رواية احببت قلبها ولكن الفصل الخامس 5 بقلم اية المهدي
البارت 5
وجلس الجميع بانتظار كوكب حتي تفيق منهم القلق من رفضها لهم ومنهم السعيد بوجودها
زين بسعادة : يعني انا كده عندي اخت اكبر مني مش مصدق
عبدالله بصدمة : انتوا مش زعلانين يا ولاد ومبسوطين بكوكب
غفران : بابا انت كنت متجوز طنط خديجة قبل ماما يعني مش عليها هنزعل ليه بس المهم كوكب هتتقبلنا ولا لاء
عائشة بحزن : انا هاتكلم معاها متقلقوش انا بس ليا طلب مش تحرموني من حفيدتي انا ماليش غيرها
زهران بمحبة لها : ومين قال انك هتمشي انتي هتفضلي هنا معانا انتي في مقام والدتي وجدة كوكب وكمان وجودك هنا هيفرق مع كوكب
عامر بتنهيدة : بابا نام اخيرا انا قلقان عليه قوي
خديجة بحزن : انا مش هقعد هنا كوكب تصحا بس وهنمشي انا وماما عائشة
زهران : بتقولي ايه يا خديجة مش سمعتي بابا قال ايه حياتك في خطر انتي هتقعدي معانا هنا
اسمهان : انتي مش واثقة فينا يا خديجة ولا ايه هنا امان ليكي اكتر
خديجة بقهر : انا مكنتش مفكرة أنه بابا يفكر يقتلني أو يقتل ولادي
عبدالله باشتياق لها : خديجة انا مكنتش متخيل بابا يطلع بيحبنا قوي كده انا كنت ظالمه قوي للحظة فكرت أنه ميهموش غير اسم العيلة وسمعتها بس طلع كان بيحمينا كلنا الفترة دي كلها
ليصمت الجميع فهم مذنبين بحقه فكان يظهر أمام الجميع قاسي القلب
بداخل غرفة غفران استيقظت كوكب بارهاق وهي تنظر حولها باستغراب فهذه ليست غرفتها لتتذكر ما حدث بالاسفل لتشعر بالغضب من الجميع فهي لن تتقبلهم مهما حدث فهم ليسوا عائلتها لتتحرك للاسفل وهي تنظر حولها اين الدرج فهذا القصر به غرف كثيرة وهي لا تري اين تذهب لتري التؤامين عمران وزهران وهم ينظروا لها بسعادة فهذه شقيقتهم الكبري
عمران بمحبة : انتي صحيتي انا هروح انادي الكل
كوكب : لا لا متناديش حد انا بس عايزة انزل تحت بس اعرف الاول انتوا مين
زهران بتوتر قليلا : احنا اخواتك انا زهران وهو عمران
كوكب بجمود : تمام ممكن تعرفوني الطريق لينظروا لها بحزن فهي لن تتقبلهم لتنظر لهم دون أن ينتبهوا وذهبت برفقتهم للاسفل ليتفاجئ الجميع بها لتركض عائشة باتجاهها وخديجة لم تقوي علي النظر لها فماذا ستقول لها انها تركتها لعائلة أخري ولكنها حاولت أن تجدها لم تستطع ايجادها
عائشة ببكاء : كوكب انتي كويسة يا حبيبتي
كوكب بقوة : انا عايزة امشي من هنا
غفران بحنان : هتروحي فين يا كوكب هنا بيتك وأخواتك وعيلتك كلها
كوكب بحدة : انا ماليش عيلة ولا اخوات انا ماليش غير تيته انتوا فاهمين
عبدالله بدمع : متقوليش كده يا بنتي صدقيني انا مكنتش اعرف بوجودك انتي واختك ولو كنت عرفت مكنتش هاسيبكم ابدا
كوكب بسخرية : وانتي يا مدام خديجة مش حابة تقولي كلمتين زيه لينظر لهم الجميع بصدمة من حدتها وسخريتها
عائشة بصوت عالي : كوكب انتي عمرك ما كنتي قاسية كده يا بنتي ويوم ما تقسي يكون علي اهلك انا مربتكيش علي كده يا بنتي
