رواية كبرياء انثي الفصل الحادي عشر 11 بقلم جمال المصري
بسم الله ولا إله إلا الله وحده لا شريك له له الحمد وله الملك يحيي ويميت وهو علي كل شئ قدير
#كبرياء_انثي
#الحلقه_الحاديه_عشر
سمر .. بتصرخ ريهام حاسبي العربيه هتخبطك
بانجو .. بيسوق بسرعه ناحيت ريهام
ريهام .. بتوقع السلسله من رقبتها وترجع بسرعه عشان تاخذها من علي الرصيف
بانجو .. ايه النحس ده ويكمل طريقه
سمر .. بتنزل جري و بتعدي الناحيه التانيه
ريهام .. وقفت مصدوم لما شافت انا العربيه كانت هتخبطها لولا رجعت لورا عشان تجيب السلسه
سمر .. الحمد لله انتي كويسه
ريهام .. الحمدلله يا سمر لولا ستر ربنا العربيه كانت هتخبطني
سمر .. الحمد لله بس ده كان قاصدك
ريهام .. وهيقصدني ليه ممكن يكون مستعجل وما خدش باله
سمر .. لا يا ريهام ده كان مركز معاكي انا اخدت رقم العربيه بعد ما خلص امتحاني هنروح تعمل محضر
ريهام .. زي ما تحبي مع اني شايفه انه ما لوش لازمه
سمر .. انا متاكده من الكلام الي بقولهولك يا ريهام
ريهام .. ماشي يا سمر ايه ده
سمر .. مالك
ريهام .. السلسله انقطعت
سمر .. مش مشكله بعد ما نعمل محضر نشوف اي محل دهب يصلحها
ريهام .. تمام سبحان الله ولا فيها اي حاجه ربنا جعلها سبب عشان تنقذك
سمر .. بتدخل الجامعه هي وريهام
محمد .. كنت عايز اسالك عن حاجه
مصطفي .. اتفضل
محمد .. انا حاسس ان ريهام مش طيقاك هو ايه الي حصل بينكم عشان تبقا مش طيقاك كده
مصطفي .. انت مركز اووي مع ريهام
محمد .. من اول ما شوفتها وانا حاسس اني اعرفها من زمان
مصطفي .. عادي في ناس كتير بتقابلنا وبنحس ناحيتها بكده كأن الشخص ده مالوف بنسبالك.
محمد .. معاك حق يا مصطفي بس ما جاوبتنيش علي سؤالي
مصطفي .. بص هو انا وهي من اول ما تقبلنا واحنا بنتخانق بس وبصراحه انا غلط كتير معاها ونفسي تسامحني بس واضح ان ده مش هيحصل
محمد .. لا اطمن ان شاء الله هيحصل واضح انها طيبه وبنت حلال
مصطفي .. هي فعلآ طيبه وبنت حلال
محمد .. الله الله لا ده الحكايه مش انك عايزها تسامحك بس
مصطفي .. امال ايه يا محمد
محمد .. شكلك وقعت يا درش
مصطفي .. ابتسم وسكت
احمد .. بيخبط علي الباب وبيدخل السلام عليكم
الكل .. وعليكم السلام ورحمة الله وبركاته
ناهد .. شكل محمد صدعك يا درش
مصطفي .. بالعكس ده كان وحشني اوي
محمد .. بصراحه اه ده انا ما بطلتش كلام معاه
احمد .. عامل ايه دلوقت يا درش
مصطفي .. الحمد لله يا عمي زي الفل وياريت اطلع بقا من المستشفي مش حابب القعده فيها
ناهد .. هنشوف الدكتور منير وان شاء الله نروح سوا النهارده
مصطفي .. ان شاء الله يا طنط
ناهد .. هي سمر جات هنا
محمد .. اه ومشيت علي طول عشان عندها امتحان
ناهد .. ربنا يوفقها
سمر .. بتطلع من الامتحان وبتروح علي الكافتريا
ريهام .. اول ما بتشوفها بتقوم وبتقرب منها طمنيني عملتي ايه
سمر .. ما تقلقيش انا ما سبتش حاجه
ريهام .. بالتوفيق يارب
سمر .. تسلمي يلا بينا نعمل المحضر وبعد كده نصلح السلسله
ريهام .. يلا يا برنسبسه
ناهد .. بترن علي سمر
سمر .. لحظه طنط ناهد بترن مساء الخير يا طنط
ناهد .. مساء الورد ايه خلصتي
سمر .. ايوه بس هروح مع ريهام نعمل محضر وهنيجي علي طول
ناهد .. محضر ايه
سمر .. واحد حمار كان هيخبطها بالعربيه الصبح
ناهد .. وهي عامله ايه دلوقت
سمر .. ما تقلقيش يا طنط هي زي الفل بس انا متاكده انه كان قصدها عشان كده هنعمل محضر
ناهد .. تمام هبعتلك رقم امجد اخويا كلميه هو عميد في الشرطه وانا هكلمه
سمر .. مش مستاهله يا طنط
ناهد .. اسمعي الكلام وخلصو وتعالوا علي طول علي المستشفي وهاتي ريهام معاكي
سمر .. حاضر يا طنط.
