.jpg)
مراد دخل لقى نور نامت. مراد بعصبية: لا والله، يعني تصحيني الفجر عشان مشمش، وروح أجيب ألاقيها نايمة. طب والله أحسن. أنام شوية أنا في أمان الله. .................... في الصباح، تشرق الشمس بنورها الساطع في سماء القاهرة على قصر الجرحى. في غرفة فهد وندى. ندى قامت بدري، أخدت شور ولبست سلوبت كحلي ببنطلون واسع وكوتش أبيض، وسابت شعرها. ندى راحت عند فهد. ندى بحنان: فهدى.
فهد بنوم: اممم، في فراولة جنب السرير يا ندى، كلي وكملي نوم وسيبيني أنام. ندى بضحك: أنا مش عايزة فراولة، أنا عايزة أروح لملك عشان نروح المول. فهد قام قعد على السرير. فهد بخبث: طب مفيش صباح الخير لفهدك؟ ندى بطيبة: صباح الخير يا فهدى. فهد بخبث: إحنا بنقوله كده برضو. وشدها، قبلها قبلة حب وبعد عنها ودخل الحمام. ندى: قليل الأدب أوي. وقامت راحت على باب الحمام. ندى: فهدى، أنا هنزل تحت أستناك، ماشي؟ فهد من جوه: ماشي.
وراحت ندى على غرفة ملك. .................. في غرفة ملك. ندى راحت لقت نور. ندى: صباح الخير يا بنات. نور وملك: صباح النور. نور: هروح امتى؟ ندى: إيه رأيكم نروح بعد الفطار. ملك: تمام، يلا ننزل نفطر. ونزلوا على السفرة. الكل متجمع على الفطار في فرحة وبهجة. شريف مبسوط إنه عنده عيلة حلوة كده. وبدأ الكل ياكل. بعد الفطار. ندى: فهد، إحنا هنروح دلوقتي المول. فهد: تمام، أوعي تنسي البدلة. ندى: حاضر.
وقاموا واتجه البنات للمول، والشباب للشغل، مع قرار عمر بإجازة لمراد وفهد. وده هيكون آخر يوم في شغل فهد ومراد، ومش هيروحوا غير بعد الفرح. ..................... في المول. ندى: لأ يا ملك، انتي عروسة. هاتى أبيض، ليه تجيبي أوف وايت؟ ملك بطفولة: لأ مليش دعوة، هجيبه. نور: خلاص شوية وهتعيط، خليها تجيبه. ندى: خلاص، انتي حرة. وجابت الفستان. نور اشترت فستان لونه بينك منفوش من عند الوسط، وجزمة كعب بسيط لونها بينك برضو.
ندى اشترت فستان لونه بنيتي ضيق كله ومنفوش من تحت خالص، وجزمة سودة وبكمام شفافة. ندى: كده إحنا خلصنا، يلا نروح مول بدل فهد. ملك: يلا. ركبوا ووصلوا المول. ندى لصاحب المول: لو سمحت، كنت عايزة بدلة. تكون سودة بس تكون أنيقة وحلوة. صاحب المول: حضرتك متعاملة معانا قبل كده؟ ندى: جوزي بيتعامل معاكم ديما. صاحب المول: آسف، بس في ناس كتير أزواجهم بيتعاملوا معانا. انتي مرات مين؟ ندى: فهد الجرحي.
صاحب المول بخوف من اسمه: اتفضلي يا مدام. فهد بيه صاحب الشركة كلها، اتفضلي على المكتب ارتاحي. ندى: لأ شكراً، أنا عايزة البدلة لأني مستعجلة. صاحب المول: تمام، أنا عارف ذوق فهد بيه في البدل. ارتاحي، وربع ساعة تكون عندك. قعدت ندى والبنات مع معجبين المول إن دي مرات فهد الجرحي. ..................... في شركة الجرحي. مراد: فهد، إحنا كده مفيش ورانا أي صفقات الأيام دي. يعني ناخد إجازة وقت ما نحب. فهد: تمام.
فهد للسكرتيرة: لسه في أي اجتماعات؟ السكرتيرة: لأ يا فهد بيه. فهد: تمام، يلا نمشي إحنا يا مراد. فهد: أي حاجة تحصل في الشركة أكون عرفها، تمام. السكرتيرة: تمام. ومشى فهد ومراد بعربية. مراد: هتعمل إيه مع رحمة؟ البنت في المخزن بقالها فترة، ولو قعدت أكتر من كده هتموت. فهد ببرود: أنا حجزت لها على لندن، طاعتها وسفرها. لأن لو جيت ليها هقتلها. مراد: تمام. ........................ عند ندى.
أخدت البدلة ومشيت هي والبنات. وصلوا الفيلا. ................... في فيلا الجرحي. وصل فهد الفيلا مع هزاره وهو ومراد، وطلع الأوضة. فهد: المز بتاعي بيعمل إيه؟ ندى: قاعدة بجهز الميكب اللي يليق للفستان. فهد: هاتي الفستان وريني. ندى: لأ مفاجأة. فهد: آه، يبقى عريان. ندى: لا والله مش عريان. فهد بخبث: في ناس كملت الشهر التالت امبارح واتكسفت تقول، وأنا عرفت. وهو بيقرب منها أوي. ندى بتوتر: كذب. أنا لسه أسبوع وأكمل.
فهد: أوبا، وكذب كمان. لالا كده كتير. ندى بخوف: انت عايز إيه يعني؟ فهد بتوهان: وحشتيني يا بططي. ندى بكسوف: بس بطتك تعبانة. فهد بتوهان أكتر: قبلها. قبلة اشتياق وحب وغضب طالت لدقائق. فهد: مقدرش أعيش من غيرك لحظة. وذهبو لعالمهم الخاص. .................... عند مراد. نور: مراد. مراد بسرعة: المشمش جنبك. نور بغيظ: مش عايزة مشمش. مراد: أي تين ينفع؟ نور: مراد، متخلنيش أتعصب عليك. مراد: عايزة إيه يا نور في ليلتك دي؟
نور بدموع: أيوا، لما حملت خلاص مبقاش ليا لازمة. مش كنت عايز بيبي؟ ولما خلاص هيجي، معدش بتحبني. مراد بحب: أنا دا، أنا مقدرش أعيش من غيرك يا نوري. طب وربنا بحبك. وقبل وجهها. نور بحب: وأنا بعشقك يا مراد. ................. عند ملك. عمر: خلاص، كلها يومين وهتكوني ليا. ملك بكسوف: بحبك يا عمر أوووي. عمر: وأنا بموت فيكي يا روح عمر. وبعد مرور يومين والحال على الحال. كل من أبطالنا يزداد حبهم لبعض يوم بعد يوم!
تابع الفصل التالى من هنا
