رواية كبرياء انثي الفصل الثامن عشر 18 بقلم جمال المصري
بسم الله ولا حول ولا قوه إلا بالله العلي العظيم واتوب إليه
#كبرياء_انثي
#الحلقه_الثامنه_عشر
احمد .. كلام مامتك صح يا محمد
محمد .. صح ازاي انا مش فاهم حاجه
احمد .. ريهام تبقا اختك
محمد .. اختي ازاي اختي ماتت
سمر .. لا ما مامتتش للاسف زينب هي الي كانت وراء كل الي حصل ده والحمد لله اننا عرفنا الحقيقه
محمد .. انا هتجنن يعني ريهام اللي في غرفة العمليات هي اختي انا كنت حاسس ان فيه حاجه بتشدني ليها بس ما كنتش عارف ايه هي ودلوقت عرفت وزينب دي انا هقتلها بايدي
ناهد .. المهم اننا لقينا اختك وان شاء الله تقوم بالسلامه وانا مش عايز اي حاجه من الدنيا وزينب زمانها في الحبس دلوقت و هناخد حقنا منها بالقانون
د / منير .. بيطلع من العمليات
ناهد .. تجري ناحيته طمني يا دكتور
د /منير .. الحمد لله طلعنا الرصاصه ووقفنا النزيف وهننقلها لغرفة العنايه المركزه لحد ما نطمن عليها
ناهد .. ممكن ادخلها عايزه اشوفها
احمد .. معلش يا دكتور ياريت تسمحلها تدخل تشوفها
د منير .. حاضر اتفضلي معايا
ناهد .. شكرا يا دكتور
د منير .. بيدخلها غرفة العنايه
ناهد .. بتدخل وبتقرب من ريهام وبتقعد علي الكرسي وبتمسك ايد ريهام وبتبوسها وهي بتبص علي وشها والدموع نازله من عنيها وبتحط ايدها علي وش ريهام وبتمشي ايدها علي شعرها وبتبص لفوق يارب ما تحرمنيش من بنتي بعد ما جمعتنا بعد السنين دي كله
محمد .. انا مش مصدق دماغي هتوقف
مصطفي .. اهدا يا محمد كلنا اتصدمنا لكن المهم هو ان اخيرآ هتتجمع انت واختك
محمد .. انا قلبي كان حاسس بس كنت بقول انها شبه الملايكه عشان كده حاسس ان في رابط بينا عمري ما كنت اتخيل ان طنط زينب هي السبب في كل ده ازاي قدرت تعمل كده الكره والحقد ملا قليها لدرجة انها تخطف بنت من حضن امها ده الاعدام قليل عليها
مصطفي .. بيحط ايده علي كتف محمد قول الحمد لله انكم واخيرآ هتتجمعه
محمد .. الف حمد وشكر ليك يارب ويارب احفظها
سمر .. يارب ان شاء الله هتقوم وهتبقا زي الحصان
احمد .. وانا هعوضها عن كل الي شافته بحياتها
عادل .. ريهام رغم ديق الحال عمرها ما تكلمت ولا اشتكت هي عمود البيت كانت بنتي واختي وامي انا مش عارف ازاي بعد السنين دي كلها هقدر اعيش بعيد عنها
احمد .. بيقرب منه وبيحط ايده علي كتف عادل ومين قال انك هتبعد عنها انت ليك فيها زي ما لينا ومن النهاره هتعيش معانا في الفيلآ
عادل .. لا خلاص يا احمد بيه ريهام كانت امانه عندي ودلوقت بقت امانه عندكم وانا يكفيني اني اشوفها سعيده مع اهلها بس ليا طلب عندكم
احمد .. اتفضل اطلب
عادل .. خليني انا الي اقولها
احمد .. وانا موافق
ريهام .. بتفتح عنيها
ناهد .. تمسح دموعها الف حمدالله بسلامتك يا بنتي
ريهام .. الله يسلمك يا طنط هو مصطفي بخير
ناهد .. اه يا حبيبتي الحمد لله بخير بس انتي ازاي ترمي نفسك قدام الرصاص
ريهام .. بتتكلم بالعافيه مش عايزه قلب سمر يتوجع علي اخوها
ناهد .. انتي بتحبيها اوي
ريهام .. اكيد دي اكتر من اختي
ناهد .. ارتاحي يا حبيبتي وما تتكلميش كتير
ريهام .. بتغمض عينها