ريهام .. انتي لازم تقلقيها
سمر .. ضحكت طاب اعمل ايه ما تعودش اكدب
ريهام .. طاب يلا يا لمضه
سمر .. يلا يا قمر
محمد .. فيه ايه مالها ريهام
ناهد .. عربيه كانت هتخبطها الصبح وريحين يعمله محضر وانا هكلم خالك امجد دلوقت عشان يكلم لهم حد في القسم عشان يخلص المحضر بسرعه
محمد .. انا هكلم سمر وروح معاهم وكلم خالي من هناك
ناهد .. ماشي
محمد .. بيرن علي سمر
سمر .. الو
محمد .. رايحه قسم ايه يا سمر انا جيلك
سمر .. مش مستاهله ده كله
محمد .. كده كده انا فاضي يلا ابعتي اسم القسم في رساله علي الواتس وانا هاخد تاكسي واجي علي طول
سمر .. ماشي
احمد .. بدل ما تاخد تاكسي خد مفتاح العربيه بتاعت مصطفي تحت
محمد .. لا يا بابا كده كده لسا معرفش الاماكن وهاجي معاهم في العربيه
احمد .. زي ما تحب
محمد .. بينزل وبياخد تاكسي وبيروح علي القسم وبيلاقيهم مستنينو
ريهام .. ما كانش له لزوم تتعب نفسك
محمد .. ما تقوليش كده انتي زي اختي يلا تعالي وبيطلع التليفون وبيرن علي خاله امجد
وامجد بيكلم الضابط النبطشي الي بيطلع يستقبلهم وبيخلص كل حاجه وبعد كده بيطلعو من القسم محمد هتعملي ايه يا سمر
سمر .. السلسله بتاعت ريهام اتقطعت هنروح اي محل دهب نصلحها
محمد .. لا انا قصدي انتي فاكره نفسك هتسوقي وانا اقعد جنبك كده
سمر .. رغم انك متربي في امريكا لكن طبعك مصري اصيل يا ابني
محمد .. ماشي يا مصريه يا اصيله وبيتحركه وبيروحه محل الدهب
الصايغ .. السلسله دي تحفه اول مره اشوف سلسله بالجمال ده
محمد .. المهم احنا مستعجلين ياريت تخلصها بسرعه
الصايغ .. علي ما تشربه العصير هكون خلصتها
محمد .. تمام
الصايغ .. اتفضل
محمد .. بيطلع الفلوس وبيحاسبه
سمر .. بصت علي ريهام
ريهام .. عايزه ترفض بس زي ما يكون في حاجه رابطه لسانها
محمد .. اتفضلي السلسله يا ريهام
ريهام .. شكرآ يا محمد
سمر .. الله الله ايش معنا محمد بقا
محمد .. مش فاهم
سمر .. لما تكبر هفهمك
وضحكو وركبه العربيه وطلعو علي المستشفي اما الضابط اتحرك ومن رقم العربيه وصل لي لصاحبها حماد علي السيد الشهير بانجو وتحرك وقبض عليه
الضابط .. كنت فين الصبح
بانجو .. كنت في البيت يا باشا
الضابط .. هتكدب يا روح امك
بانجو .. هو فيه ايه يا بيه
الضابط .. البنت الي كنت هتخبطها الصبح عملتلك محضر
بانجو .. انا ما خبطش حد يا باشا ولا اعرف البنت الي حضرتك بتقول عليها
الضابط .. علي العموم ليلي عمها لواء في الدخليه وانت كده رحت في داهيه
بانجو .. ليلي مين قصدك ريهام
الضابط .. وقعت بلسانك هتعترف بالذؤق ولا اعلقك
بانجو .. لا يا باشا انا هقول كل حاجه
د منير .. حمدالله بالسلامه يا بطل
مصطفي .. الله يسلمك ممكن تكتبلي خروج يا دكتور
د منير .. انا كتبتلك خروج فعلآ بس المهم الراحه التامه
مصطفي .. حاضر يا دكتور
سمر .. السلام عليكم
الكل .. وعليكم السلام ورحمة الله وبركاته
ناهد .. قربت من ريهام انتي بخير يا بنتي
ريهام .. الحمد لله يا طنط ما تقلقيش انا زي الفل
ناهد .. يا رب ديمآ امجد مهتم بنفسه بالمحضر وساعه بالكتير وهيوصله للعربيه وصاحبها
ريهام .. سمر هي الي مكبره الموضوع
سمر .. لولا ستر ربنا والسلسله الي اتقطعت لا قدر الله كان خبطك بالعربيه
ناهد .. سلسلة ايه
محمد .. دي مش سلسله عاديه دي تحفه يا ماما
ناهد .. لسا هتتكلم رن تليفونها اهو امجد بيرن الو
امجد .. الواد اتمسك وعترف ان رمزي هو الي طلب منه انه يخبطها بالعربيه
ناهد .. رمزي مين
امجد .. اخو مرات رافت اخو جوزك
ناهد .. بتقول ايه
إلي اللقاء في الحلقه الثانيه عشر
#عباد_الله_اذكره_الله