كوكب بتعب : انا ماليش أهل غيرك دول مش عيلتي يمكن داليدا ارتاحت قبل ما تشوف اليوم ده يا ريتني روحت معاها ليشهق الجميع بخوف عليها فهي تكره الجميع لهذه الدرجة
خديجة بحزن وعتاب : كده يا كوكب عايزة تسبيني مش كفاية اللي ضاعوا مني انا مش فاضلي غيرك دلوقتي انا حاولت اعرف مكانك كتير بس مقدرتش اوصلك انا بحبك والله يا بنتي
يوسف بحدة : كفاية كده انا سمعت كلامك الفارغ لحد دلوقتي انتي ايه معندكيش قلب عايزة اهلك يعملوا ايه يركعوا علي رجليهم علشان الهانم ترضي عليهم انتي أنانية قوي يا كوكب ورحل وتركها وهو غاضب من أفعالها فهي لم تشفق علي دموع والدايها
كوكب بصراخ : أيوة انا أنانية صحيح تيته عرفتني كل حاجة واتقبلت الواقع بس مكنتش فاكرة أنه ماهر بيه بالحقارة دي عايزاني اعمل ايه اجري عليكم واحضنكم واقول خلاص لقيت اهلي واعيش عادي وانسي كل حاجة لا انا مش ممكن انسي وذهبت بتجاه جدتها وصديقاتها وهي تطلب منهم الرحيل للمنزل
زهران بجمود : محدش هيخرج من هنا والبنات هتقعدوا هنا والصبح انا هرجعكم البيت
ايلين : كوكب تعالي يا حبيبتي انتي لازم ترتاحي وبكرة نتكلم وغمزت لغفران بهدوء وهي تطلب منها عصير ليمون لتهدئة شقيقتها الغاضبة وذهبت الفتيات للاعلي برفقة فريدة وروڤان
عامر بقلق : هنعمل ايه دلوقتي البنت مستحيل تقبلنا
خديجة بقهر : انا مستعدة اعمل اي حاجه علشان ترجعلي
عائشة بتفكير : انا ممكن اساعدكم في الموضوع ده بس المهم كوكب تفضل هنا وسطكم خصوصا لو في خطر علي حياتها وحياة خديجة
مر اليوم علي الجميع بحزن شديد ليستيقظ الجميع وأخذ زهران الفتاتين زينة وإيلين ليصلهم للمنزل
وعائشة تملي عليهم الخطة وتحذرهم من الوقوع في الخطأ فكوكب ذكية للغاية
يجلس الجميع بصمت والجميع منتظر نزول كوكب
ماهر : متخافوش هتنزل دلوقتي
فريدة بابتسامة : كوكب نازلة دلوقتي لتهبط كوكب للاسفل وتري الجميع منتظر مجيئها لتحاول تهدئه نفسها فهي تشعر بالغضب من الجميع لتجلس بجانب جدتها دون التحدث لأحد
ماهر بحنان لها : مافيش صباح الخير يا كوكب
كوكب باقتضاب: صباح الخير كده حلو
يوسف بعصبية : كوكب اتكلمي كويس مع جدك
عبدالله : انا اسف يا بابا بالنيابة عن كوكب هي بس مصدومة لتنظر كوكب لهم بسخرية وتقرر الذهاب والاستعداد لعملها فهي قررت الرجوع لعملها بالجامعه
ماهر : رايحة فين يا كوكب
كوكب : مع اني مش حابة اجاوب بس عندي شغل
ماهر بابتسامة : كويس انا قولتلهم يحضرولك مكتبك جمب مكتب غفران اختك
كوكب بعدم فهم : مكتب ايه ومين قالك اني هاشتغل في شركتكم انا هارجع لشغلي معيدة في الجامعه
خديجة بتردد: كوكب ممكن اتكلم معاكي يا بنتي لتنظر لها عائشة أن لا ترفض طلب والدتها لتذهب كوكب برفقة والدتها للحديقة
