رواية كبرياء انثي الفصل الثالث 3 بقلم جمال المصري

رواية كبرياء انثي الفصل الثالث 3 بقلم جمال المصري

بسم الله ولا إله إلا الله وحده لا شريك له له الحمد وله الملك يحيي ويميت وهو علي كل شئ قدير 

                #كبرياء_انثي 

                          #الحلقه_الثالثه

                        #اتمنا_الحلقه_تنال_اعجابكم 

مصطفي .. بقرب منها انا اسف يا ريهام 

ريهام .. انا اسفه اني جبت سيرت المرحومه مامتك لكن مش هقبل اسفك 

مصطفي .. انتي شايفه نفسك علي ايه انتي مجرد بنت لا راحت ولا جت انا مليون بنت تتمنى بس اني اشاور لها بصباعى وتجي تحت رجلى

ريهام .. فعلآ كلامك صح اصل الي من عينتك كتير عشان كده فاكر كل البنات رخيصه زي الاشكال الي بتعرفها ونسيت ان زي ما فيه الكويس في الوحش وصوابعك مش زي بعضها 

مصطفي .. كلكم شبه بعض وانتي هتيجي زحف لحد عندي يا ريهام 

ريهام .. ده لما تشوف حلمت ودنك وبعدين انت عايز مني ايه شوف اللي شبهك وسيبني في حالي 

مصطفي .. انا ما حدش يرفضني فاهمه وانا هخليكي تندمي علي اليوم الي فكرتي تتحديني فيه 

ريهام .. انا ندمت فعلا اني شوفتك كنت فاكراك انسان طلعت حيوان 

مصطفي .. انتي ازاي تتجرائي وتقولي كده 

ريهام .. ولو ما مشتش من قدامي هخليك  تندم انك فكرت بس مجرد تفكير انك توقف قدامي وتفكر انك احسن مني كلنا ولاد ادم وحواء و قال النبي محمد صل الله عليه وسلم في خطبة الوداع:

"لا فضلَ لعربيٍّ على أعجميٍّ، ولا لأعجميٍّ على عربيٍّ، ولا لأحمرَ على أسودَ، ولا لأسودَ على أحمرَ، إلا بالتقوى."

قال الله تعالى في سورة الحجرات:

"يَا أَيُّهَا النَّاسُ إِنَّا خَلَقْنَاكُم مِّن ذَكَرٍ وَأُنثَىٰ وَجَعَلْنَاكُمْ شُعُوبًا وَقَبَائِلَ لِتَعَارَفُوا ۚ إِنَّ أَكْرَمَكُمْ عِندَ اللَّهِ أَتْقَاكُمْ" صدق الله العظيم 

مصطفي .. بيقول في نفسه البنت دي ايه دايما تكلمني بالقرآن والسنه بتلجمني و ينفخ وبياخد بعضه ويرجع علي مكتبه 

سمر .. اركبي يا ريهام 

ريهام .. بتركب 

سمر .. انا كنت شايفه مصطفي واقف معاكي اسفه لو كان ازعجك 

ريهام ..  مفيش اسف بينا مش خلاص بقينا اصحاب 

سمر .. اكيد ومش اصحاب بس لا انا لو ليا اخت مش هحبها زيك مع اننا لسا متعرفين علي بعض لكن حاسه اننا نعرف بعض من سنين 

ريهام .. مع اني مستغربه الاحساس ده لكن ده نفس احساسي يا سمر 

سمر .. بتتحرك بالعربيه هنروح نجيب الملخصات وبعد كده اروحك 

ريهام .. ماشي 

سمر .. بتوصل المكتبه و ينزلوا و بيجيبه الملخصات وسمر بطلع الفيزا عشان تدفع 

ريهام .. لا يا سمر لو سامحتي بلاش الاسلوب ده مش بحبه انا قبلت هديتك ما تخلنيش اندم 

سمر .. حاسة ان ريهام غير اي حد وان عندها كرامه وعزة نفس اسفه يا ريهام انا ما قصدش ازعلك 

ريهام .. عارفه بس عشان نفضل اصحاب بلاش تدخلي حكاية الفلوس بينا 

سمر .. خلاص مش هتتكرار 

ريهام .. ابتسمت كده تمام وبتدفع الفلوس وبتركب مع سمر وبيتحركه 

سمر .. بتوصل عن الشقه الي ساكنه فيها ريهام 

ريهام .. يلا انزلي 

سمر .. خليها مره تانيه 

ريهام .. عظيم بيمين ابدآ انزلي يا سموره 

سمر .. ضحكت حاضر يا ريري وبتنزل وبتطلع مع ريهام الشقه واول ما بتدخل بتحس براحه غريبه 

رغم ان الشقه صغيره وعلي قد الحال لكن نظيفه وكل حاجه مترتبه ودخل الشقه تحس بريحه برفان ماليه الشقه 

ريهام .. مالك وقفتي ليه اتفضلي في الصالون 

سمر .. انا مش جايه اقعد انا حابه اتعلم منك تعرفي عمري ما عملت اكل 

ريهام .. بس كده ده انا هخليكي شيف 

سمر .. واضح انك واثقه من نفسك اووي 

ريهام .. المطبخ اهو وهتشوفي ودوقي بنفسك 

سمر .. وانا جاهزه لكده يلا 

وبيدخله الاتنين سوا المطبخ بعد ما ريهام بتغير لبسها وكمان بتجيب طقم لسمر عشان لبسها ما يتبهدلش في المطبخ وعلي فكره الاتنين نفس الطول والجسم عشان كده سمر لما طلبت لبس لريهام كانت عارفه مقاس لبسها 

