.png)
نمر بعيون كالدماء: يعني إيه دورتوا في المدرسة كلها وملقيتوهاش؟ ده أنا أقلبها دمار. المدير برعب من منظره: والله يا بيه، قلبنا المدرسة كلها عليها وملقينهاش. نمر بنظرة مميتة: حور لو مرجعتش خلال ساعة، ساعة واحدة، اعتبر نفسك ميت أنت وكل اللي في المدرسة. حسن برعب مسك الفون الأرضي وطلب إن كل المدرسين يجوا قدامه دلوقتي. وفعلاً خلال ربع ساعة كانوا كل المدرسين في مكتب المدير.
حسن: اللي شاف حور الجديدة عندنا النهاردة، نزلت من الكلاس أو في الجاردن يقول. الميس اللي كانت في الفصل: أنا حضرت. نمر بص لها بتركيز ولهفة. فاطمة: الدادة طلعت وقالت إن فيه راجل تحت وقال إنه تبع حور، وحور قالت إن ممكن يكون تبع نمر بيه، فنزلت ولما شافته فضلت بصاله كتير أوي وهو مسكها جامد ومشي بيها، وأنا حضرتك لما لقيتها ساكتة افتكرت إنه تبعها فعلاً ومش خاطفها. نمر بعيون حمرا: هو اللي في بالي.
قام من مكانه بسرعة وخرج على برا وعمل مكالماته، واتصل بزين قاله اللي حصل. نرجع فلاش باك من مدة طويلة شوية. نمر: حور، انتي كنتي ساكنة فين؟ حور: نمر: آه تمام. بااااك. نمر بغضب حارق: لو هو اللي خدها، يترحم على نفسه. ساق بأقصى سرعة عنده لدرجة إنه كان هيعمل حادثة كذا مرة، ولكن بيتفاداها بصعوبة.
وصل تحت بيت حور القديم المتهالك، وكانوا رجّالته وصلوا وراه بسرعة ومعاهم زين، وكانوا عربيتين BMW وفيهم بودي جاردات كتير، ووراهم عربية زين ونمر واخدوهم قاصد التهديد. طلع نمر جنبه زين ووراهم البودي جاردات، وكان شكلهم يخطف الأنفاس. طلع نمر بأقصى سرعة، وأول ما ضرب الباب برجله وقع لأنه قديم شوية. دخل لقى علي قاعد بيشرب سيجارة وبيتفرج على التلفزيون وجمبه مها. علي بفزع: فيه إيه يا جدع أنت؟ إزاي تكسر الباب كده؟ دخل
نمر ومسكه من هدومه وقاله: حور فين؟ علي بسخرية: وانت مالك؟ نمر بضحكة وراها مصايب: أنا هعرفك أنا مال. لكمه نمر في مناخيره وقعه في الأرض. نمر: ها عرفت مالي؟ بقولكم. صرخ في وشه: فين حور؟ ماها: فيه إيه يا أخويا؟ مالك داخل حامي علينا كده ليه؟ وبعدين أنت مالك بمقصوفة الرقبة دي؟ نمر: احمدي ربنا إني مبمدش إيدي على واحدة ست، غير كده كنت دفنتك هنا. زين: اهدا يا نمر، هنلاقيها، هتروح فين يعني؟ وبعدين متنساش إن ده أبوها برضه.
حور جوه نامت من كتر العياط، ولما سمعت صوت نمر صحيت بلهفة وندهت عليه بصريخ، ومعرفتش تفتح الباب لأنه مقفول عليها بالمفتاح. نمر أول ما سمع صوتها جري على الأوضة وحاول يفتحها، وآخر ما زهق قال: ابعدي عن الباب يا حور. بعدت حور عن الباب وضربه نمر برجله وقعه في الأرض. نمر أول ما شاف حور خدها في حضنه بكل قوته. حور ببكاء: أنا لـ لما شـ شوفت بابا اتـ اتصدمت ومعرفتش أندَه عـ على حد، وهو مسكني جامد وجابني هنا.
نمر مسك وشها بين إيديه، ولكن بعد بفزع لما صرخت. نمر بلهفة: مالك يا عمري؟ حور: وشي بيوجعني. بص ناحية خدها، لقى صوابع معلمة عليه، ودراعها عليه علامات ضرب. نمر بعيون حمرا كالدماء: هو اللي عمل كده صح؟ حور هزت راسها ببرائة وعيون تتلألأ بها الدموع. نمر مسك راسها ودفنها في حضنه واتنهد بغموض. خرجوا من الأوضة، كان زين واقف مع الحراس مستني نمر. زين بملل مضحك: خلصت يا عم الحنين؟
أي متعودتش. مش بعيد بكره يقولولك اتخطفت وهنلاقيها بعدها بساعة. اتعود بقا. ضحكت حور: عندك حق والله. نمر: طب اظبط يا خفيف. اداله نظرة فهمها كويس جداً وهز راسه بالموافقة. خرج نمر وهو شايل حور، وزين شاور للرجالة ياخدوا علي ويسيبوا مها لأنها في الأول والآخر واحدة ست. علي: سيبني بقولك دي بنتي، واخدها ورايح على فين؟ بنتي وبربيها، سيبها بقولك. نمر وهو نازل على السلم: بنتك وبتربيها، آه. طب عايز بنتك تيجي تاخدها من عندي؟
بس منصحكش. كمل ببرود: اوفف نسيت، هتاخدها إزاي؟ مش لما تلاقي حد يدعيلك تخرج من عندي سليم. زين: أنت لسه هترغي؟ نزلوا على تحت وركبوه في عربية البودي جاردات وهو بيصرخ. نمر ببرود لزين: يا أخي ده صريخه ميوزك بالنسبالي، سيبه يصرخ، سيبه. ضحك زين عليه: هتفضل طول عمرك كده يا صاحبي؟ نمر: اللي يقرب من حاجة تخص نمر الصاوي، يبقا حفر قبره بإيده. تحرك نمر متجهاً للقصر، وكل ده وحور ساكتة. نمر: حوري ساكتة ليه؟
حور باللامبالاة: أتكلم أقول إيه؟ نمر: مم، قوليلي عملتي إيه؟ وإيه اللي حصل؟ كان حلو اليوم في المدرسة ولا لأ؟ احكيلي، متفضليش ساكتة كده. حور حكتله اللي حصل كله من ساعة ما سابها في المدرسة لحد دلوقتي. وصلوا للقصر. نمر: حور، مش عايزك تعملي أي حاجة غير لما تقوليلي. ومتروحيش مع أي حد في أي حتة غير لما أعرف. وأنتي راحة المدرسة أنا هوصلك وهسيب قدام المدرسة اتنين بودي جارد، وأنا هاجي آخدك برضه. حور: إيه ده؟ كل ده؟
نمر: حوور، اسمعي الكلام. حور: يوووه، حاضر.
تابع الفصل التالى من هنا