خديجة ؛ انا عارفة أنه اللي هقوله ممكن متصدقهوش وسردت لها ما فعله الجد من أجلهم ومن أجل أن يحميهم من أهل خديجة كوكب يا بنتي العمر مبقاش فيه قد اللي راح اللي حصل كان مش بايدي ورغم أنه عبدالله غلط بس كان ضعيف وقتها سامحي يا كوكب احنا مش هنفضل عايشين العمر كله ليكي
لتشعر كوكب بالتشتت من حديث والدتها ولا تدري لما شعرت بالخوف قليلا
كوكب : موعدكيش بس هحاول وقررت الذهاب للشركة برفقة شقيقتها غفران فهي قررت تعطي فرصة لاشقائها فهم ليسوا المخطئين بحقها
نور بحماس : اول خطوة مشيت وكوكب رجعت الشركة الله عليكي يا تيته يا جامدة ده أي حد عايز يقتل حد ولا يوقع حد يجيلك
عائشة بضحك : المهم عندي كوكب تبقي مبسوطة وضحكتها ترجع تنور من جديد
علي الجانب الآخر بشركات العمراني
تجلس كوكب علي مكتبها وهي تتحدث بحنق من هذا المغرور يوسف وغفران وإيلين ينظرون لها بضحكة مكتومة لتنظر كوكب لهم بغيط
كوكب : مش تكتموها احسن يحصلكم حاجة اضحكوا اضحكوا لتنفجر غفران بالضحك وتشاركها ايلين
بداخل مكتب يوسف تجمع الشباب حوله
احمد : انت عملت ايه في كوكب يا ابني دي مش طايقة نفسها
يزيد بضحك : دي شوية وهتتحول لامنا الغولة
يوسف : علشان تعرف هي بتكلم مين كويس وكل لما تغلط هتتعاقب
علي : حرام عليك يا يوسف اهدا عليها شوية دي مهما كان بنت عمك واحنا مكناش بنعامل غفران كده
يوسف بجدية : غفران مكانتش وقحة كده إنما دي مشافتش تربية لينظر سفيان ليوسف وهو يشير له بالصمت ليكمل يوسف حديثه وهو غير منتبه لتلك التي استمعت لحديثه عنها هل يراها وقحة هل هي سيئة للغاية
كوكب بدموع متلآلآة : وايه كمان يا يوسف بيه كمل
يوسف بحدة: انتي ازاي تدخلي كده من غير ما تخبطي اتفضلي علي مكتبك لتركض كوكب ببكاء شديد وغفران تنظر له بحدة
غفران بغضب : يوسف ايه اللي عملته ده ازاي تكلمها كده
يوسف بسخرية : غفران بلاش كلام اختي وجو انك حبتيها انتي متعرفيش غير امبارح عنها
فراس بحدة : يوسف انت اتجننت ازاي تكلم بنت عمك كده انت بجد اتغيرت قوي حتي مبقتش عارف تفرق بين الصح والغلط وفاكر كده كوكب هتحبك لا دي هتكرهك اكتر خليك كده لحد ما تضيع من ايديك انت مش تستاهل غير الوحدة في حياتك وذهب وهو غاضب من شقيقه وذهب الشباب وهم ينظرون لهم بحزن
ومر اليوم بحزن علي الجميع وذهبت كوكب لمنزل جدتها فهي تشعر بالراحة بداخله وذهب الشباب للقصر
ماهر : حمد الله على السلامة يا ولاد ونظر لهم باستغراب فين كوكب مش معاكم ليه
آسد : هي مجتش دي مشيت قبلنا
خديجة بخضة : ايييه راحت فين كوكب مرجعتش
لتنظر غفران ليوسف بغضب وتذهب لغرفتها سريعا حتي لا تتهور فهي لا تريد احراج ابن عمها وشقيقها
عبدالله : فهمونا في ايه وغفران متعصبة ليه
فراس بعصبية : الاستاذ يوسف المحترم اتكلم مع كوكب بطريقة مش كويسة وخلاها تبكي واكيد علشان كده مرجعتش
عائشة بهدوء : متخافوش كوكب بخير وهي حاليا في بيتنا وحابة تريح أعصابها شوية انا هاتصل بايلين تفضل معاها ونظرت ليوسف بعتاب
