رواية كبرياء انثي الفصل الرابع 4 بقلم جمال المصري
بسم الله ولا حول ولا قوه إلا بالله العلي العظيم
#كبرياء_انثي
#الحلقه_الرابعه
#اسال_الله_العظيم_رب_العرش_العظيم_ان_يسعد_قلوبكم
مصطفي .. في بنت عايز اكسرها و مفيش غيرك
ميساء .. بتقول ايه
مصطفي .. زي ما سمعتي البنت شايفه نفسها عليا اووي وانا عمري ما بنت استعصت عليا
ميساء .. بتقرب منه وبتحط ايدها علي خده وانا يا حبيبي مش مكفياك
مصطفي .. طلع خمس الاف امسكي يا ميساء
ميساء .. بتمسك الفلوس بس
مصطفي .. مفيش بس انا عايزك تتصاحبي عليها و تجبهالي لحد هنا و مالكيش دعوه بالباقي
ميساء .. بس كده عيوني عشان خاطرك يا حبيبي انا اعمل اي حاجه
مصطفي .. يلا امشي دلوقت
ميساء .. بس انت وحشني وبتحضنه
مصطفي .. بيقوم يلا يا ميساء انا مش طايق نفسي
ميساء .. ماشي يا حبيبي في ظرف اسبوع هتكون هنا
مصطفي .. وانا هغرقك فلوس لو عرفتي تجبيها
ميساء .. عيب عليك ده انا اجيبلك الدنيا كلها بس انت تؤمر هسيبك ترتاح سلام يا روحي وبتبوسه في خده
مصطفي .. سلام وبيدخل اوضة النوم والغضب لسا مسيطر عليه انا هجيبك لحد هنا وهخليكي تتوسلي عشان اسيبك يا ريهام
سمر .. تسلم ايدك يا حبيبتي ده اجمل يوم في حياتي
ريهام .. واسعد يوم في حياتي انا كمان رغم اللي حصل
سمر .. قلبك ابيض يا حبيبتي والله مصطفي طيب و جدع ورجل أعمال ناجح وما كنش كده بعد وفاة ماما اتغير ١٨٠ درجه بقي مقضيها مع البنات والشرب الوقت الوحيد الي بيكون فيه فايق بيكون وقت الشغل انا حاولت معاه كتير لكن للاسف من غير فايده
ريهام .. ان شاء الله يفوق من كل ده وسبحان من يغير ولا يتغير
سمر .. ونعم بالله الوقت عدا بسرعه وقعدتك ما يتشبعش منها بس لازم امشي
ريهام .. لسا بدري يا سمر
سمر .. ما تقلقيش انا كل يوم هجيلك وانتي كمان لازم تزوريني في الفيلا
ريهام .. اكيد ان شاء الله
سمر .. يلا السلام عليكم
ريهام .. وعليكم السلام ورحمة الله وبركاته وبتوصلها لحد باب الشقه
سمر .. بتركب عربيتها وبتتحرك علي الفيلا وتطلع التليفون وبترن علي مصطفي
مصطفي .. الو
سمر .. انت في الفيلا
مصطفي .. لا مش فيها خير فيه حاجه
سمر .. مالك صوتك متغير ليه
مصطفي .. مفيش انا هتاخر بره
سمر .. يا حبيبي عشان خاطري بلاش الطريق الي انت ماشي فيه ده
مصطفي .. انا مش طايق نفسي يا سمر سلام وبيقفل السكه
سمر .. لا حول ولا قوه إلا بالله ربنا يهديك يا مصطفي ويتوب عليك من القرف اللي انت فيه وتوصل الفيلا
الداده .. حمدالله بالسلامه يا بنتي اجهزلك العشاء
سمر .. شكرا يا داده انا كلت بره وهطلع اريح شويه
عادل .. يرجع البيت
ريهام .. احضر لك الاكل يا بابا
عادل .. شكرا يا حبيبتي واسف لو كنت قسيت عليكي في الشركه
ريهام .. محصلش حاجه يا بابا انا الي كنت فعلآ متعصبه بسبب اللي حصل
عادل .. حصل خير و مصطفى بيه طيب وابن حلال
ريهام .. انا مش طايقه اسمه اصلآ بس مش مشكله عشان سمر انا نسيت كل حاجه
عادل .. سمر دي نسخه من امها الله يرحمها
ريهام .. انت كنت تعرفها
عادل .. ايوه كانت ديمآ بتيجي مع ابو مصطفي الشركه والاثنين كانوا احسن من بعض و مصطفى وسمر كانوا بيجو وهما صغيرين وقعدتهم كلها عندي في البوفيه كانت ايام جميله لكن لما كبره وبعد ما مدام نور ماتت مصطفي اتغير حاله بقي انسان تاني مستحملش موت مامته خصوصآ انها ماتت بعد ابوه بكام شهر
ريهام .. ربنا يصلح حاله
عادل .. يارب يا بنتي يارب
ريهام .. غير هدومك علي ما اجهز الاكل
عادل .. ما ليش نفس يا حبيبتي
