيشن

اما ياسين بص العاصي وقال له يلا بينا نروح لخالد رد عاصي ليه في ايه رد ياسين وحكى له كل اللي خالد قال له رد عاصي طيب ورامي كان واقف معاهم وقال عليا النعمه البت دي راجل وعملت اللي في دماغها رد ياسين طب يلا يا اخويا هتيجي معانا ولا هتروح رد رامي لا جايه معاكم وخرجوا من الورشه و ركبو العربيه

اما بيت رقيه اتكلمت منه ممكن يا رقيه اسالك سؤال قالت لها تفضلي هي مين دي وبتشاور على نور ردت رقيه صاحبتي فيها حاجه ردت منه اصلا اول مره اشوفها واعرف انك ليكي صاحبه رده رقيه اهو انتي عرفتي المهم قومي اعملي شاي وقهوه للضيوف ردت منه حاضر

وهقرب عبودي من حياه عامله ايه يا مزه رد وائل بقول لك ايه ابعد عن خطيبتي روح دور لك في حته طريه تانيه رد عبودي ده في مزه تانيه احلى من حياه 100 مره وسابهم ومشي وراح ناحيه نور وقال لها انا عبودي اخو رقيه الصغير ردت نور اهلا بيك يا حبيبي وانا صاحبتها قال لها ده انتي زي القمر صاحبتي رقيه على ايه

ردت رقيه بتقول حاجه يا عبودي رد عليها ابدا يا قلبي ده انا بتكلم مع المزه وبتعرف عليها ضحكه نور وقالت له ده انت بتخاف من رقيه قال لها طبعا لازم اخاف مش اختي الكبيره والباب خبط وقام زياد فتح وياسين قال له مش ده بيت رقيه رد الزياد ايوه حضرتك مين قال له انا ابقى ابن خال خالد

قال له طب ثواني ودخل قرب من خالد وقال له في واحد بيقول انه ابن خالك واقف بره رد خالد ايوه وئام راح عند الباب ولقى ياسين وعاصي ورامي وقال لهم خشوا ودخلوا وشافوا الماذون وابو منه واصحابها وواحده واقفه لابسه اسدال ومجبسه ايديها وكانت زي القمر ونور كانت واقفه جنبها وياسين فضل متنح لنور ويتكلم خالد الشهود وصلوا ورقيه

ردت عليه طب يلا نبدا والكل اتصدم ان دي رقيه واتكلم رامي ازاي دي رقيه رد ياسين والله ما انا عارف اكيد في حاجه غلط رد خالد بعدين هبقى اقول لكم يلا بقى خلينا نكتب الكتاب وبدات ماذون في كتب الكتاب وخالد مسك ايد جابر واتكلمت رقيه قبل ما نكتب الكتاب لازم يا خالد تعرف حاجه انا اديتك اختي عشان عارفه ومتاكده انك هتصونها وتعرف قيمتها ولو في يوم زعل تها او جيت على كرامتها ما تلومش غير نفسك واسال ولاد خالك عليا وهم هيقولوا لك انا ايه

رد خالد ما لوش داعي الكلام ده ومنه قبل ما تكون في عنيا دي في قلبي يلا نبدا يا سيدنا الشيخ وبداوا كتب الكتاب وياسين كان الشاهد ووائل وبعد ما كتب الكتاب خلص سلوى زغرطت وحياه قربت من منه وحضنتها وقالت لها الف مبروك يا حبيبتي ردت عليها الله يبارك فيك وائل بارك لها زياد حضنها وجابر قام وقرب من منه واخدها في حضنه وقال لها مبروك يا بنتي ردت عليه بادب الله يبارك فيك يا بابا ومنه قربت من رقيه وقالت لها ربنا يخليك ليا يا رقيه

ردت عليها وهي بتحضنها ما تقوليش الكلام ده انتي بنتي قبل ما تكوني اختي وخالد الشباب كانوا بيباركوا له وراح خالد وماسك ايد منه وقال لها مبروك يا حبيبتي اتكسفت منه وخدودها احمرت وفضلت ساكته ضحك خالد وقال لها لينا كلام بعدين وبعدت منه وراحت وقفت جنب مامتها اللي خدتها في حضنها ونور بصت في التليفون وقالت لرقيه انا تاخرت لازم اروح ولو احتجت حاجه اتصلي عليا

ردد رقيه طيب يا حبيبتي يا زياد قوم وصل نور العربيتها رد زياد حاضر ونزله نور مع زياد وياسين بص لخالد وقال له ربنا يستر من اللي جاي جدك وابوك مش هيسكتوا ردت رقيه اللي عندهم يعملوه وانا واقفه لهم رد خالد بعد اذنك يا رقيه ملكيش دعوه بالحوار ده ومنه خلاص بقت مراتي وانا اللي هقف لهم كل ده وعاصي كان بيبص على رقيه ومش سامع حاجه

