رواية كبرياء انثي الفصل العاشر 10 بقلم جمال المصري
بسم الله ولا إله إلا الله وحده لا شريك له له الملك وله الحمد يحيي ويميت وهو علي كل شئ قدير
#كبرياء_انثي
#الحلقه_العاشره
#اتمنا_من_الله_السعاده_والتوفيق_للجميع
زينب .. واقفه مصدومه بعد ما شافت السلسله
ريهام .. مالك تنحتي كده خدي تليفونك
زينب .. بتمد ايدها وبتاخد التليفون وهي عينها علي السلسله
ريهام .. بتسيبها وبتمشي
عادل .. مالها كانت عايزه منك ايه
ريهام .. سيبك منها يا بابا دي عقربه من اول ما شوفتها وانا مش طيقاها اصلآ
عادل .. هي محدش يطيقها وبيوقف تاكسي وبيروحو
زينب .. بتقول في نفسها معقول هي دي ريهام بنت احمد وناهد بس ازاي ده رمزي رميها بايده فى البحر واكيد غرقت بس السلسه انا عمري ما هنساها انا كنت مع ناهد لما اشترتها مستحيل انساها بس هعمل ايه لو ناهد شافت السلسله هتعرف ان ريهام بنتها ووقتها مصطفي يتجوزها ومش بعيد يعرفوا اني انا اللي خطفتها لازم اتخلص منها مع اني وقتها كنت عايزه اخطف محمد و بعد ما خطفته اكتشفت انها ريهام وبترجع وبتدخل المستشفي
رافت .. كنتي فين يا زينب
زينب .. كنت في الحمام
رافت .. مالك وشك متغير
زينب .. لا مفيش حاجه
د / منير .. السلام عليكم
الكل .. وعليكم السلام ورحمة الله وبركاته
د/ منير .. دلوقتى اقدر اطمنكوا علي مصطفي
احمد .. الف شكر يا دكتور
د / منير .. انا معملتش حاجه انا مجرد سبب ونشكر ربنا انه نجاه
احمد .. الحمد لله وبيدخله عند مصطفي
مصطفي .. يحاول يتعدل
احمد .. خليك زي ما انت يا ابني الف حمدالله بسلامتك
مصطفي .. الله يسلمك يا عمي تعبت نفسك ليه وجيت
احمد .. ما تقولش كده انت عندي زي محمد ابني انا لما عرفت كنت هتجنن وبس تطلع من المستشفي لينا قعده مع بعض
مصطفي .. ماشي يا عمي
ناهد .. الف سلام يا درش
مصطفي .. الله يسلمك يا طنط
محمد .. ينفع كده تقلقنا عليك يا مصطفي
مصطفي .. كانت لحظة ضعف والحمد لله
سمر .. الحمد لله وربنا جعل ريهام سبب انك تكون بخير لولا وجودها مش عارفه كنا هنجيب منين فصيلة دمك
مصطفي .. ريهام هي الي اتبرعت بالدم
سمر .. اه وبعد ما اخده منها اول كيس وعرفت انك محتاج كيس تاني صممت انهم ياخده الكيس التاني وتعبت بس الحمد لله علي كل حاجه
مصطفي .. بيقول في نفسه انا كنت عايز اكسر كبريائها وهي بتديني دمها انا فعلآ حيوان مش انسان
رافت .. قلقتنا عليك يا مصطفي بس انا الفضول هيموتني ايه اللي خلاك تعمل كده
مصطفي .. قولتلك يا عمي كانت لحظة ضعف مش اكتر
رافت .. انا مليون مره اقولك بلاش الطريق الي انت ماشي فيه
احمد .. رافت انا ملاحظ انك كل شويه عايز تعمل مشكله مره مع عادل و دلوقت مصطفي
مصطفي .. عم عادل ليه انت عملت ايه معاه يا عمي
رافت .. ده مجرد عامل في الشركه ليه مدينو اهميه اكبر من حجمه
احمد .. واضح انك مش ناوي تعدي اليوم ده علي خير
رافت .. هو كده اللي يقول الحق تزعله منه
احمد .. للاسف غبت سنين وانت زي ما انت ما تغيرتش
محمد .. بس واضح يا سمر انك انتي وريهام اصحاب اوي
