.png)
نمر هو بيطبطب عليها: مالك ياحوري في إيه؟ متقلقنيش. حور بعياط وهي حضناه: أنا أنا صحيت لقيت النور كله مطفي والباب مقفول. وأنا قولتلك إني بخاف أنام لوحدي. نمر بندم: أنا آسف ياحوري والله نسيت. حقك عليا آخر مرة خلاص. زين بيبصله ببلاها: وربنا ياض أنا شاكك فيك. لا يطلعوا بدلوك ولا حاجة. من امتى وأنت طيب كده؟ متقلقنيش. نمر: ما تتلم ياأل. زين: أنا مروح ياعم. باي يا حور.
رجع قبل ما يمشي وقال: آه صح، أنت ناسي إنك هتسافر الصعيد بعد بكرة. نمر: أوف. وقعت مني دي. أنا نسيت خالص. زين: يعني هتسافر ولا إيه؟ نمر: لا هسافر. أنا بقالي كتير مشوفتهمش. زين: ماشي. يلا باي. مشي زين. ونمر أخد حور وطلع عشان تنام. تاني يوم الصبح صحي نمر. خد شاور ولبس قميص بدلة سودا وقميص أبيض ورش برفانه ونزل للدادة وقال: سمية، أنا رايح الشركة. خلي حسك مع حور لما تصحى تفطر كويس وتقعدي معاها لحد ما أرجع. أنا مش هتأخر.
سمية: حاضر من عنيا. مشي نمر. وبعد شوية صحيت حور ونزلت على تحت. ملقتش نمر. ندهت عليه. خرجتلها سمية من المطبخ بابتسامة: صباح الخير يا ست البنات. حور ببرأة: صباح النور. هو نمر فين حضرتك؟ سمية بابتسامة: نمر بيه في الشركة ياحبيبتي. وقال مش هيتأخر. وقالي خلي حور يا دادة تاكل كويس لحد ما أرجع. أنا جهزت الفطار. اقعدي ع السفرة وأنا دقيقة وهكون عندك. حور: حاضر.
راحت حور قعدت على السفرة. وجت وراها سمية وقعدت فطرتها وفطرت معاها. وخدتها طهرتلها الجرح اللي في راسها. بعد كده طلعت حور غيرت هدومها لفستان بناتي عسول أوي عليه نقش بسيط وشوز أبيض. ولمت جزء بسيط من شعرها ونزلت على تحت. عملتلها سمية هوت شوكليت وفتحتلها التليفزيون وسابتها ودخلت على المطبخ. عند نمر. بعد وقت خلص شغله وخرج من الشركة. طلع على محل ألعاب وهدايا وجاب شوية حاجات ورجع للبيت. دخل سمع ضحكات حور مع الكرتون. ابتسم لا
إرادي وراح ناحيتها بسعادة: روح قلبي اللي وحشني الكام ساعة دول. حور قامت جريت حضنته: نمررر. نمر بابتسامة: عيون نمر عاملة إيه ياحوري. حور ابتسمت ببرأة وغمزاتها بانت: اقعد أحكيلك. خدها نمر من إيدها وقعدوا على الكنبة اللي قدام التليفزيون. حور وهي بتعدلو على إيدها: صحيت وكلت وغيرت هدومي وطهرتي الجرح. هو وجعني شوية بس خف. والدادة عملتلي هوت شوكلت واتفرجت على الكرتون.
نمر بفرحة: شطورة ياقلبي. وعشان الشطارة دي أنا جبتلك هدية وأنا جاي. حور ابتدت تفتحو. لقت فيه دبدوب باندا وسلسلة عبارة عن قلب بيتفتح وشوكلاتات كتير. حور قامت حضنته بفرحة: دول حلوين أوي. أنا فرحانة جدا. نمر بادلها الحضن: روح قلبي مبسوط إنهم عجبوكي. يارب دايما فرحانة. نمر: أنا هاخدك وننزل نحط صورة في القلب ده. أوكي؟ حور: أوكي.
طلع نمر ياخد شاور. لما طلع الجناح طلع سلسلة من جوه القميص. مكانتش باينة. وكان فيها مفتاح صغير. وده المفتاح بتاع سلسلة حور اللي بيفتح القلب. خد شاور ونزل. جهزوا الغدا وقعدوا يتغدوا سوا. خدها نمر وخرجوا وراحوا ل محل مجوهرات عشان يحط الصورة جوه السلسلة. وكانت صورة ليها وجمبها صورة ليه.
خلص السلسلة ولبسهالها وخرجوا. كلوا آيس كريم واتصوروا كتير أوي. وكانت معظم الصور ضحكة حور تلقائية وبريئة جدا. ونمر كانت السعادة فعلا باينة عليه. روحوا البيت وقالها نمر: إحنا هنطلع ننام عشان بكرة هنصحى بدري نروح ل أهلي في البلد. حور: إيه ده؟ أنت عندك أهل؟ نمر: آه عندي. بابا وماما وأخوات وعم ومرات عم وولاد عم. هتحبيهم كلهم. حور نطت بسعادة: هيييه. طلعوا فوق وناموا. وحور كانت متحمسة جدا لبكرة. متعرفش إيه اللي مستنيها.
تابع الفصل التالى من هنا