ريهام .. يا سي بابا مفيش منه الكلام ده يلا وانا هجهز الاكل و استناك
عادل .. ابتسم ماشي يا اميرتي طلباتك اوامر ويدخل اوضته ويغير لبسه ويطلع يلاقي ريهام مجهزه الاكل و يقعد و ياكلوا مع بعض فى جو أسرى جميل ما هى ريهام كل حياته والى ليه فى الدنيا
سمر .. بترن علي مصطفي
مصطفي .. الو ما انا قولتك هتاخر بره
سمر .. انت نسيت ان عمك ومراته وبنته جايين دلوقت وزمانهم علي وصول
مصطفي .. دول هيجو بالليل
سمر .. ما احنا بالليل يا باشا
مصطفي .. بيبص في التليفون وبيتفاجئ معقول الوقت عده بسرعه كده ماشي مسافة السكه وكون عندك لما اشوف اخرتهم ايه
سمر .. اوكيه مستنياك
و مفيش دقايق و يوصل رافت ومراته زينب وبنته سالي وسمر بتستقبلهم وبتقعد معاهم ويسألوا عن مصطفي وتقولهم انه في الطريق جاي ونص ساعه يوصل مصطفي ويسلم عليهم
سمر .. بتبص علي ايده اللي بيحاول يخبيها منها و بتبصله كانها بتقوله ايه ده
مصطفي .. بيبصلها وكأنه بيقولها مش وقته
رافت .. ايه يا مصطفي ما بتسالش عن عمك
مصطفي .. ما انت عارف ضغط الشغل يا عمي
رافت .. ربنا يعينك يا ابني سالي كل شويه تقولي عايزه تيجي تطمن عليك انت وسمر
مصطفي .. ده بيتكم تنوره في اي وقت
زينب .. اكيد يا حبيبي ما انت وسالي تعتبرو مخطوبين
مصطفي .. يا طنط
سمر .. بتقاطعه هروح اشوف العشاء جهز ولا لا
زينب .. اتفضلي يا حبيبتي هو احنا غرب
سمر .. بتقوم وبتدخل المطبخ خلصتي يا داده
الداده .. ايوه يا بنتي كل حاجه جاهزه
سمر .. طاب يلا بسرعه خليهم يمشي
الداده .. ضحكت ماشي يا بنتي ثواني و بتحط الاكل علي السفره
سمر .. اتفضلوا الاكل جاهز
بيقوموا يتعشو و يتكلموا علي الاكل وكل كلامهم حوالين موضوع الخطوبه ومصطفي مش عارف يقول حاجه واخر ما زهق خالص
مصطفي .. يا مرات عمي اللي اعرفه ان بابا وماما كانوا بيقولوا اني هاخد بنت عمي احمد الله يرحمها وماتت ومن وقتها عمي احمد سافر امريكا بصراحه انا مش بفكر في حكاية الزواج دلوقتى
زينب .. ليه يا سي مصطفي هتفضل تتصرمح كده و فاضح العيله ده الناس كلت وش عمك بيقولوا مصطفي بيه مقضيها مع البنات انت ناسي انت ابن مين انت مالكش غير الجواز هو الي هيلمك وانت قولت بلسانك بنت عمك احمد ماتت ودلوقت مفيش غير سالي ولا عايز تجيب وحده من الشارع وتدخلها العيله
مصطفي .. لو سامحتي انتي مالكيش انك تدخلي في حياتي
رافت .. انت بتقول ايه انا عمك وفي مقام ابوك الله يرحمه ومفيش حد ليه كلمه هنا غيري ولا هتكسر كلامي
مصطفي .. انت علي راسي يا عمي بس ده جواز مش لعبه
رافت .. وانت هتلاقي فين زي بنت عمك ده احنا غصبين عليها عشان تتجوزك يا بتاع البنات انت هي كلمه و مفيش غيرها هتتجوز سالي وإلا هنفض الشركه وهاخد حصتي انا وعمك
مصطفي .. حضرتك ما لكش غير ١٠ % بس و ٤٠% حصة عمى احمد وهو اللي يطلبها بس ومن يوم ما بابا اتوفاه وانا اللي بدير الشركه باغلبية الاسهم وكل النجاح الي الشركه وصلتله ده بفضل ربنا سبحانه وتعالي ثم تعبي
زينب .. الله الله كويس انك لسا فاكر ربنا الي كل يوم بتعصيه
مصطفي .. استغفر الله العظيم يا مرات عمي لو سامحتي ما تدخليش في حياتي وعلاقتي بيني وبين ربنا حاجه تخصني وان شاء الله ربنا هيهديني
رافت .. يهديك انت طول ما انا مش راضي عنك هتفضل كده وهتموت كده انت طالع عنيد لامك
مصطفي .. اتعصب وضرب ايده علي السفره بقوه وتكلم بصوت عالي انت بتقول ايه ووقف والشرار بيطق من عينه
إلي اللقاء في الحلقه الخامسه
#عباد_الله_وحده_الله