رواية كبرياء انثي الفصل السابع عشر 17 بقلم جمال المصري
بسم الله ولا إله إلا الله وحده لا شريك له له الحمد وله الملك يحيي ويميت وهو علي كل شئ قدير
#كبرياء_انثي
#الحلقه_السابعه_عشر
محمد .. ماما وبيجري عليها في ايه هي وقعت ليه
احمد .. يلا شيلها ونطلع علي المستشفي بسرعه وربنا يسترها معاها ومع ريهام
محمد .. بيشيلها وبيجري علي العربيه
احمد .. خليك هنا لحد ما الشرطه تيجي وسلمها يا رافت
رافت .. ما تقلقش يا احمد روح وربنا يطمنا علي ريهام وناهد
احمد .. تسلم يا خويا وبيطلعه كلهم وبيركبه العربيه وبيتحركه علي المستشفي
سالي .. انت بتعمل ايه يا بابا انت هتسلم امي بجد
رافت .. امك طلعت شيطانه ازاي تخطف بنت لسا طفله واول ما تعرف انها لسا عايشه تحاول تقتلها ولما تفشل تخطفها انا هتجنن ازاي انا كنت مسلمك عقلي يا زينب ده كله يطلع منك انتي
زينب .. انا عملت كل ده عشانك انت يا رافت
رافت .. عشاني انا ليه ايه اللي هستفيده انا من انك تقتلي بنت صغيره
زينب .. كنت علي طول بتعيرني اني ما خلفتش ولد عشان كده انا كنت عايزه اخد محمد وقتله لكن اخدت ريهام بالغلط
رافت .. كلامك صحيح بس بعد كده اعتذرت لك و رضية بقضاء ربنا وسالي بقت كل حياتي
زينب .. بعد ايه بعد ما كسرتني من جوايا كل كلمه بتقولها كانت بتدبحني في اليوم مليون مره انا كنت عايشه في عذاب عشان حاجه انا ماليش ذنب فيها وعشان كده كان لازم محمد يموت لكن لما اخدت ريهام ما بصتش عليها ومعرفتش انها ريهام غير بعد كل حاجه ما انتهت
رافت .. عذر اقبح من ذنب انتي دمرتيني و خربتي بيتي دلوقت عرفت كنتي بتدي دهبك لي رمزي ليه عشان ينفذ لك جرايمك كل الي انا فيه كان بسببك حتي مصطفي وسمر كرهوني بسببك كنت ماشي وراكي زي العبيط بس خلاص من دلوقت هتتحاسبي على كل حاجه عملتيها
الشرطه بتوصل وبتاخدها وبتمشي وسالي بتعيط وبتلوم ابوها انه سلم امها للشرطه لكن رافت بيقولها ان زينب لازم تتحاسب عن كل حاجه عملتها
د / علي .. هنحتاج دم في حد نفس الفصيله بتاعتها
مصطفي .. انا يا دكتور
د / علي .. انت لسا طالع من عمليه من اسبوع مش هينفع
مصطفي .. لا هينفع عشان خاطري خد الدم الي انت عايزه مني
د / علي .. لا انا مش هقدر اتحمل المسئوليه دي
مصطفي .. هتلي اقرار وانا امضيلك عليه بس يلا بسرعه مفيش وقت
سمر .. فيه ايه بتزعق ليه يا مصطفي
مصطفي .. ريهام محتاجه دم ومش راضي ياخد مني.
احمد... يوصل الحقنا يا دكتور ناهد اغمي عليها
د/ علي .. اتفضلوا بسرعه من هنا وانتي شوفي نفس فصيلة ريهام وخدي كيسين دم ودخليهم للدكتور منير بسرعه بس ما تخديش من مصطفي
الممرضه .. حاضر يا دكتور
سمر .. اهدا يا مصطفي
مصطفي .. اهدا ازاي مفيش وقت انا همضي علي اقرار بس يلا
محمد .. هي فصيلتها ايه
سمر ..نفس فصيلة مصطفي A سالب
محمد .. انا نفس الفصيله
الممرضه .. اتفضل معايا
محمد .. طمنيني علي ماما يا سمر
سمر .. حاضر اول ما تفوق هطمنك
مصطفي .. في ايه طنط ناهد مالها
سمر .. الدنيا انقلبت وفوق بقا تحت وتحت بقا فوق
مصطفي .. مش فاهم في ايه
عادل .. واقف علي جنب وبيبكي
سمر .. تقرب منه اهدا يا عم عادل ان شاء الله ريهام تقوم و هتبقى زي الفل
عادل .. انا ازاي هبقا مطمن عليها وحوليها ناس زي زينب ده الشيطان ما يعملش الي هي عملته دي مش بني ادمه
سمر .. ما تقلقش زينب هتاخد جزائها
عادل .. انا مش عايز من الدنيا غير اكون مطمن علي ريهام ومش عايز حاجه تاني
سمر .. اوعدك ان ريهام هتكون في عنينه بس عشان خاطري اهدا شويه وقعد وان شاء الله هنطمن علي ريهام
عادل .. حاضر يا بنتي
سمر .. بترجع توقف جنب مصطفي
مصطفي .. سمر انطقي حصل ايه هو محمد قال لكم ان رمزي هو الي كان خاطف ريهام
سمر .. المصيبه اكبر من كده
مصطفي .. مصيبة ايه
سمر .. ريهام
مصطفي .. مالها ريهام
سمر .. طلعت بنت عمك اللي كنا فاكرينها ماتت
مصطفي .. اتصدم بتقولي ايه اكيد بتهزري
سمر .. هو الكلام ده فيه هزار