مر شهر علي هذه الأحداث
عادت كوكب للقصر وحاول الجميع التقرب منها أعطت كوكب فرصة للبعض والاخرين ينتظرون دورهم ولم تتحدث الي يوسف أو تتصادم معه وبيوم العطلة للجميع أعلن الجد ماهر خبرا مهم
ماهر : انا قررت فرح الولاد كمان اسبوعين
الفتيات بصدمة ؛ مش هنلحق يا جدي نجهز كل حاجة في اسبوعين
ماهر : متخافوش انا مجهز لكل حاجة وبعدين يا بنات اخوكم سليم راجع انهاردة
فريدة وروڤان بسعادة : بجد يا جدو سليم راجع
يوسف باستغراب : مكلمنيش يعني لينظر الجميع له بتجاهل
ماهر : سفيان ويزيد هتروحوا تستقبلوا ابن عمتكم تمام
وانت يا احمد انت وزين أبدوا تجهيز من دلوقتي
وانت يا استاذ اسد مش ناوي تتقدم للبنت اللي مقعدها جمبك دي
اسد بصدمة : انت عرفت ازاي يا جدي
ماهر بضحك : عيب هو جدك يضحك عليه
كوكب بهمس لغفران : مالك يا غفران من ساعة ما سمعتي اسم سليم ده وانتي اتوترتي
غفران بالم : مافيش يا كوكب انا بس مرهقة شوية
كوكب بعند : لا هتحكيلي مش انا اختك ولا ايه ثم نظرت لها بغمزة الحكاية واضح فيها حب
غفران : طب تعالي نطلع اوضتنا وهحكيلك بس هيبقي سر بينا لتذهب الفتيات للاعلي وعبدالله ينظر لهم بحب فكوكب قد تقلبت اشقائها بمحبة ولكن يبدو الطريق طويل أمامه فهي عنيدة للغاية
مر اليوم والجميع منتظر رجوع الحفيد الغائب
هدي باشتياق : واحشني قوي اخيرا هشوفه
ماهر بحنان : كلنا يا بنتي مش انتي لوحدك ده حفيد الغالي وبعد مرور مدة من الوقت استقبل الجميع سليم بترحاب شديد
هدي ببكاء : واحشتني قوي يا سليم كل دي غيبة عن اهلك انا مش هاخليك تسافر تاني
سليم باشياق : والله وانتوا كمان واحشتوني ونظر لشقيقاته ايه يا بنات مش هتسلموا علي اخوكم ولا الف وارجع تاني
روڤان بمرح : عيب عليك يا مان ده انت القلب كله لينظر زين لها بغيظ وحنق شديد ليبتسم سليم علي غيرة زين منه وينظر حوله يريد أن يراها ورفع نظره للفتاة التي بجانبها ونظر لاحمد بخبث
سليم : ايه ده احنا عندنا حورية هنا ولا ايه مين القمر دي يا جماعه
فراس بضحكة مكتومة: دي كوكب بنت خالك عبدالله
سليم بإعجاب : لا انتاجك حلو يا عبدالله ما تجوزهالي ينوبك ثواب فيا لتنظر كوكب له بحنق ويوسف يكاد يذهب ليلكمه بشدة لتضغط غفران علي يد شقيقته بدون وعي
كوكب : اووووه غفران هانم بتغير
غفران بارتباك : مين انا لا ابدا انا مبحبوش اصلا هاغير ليه يعني ليمر اليوم بسعادة لرجوع سليم لهم ومرت الايام والجميع منشغل بتجهيزات الزفاف وسليم يحرص دائما أن يشعل غضب يوسف وغيرته
يجلس كل شاب بجانب حبيبته وغفران تنظر لهم بحزن
فريدة وأحمد
احمد بحب : مش جاوبتي علي كلامي يا فريدة
فريدة بعدم فهم : كلام ايه انت سالتني وانا مجاوبتش
احمد بهيام : لما اعترفتلك مردتيش امسك احمد يديها وهو ينظر بداخل عيونها بحب تقبلي يا فريدة تكملي حياتك معايا واوعدك هكون ليكي الاب والاخ والصديق والحبيب