ناهد .. بتملس علي شعرها ارتاحي يا حبيبتي وبتقوم بالراحه وبتطلع عشان تطمنهم
احمد .. اول ما بيشوفها طمنيني يا ناهد
ناهد .. الحمد لله فاقت وسبتها ترتاح شويه
احمد .. الف حمد وشكر لله
مصطفي .. الحمد لله
وبيعدي الوقت والكل مستني ينقلوا ريهام في غرفه عاديه وبيعدي الوقت والكل مستني واول ما حالتها استقرت نقلوها في غرفه عاديه
احمد .. عادل اتفضل انت
عادل .. بيمسح دموعه وبيدخل
ريهام .. بابا
عادل .. ايوه يا قلب باباكي انا كنت هتجنن عليكي
ريهام .. اسفه اني خليتك تقلق عليا
عادل .. المهم انك بخير
ريهام .. الحمد لله انا زي الحصان اهو ما تقلقش انت
عادل .. يارب علي طول تكوني بخير
ريهام .. ربنا ما يحرمني منك يا اجمل اب في الدنيا
عادل .. فيه سر انا خبيته عنك وجه الوقت انك تعرفيه
ريهام .. سر ايه يا بابا
عادل .. انا مش ابوكي الحقيقي يا ريهام
ريهام .. انت بتقول ايه
عادل .. من سنين كنت مخنوق من الدنيا وكنت بتمشي علي شط البحر وسمعت صوت طفل صغير بيبكي ولما قربت اكتر لقينك انتي حبيتك من اول ما شوفتك بقيتي بنسبالي كل حاجه اخدتك وكان معاكي السلسله والحلق كبرتي قدام عنيه كنتي بالنسبالي كل حاجه ليا ومن اول ما دخلتي البيت وكل حاجه اتغيرت للاحسن
ريهام .. يعني كل السنين دي وانت مخبي عليا ياريتك ما قولت وكنت سيبني عايشه في الحلم الجميل ده بدل ما انا دلوقت مش عارفه انا بنت مين
عادل .. النهارده بس عرفنا مين ابوكي وامك يا ريهام
ريهام .. بلهفه مين
عادل .. مدام ناهد هي امك واحمد بيه ابوكي
ريهام .. ازاي انا مش مستوعبه
عادل .. هي دي الحقيقه يا بنتي
ريهام .. انا كنت حاسه بمشاعر تجاه طنط ناهد بس ازاي سبوني كل السنين دي ودلوقت جاين يقوله انهم اهلي انا بنسبالي انت كل دنيتي يا بابا ومش عاوزه من الدنيا غيرك
عادل .. باباكي ومامتك كانوا فاكرين انك موتي والي دبر كل ده وخطفك هي زينب
ريهام .. من اول ما شوتها وانا مش طايقها وكنت متاكده انها شيطان وليه عملت ده كله
عادل .. مش مهم ليه المهم ان ربنا عز وجل واخيرآ جمعك بيهم انا اسعد انسان في الدنيا عشان من دلوقت طلباتك هتكون اوامر
ريهام .. مش عارفه جوايا احاسيس متلخبطه
عادل .. ده طبيعي كلنا اتفاجئنا وامك بره ومستنيه الباب يتفتح عشان تدخل تاخدك في حضنها
ريهام .. ياااا انا من سنين ونفسى في الحضن ده
عادل .. بيقوم وبيفتح الباب اتفضلوا
ناهد .. بتدخل ريهام بنتي
ريهام .. بتحاول تتعدل ماما
ناهد .. بتجري ناحيتها وبتحضنها اخيرآ يا بنتي وحشني اووي
ريهام .. انتي اكتر يا ماما
ناهد .. بتبوس ايد ريهام
احمد .. بيقرب من ريهام مش عارف اقول ايه يا بنتي حقك عليا انا هعوضك عن كل السنين الي عشتيها وبياخدها في حضنه
عادل .. بيطلع بهدوء وبيمشي والدموع ماليا عيونه وبيوقف في جنينة المستشفي وبيبص علي الغرفه اللي ريهام فيها وبيمشي علي طول
محمد .. بيقرب من ريهام انا مش عارف اقول ايه
ربهام .. انت مش محتاج تقول حاجه يا محمد وربنا ينتقم من الي فرقنا عن بعض
محمد .. بيمسك ايد ريهام والدموع نازله من عنيه وريهام كمان بتبكي
إلي اللقاء في الحلقه التاسعه عشر
#عباد_الله_اذكره_الله