.png)
تاني يوم صحي نمر، خد شاور وغير هدومه في الدريسنج روم. بعد كده خرج صحى حور. صحيت حور، خدت شاور ولبست جاكيت بيسبول بينك في أبيض وبنطلون شارليستون أسود وشوز أبيض وسابت شعرها. خرجت ونمر مسك إيدها ونزلوا على تحت. فطروا وحطوا الشنط في العربية واتحركوا. ولأن نمر متعود هو اللي يسوق وهو رايح لأهله، فساق وهي قعدت جنبه. شغلت أغاني وابتدت ترقص وتعمل حركات مجنونة ونمر بيضحك عليها. نمر: قوليلي ياحوري. حور: مم.
نمر: أي مثلا الحاجات اللي بتحبيها والحاجات اللي بتخافي منها وكده. حور: مم أنا عندي فوبيا من الأصوات العالية وأصوات الرعد وبخاف من الضلمة جداً، وبحب الحيوانات أوي، بحب الطيور زي العصافير وبحب الحيوانات زي الكلاب والقطط. نمر: مم. بعد خمس ساعات كانوا وصلوا قدام قصر كبير وفخم جداً وكانت حور نايمة من ساعة تقريباً. نمر نده لعم فرج: خد الشنط، دخلها جوا يا عم فرج. خد الشنط ودخلها جوا. كريم والد نمر: فين نمر يافرچ؟
فرج: جاي ياسعادة البيه. خرج فرج ودخل بعده نمر وهو شايل حور اللي نايمة على كتفه. كريم بصدمة: مين دي يانمر؟ نمر بهدوء: هطلعها أوضتي وهحكيلكم كل حاجة. طلع نمر الجناح بتاعه، حط فيه حور وباس راسها وقفل النور والباب ونزل لأهله. ناهد أم نمر: ممكن بقا تفهمنا. حكالهم نمر كل حاجة من أول يوم قابل فيه حور. كريم: يحبيبتي يابنتي، هو في ناس بالجبروت ده؟ ده مستحيل يكون أبوه. نمر: وده اللي شاكك فيه يا بابا والله.
ناهد بحنان: خلي بالك منها يانمر، ولو عايز يا حبيبي تسيبها معايا هنا تعيش معايا من عنيا يا حبيبي، أنت عارف أنا مش هأثر معاه. نمر ابتسم: طبعاً عارف يا أمي، بس معلش مش هينفع أسيب حور، أنا اتعودت عليها وهي اتعودت عليا خلاص. بسمة بنت عمه بغيظ: مم طب واحنا مالنا نربي عيال الناس ليه؟ ما كل واحد يلم عياله في بيته، ولا لو كل واحد قابل حد زيها هياخده يعيش معاه؟ نمر زعق بطريقة خلت الكل يتنفض: بسمه!
وربي يا بسمة كلمة كمان على حور وهتشوفي وش نمر التاني. حور مش زي أي حد، أنتِ فاهمة؟ عز أخو نمر: اهدا يانمر خلاص، بسمة متقصدش. أسيل أخت نمر بمرح: خلاص يانمر، لما حور تصحى هلعب معاها، متحمسة أشوفها أوي، أصل اللي خلاك تتعود عليها بسرعة كده تبقى عسولة وتتحب. نمر ابتسم: طبعاً يا لولو. فاروق عم نمر اتكلم بضيق متداري: ربنا يكرمك يبني على اللي بتعمله معاها. نمر ابتسم له بمجامله. قعد نمر معاهم بيتكلموا في أمور كتير.
عند حور فوق، فضلت تتقلب يمين وشمال على السرير وهي بتحلم بكابوس وحش. صحيت من اتنفضت من مكانها لقت مكان ضلمة هي مش عارفاه والباب مقفول. جريت فتحت الباب ونزلت على تحت وهي بتنده باسم نمر. نمر سمع صوتها قام وقف بسرعة، لقاها نازلة من فوق بتعيط وعرقانة. جريت حضنته بسرعة وهي بتعيط: أنت كنت فين وليه سبتني؟ آآآه أنا خوفت أوي. نمر وهو بيطبطب على شعرها بحنان: أنا هنا، أنا موجود أهو، متخافيش ياحوري، أنا مش هسيبك، هش، أهدي.
حور ببكاء: هو أنا فين؟ نمر: إحنا وصلنا من بدري وحطيتك في أوضتي فوق عشان كنتي نايمة. حور: أنت عارف إني بخاف أنام لوحدي، وكمان قافل الباب ومافيش نور، وأنا حلمت إن بابا بيضربني وأنا كنت بناديلك وأنت واقف بعيد وبعدين مشيت. نمر وهو بيقعد وهي في حضنه: ده مجرد حلم، أنا عمري ما هسيبك أبداً، أنتِ عارفة ده كويس، متخافيش تاني أبداً ياحور، سمعاني؟
حور هزت راسها بـ آه وهي بتشهق آثار دموعها. وكل ده والعيلة كلها بتبصله ببلاهة وصدمة. إزاي نمر اللي عمره ما اتكلم بالهدوء ده يتكلم كده ومع عيلة صغيرة أصلاً. نمر ببرود: مالكم بتبصولي كده ليه؟ كريم: ابدا يبني، ربنا يهديك وتفضل على حالك ده. نمر فهم هما مستغربين ليه، ف ضحك. عز بمرح: ونبي أنت ضحكت بجد؟ ده أنا كنت فاكرك معندكش سنان عشان كده متضحكش. نمر ضحك: ليه ياض مش بني آدم؟ بسمة بغيظ: إيه الدلع الماسخ ده؟
هي لحقت تتعود عليك من أربع أيام؟ بلا دلع ماسخ. نمر زعق فيها بصوت خلاهم يتنفضوا: بسمههه! اخرسي، أنا مستحمل حركاتك من ساعة ما جيت إكراماً لعمي، غير كده هنسى إنك تقربيلي وهتشوف الوش التاني واحذر إنك تشوفه. قطع كلامه فجأة وبص لحور، ناسي تماماً اللي قالتله عليه الصبح. حور: أنا عندي فوبيا من الأصوات العالية، بخاف منهم أوي. بص لحور لقاها منكمشة في نفسها جامد ومش بتتكلم. خربيتك يانمر عملت إيه في البت؟
شكلنا داخلين على أيام سودة مع بسمة ولا إيه.
تابع الفصل التالى من هنا