مصطفي .. امال ازاي ريهام هي ريهام قصدي ازاي ماتت وهي لسا عايشه وعم عادل ده مين لا انا هتجنن
سمر .. اهدا وانا افهمك كل حاجه
مصطفي .. اهو هديت فاهميني
سمر .. زينب مرات عمك هي الي خطفت ريهام و رمتها علي شط البحر وعم عادل لقيها وخدها و ربها وريهام كانت لبسه السلسله اللي طنط ناهد عملتها مخصوص عن جواهرجي العيله و النهارده بس السلسله وقعت من سالي وكل حاجه اتكشفت
مصطفي .. مش معقول الكلام ده لو شوفته في فيلم هندي مش هصدقه يعني ريهام بنت عمي احمد
سمر .. ايوه وطنط اول ما سمعت انها اتصابة وقعت من طولها
مصطفي .. لا حول ولا قوه إلا بالله يعني طنط ناهد بعد العذاب الي عاشت فيه يوم ما تلاقي ريهام تسمع خبر ضربها باانار
سمر .. ده النصيب وما نقدرش نقول غير قدر الله وما شاء فعل
مصطفي .. ونعم بالله وزينب فين دلوقت
سمر .. زمان الشرطه اخدتها
مصطفي .. لا إله إلا الله انا مش مصدق ان في بشر كده قلوبهم كلها حقد وليه زينب تعمل ده كله
سمر .. كل حاجه هتظهر المهم نطمن علي ريهام
مصطفي .. يارب يا سمر انا هتجنن ودماغي هتوقف ريهام رمت نفسها قدام الرصاصه عشان تحميني رغم كل اللي عملته فيها لكن ضحت بنفسها عشان تنقذني
سمر .. هي ريهام كده انا اوقات بحسها ملاك مفيش زي ريهام الايام دي انا بحمد ربنا اننا اتقابلنا وتعرفنا وبقينا اصحاب ومش عايزه حاجه من الدنيا غير انها تقوم بالسلامه
مصطفي .. ان شاء الله هتقوم بالسلامه ريهام قويه وان شاء الله هتكون بخير وترجع لحضن باباها وامها
سمر .. يارب يا مصطفي يارب
مصطفي .. تليفونه بيرن بيرد الو مين
ميساء .. انا يا مصطفي انت وحشني اووي والخط بتاعي وقع عشان كده ما عرفتش اكلمك الايام الي فاتت
مصطفي .. خير عايزه ايه
ميساء .. وحشتني يا درش هو انا موحشتكش
مصطفي .. لا و ياريت ما تتصليش تاني و تمسحينى خالص من حياتك يارب تكوني فهمتي وبيقفل السكه في وشها
سمر .. بتبصله يعني خلاص يا مصطفي
مصطفي .. خلاص يا سمر عمري ما هرجع للقرف اللي كنت فيه تاني
سمر .. وعد
مصطفي .. وعد
سمر .. بتحضنه
مصطفي .. اخيرا يا سمر زعلك كان بيقطع قلبي حته حته
سمر .. انا قلبي كان بيتقطع اكتر منك بس كان لازم اعمل كده عشان تفوق لنفسك والحمد لله انك اخيرآ هترجع مصطفي اخويا حبيبي الي هو كل دنيتي
مصطفي .. كل ده بفضل ربنا عز وجل ثم ريهام انا بحبها اووي يا سمر ومش عايز من الدنيا غيرها
سمر .. مصطفي ريهام بنت عمك لو ممكن في يوم تجرحها يبقا ابعد عنها احسن
مصطفي .. والله بحبها ومش هقدر اعيش من غيرها
سمر .. نطمن عليها وبعد كده لينا كلام
ناهد .. بتفتح عينيها
د/ علي .. الف حمدالله بسلامتك يا مدام ناهد
احمد .. الف حمد وشكر ليك يارب
ناهد .. بتقوم
د/ علي .. ارتاحى انا لسا هعلق لك محلول
ناهد .. مش عايزه محاليل انا عايزه اطمن علي بنتي
د / علي .. انتي لسا تعبانه.
احمد .. معلش يا دكتور/ علي ناهد دماغها ناشفه
د / علي .. ماشي لو حصل حاجه انا موجود
احمد .. شكرا يا دكتور وبيسند ناهد وبيتحركه علي غرفة العمليات
سمر .. انتي قومتي ليه يا طنط.
ناهد .. انتو عايزنى ارتاح ازاي وبنتي جوه ومعرفش عنها حاجه محمد فين
مصطفي .. بياخده منه دم عشان ريهام
ناهد .. انتي قولتيله يا سمر
سمر .. لسا يا طنط انا قولت لمصطفي
محمد .. بيجي حمدالله بسلامتك يا حبيبتي عامله ايه
ناهد .. الحمد لله يا ابني
محمد .. انا عايز اعرف انتي ليه كل ما ريهام يحصلها حاجه تتعبي المره الي فاتت خربتي الدنيا ودلوقت اغمي عليكي انا بتعذب لما بشوفك كده
ناهد .. عشان ريهام تبقا اختك يا محمد
محمد .. سامع يا بابا ماما شكلها تعبت زي ما كنت بتقول
ناهد .. بتحط ايدها علي خد محمد انا بتكلم بجد يا محمد ريهام اختك قوله يا احمد
محمد .. هيقولي ايه تعالي بس ارتاحي
ناهد .. انا كويسه يا محمد
احمد .. واقف والدموع بتنزل من عنيه ومش قادر يتكلم
إلي اللقاء في الحلقه الثامنه عشر
#عباد_الله_اذكره_الله