فريدة بخجل : اكيد موافقة احنا مخطوبين ومكتوب كتابنا يعني اكيد موافقة
احمد : بس انا مش سمعتها منك قوليها يا فريدة
فريدة بخجل وتوتر: انا انا بحبك وركضت سريعا قبل أن يراها ليضحك احمد عليها
احمد بركض : استني يا بت خدي هنا تعالي هقولك كلمة مجنونة بس بحبها
روڤان وزين
زين : احمممم روڤان
روڤان : نعم يا زين
زين : يا سلام علي زين منك كأنها نغمة موسيقي
روڤان بضحك : والله انك اهبل
زين بمرح : اهبل بس بحبك مجنون بس دايب فيكي
روڤان بصدمة : قولت ايه قول تاني كده بتتكلم جد يا زين بتحبني
زين بتوهان : من زمان يا روڤان بس كنت بخاف لتكوني مش بتبادليني نفس المشاعر انا اتعديت الحب يا روڤان انا بعشقك
روڤان ببكاء : وانا كمان بحبك يا زين من زمان من واحنا اطفال لما سافرت حاولوا شباب كتير يقربوا مني بس كنت بصدهم لانه قلبي مفيهوش غيرك ليحتضنها زين بحب فهي حبيبته وزوجته وابنته
غفران وكوكب : تيراررررررر ايه الرومانسية دي يا جدعان
زين : والله انكم رخمين كده كسفتوها
كوكب : يا سلام علي المحن يا ابني الحب مبياكلش عيش في الزمن ده
زين : طبعا علشان مش لاقين اللي يعبركم يلا يا بايرة منك ليها
عبدالله بغضب : زين ينفع تقول لإخواتك كده اعتذر
كوكب وغفران : لا لا مزعلناش زين ده حبيبنا ونظروا له بشر جلبت كوكب خرطوم المياه وبدأت بالرش عليه هو وروڤان والجميع يبتسم علي طفولتهم
آسد ومرجان
آسد : يا بنتي انا جوزك والله احنا مكتوب كتابنا ولا نسيتي وبعدين ما العيلة كلها قاعدة اهي واهلك معاهم
مرجان بعند : لا يا اخويا انت مش مضمون ممكن عقلك يوزك تحاول تتحرش بيا والله اموتك فيها
اسد بصدمة : احييييه تحرش ايه يا بنت المجانين انتي مراتي يا خيبتك يا اسد شكلي كده اتخدعت
مرجان : لا بقولك ايه انا شغل النحنحة ده مش بيعجبني
آسد بغيط : امال ايه اللي بيعجبك يا حبيبتي
مرجان بشهية : انا دلوقتي عايزاك تجبلي كريب وشكولاته وشيبسي وبيبيسي ويا سلام لو تجبلي اندومي وغزل البنات
آسد بفزع : كل ده طب ما تاكليني احسن يا مرجان يا نهار اسوح وركض سريعا وهو ينادي للجميع ومرجان تركض ورائه بضحك
فراس وإيلين
فراس : بت يا ايلين
ايلين : لا رد
فراس بغيظ : مش بنادي عليكي
ايلين : اسمي ايلين مش بت وبعدين ابعد كده مقرب ليه احنا مخطوبين يا بابا
فراس : يا ساتر الواحد ميعرفش يتكلم معاكي كلمتين انا عارف اتنيلت علي عين امي حبيتك ازاي
ايلين بغرور : انا اتحب اصلا وبعدين انت اللي فضلت شهر تضايقني في الرايحة والجاية وكمان ضربت حاتم ابن عمتي
فراس بغضب : متجبيش سيرته وبعدين عايزاني اعرف انه رايح يتقدملك واسكت
ايلين بابتسامة سرقت قلب هذا العاشق : ما هو لو مكانش حاتم اتقدم مكنتش هتتحرك ودي كانت خطة كوكب وفي الاخر وقعت في حبي ونظرت له بغمزة لينظر فراس لها بحب فهو لم يكن يتخيل أن يعشق لهذه الدرجة