مصطفي .. قاعد في المكتب متعصب علي الاخر ويمسك التليفون و بيرن علي وحده من البنات الي يعرفهم 

مي .. درش حبيبي وحشني اخيرا افتكرتني 

مصطفي .. تعالي علي الشقه ربع ساعه وهكون هناك ما تتاخريش 

مي .. هتلاقيني مستنياك يا عمري وبتلبس وبتنزل علي طول وبتروح للشقه الي بيتقابله فيها وبتوصل قبله وبتغير لبسها وبتستناه 

مصطفي .. بيوصل واول ما بيفتح الباب 

مي .. تقوم وتجري عليه و تحضنه 

مصطفي .. كان في نار في جسمه ومش حابب حد يلمسه بس يتحمل ويبعد عنها بالراحه 

مي .. مالك يا حبيبي زي ما تكون مش طايقني 

مصطفي .. لا بس مخنوق شويه 

مي .. تعالى غير هدومك وارتاح علي السرير 

مصطفي .. بيدخل اوضة النوم وبيغير هدومه وبينام علي السرير 

مي .. بتنام جنبه وبتحضنه حبيبي كنت محتاجه ١٠ الاف جنيه في طقم عجابني اووي عايزه اشتريه 

مصطفي .. فتح الدرج وطلع عشر الاف خدي يا مي اشتري اللي نفسك فيه 

مي .. تسلملي يا حبيبي وبتقرب عشان تبوسه 

مصطفي .. بيبعد عنها 

مي .. في ايه مالك انت اول مره تبقا كده معايا 

مصطفي .. مي امشي دلوقت انا مش طايق نفسي 

مي ..  مش هقدر اسيبك كده 

مصطفي .. انا عايز اقعد لوحدي يلا امشي 

مي .. حاضر وبتقوم تغير هدومها وبتمشي 

مصطفي .. انا ايه الي حصلي ده مين ريهام دي عشان تشقلب كياني انا هخليها تيجي زحف وتترجاني كل البنات زي بعض و مفيش بنت تقولي لا وفضل يفكر ازاي يكسر كبريائها وهو يولع سيجاره ورا سيجاره و تليفونه بيرن ويلاقي ميساء هي الي بترن وميساء وحده من البنات الي بيعرفهم وبيمسك التليفون وبيخبطه في الحيط وبيوقف قدام المرايا وكانه اول مره يشوف نفسه وبيضرب ايده في المرايا بيكسرها وهو بيصرخ انا هنتقم منك يا ريهام يا بنت عامل البوفيه انتي تقوليلي انا لا وتبهدليني مش هرتاح غير لما اكسرك وندمك علي كل الي عملتيه 

ريهام .. يلا كده الاكل جاهز يلا انا هموت من الجوع 

سمر .. وانا كمان وريحت الاكل تجنن وبتسمي بسم الله وبتاكل 

ريهام .. ايه رايك بقا في طبيخي 

سمر .. وشها اتغير والدموع نزلت من عينيها 

ريهام .. مالك يا سمر حصل ايه 

سمر .. بتبتسم ابتسامه مليانه حزن ودموع اكلك جميل اووي زي اكل ماما الله يرحمها 

ريهام .. الله يرحمها تعيشي وتفتكري بس انا اكلي علي قده يعني 

سمر .. والله نفس اكل ماما الله يرحمها من اول ما ماتت وانا عمري ما استطعمت اكل 

ريهام .. الف هنا يا حبيبتي بلا بالله عليكي بلاش دموع 

سمر .. بتمسح دموعها حاضر وبتكمل اكل 

ريهام .. مبسوطه بوجود سمر ما هي كمان ما عندهاش اصحاب وكان الاتنين كانو بيدوره علي بعض 

مصطفي .. لسا واقف وبيفكر بصوت عالي وبيقول لنفسه عشان اوصلها وكسرها لازم امسك عليها حاجه يبقا  مفيش غير اني ازق عليها وحده من البنات بتوعي البنت ما حدش يوقعها غير بنت زيها بس مين دي وفي اللحظه دي ميساء  بترن تاني مسك التليفون وهو بيبص للاسم ويقول ايوه هي ميساء اللي هتجيبها ركعه لحد عندي و بيرد الو 

ميساء .. مش بترد ليه يا حبيبي انت وحشني 

مصطفي .. وانتي كمان يا ميساء فاضيه 

ميساء .. ايوه فاضيه انت فين 

مصطفي .. في الشقه عايزك في موضوع ضروري 

ميساء .. مسافة السكه وكون عندك وتنزل جري وبتفتح بنسخه المفاتيح الي معاها وبتدخل تلاقي المرايه متكسره وايد مصطفي مجروحه تجري تجيب علبة الاسعافات الاوليه وتلف ايده و بتلم القزاز من الارض وهي بتساله مالك يا حبيبي فيه ايه 

مصطفي .. عايز منك خدمه

ميساء .. بتقرب منه انا تحت امرك يا حبيبي 

مصطفي .. في بنت عايز اكسرها و مفيش غيرك 

ميساء .. بتقول ايه 

إلي اللقاء في الحلقه الرابعه 

                  #عباد_الله_وحده_الله

           الفصل الرابع من هنا