سمر .. اه رغم أننا مالناش كام يوم متعرفين علي بعض
محمد .. واضح انها محترمه جدآ
سالي .. ولا محترمه ولا حاجه دي ميه من تحت تبن
ناهد .. انتي فعلآ طالعه لابوكي و مامتك
احمد .. ناهد مالك انتي اول مره تتكلمي بالطريقه دي
ناهد .. عشان الكلام الي مالوش لازمه ده البنت زي الملايكه والهانم بتقول انا مش محترمه
احمد .. معلش يا حبيبتي سالي لسا صغيره و متعرفش هي بتقول ايه
سالي .. لا انا عارفه يا عمي وبكره الايام تثبت لكم كلامي
ناهد .. قال الله تعالى: {يَا أَيُّهَا الَّذِينَ آمَنُوا اجْتَنِبُوا كَثِيرًا مِنَ الظَّنِّ إِنَّ بَعْضَ الظَّنِّ إِثْمٌ ۖ وَلَا تَجَسَّسُوا وَلَا يَغْتَبْ بَعْضُكُمْ بَعْضًا ۚ أَيُحِبُّ أَحَدُكُمْ أَنْ يَأْكُلَ لَحْمَ أَخِيهِ مَيْتًا فَكَرِهْتُمُوهُ ۚ وَاتَّقُوا اللَّهَ ۚ إِنَّ اللَّهَ تَوَّابٌ رَحِيمٌ} صدق الله العظيم
سمر .. معلش يا طنط هي سالي كده طول عمرها كارها كل الي حواليها وكان الدنيا مفيهاش غيرها بس لحد كده وكفايه ريهام دي اختي والي يفكر يقول كلمه تاني عنها انا الي هقف له فاهمه يا سالي
رافت .. انا شايف الكل بيدافع عن بتاع البوفيه وبنته
احمد .. كويس انك اخدت بالك وكلمه تاني مش عايز اسمعها انا من اول ما وصلت وانت وبنتك ومراتك بطلعو كلام زي الدبش فيه ايه انت حططهم ليه في دماغك حضرتك رحت نمت في بيتك وسبت ابن اخوك في المستشفي حتي ما فكرت تطمن عليه وعادل وبنته فضلو معاه لحد ما طمنو وما رضيوش يسيبو بنت اخوك لوحدها
رافت .. انت اخويا الكبير وانا مش هرد عليك وهسيبكم عشان ترتاحو مني يلا يا زينب
سالي .. ماما بابا بيكلمك
زينب .. في ايه
رافت .. يلا بينا
زينب .. يلا
رافت بيطلع من الاوضه هو ومراته وبنته
سالي .. مالك يا ماما من اول ما طلعتي وراء البت دي. وانتي متغيره
زينب .. لا مفيش بس تعبانه شويه
رافت .. لا انتي فعلآ متغيره ومش معانا خالص في حاجه حصلت
زينب .. بعصبيه مفيش حاجه انتو عايزين يكون فيه حاجه وبس
رافت .. خلاص اهدي و بيركبوا العربيه و بيمشو
سمر .. عمي انتو جايين تعبانين من السفر روحوا انتو الفيلا ارتاحوا وانا هقعد مع مصطفي
مصطفي .. انا كويس روحوا كلكم
محمد .. لا انا قاعد علي قلبك وبيقعد جنبه وبيمسك ايده
مصطفي .. بيبتسم خلاص خلي محمد
احمد .. اذا كان كده ماشي
سمر .. اتفضل يا عمي اتفضلي يا طنط و تاخدهم وبتروح علي الفيلا
ريهام .. بترن علي سمر
سمر .. السلام عليكم
ريهام .. وعليكم السلام ورحمة الله وبركاته طمنيني عملتي ايه بعد ما مشيت
سمر .. ولا حاجه دخلنا اطمنا علي مصطفي ومحمد ابن عمي فضل معاه وانا وعمي و طنط ناهد لسا واصلين الفيلآ
ريهام .. الحمد لله انا كنت قلقانه عليكي
سمر .. انا اللي قلقانه عليكي شوفت مرات عمي وهي طالعه وراكي
ريهام .. سيبك منها انا أصلا مش طيقاها ومش عارفه ليه
سمر .. ضحكت مش لوحدك هي كده الي يشوفها مش بيطيقها هي أصلا بتكره نفسها
ريهام .. بتضحك والله عندك حق بس ما تقلقيش انا وقفتها عند حدها لدرجة انها ما كنتش عارفه تتكلم
سمر .. ما انا عرفاكي ما تتوصيش