علي وكيان
علي بغضب : يا كيان قولتلك مبحبش الأسلوب ده فرحنا كمان ٥ ايام
كيان : انا عجبني الفستان ده
علي بنرفزة : ده لما اكون بقرون ابقي البسهولك وبعدين انتي مش شايفة البنات كلهم محجبات اهو انا عايزاك تتحجبي يا حبيبتي ده فرض عليكي مش إجبار
كيان بحزن : طيب يا علي هاعملك اللي انت عايز
علي : يا حبيبتي انا مش بجبرك بس ده لربنا قبل ما يكون ليا وصدقيني الحجاب هيبقي جميل عليكي وبعدين أنا عايز جمال مراتي حبيبتي يكون ليا وبس
كيان بحب واقتناع : حاضر يا علي بس ممكن كوكب والبنات ينزلوا معايا نشتري اللبس الشرعي
علي بفرحة : هي دي حبيبتي يا ناس بحبك يا كيان
كيان بخجل : وانا كمان بحبك وبس بقا كسفتني انا هروح للبنات وذهبت سريعا من أمامه لينظر لها بهيام
سفيان وميرال شقيقة ايلين
سفيان : ميرال انتي مش موافقة ليه نعمل فرحنا معاهم
ميرال بهدوء : سفيان احنا مخطوبين بقالنا 20 يوم جواز كده علي طول مش مستعدة وكمان لسه حابة اتعرف عليك اكتر
سفيان بحزن : طب ما فراس وإيلين مخطوبين معانا في نفس اليوم وهيعملوا فرحهم مع الشباب
ميرال ؛ يا سفيان انا ماليش دعوة بيهم انت ليه مش فاهمني لو بتحبني بجد هتعمل اللي يريحني
سفيان : بحبك والله يا بنت ده انتي القلب كله مش ناوية تقوليها
ميرال بغضب حارق: لما نتجوز أن شاء الله يا اخويا
سفيان بضحك : احيييه انتي اتحولتي كده ليه اهدي يا حبيبتي انا قلت حاجة ده انا بهزر لتبتسم ميرال علي خوفه منها
عند كوكب وغفران
كوكب لشقيقتها : مش ناوية بقا تديله فرصة الراجل بقاله شهر بيعبرلك عن حبه متبقيش قاسية كده
غفران بتشتت: مش عارفة يا كوكب انا مترددة
كوكب بجدية : مترددة ليه بقا هسالك سؤال وجاوبيني انتي بتحبي سليم ولا لاء ولو جوابك لاء يبقي سبيه يشوف البنت اللي تناسبه
غفران بغيرة : نعممم لا طبعا سليم مستحيل يشوف بنت غيري
كوكب بضحك : ما تعترفي بقا انك بتحبيه لازم اجيب سيرة بنت تانية يعني
غفران بخبث : طب ما انتي كمان بتحبيه وبتعاندي
كوكب : هااا لا مافيش الكلام ده
غفران بحنان: كوكب صارحيني انا اختك هتخبي عني
كوكب بحيرة وألم : معرفش يا غفران يوسف ده غريب قوي احيانا يكون كويس واحيانا يقلب مرة واحدة وكمان انا عرفت أنه كان بيحب بنت وماتت ومفكرش يفتح قلبه لغيرها انا مش عايزة اوجع قلبي يا غفران حتي لو كنت بحبه كفاية اللي عرفت عن حقيقة اهلي مش هتحمل صدمات تانية
غفران بحزن : كله هيكون بخير متقلقيش أن شاء الله ربنا هيريح قلبك بس مش آن الأوان تسامحي بابا وجدو وماما خديجة سامحي يا كوكب علشان تقدري تعيشي بسعادة
كوكب بتنهيدة : هحاول يا غفران تعالي نخرج نشوفهم ونرخم شوية علي الشباب
نكمل البارت الجاي.........
يا تري يوسف هيقدر ينسا الماضي ؟؟؟؟؟
كوكب هتقدر تسامح أهلها ؟؟؟؟؟
بقلم / آية المهدي.............