.png)
بعد شويه نزلوا اتغدوا وخرجوا عشان يجيبوا حاجات المدرسة لحور. راحوا على المول ودخلوا محل الملابس واشتروا اليوني فورم بتاع المدرسة، الي عبارة عن جيبة كحلي عند الركبة أو قبلها بشوية صغيرين، وتيشرت بينك، وكولون لونه أبيض، وشوز أبيض، وتوك كتير، وكراسات ونوت بوك، وأقلام عادية وتلوين كتير. وبعد لف كتير روحوا للبيت. عدى يومين وجيه أول يوم مدرسة. صحى نمر بنشاط وفرحة، وكأن هو اللي هيروح المدرسة مش هي. صحى حور بابتسامة جميلة:
"حوري حوري قومي وراكي مدرسة." قامت حور بنشاط: "صباح الخير يانمر." نمر بابتسامة جذابة: "أجمل صباح الخير بسمعها في حياتي." ابتسمت له حور. نمر: "جميلتي دلوقتي قومي تاخدي شاور وتلبسي على ما أنا أعمل الرياضة بتاعتي، اوكي؟ قامت حور خدت شاور ولبست لبس المدرسة اللي كان جميل جداً فيها، وكانت قمر بمعنى الكلمة. عملت قطتين في شعرها من قدام بتوكة فيونكة وسابت باقي شعرها ورشت برفان.
نزلت، ونمر خد شاور ولبس بدلة سودا وقميص أسود وساعته السيلفر الفخمة وبرفانه الساحر. نزل لقى حور قاعدة مستنياه. بصلها وهو مذهول ومش عارف ينزل أصلًا. نمر في سره: "ياريتني ما دخلتك مدرسة إنترناشونال، إيه اللبس ده هيخليكي أحلى، يخربيتك." حور: "يلا يانمر مش عايزين نتأخر." نمر: "حاضر." فطروا وكانوا لسه هيخرجوا، وقفته حور: "استنى." نمر: "إيه؟ في إيه؟ حور: "استنى ناخد صورة باليوني فورم ده." نمر بضحك: "يلا."
اتصوروا بأوضاع كتير، مرة وهما بيضحكوا، ومرة وهو نمر شايلها وهي بتطلع لسانها وبتعمل حركات طفولية كتير. خدها نمر وخرجوا وخلوا السواق يوصلهم. وصلوا المدرسة ونزل نمر من عربيته بهيبة كبيرة جداً، وراح ناحية باب حور فتحه ونزلت منه ومسكت إيده ودخلوا وسط نظرات الناس كلها وأولياء الأمور ونظرات المدرسين بإعجاب لـ نمر. دخلوا أوضة المدير اللي استقبلهم باحترام ورهبة. المدير حسن: "اتفضل يانمر بيه، اتفضلي ياحور." نمر:
"أنا مش عايز حور تشكي من أي حاجة في المدرسة هنا يا أستاذ حسن، سواء من المدرسين أو من زمايلها أو أي حاجة عشان مزعلش." نمر خد حور وطلع بيها للفصل. أول ما نمر دخل، وقف المدرس في استقباله باحترام شديد: "نمر بيه، أهلاً أهلاً." نمر ابتسم بمجاملة: "أهلاً." "دي حور، قريبتي، أول يوم ليها هنا." المدرس جمال: "نورت المدرسة كلها، اتفضلي ياحبيبتي." دخلت حور وقعدت وهي بتبص لـ نمر بابتسامة وتوتر.
نمر بصلها بنظرة عشان يطمنها، وبص لقى ولد بيبصلها بابتسامة بريئة جداً. نمر بغيره من طفل: "احم، إيه؟ طب أنا همشي أنا بقى، خلي بالك من نفسك ياحوري." مشي نمر. قضت حور يومها الدراسي. دخلت مدرسة في آخر حصة وندهت على اسم حور. حور: "أنا." الميس: "في حد تحت عايزك." حور باستغراب: "مين؟ أنا اللي هياخدني نمر؟ الميس: "قال إنه تبعك." حور في نفسها: "أكيد نمر بعت زين أو السواق ياخدني." حور: "أوكي."
نزلت حور معاه لحد ما وقفت وهي مبرقة بخوف وصدمة. "نضفتي يابت ياحور." حور بصدمة وخوف: "لـ لا لا."
تابع الفصل التالى من هنا