ريهام .. يلا نتقابل بكره ولا مش هتيجي
سمر .. هروح اطمن علي مصطفي الصبح وبعد كده هطلع علي الجامعه وقابلك هناك
ريهام .. خلاص مش هفطر غير لما تيجي
سمر .. اوكيه يا حبيبتي يلا سلام
ريهام .. سلام
زينب .. بترن علي رمزي اخوها
رمزي .. الو
زينب .. فاضي يا رمزي
رمزي .. ايوه خير في حاجه
زينب .. عايزاك ضروري
رمزي .. ربع ساعه و هكون عندك
زينب .. لا نتقابل بره تعالى علي النادي
رمزي .. ماشي
زينب .. انا رايحه النادي يا رافت
رافت .. تحبي اجي معاكي
زينب .. لا حابه اكون لوحدى هقعد مع اصحابي شويه وارجع
رافت .. خلاص ماشي
رمزي .. قاعد في النادي مستني زينب
زينب .. بتوصل وبتقعد
رمزي .. خير يا زينب قلقتيني
زينب .. ريهام بنت احمد لسا عايشه
رمزي .. انتي بتتكلمي بجد ازاي انا بعد ما اخذتها منك رميتها فى البحر بايدي لا انتي اكيد بتهزرى وطبعا رمزى خاف يقول لزينب أنه ساب ريهام على الشط
زينب .. انا شوفتها بعينى
رمزي .. مستحيل ازاي ده حصل
زينب .. مش وقت الكلام ده لازم نخلص منها مش بعد الي عملناه ترجع لناهد ويتجمع شملهم
رمزي .. هنعمل ايه
زينب .. البت دي لازم تموت
رمزي .. بس ده هيكلفك كتير
زينب .. مش مهم المهم نخلص منها
رمزي .. اعتبريه حصل هخلي واحد من العيال الي بيضربه بدره يضربها بالعربيه وتبقا حادثه وقضاء وقدر
زينب .. البنت في الجامعه مع سمر ودي صورتها وده عنوانها
رمزي .. هجيب كل المعلومات عنها بالليل وبكره هيكون اخر يوم في عمرها
زينب .. اتفقنا
رمزي .. طلعي ايه حاجه تحت الحساب
زينب .. خد دول ٥ الاف
رمزي .. دول قليل اوي
زينب .. خلص بس والي عايزه هتاخده
رمزي .. ماشي يا ختي
رمزي بيكلم عيل من الي بيضربه بدره ساكن في المنطقه الي ساكنه فيها ريهام وبيعرف منه كل حاجه بتطلع امتي وبتركب ايه
ريهام .. صباح الخير يا بابا
عادل .. صباح الفل ايه مش هتفطري
ريهام .. لا الف هنا علي قلبك يا بابا انا هفطر مع سمر
عادل .. ماشي يا حبيبتي
ريهام .. بتطلع وبتشاور لتاكسي وبتركب والتاكسي بيتحرك
بانجو .. راكب في العربيه وبيطلع وراها
سمر .. بتروح المستشفي تطمن علي مصطفي وبتلاقي مصطفي ومحمد بيفطره سوا
محمد .. تعالي افطري يا سمر
سمر .. لا الف هنا انته انا هفطر في الجامعه مع ريهام
محمد .. حقك هتفطري مع القمر نروح فين احنا في ريهام
سمر .. بتضحك وبعدين معاك يا محمد
محمد .. اهو سكت خالص
سمر .. ايوه كده احسن عامل ايه يا مصطفي
مصطفي .. الحمد لله بخير
سمر .. عندي امتحان في الجامعه اخلص واجي علي طول
مصطفي .. ربنا يوفقك
سمر .. اللهم امين يارب العالمين يلا سلام وبطلع وبتركب العربيه وبتوصل قدام الجامعه وبترن علي ريهام
ريهام .. ايوه انا شوفتك اهو جايه
سمر .. فينك انا مش شيفاكي
ريهام .. انا قصادك الناحيه التانيه هعدي الطريق وجيالك
سمر .. اه شوفتك وبتقفل
ريهام .. بتعدي الطريق
بانجو .. بيدوس بنزين علي الاخر ويتحرك ناحيتها
سمر .. شايفه العربيه وبتصرخ ريهام حاسبي
ريهام مش سامعه من صوت العربيات
إلي اللقاء في الحلقه الحاديه عشر
#عباد_الله_اذكره_الله