وتكلم وائل طب يا جماعه احنا كمان هنروح في الوقت اتاخر هبقى اشوفك بكره في المستشفى يا منه ردت عليه حاضر ونزلوا ركبوا عربيتهم ومشوا واتكلمت ام محمد هنعمل ايه يا رقيه بعد النصبه تكسري رده رقيه ما تخافيش يا ام محمد هتتحل رد خالد بس يا رقيه ده غلط ابويا وجدي شوفي انتي محتاجه كام وانا هديك الفلوس حقي تكسير النصبه

ردت رقيه مش محتاجه فلوس شوف انت الاول شقه عشان تتجوز فيها عشان احنا عندنا الخطوبه مش هتطول رد خالد حاضر بس برده ده حقك ردت عليه وانا مش عايزه حاجه رد ياسين خلاص يا خالد شوفي انتي محتاجه ايه يا رقيه وانا هدفعه لك انا ردت عليه بقول لك ايه الكلام ده ما لوش لازمه وانا مش محتاجه فلوس من حد وانا اقدر افتح بدل الناصبه دي محل فيا ريت نقفل على الموضوع ده

رد عاصي يلا يا شباب خلينا نروح رد خالد طب يا جماعه استنوني تحت هقول حاجه لمنه واجي لكم رد عليه تمام ونازل وهو ياسين ورامي اما خالد وقف يتكلم مع منه على السلم وقال لها اكتبي لي رقم تليفونك هنا ردت عليه حاضر وكتبت له رقمها قال لها طيب اول ما هروح اكلمك بس في حاجه كان نفسي اعملها بس ما عرفتش اعملها واحنا جوه

ردت منه حاجه ايه قرب منها وحضنها وباس راسها وقال لها مبروك يا حبيبتي اتكسفت منه وهو ضحك وقال لها ما تتكسفيش انا زي جوزك دخلت منه وقفلت الباب في وشه ضحك خالد ونزل ركب مع الشباب العربيه واتكلم عاصي ما ركبتش مع رامي ليه رد خالد لا ما انا مروحه على البيت بتاع جدك عشان لازم اتكلم معاهم

رد عاصي ماشي وفضل يفكر في رقيه وليه كانت مخبيه شكلها وهي في الصاغه وتكلم ياسين صحيح يا خالد ازاي دي رقيه رد خالد بص يا سيدي اللي انا فهمته من منه ان رقيه كانت خايفه على نفسها وهي بتشتغل في وسط الرجاله عشان كده كانت عامله في شكلها كده عشان ما حدش يجي ناحيتها والكل يخاف منها رد ياسين تصدق هي معاها حق تعمل اكتر من كده ده كفايه عيونها براميل العسل الصافي ولا بياضها

رد خالد طب خاف على نفسك عشان ما تنفخكش رد ياسين لا يا عم رقيه عارفه ان انا بعتبرها اختي حتى قبل ما اعرف شكلها ايه وعاصي كان سرحان في كلامهم وافتكر ملامحها الجميله وعينيها العسلي او بعد وقت وصلوا البيت ودخل خالد وشاف جده قاعد هو وابوه والعيله واتكلم خالد بص يا جدو عشان انا تعبت من اللي انتوا عملتوه انا عايزه اعرفك حاجه ان انا اتجوزت منه وكاتب كتابي كان من شويه وانا بعرفك اهو اتصدموا الكل

وامل قالت له اتجوزت من غير ما تقول لنا اكن ملكش اهل رد عليها اهل مين اللي راحوا استقوى على بنت غلبانه وكسروا لها النصبه بتاعتها عشان رفضت تاخذ الشيك بتاعهم رد محمود كلام ايه اللي انت بتقوله ده يا خالد رد عليه ايوه يا خالي ابويا وجدي راحوا لرقيه وهددوها انها تبعد اختها عني ويا ريتها لغايه كده وبس لا وجابوا رجاله كسروا النصبه وكسروا دراع رقيه لولا ان هي كانت دي 100 راجل كان زمانها اتبهدلت رد محمود اللي انت عملته يابا ده انت مش عارف دي بنت مين دي بنت سلطان

رد متولي​‌‍⁠ سلطان مين رد كامل سلطان العزايزي فاكره ولا نسيته رد متولي انت بتتكلم جد قال له ايوه رد عاصي من سلطان العزايزي ده رد محمود انت عارف يابا لو حد من اهلها عرفه هيحصل فينا ايه دول هيطبقوا الدنيا على دماغنا رد متولي وانت يا فوزي مش عارف تجيب معلومات عنها قبل ما نعمل حاجه زي ديت رد فوزي بخوف انا ما اعرفش عنها حاجه انا جبت معلومات عن اختها واللي اعرفه انها بنت واحد اسمه جابر

رد محمود ربنا يستر واهلها ما يعرفوش حاجه ردت امل واهلها يعرفوا منين اذا هو كان سايب اهله من زمان وما حدش يعرف انه مات ولا عايش رد محمود بسخريه قل لهم يا كامل ايه اللي حصل من يومين رد كامل اللي انتم ما تعرفوش ان ابو سلطان عرف ان هو مات وانه سايب بنت وهم بيدوروا عليها رده امل ازاي ده كده ممكن تحصل مصيبه واتكلم خالد ما تفهمونا يا جماعه اللي بيحصل رد محمود ربنا يستر من اللي جاي …..